Lajmet

RrGK: Mendësia patriarkale dhe brishtësia e institucioneve sfidë për viktimat e dhunës

Nga RrGK thonë se dënimet e vogla nga Gjykatat krijojnë një lloj frike te viktimat.

Published

on

Dhuna ndaj grave dhe zvarritjet e proceseve gjyqësore ka bërë që shumë gra të kërkojnë asistim nga Rrjeti i Grave të Kosovës (RrGK). Besarta Breznica, koordinatore e Rrjetit të Grave, thotë se sfiduese mbetet mendësia patriarkale dhe brishtësia e institucionale, që pengon mbrojtjen e viktimës të dhunës.

Breznica thotë për Ekonomia Online se është shqetësuese që ka raste kur viktima e dhunës shkon në polici, por nuk trajtohet si e tillë, dhe nuk ia marrin deklaratën fare duke e injoruar rastin.

“Statistikat nga Policia e Kosovës gjithmonë tregojnë se rastet e dhunës në familje janë në rritje. Mirëpo vlen të ceket se ato janë vetëm raste që janë raportu në Policinë e Kosovës, kurse ka shumë gra të cilat nuk e raportojnë dhunën në familje dhe e mbajnë brenda mureve të tyre. Vetëm vitin e kaluar kemi asistuar diku rreth 43 apo 50 gra dhe lëndët e tyre mbesin ende në gjykata. Gjykata gjithmonë rastet e dhunës në familje i trajton me prioritet, por nganjëherë kemi huqje të mëdha në gjithë zingjirin institucional, ka probleme të shumta, duke filluar nga policia deri tek Gjykatat. Kemi raste, monitorimi jonë dhe puna jonë në terren me gratë e tregon që në polici kemi raste kur policët nuk e marrin deklaratën e viktimës fare, dhe kjo është mjaft shqetësuese sepse nëse një polic në korridor i thotë viktimës shko në shtëpi se nuk paske kurrgjë atëherë këtu tregon ku ne jemi me drejtësinë. Atëherë dështojnë të gjithë zingjirët e tjerë”, deklaroi ajo.

Krahas kësaj, Breznica thotë se dënimet e vogla nga Gjykatat krijojnë një lloj frike te viktimat.

“Edhe nëse rasti shkon shumë mirë në polici, kur dalim në prokurori kemi qalime të shumta. Për shembull prokurorët e cilësojnë një vepër ndryshe me atë çka është realiteti. Pas kësaj kemi edhe raste të shumta që Gjykatat nuk dënojnë mjaftueshëm dhunuesit e grave. Nuk i dënojnë mjaftueshëm personat që ushtrojnë dhunë në familje dhe automatikisht kjo krijon një lloj frike tek viktimat dhe ato hezitojnë të raportojnë dhunën në familje. Ne kemi reagime të shumta dhe kemi organizuar protesta të shumta në raste të tilla kur kanë bërë lëshime gjykatat apo rastet e tjera. Gjithashtu ne e monitorojmë rregullisht punën e organizatave dhe të gjitha institucioneve. Implementimi i ligjit është mjaft sfidues në Kosovë. Cilat janë arsyet që është mjaft sfidues dhe hulumtimet e tona tregojnë mjaftueshëm për këtë çështje është mendësia patriarkale dhe brishtësia e institucionale. Këto të dyja bashkë nuk i lejojnë institucionet me vepru tutje dhe në të mirën e viktimës. Hulumtimet e Rrjetit të Grave të Kosovës tregojnë se 68 për qind e grave kanë përjetuar ndonjë dhunë gjatë gjithë jetës së tyre dhe kjo është një shifër mjaft tronditëse”. Arsyet pse nuk raportohet janë të ndryshme duke filluar nga kujdestaria e fëmijëve, mendësia patriarkale pastaj dhe gratë janë ekonomikisht të varura dhe familja e origjinës nuk i pranon ato. Edhe institucionet jo gjithmonë janë në mbrojtje të grave dhe në mbrojtje të tyre dhe në ofrimin e sigurisë me të cilën ato edhe zotohen që duhet ta bëjnë”, tha ajo.

Lajmet

Radoniqi për rezultatet e zgjedhjeve: Duhet t’i presim edhe ankesat nga PZAP

Published

on

By

Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.

Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.

Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.

Procesi i numërimit në QNR më së voni përfundon ditën e nesërme. Por për detaje  numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.

Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.

“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.

Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.

“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.

Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO

Continue Reading

Lajmet

UBT dhe Universiteti i Minho-s nënshkruajnë marrëveshje bashkëpunimi akademik në Braga

Published

on

By

Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Kjo marrëveshje ka si objektiv të promovojë shkëmbimin e studentëve të ciklit të parë dhe të dytë, duke ofruar mundësi për përvoja akademike dhe kulturore nga të dyja anët. Gjithashtu, marrëveshja parasheh mbikëqyrjen e përbashkët të tezave të masterit, nxitjen e hulumtimeve dhe inovacionit në fushat përkatëse.
Një aspekt i rëndësishëm i kësaj marrëveshjeje është lehtësimi dhe zhvillimi i përbashkët i planeve dhe kurrikulës së programeve me interes të përbashkët në përputhje me politikat zhvillimore dhe kërkesat e tregut.
Me këtë marrëveshje, dy rektorët u zotuan se do të angazhohen për të krijuar një partneritet të qëndrueshëm dhe të frytshëm, i cili do të sjellë përfitime të ndërsjella për të dyja institucionet./UBTNews

Continue Reading

Lajmet

​Kërkohet paraburgim ndaj të miturit për kontrabandimin e 5 shtetasve kinezë

Published

on

By

Prokuroria Themelore në Ferizaj, Departamenti për të Mitur, ka kërkuar nga Gjykata Themelore në Ferizaj, caktimin e masës së paraburgimit ndaj të miturit, nën dyshimet se ka kryer veprën penale kontrabandë me migrantë.

Ekziston dyshimi i bazuar se më 21 tetor 2025 rreth orës 20:20, në Seqishtë, Hani i Elezit, saktësisht te Parku memorial “Bllaca 99”, i mituri ka organizuar-kontrabanduar kalimin e jashtëligjshëm të migrantëve, saktësisht pesë persona me shtetësi kineze, duke kaluar vijën kufitare Kosovë-Maqedoni e Veriut.

Personi i mituri fillimisht ishte takuar dhe kishte komunikuar me personat në fjalë në shtetin e Serbisë, dhe kishin bërë marrëveshje që për secilin person të marrë pagesë në vlerë prej 20 euro, e më pas i merr personat nga shteti i Serbisë, hyjnë në shtetin e Kosovës, ku i mituri siguron një automjet, ku e drejton një person deri më tani i panjohur, dhe i fusin në veturë që të gjithë, e më pas të njëjtit i dërgon te vija kufitare Kosovë-Maqedoni Veriore, ku aty nga njësiti patrullues kufitar janë vërejtur dhe kanë arritur të ndalojnë që të gjithë dhe t’i shoqërojnë në stacionin policor kufitar rajoni Lindje-Kaçanik, ku i mituri edhe është arrestuar, me këtë kishte për të kryer veprën penale kontrabandim me migrantë.

I mituri me vendim të Prokurorit të Shtetit gjenden nën masën e ndalimit 24-orë./KP

Continue Reading

Lajmet

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës

Published

on

Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.

Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.

“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.

Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.

“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

Continue Reading

Të kërkuara