Lifestyle
“Rregulli magjik” që ndoqën liderët më të suksesshëm të biznesit në botë
Published
4 years agoon
By
UBT newsEmra si Oprah Winfrey, Bill Gates, Warren Buffett, Mark Zuckerberg, janë liderët më të suksesshëm të biznesit në botë.
Shumë prej këtyre liderëve, edhe pse janë shumë të zënë, të paktën një orë në ditë (ose pesë orë në javë) ia dedikojnë aktiviteteve që i konsiderojnë si praktikë mësimi të domosdoshme. Fenomeni quhet “rregulli 5-orësh”.
Ja si liderat më të mëdhenj ndjekin rregullin 5-orësh!
Liderët që ju sjellim më poshtë, gjatë kësaj kohe përqendrohen në tre gjëra: leximi, reflektimi dhe eksperimentimi.
Leximi
Sipas një artikulli të HBR, “Phil Knight, themeluesi i Nike, detyron çdo person që shkon në bibliotekën e tij të heqë këpucët dhe të përulet”.
Oprah Winfrey ia dedikon pjesën kryesore të suksesit të vet librave: “Librat ishin bileta ime drejt lirisë personale. Ajo ka ndarë me botën shumë prej zakoneve të leximit në klubin e saj të librit.
Warren Buffett kalon pesë deri në gjashtë orë në ditë, për të lexuar pesë gazeta dhe 500 faqe të raporteve të korporatës.
Bill Gates lexon 50 libra në vit.
Mark Zuckerberg lexon të paktën një libër të ri çdo dy javë.
Elon Musk është rritur duke lexuar dy libra në ditë, sipas vëllait të tij.
Mark Cuban lexon më shumë se 3 orë çdo ditë.
Arthur Blank, bashkëthemeluesi i Home Depot, lexon dy orë në ditë.
Sipërmarrësi miliarder David Rubenstein lexon gjashtë libra në javë.
Dan Gilbert, pronari i Cleveland Cavaliers, lexon një deri në dy orë në ditë.
Reflektimi
Në raste të tjera, liderët më të pasur në botë, e marrin kohën për të menduar dhe reflektuar.
Drejtuesi ekzekutiv i AOL, Tim Armstrong bën që ekipi i tij të kalojë katër orë në javë për të menduar.
Drejtuesi ekzekutiv i LinkedIn, Jeff Weiner programon dy orë në ditë për të reflektuar.
Brian Scudamore, themeluesi i kompanisë 250 milionë dollarë O2E Brands, kalon 10 orë në javë vetëm për të medituar
Kur miliarderi Ray Dalio bën një gabim, ai logohet në një sistem i cili është publik për të gjithë punonjësit e kompanisë. Më pas, ai planifikon një takim me ekipin e vet për të gjetur shkakun kryesor.
Sipërmarrësja miliardere Sara Blakely prej shumë kohësh mban një ditar. Gjatë një interviste, ajo ka thënë se ka mbi 20 ditarë, në të cilët ka shkruar gjërat e tmerrshme që i kanë ndodhur dhe surprizat që kanë ardhur si rezultat.
Eksperimentimi
Gjatë jetës së tij, Ben Franklin krijonte kohë për eksperimentime, duke ndarë mendime me individë të njëjtë dhe zhvillimin e virtyteve të veta.
Google lejoi gjithë punonjësit e vetë të eksperimentonin me projekte të reja, në 20% të orarit të punës.
Facebook inkurajon eksperimente nëpërmjet Hack-A-Months.
Shembulli më i madh i eksperimenteve është Thomas Edison. Edhe pse ishte një gjeni, Edison iu afrua shpikjes së tij me përulësi. Ai identifikoi çdo zgjidhje të mundshme dhe më pas do të testonte sistematikisht çdo njërën prej tyre.
Nikola Tesla ka thënë: Nëse Edison do t’i duhej të gjente një gjilpërë në kashtë, ai nuk do të ndalonte të arsyetonte se ku ishte mundësia më e madhe të gjendej gjilpëra. Më zellin e ethshëm të një blete do të ekzaminonte kashtë pas kashte , deri sa të gjente objektin e kërkimit të tij.
Fuqia e rregullit 5-orësh: norma e përmirësimit
Personat që e aplikojnë këtë rregull në punë kanë një avantazh. Ideja e praktikës së vazhdueshme përballë të punosh fortë edhe shumë, shpesh ngatërrohen. Gjithashtu, krijon fokus më profesional në produktivitetin dhe efiçencës, e jo në normën e përmirësimit. Si rezultat, thjesht pesë orë në javë për praktikë mësimi, do të bëjnë diferencën.
Sipërmarrësi miliarder Marc Andreessen gjatë një interviste të fundit ka thënë: “Unë mendoj se përvetësimi i dijeve dhe si duhet t’i bësh gjërat, është duke u nënvlerësuar shumë. Njerëzit janë duke mbivlerësuar vlerën e thjesht hedhjes në fundin e thellë të pishinës. Sepse realiteti është se njerëzit e tillë përfundojnë të mbytur në pishinë.
