Lajmet

Rriten rastet e fëmijëve që raportojnë dhunën

Fushata sensibilizuese po vlerësohet të ketë ndikuar që fëmijët të raportojnë dhunën ndaj tyre.

Published

4 years ago

November 10, 2021

Betim Gashi

“Dhuna nuk ka justifikim”, “Dhuna nuk ka disiplinë”, janë mesazhet që u ekspozuan në Sheshin “Skënderbeu” në Prishtinë, e që vie në kuadër të fushatës sensibilizuese për promovimin e Ligjit për Mbrojtjen e Fëmijës.

Fushata sensibilizuese po vlerësohet të ketë ndikuar që fëmijët të raportojnë dhunën ndaj tyre. Kështu u tha në një organizim që u mbajt në kuadër të fushatës “Dhuna nuk ka Justifikim”.

Përfaqësuesi i organizatës “Syri i Vizionit”, Naser Lajçi, theksoi se është rritur numri i rasteve ku fëmijët raportojnë për ngacmimet, bullizimin e edhe dhunën ndaj tyre. Ndonëse nuk kanë ende një raport të detajuar, Lajçi tha se në bazë të statistikave nga institucionet gjegjëse vërehet rritja e rasteve të dhunës. Por megjithëkëtë, ai thotë se me numra do të flitet atëherë kur do të përfundojë hulumtimin të cilin janë duke e bërë.

“Kemi një rritje të raportimeve të rasteve, që do të thotë fushata dhe puna jonë ka ndikuar që fëmijët kanë marrë guximin të raportojnë rastet qoftë ngacmimit, bullizimit dhe rasteve të dhunës. Akoma nuk është bërë një analizë nëse ka një rritje të rasteve të dhunës apo rritje të raportimeve por statistikat që i pranojmë dhe kontaktet që i kemi me fëmijë shihet që ka rritje të rasteve të raportimeve në krahasim me dy-tri vitet e mëparshme”, tha ai.

Lajçi ka shtuar se në bazë të hulumtimit që do të jetë i gatshëm në fund të këtij viti do të dihet edhe se si qëndron situata e sigurisë në shkolla.

Ndërsa, drejtori i Zyrës për Qeverisje të Mirë në kuadër të Zyrës së Kryeministrit, Habit Hajredini, thotë se Qeveria është duke punuar në vazhdimësi për zbatimin e Ligjit për Mbrojtjen e Fëmijëve.

“Ne vetëm se kemi filluar një fushatë e cila do të jetë në vazhdimësi edhe në vitin 2022 për t’i vetëdijesuar institucionet në nivel lokal dhe qendror por edhe për t’i informuar qytetarët, fëmijët, nxënësit, trekëndëshin e përgjithshëm në familje për veprimet që duhet të ndërmerren institucionet në zbatim të ligjit. Është tepër e rëndësishme që të informohen qytetarët por edhe fëmijët për obligimet që ka një institucion për t’i mbajt fëmijët. Mesazhet që po i adresojmë në komunat e Kosovës janë mesazhe të vetë fëmijëve që ata me shkrimet e tyre, t’i tregojnë nevojat për mbrojtjen në rastin për të drejtat e tyre, ky është një mobilizim i mirë që do të jetë në vazhdimësi gjatë gjithë vitit 2022, ky është një obligim i joni ligjor por edhe një obligim i fëmijëve tanë në vendin tonë”, tha Hajredini.

Fushata sensibilizuese “Dhuna nuk ka justifikim” është pjesë e fushatës së promovimit të Ligjit për Mbrojtjen e Fëmijës me theks të veçantë ndalimin e ndëshkimit trupor dhe dhunës ndaj fëmijëve, gjatë kësaj kohe u mbajt edhe në 6 qendrat më të mëdha të Kosovës.

Vendi

Exit Polli e nxjerrë fitues Përparim Ramën në Prishtinë

Published

6 hours ago

November 9, 2025

Driton Iseni

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Rajoni

Rektori Hajrizi viziton UniMarconi në Romë

Published

2 days ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

2 days ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/