Lajmet

​RrGK e shqetësuar me dënimin e ‘ulët’ për të akuzuarit në rastin e dhunimit të 11-vjeçares

Sipas RrGK-së, gjykata ka shqiptuar minimumin e dënimit.

Published

11 months ago

on

Rrjeti i Grave të Kosovës ka shprehur shqetësim të madh në lidhje me dënimin e dhënë nga Gjykata Themelore në Prishtinë për rastin e dhunimit të një 11-vjeçareje.

Sipas RrGK, vepra penale për të cilën po akuzohen të pandehurit sipas Kodit Penal të Kosovës, është e dënueshme me burgim së paku 10 vjet.

Sipas RrGK-së, gjykata ka shqiptuar minimumin e dënimit, vendim të cilin e vlerësojnë si skandaloz dhe të papranueshëm.

“Ne si shoqëri, përfshirë Rrjetin e Grave të Kosovës, shprehim një shqetësim të thellë në lidhje me trajtimin e rasteve të dhunimit nga institucionet e drejtësisë. Është thelbësore që gjykatat të kuptojnë peshën dhe ndikimin e këtyre rasteve në shoqëri dhe të ndërmerren veprime me seriozitet dhe dinjitet në trajtimin e tyre”, thuhet në reagim.

Rrjeti i Grave konsideron se dënimet minimale që shqiptohen për këto vepra shkaktojnë shqetësim për gratë dhe vajzat në Kosovë.

“Kjo situatë i dekurajon viktimat e dhunës për të raportuar rastet e tyre dhe e bën më të vështirë për ta gjetur besimin në sistemin e drejtësisë. Rrjeti i Grave të Kosovës do të vazhdojë të monitorojë reagimin institucional ndaj rasteve të dhunës me bazë gjinore dhe të angazhohet për të siguruar mbështetje dhe drejtësi për viktimat e këtyre veprave të tmerrshme. Ne jemi të hapur për bashkëpunim dhe ndihmë për viktimat e dhunës me bazë gjinore përmes këshillimit ligjor falas dhe referimit tek institucionet relevante. Nëse keni nevojë për ndihmë juridike falas për rastet e dhunës me bazë gjinore, apo njihni dikë që ka nevojë, na kontaktoni në numrin: 048 105 800”, përfundon reagimi.

Gjykata Themelore në Prishtinë i ka dënuar me 62 vjet burgim të akuzuarit në rastin e dhunimit të 11-vejçares.

Sipas njoftimit Gjykata Themelore në Prishtinë – Departamenti për Mitur ka shpallur Aktgjykimin në çështjen penale kundër të akuzuarve B.R, D.RR, B.S, M.S, F.S, M.R, G.S dhe E.S.

“Të akuzuarit B.R, D.RR, B.S, M.S, F.S, M.R janë shpallur fajtor dhe janë dënuar nga gjykata, pasi të njëjtit veç e veç kanë kryer veprën penale të Dhunimit, ashtu që i akuzuari B.RR është dënuar me dënim me burgim në kohëzgjatje prej dymbëdhjetë (12) viteve, ndërsa të akuzuarit D.RR, B.S, M.S, F. S dhe M.R janë dënuar në kohëzgjatje prej dhjetë (10) vitesh, secili veç e veç”, thuhet në njoftim të Gjykatës Themelore.

Related Topics:
Continue Reading

Lajmet

DhTIK shpreh sërish shqetësimin për kamatat e larta të kredive nga bankat komerciale

Published

2 minutes ago

on

March 6, 2025

By

Dhoma e Tregtisë dhe Industrisë Kosovë (DHTIK) shpreh sërish shqetësimin për kamatat e larta të kredive nga bankat komerciale në vendin tonë.

Megjithëse sipas DHTIK edhe në raportet e BQK-së kreditë e këqija vazhdojnë të jenë shumë të ulëta, bankat mbeten dorë shtrënguese sa i përket dhënies së kredive me norma më të favorshme të interesit.

“Kjo qasje po u shkakton probleme të mëdha bizneseve tona, të cilat përkundër shumë sfidave, po përpiqen të zgjerojnë investimet e tyre. Numër i madh i bizneseve tona anëtare, kanë raportuar për norma të larta të interesit dhe administrata jo efikase”, thuhet në reagimin e Dhomës së Tregtisë dhe Industrisë Kosovë (DHTIK).

Sipas DhTIK, mungesa e likuiditetit është jetike për të mbështetur prodhimin dhe eksportet.

“Derisa në vendet e rajonit shtetet kanë ndërmarrë veprime të ndryshme, ku sipas të dhënave që i kemi mbledhur, normat e interesit në kredi janë shumë më të ulëta. Madje ka shtete, të cilat kanë marrë iniciativa për të inkurajuar bizneset edhe nga Kosova që të bartin prodhimin, duke ju ofruar kushte shumë më të favorshme, përfshirë edhe kamata shumë më të ulëta sesa ato që i ofron sektori bankar në Kosovë”, thuhet në njoftim.

