Aktualitet

RrGK: Institucionet e drejtësisë vazhdojnë të inkurajojnë dhunuesit e vajzave

RrGK theksoi se Gjykata Themelore e Pejës ka dështuar të shqiptojë dënimin e merituar.

Published

on

Rrjeti i Grave të Kosovës (RrGK) me shqetësim të thellë ka përcjell raportimin e bërë sot në media lidhur me vendimin e Gjykatës Themelore në Pejë, e cila e ka dënuar me vetëm tetë muaj burgim të akuzuarin P.K për dhunimin e një vajze 15-vjeçare në vitin 2012.

RrGK nëpërmjet një komunikate thekson se duke qenë se sipas ligjit kjo vepër penale dënohet 5 deri në 20 vite burgim, Gjykata Themelore e Pejës ka dështuar të shqiptojë dënimin e merituar për dhunën ndaj vajzave, duke pasqyruar kështu edhe një herë mungesën e reagimit institucional ndaj rasteve të dhunës me bazë gjinore.

“Në këtë vendim, gjykata ka përdorur arsyetime të papranueshme e skandaloze, siç janë arsyetimet se “viktima nuk kishte pësuar lëndime”, dhe se “i akuzuari kishte sjellje korrekte”. Arsyetime të tilla veçse vërtetojnë se viktima nuk ka qenë prioritet për Gjykatën Themelore në Pejë. RrGK vlerëson së këso vendime të ulta vetëm sa po motivojnë edhe më shumë dhunuesit, kurse po demotivojnë gratë dhe vajzat për ta raportuar dhunën ndaj tyre. Andaj, përmes kësaj kumtese, RrGK kërkon nga Prokuroria Themelore në Pejë që të sqarojnë se a kanë ankimuar kundër këtij vendimi në Gjykatën e Apelit. Kjo duke kujtuar se Prokuroria Themelore është përgjegjëse për trajtimin e këtyre rasteve duke i mbrojtur viktimat e duke i përcjell rastet deri në fund, e jo vetëm duke e dërguar aktakuzën”, thuhet në reagim.

RrGK përsërit thirrjen ndaj institucioneve përgjegjëse të drejtësisë si Gjykatat, Prokuroria, dhe Policia e Kosovës, që t’i trajtojnë me prioritet rastet e dhunës ndaj grave dhe vajzave, duke pasur gjithnjë në qendër qasjen e bazuar në viktimën.

Bota

Trump rekomandon tarifa prej 50% për importet e BE-së duke filluar nga 1 qershori

Published

on

By

Presidenti i SHBA-së, Donald Trump ka rekomanduar që eksportet nga Bashkimi Evropian në Shtetet e Bashkuara të Amerikës – t’i nënshtrohen një tarife prej 50%, sipas një postimi në “Truth Social”.

Blloku, i cili u formua me qëllimin kryesor për të përfituar nga Shtetet e Bashkuara të Amerikës në TREGTI, ka qenë shumë i vështirë për t’u trajtuar”, tha Trump duke kritikuar BE-në.

Barrierat e tyre të fuqishme Tregtare, Taksat e TVSH-së, Gjobat qesharake të Korporatave, Barrierat Tregtare Jo-Monetare, Manipulimet Monetare, paditë e padrejta dhe të pajustifikuara kundër Kompanive Amerikane dhe më shumë”, tha presidenti amerikan duke përshkruar një listë të gjatë ankesash.

Presidenti Trump tha se bisedimet tregtare me Brukselin “nuk po shkonin gjëkundi” dhe se për këtë arsye ai kërkonte një tarifë të drejtpërdrejtë prej 50% për të gjitha importet e BE-së – duke filluar nga 1 qershori.

Trump – siç ka bërë në postime të tjera – rreth politikave të tij të diskutueshme tregtare, u kujtoi lexuesve se nuk ka tarifë nëse një produkt prodhohet në SHBA./atsh

Continue Reading

Bota

Ushtria Amerikane organizon paradën madhështore, përkon me ditëlindjen e Trump

Published

on

By

Më 14 qershor, Ushtria Amerikane do të organizojë një paradë të madhe ushtarake për të shënuar 250-vjetorin e themelimit të saj, një ngjarje historike që ka ngjallur diskutime për shkak të përkimit me ditëlindjen e presidentit Donald Trump.