Ka një arsye përse ka shumë histori për Mark Zuckerberg. Por, nuk ka shumë Mark Zuckerbergs. Shumë prej tyre janë ende duke notuar përmbys në pishinë.
Nëse do të kaloje kohë me drejtuesit ekzekutivë më të suksesshëm të çdo kohe, do ta kuptoje që ata janë shumë të zgjuar, janë si një enciklopedi njohurish se si ta drejtojnë një kompani dhe është e vështirë ta fitosh gjithë këtë kur je rreth moshës 20 vjeçare. Rruga për të arritur këtë fazë është që çdo njëri duhet të kalojë 5 deri në 10 vjet duke fituar aftësi”.
Si të aplikoni rregullin 5-orësh në jetën tuaj
Njerëzit më të zënë dhe më të suksesshëm në botë gjejnë të paktën një orë për të mësuar çdo ditë. Në këtë mënyrë, edhe ti mundesh ta bësh një gjë të tillë.
Për të krijuar ritualin tënd të mesimit, duhet të ndjekësh tre hapa:
-Gjej kohën për të lexuar dhe për të mësuar, edhe nëse je shumë i zënë.
-Përdor kohën e mësimit pa e zvarritur, ose të biesh pre e shpërqendrimeve.
-Vlerëso rezultatet që merr nga çdo orë që mëson.
Lajmi i mirë është që nuk të duhet të rikrijosh rrotën. Në pak vite kjo do të kthehet në rutinën tuaj të mësimit, të kaloni disa orë në ditë për të mësuar edhe nëse jeni një prind i zënë me punën dhe familjen, fjetjes së mjaftueshme apo jetës aktive që ecën shumë shpejt.
Në këtë mënyrë këto rituale do të jenë çelësi i suksesit të sipërmarrjes dhe jetës suaj./dritare.net
Lifestyle
Rituali ideal i përgatitjes së lëkurës në moshë për një grim të qëndrueshëm
Published
7 hours agoon
October 22, 2025By
UBT News
Përgatitja e lëkurës është çelësi për një grim të përsosur, sidomos kur koha kalon dhe lëkura ndryshon.
Formulat e lehta dhe produktet e synuara ndikojnë në qëndrueshmërinë dhe freskinë e grimit tuaj, duke e bërë më të lëmuar dhe natyral.
Një lëkurë e pastër dhe e shëndetshme është baza e çdo rutine grimi, pa marrë parasysh moshën. Me kalimin e viteve, rutina para aplikimit duhet të përshtatet për të ruajtur rezultatin e dëshiruar.
Përgatitja e duhur mund të bëjë ndryshimin mes një grim natyral, të përditshëm, dhe një pamjeje glamuroze për raste speciale.
Pse është e rëndësishme përgatitja e lëkurës?
Hapi i parë përcakton nëse grimi do të duket i freskët dhe i qëndrueshëm. Lëkura e hidratuar redukton dukshmërinë e rrudhave e pengon grumbullimin e produktit, përdorimi i produkteve të përshtatura me shenjat e plakjes ndihmon në mbushje, zbutje dhe mbrojtje të lëkurës.
Produktet që duhen shmangur
Pilingjet e ashpra dhe eksfoliantët fizikë që irritojnë lëkurën dhe shtojnë teksturë të panevojshme.
Kremrat e rëndë nën pudër që mund të shkaktojnë rrëshqitje të produktit.
Primerët që mbushin poret ose ato matifikues, sepse mund të theksojnë strukturën e lëkurës në moshë.
Produktet që duhen përdorur
Rituali bazë përfshin pastrim, piling të butë, hidratim dhe mbrojtje SPF.
Për lëkurën në moshë, rekomandohet përdorimi i produkteve të synuara:
Pastrues dhe piling të butë për një sipërfaqe të pastër.
Produktet me antioksidantë për ndriçim dhe mbrojtje nga radikalet e lira.
Serumet me acid hialuronik ose peptide për hidratim dhe mbushje të lëkurës.
Produkte me ceramide, peptide ose niacinamide për ushqim dhe lëmuar të lëkurës.
Qëllimi është që lëkura të jetë e ushqyer dhe gati për grim. Aplikimi shtresë mbi shtresë i formulave të lehta siguron përthithje të mirë dhe pamje natyrale. Kujdesi për zonën nën sy me krem antirrudhë është i domosdoshëm për të shmangur grumbullimin e grimit në vijat e vogla. /A.Z/UBT News/
Lifestyle
Miqësia, çelësi për lumturi! Takimet me shokët ulin ndjeshëm trishtimin
Published
8 hours agoon
October 22, 2025By
UBT News
Një studim i kryer nga Universiteti i Oksfordit ka zbuluar se socializimi me miqtë, sidomos në mjedise relaksuese si “natat me shokët”, ka një efekt të rëndësishëm pozitiv mbi mirëqenien emocionale të meshkujve.