Me këtë rast Dhoma e Tregtisë dhe Industrisë Kosovë, i bënë thirrje institucioneve kompetente shtetërore, BQK-së dhe sektorit bankar, që të ndërmarrin hapa të menjëhershëm në mbështetje të bizneseve, pasi nga kjo qasje po pëson ekonomia edhe ashtu e brishtë e vendit, e cila përballet me numër të madh të sfidave.

Ndryshe, bankat komerciale në Kosovë vazhdojnë me i rritur fitimet e tyre vit pas viti. Ky sektor financiar në vend, ka arritur të ketë profit të lartë gjatë vitit 2024.

Sipas raportit të fundit të Bankës Qendrore të Kosovës(BQK) për vitin 2024, nga kreditë bankare dhe shërbimet tjera ndaj qytetarëve dhe bizneseve, bankat komerciale kanë pasur fitim të pastër 182.1 milionë euro ose rreth 27 milionë euro më shumë se në vitin 2023. Në vitin 2023 profiti i bankave ishte 155 milionë euro, raporton KosovaPress.

Norma e interesit mesatare është mbi 6 për qind. Sipas BQK-së vlera e kredive për ekonomitë familjare, biznese dhe korporata tjera financiare arrin 5 miliradë e 813.4 milionë euro.

Continue Reading

Lajmet

Emrat e 1,432 fëmijëve të vrarë në Kosovë shfaqen në Prekaz

Published

38 minutes ago

on

March 6, 2025

By

Një simbol me emrat e 1432 fëmijëve të vrarë gjatë luftës në Kosovë është vendosur sot në Prekaz, duke shërbyer si një kujtesë e dhimbshme për tragjedinë dhe padrejtësinë e pësuar.

Fëmijët, ëndrrat e të cilëve u ndërprenë në gjysmë, mbeten një plagë e hapur për familjet dhe shoqërinë kosovare. Drejtësia për ta ende nuk është arritur, ndërsa kujtimi për ta mbetet i paharruar.

Nxënës të shkollave fillore nga mbarë Kosova kanë vizituar sot Prekazin dhe këtë simbol, duke lexuar me dhembshuri emrat e moshatarëve të tyre, të cilët nuk patën mundësinë të rriten, të mësojnë e të ndërtojnë të ardhmen e tyre.

Continue Reading

Lajmet

Dogana në Bogorodicë sekuestron 18 kilogram argjend, veshmbathje, këpucë dhe lodra

Published

1 hour ago

on

March 6, 2025

By

Në vendkalimin kufitar Bogorodicë, doganierët parandaluan një tentativë kontrabande duke sekuestruar 18 kilogramë bizhuteri argjendi dhe 180 parfume me vlerë 1.18 milionë denarë. Mallrat u gjetën të fshehura në një makinë që drejtohej nga një shtetas i Kosovës, i cili tashmë është dënuar nga gjykata kompetente.

Ndërkohë, në vendkalimin kufitar Dojran dhe njësi të tjera doganore në Maqedoninë e Veriut, janë zbuluar dhe sekuestruar 1852 copë veshmbathje, këpucë dhe lodra të markave të njohura si Valentino, Prada dhe Mercedes, për shkak të shkeljes së të drejtave të pronësisë intelektuale.

Po ashtu, në vendkalimin kufitar Mexhitli, janë zbuluar 27 kuti cigare pa pulla akcize të fshehura në kabinat e dy kamionëve me targa maqedonase. Në Novo Sellë, një kamion norvegjez u ndalua me mallra të pa deklaruara si bandazhë alumini dhe fenerë kamioni, ndërsa në Tabanovc një tjetër shofer tentoi të kontrabandojë tetë pjesë kamioni.

Dogana raportoi gjithashtu sekuestrimin e 43 tavolinave dhe 13 pajisjeve të përdorura për kuzhinë në njësinë doganore të Bllacës, pasi nuk ishin të mbuluara me dokumente doganore./UBTNews/

Continue Reading

Lajmet

Rama bën nderime pranë shtatores së heroit të Kombit Zahir Pajaziti

Published

1 hour ago

on

March 6, 2025

By

Në kuadër të shënimeve të 27-vjetorit të Epopesë së UÇK-së, kryetari i Prishtinës, Përparim Rama, ka bërë nderime pranë shtatores së heroit të Kombit Zahir Pajaziti.

Rama ka thënë se fal të rënëve për liri ne sot mund të planifikojmë të ardhmen.

“Bëmë nderime për nder të ditëve të fillimit të UÇK-së, të familjes së komandantit legjendar Adem Jashari dhe të gjithë dëshmoreve të rënë për lirinë, pavarësinë, paqen që ne sot e kemi edhe arsyen që sot mundemi ta planifikojmë për vetën për të ardhmen tonë”, tha Rama.

Continue Reading

Të kërkuara