Sipas zyrtarëve të ushtrisë, parada do të përfshijë mbi 6,600 ushtarë, 150 automjete ushtarake, 50 helikopterë, si dhe performanca nga shtatë banda muzikore ushtarake. Kjo është një nga ngjarjet më të mëdha ceremoniale të organizuara nga ushtria amerikane në dekadat e fundit.

Megjithëse ushtria këmbëngul se qëllimi i paradës është thjesht për të nderuar themelimin e saj në vitin 1775, kritikë nga Kongresi amerikan e kanë cilësuar ngjarjen si një “festë ditëlindjeje për Trump-in”, duke e cilësuar shpenzimin si të pajustifikueshëm në kurriz të taksapaguesve.

Pjesëmarrja e Trump-it mbetet e paqartë, por burime nga mediat ndërkombëtare raportojnë se ai pritet të marrë pjesë në disa aktivitete ceremoniale. Ai gjithashtu mund të administrojë betimin për rekrutë dhe ushtarë të rinj që do të regjistrohen atë ditë.

Trump e kishte hedhur për herë të parë idenë për një paradë të stilit ushtarak gjatë mandatit të tij të parë si president, por plani u ndalua për shkak të shqetësimeve të larta mbi koston.

Continue Reading

Bota

Trump: Rusia dhe Ukraina bien dakord për shkëmbim të të burgosurve të luftës

Published

on

By

Presidenti i SHBA-së, Donald Trump, njoftoi se Rusia dhe Ukraina kanë arritur një marrëveshje për të zhvilluar së shpejti një shkëmbim në shkallë të gjerë të të burgosurve të luftës.

Një marrëveshje e madhe për shkëmbim të burgosurish sapo u përfundua midis Rusisë dhe Ukrainës. Do të hyjë në fuqi së shpejti. Urime të dyja palëve për këtë negociatë,” shkroi Trump në platformën e tij Truth Social, duke shtuar se kjo marrëveshje mund të jetë një hap i rëndësishëm përpara.

Zëdhënësi i Kremlinit, Dmitry Peskov, konfirmoi se Moska ka marrë një listë kundërshtare nga Kievi për një shkëmbim “1,000 për 1,000” të të burgosurve. Ai theksoi se Rusia dëshiron që ky proces të zhvillohet sa më shpejt, edhe pse është kompleks.

Raundi i parë i bisedimeve mes palëve u mbajt më 16 maj në Stamboll, ku u dakordësua për këtë shkëmbim si pjesë e përpjekjeve për të arritur një armëpushim dhe për të vazhduar negociatat.

Kreu i delegacionit rus, Vladimir Medinsky, shprehu kënaqësinë e Moskës për rezultatin e takimit.

Continue Reading

Bota

Bisedimet bërthamore SHBA- Iran hyjnë në fazën kritike

Published

on

By

Negociatat midis Uashingtonit dhe Teheranit mbi programin bërthamor të diskutueshëm të Iranit hyjnë sot në fazën vendimtare.

I dërguari special i SHBA-së, Steve Witkoff dhe ministri i Jashtëm iranian, Abbas Araghchi pritet të marrin pjesë sot në raundin e pestë të bisedimeve, në Romë.

Shteti i Gjirit, Oman, po ndërmjetëson midis dy vendeve. Shtetet e Bashkuara të Amerikës po kërkojnë që qeveria iraniane të ndalojë plotësisht pasurimin e uraniumit, të cilin Uashingtoni e sheh si një masë të nevojshme për të parandaluar përgjithmonë zhvillimin e armëve bërthamore.

Teherani e refuzon këtë kërkesë, por ka treguar gatishmëri për të kufizuar sërish programin bërthamor dhe për të lejuar kontrolle më të rrepta.

Të dyja palët, fillimisht kishin shprehur optimizëm në fillim të bisedimeve. Megjithatë, pas takimit të fundit në kryeqytetin e Omanit, Muscat, dolën në pah dallime të rëndësishme mbi çështjen qendrore të pasurimit të uraniumit.

Ekspertët thonë se negociatat tani janë në një fazë kritike.

Continue Reading

Të kërkuara