Lajmet

Rreth 44 mijë aplikacione nga diaspora janë verifikuar, KQZ-ja po e pret Supremen për ta tërhequr shortin

Published

5 years ago

January 27, 2021

Betim Gashi

Komisioni Qendror i Zgjedhjeve (KQZ) është në pritje të subjekteve politike që t’i paraqesin ankesat e tyre në Gjykatën Supreme pas vendimit të Panelit Zgjedhor për Ankesa dhe Parashtresa.

Kështu ka bërë të ditur zëdhënësi i KQZ-së, Valmir Elezi në një intervistë për Ekonomia Online. Ai ka thënë se pas ankesave të subjekteve politike, KQZ-ja do të presë edhe vendimmarrjen e Gjykatës Supreme dhe pastaj të procedojë më tej.

“Siç e dini gjatë ditës së djeshme Komisioni Qendror i Zgjedhjeve ka pranuar vendimet nga ana e Panelit Zgjedhor për Ankesa dhe Parashtresa, me të cilat vendime i jepet të drejtë vendimmarrjes së KQZ-së gjatë mbledhjes së kaluar me 22 janar”, ka thënë ai.

“Ne jemi në pritje nëse subjektet politike do të paraqesin ankesat e tyre në Gjykatën Supreme sepse në këshilla juridike të vendimeve të PZAP-it palët njoftohen se mund të apelojnë vendimin e PZAP-it në Gjykatën Supreme, dhe sigurisht që KQZ-ja do të presë vendimmarrjen edhe të Gjykatës Supreme për të proceduar më tej”, ka shtuar zëdhënësi i KQZ-së, Valmir Elezi.

Pasi të dalin edhe vendimet e Gjykatës Supreme, KQZ-ja do të vazhdojë pjesën tjetër të planit operacional, ku edhe do të bëhet edhe tërheqja e shortit për renditjen e subjekteve politike.

“Pasi të kemi vendimet nga ana e Gjykatës Supreme, Komisioni Qendror i Zgjedhjeve do të vazhdojë me pjesën tjetër të planit operacional dhe në këtë drejtim pra është edhe tërheqja e shortit për renditjen e subjekteve politike, aktivitet i cili është paraparë sipas planit opercional të zhvillohet me datë 1 shkurt, dhe përmes këtij aktiviteti të gjitha subjektet politike garues në zgjedhje do të kenë numrin e tyre me të cilin do të renditen në fletëvotim dhe kjo pastaj hap rrugë edhe aktiviteteve të tjera siç është edhe fillimi i fushatës zgjedhore të subjekteve politike që sipas këtij plani është paraparë nga data 3 shkurt deri më 12 shkurt”, ka shpjeguar Elezi.

Po ashtu Elezi ka treguar se shërbimi votues është duke vazhduar punën intensive me regjistrimin dhe verifikimin e aplikacioneve të pranuara.

Ai ka thënë se janë aprovuar rreth 44 mijë, raporton EO.

“Aktualisht shërbimi i votues i Komisionit Qendror të Zgjedhjeve është duke vazhduar me verifikimin dhe shqyrtimin e aplikacioneve të cilat kanë ardhur nga qytetarët jashtë vendit, të cilët duan të regjistrohen si votues jashtë Kosovës. Sipas të dhënave të cilat i kemi deri në përmbylljen e ditës së djeshme me datë 26 janar, në sistem janë futur diku rreth 120 mijë aplikacione dhe prej tyre janë verifikuar rreth 44 mijë”.

“Nga shërbimi votues po ashtu jemi informuar se janë ende pa u hapur edhe 41 mijë e-maila pra të cilat i kemi pranuar gjatë periudhës së aplikimit. Vetëm pas përfundimit të kësaj periudhe të shqyrtimit dhe verifikimit ne do të kemi një raport përmes së cilit do të dimë saktë se sa është numri i aplikuesve jashtë vendit dhe se sa prej tyre kanë arritur të regjistrohen suksesshëm si votues jashtë Kosovës”, përfundoi ai.

Up Next

Rama: Dita Ndërkombëtare e Holokaustit është një arsye për t’u ndjerë krenarë për Shqipërinë

Don't Miss

Më 1 shkurt lansohet platforma shkollat.org

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

17 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

2 days ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

2 days ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/