Sport

Rritet konkurrenca për Dybalan, gjiganti anglez i ofron 10 milionë euro në sezon lojtarit

Dybala iu bashkua Juventusit nga Palermo në një marrëveshje prej 40 milionë euro në vitin 2015.

Published

on

Disa klube të mëdha në Evropë janë lidhur me nënshkrimin potencial të Paulo Dybalas si lojtar i lirë në verë pasi ai raportohet se ka vendosur që të mos e vazhdojë kontratën me Juventusin derisa Interi u përmend si skuadra e parë e madhe e interesuar për shërbimet e tij.

Javë më parë ishte raportuar se bardhezinjtë i kishin ofruar Dybalas 10 milionë euro në sezon për vazhdimin e kontratës dhe se palët ishin afër mbylljes së marrëveshjes, por më pas ata janë tërhequr nga ky propozim duke zgjuar kështu pakënaqësi te lojtari dhe rrjedhimisht edhe bllokimin e negociatave.

Përveç Interit, në këtë skenar raportohet se janë futur edhe Liverpooli, Tottenhami dhe Manchester City me këta të fundit që sipas “La Gazzetta dello Sport”, do t’i ofrojnë argjentinasit një kontratë me 10 milionë euro në vit.

Dybala iu bashkua Juventusit nga Palermo në një marrëveshje prej 40 milionë euro në vitin 2015. Ai ka shënuar 111 gola në 276 paraqitje me “Zonjën e Vjetër”.

Sport

Igli Tare vazhdon pazaret e mira, e shet yllin e Milanit në Premierligë

Published

on

Igli Tare vazhdon ta dëshmojë veten se është një drejtor i zoti në detyrë.

Tare është marrë vesh me Leeds Unitedin për të shitur 24 milionë euro yllin e skuadrës, Noah Okafor.

Marrëveshja është arritur mëngjesin e sotëm dhe se lojtari zvicerian është nisur për në Angli.

Continue Reading

Sport

Lewandowski: Topi i Artë është komercial

Published

on

Robert Lewandowski ka kritikuar procesin e përzgjedhjes së Topit të Artë dhe ka përsëritur dyshimet e ngritura së fundmi nga Cristiano Ronaldo, duke sugjeruar se çmimi “The Best” i FIFA-s mund të jetë më i besueshëm se çmimi i France Football.

Duke folur për BBC-në, sulmuesi i Barcelonës tha se disa lojtarë të Barcelonës meritojnë njohje këtë vit bazuar në performancat e tyre.

“Ka pretendentë të fortë nga Barcelona që meritojnë vlerësim”, ka thënë fillimisht Lewandowski.

Lewandowski vuri në dyshim cili çmim individual kishte më shumë vlerë në futbollin modern.

“Nuk e di se cili është më i rëndësishëm: Më i miri nga FIFA që është më i drejtë apo Topi i Artë që është më komercial”.

Më pas ai reflektoi mbi mundësinë e tij të humbur në vitin 2020, kur ceremonia e Topit të Artë u anulua për shkak të pandemisë, pavarësisht se e udhëhoqi Bayern Munich drejt një triplete që më vonë u bë gjashtëfish.

“Askush nuk e kupton… është pjesë e futbollit dhe gjithashtu pjesë e politikës”, përfundoi sulmuesi polak.

Continue Reading

Sport

Man Utd përgatit 150 milionë euro për dy përforcime vendimtare

Published

on

Manchester United është futur fuqishëm në fazën e fundit të afatit kalimtar së verës, me synimin për të nënshkruar me dy lojtarë kyç: një portier dhe një mesfushor organizator.

Sipas mediumit Fichajes, drejtuesit e Djajve të Kuq i kanë vendosur vetes dy objektiva të mëdha për të mbyllur në mënyrë të përkryer afatin kalimtar veror.

Pas gabimeve të fundit dhe largimit të Andre Onanës, klubi kërkon një portier që bën diferencën.

Gianluigi Donnarumma nga Paris Saint-Germain është objektivi kryesor, një emër me përvojë në ndeshje të mëdha, i cili sjellë qetësi dhe siguri në prapavijë.

Partneriteti aktual mes Casemiros dhe Bruno Fernandes nuk ka funksionuar siç pritej dhe United po synon gjithashtu një mesfushor.

Talenti i ri i Crystal Palace, Adam Wharton, synohet për të sjellë ekuilibër në mesfushë dhe për t’i dhënë Brunon më shumë liri sulmuese.

Drejtuesit e Unitedit thuhet se kanë vënë në dispozicion 150 milionë euro për të mbyllur këto marrëveshje. Ideja e klubit të mëdha anglez është të ndërtoj një formacion titullar që mund të përballet me skuadrat më të mëdha në Angli dhe Evropë.

Tifozët kërkojnë suksese, dhe këto dy afrime mund të jenë çelësi i një sezoni ndryshe.

Continue Reading

Sport

Lamine Yamal imiton LeBron James, teksa i vendos vetes tri sfida për ta fituar Topin e Artë

Published

on

Yamal shënoi në fitoren 3-0 të Barcelonës kundër Mallorcës. Ylli i Barcelonës, Lamine Yamal, i ka vendosur vetes tre sfida në mënyrë që një ditë të fitojë Topin e Artë.

18-vjeçari është një nga favoritët për ta fituar çmimin e këtij viti pas një sezoni fantastik në La Liga dhe Ligën e Kampionëve me Barcelonën.

Ai shënoi 18 gola dhe dha 21 asiste në të gjitha garat, ndërsa skuadra e Hansi Flick fitoi kampionatin spanjoll dhe arriti deri në gjysmëfinale të Evropës.

Ka mbetur edhe një javë deri në mbylljen e votimeve më 25 gusht, ndërsa ceremonia e ndarjes së çmimeve do të mbahet më 22 shtator në Paris.

Yamal e nisi sezonin e ri me stil të dielën mbrëma, duke shënuar dhe asistuar në fitoren e lehtë 3-0 ndaj Mallorcës në Palma de Mallorca.

Edhe pse Ousmane Dembélé është favorit i madh sipas basteve për të fituar Topin e Artë, pak njerëz do të vinin bast kundër Yamal që ta ngrejë këtë trofe në një moment të karrierës së tij. Duke pasur këtë parasysh, Mundo Deportivo raporton se sulmuesi i ka vendosur vetes tre objektiva për sezonin e ardhshëm.

Edhe pse janë objektiva të zakonshme, të shënojë më shumë, të marrë përsipër goditjet e lira dhe penalltitë tregojnë se Yamal dëshiron të pozicionohet si lider i sulmit të Barcelonës për shumë vite.

Yamal imiton LeBron James

Gjatë fitores ndaj Mallorcës, Yamal festoi golin duke bërë shenjën e kurorës – një stil festimi i drejtpërdrejtë si i legjendën e NBA, LeBron James.

Ai e përdori për herë të parë në ndeshjen miqësore të verës kundër skuadrës koreane FC Seoul – të udhëhequr nga ish-mesfushori i Manchester United, Jesse Lingard – dhe e ka bartur tashmë edhe në sezonin zyrtar. Yamal madje e përmendi LeBron edhe në një postim në Instagram pas ndeshjes.

Pas golit, ai u tha gazetarëve: “Jam i lumtur – ishte një ëndërr, një ëndërr që e kisha. Të shënoj duke veshur këtë fanellë dhe këtë numër, që është shumë i veçantë për mua. Jam gjithashtu shumë i lumtur për fitoren e skuadrës”. 

Continue Reading

Të kërkuara