Ky kërkim nxjerr në pah se takimet e rregullta me miqtë e ngushtë ndikojnë në uljen e ndjenjave të trishtimit dhe vetmisë deri në 45%, duke përmirësuar ndjeshëm humorin dhe shëndetin mendor.
Sipas studiuesve, përfitimet nuk lidhen me konsumin e alkoolit, siç mund të mendohet shpesh, por me ndërveprimet sociale, të qeshurat dhe lidhjen e thellë që krijohet gjatë kohës së kaluar me shokët.
Këto momente aktivizojnë sistemin e shpërblimit në tru, duke çliruar endorfina, hormonin e lumturisë dhe duke ulur nivelet e hormoneve të stresit.
Studimi tregon se meshkujt që kalojnë më shumë kohë në biseda argëtuese me miqtë, përjetojnë më pak stres e ndihen më pak të vetmuar.
Ky zbulim vlen për të theksuar rëndësinë e mbajtjes së lidhjeve sociale për mirëqenien emocionale dhe për të luftuar ndikimet negative të stresit dhe trishtimit.
Ekspertët rekomandojnë që, përtej rutinës së përditshme, të gjejmë kohë për takime me njerëzit që na bëjnë të ndihemi mirë, pasi këto momente sociale janë një mbështetje e fuqishme për shëndetin mendor.
Nuk është pijet që bëjnë diferencën, por lidhja dhe bashkëbisedimi i vërtetë. /A.Z/UBT News/
Lifestyle
Rreziqet e fshehura në shtëpinë tuaj, 5 produkte të zakonshme
Published
1 day agoon
October 21, 2025By
UBT News
Shumë prej produkteve që përdorim përditë në shtëpitë tona, me qëllimin për t’i mbajtur ato të pastra dhe me aromë të mirë, në fakt mund të përbëjnë rrezik serioz për shëndetin.
Nga produktet e higjienës personale, te ato për freskimin e ajrit apo për pastrimin, shumë prej tyre përmbajnë substanca toksike dhe potencialisht kancerogjene.
Shampot, shpesh përmbajnë përbërës si parabene, ngjyra sintetike dhe aromatizues artificialë, që ndikojnë në sistemin hormonal dhe të shkaktojnë irritime të lëkurës. Edhe produktet që reklamohen si “natyrale” nuk janë të sigurta, ndaj leximi i etiketave mbetet thelbësor.
Qirinjtë aromatik dhe sprejtë e ajrit janë burime të mundshme kimikatesh të dëmshme. Edhe pse krijojnë një atmosferë të këndshme, lëshojnë substanca të rrezikshme që ndikojnë në sistemin respirator, shkaktojnë alergji, edhe probleme serioze shëndetësore.
Edhe produktet që përdoren për aktivitetet artistike, si ngjitësit dhe ngjyrat, duhen përdorur me kujdes të madh, sidomos në prani të fëmijëve, pasi përmbajnë tretës kimikë që mund të dëmtojnë veshkat apo sistemin nervor.
Së fundi, pesticidet, të përdorura gjerësisht në shumë shtëpi për eliminimin e insekteve, janë ndër më të rrezikshmet, pasi përmbajnë neurotoksina të cilat lidhen me probleme neurologjike afatgjata, përfshirë sëmundjen e Parkinsonit.
Zgjidhja? Zëvendësoni sa më shumë produkte me alternativa natyrale e të certifikuara si të sigurta për shëndetin. /A.Z/UBT News/
Lifestyle
Të dielën e kësaj jave, akrepat e orës kthehen 60 minuta pas
Published
1 day agoon
October 21, 2025By
UBT News
Të dielën e kësaj jave, pra më 26 tetor, akrepat e orës kthehen 60 minuta pas.
Prapa, lëvizin më 03:00, natën mes të shtunës dhe të dielës, 25 e 26 tetor, duke u ripozicionuar te ora 02:00.
Kështu, mund të flemë një orë më shumë gjumë, por pasditet do të kenë një orë më pak dritë natyrale. Akrepat do t’i lëvizim në orët analoge, teksa siç dihet, të gjitha pajisjet tjera digjitale të lidhura me internetin përditësohen automatikisht me orarin e ri.
Ora diellore qëndron në fuqi der 29 mars 2026, kur si gjithmonë në 03:00 të mëngjesit, në fuqi hyn ora ligjore, e njohur si ajo verore.
Përcaktimi i ndryshimit të orës nuk ka datë fikse, aplikohet natën mes të shtunës e të dielës së fundit të tetorit e muajit mars. Pavarësisht polemikave që prej disa vitesh kanë shoqëruar ndryshimin stinor të orës, ende nuk është vendosur gjë nga BE-ja.
Diskutimi ishte mbi mbajtjen në fuqi të vetëm një ore ligjore, për të kursyer energji, arsye se pse është adoptuar që për herë të parë ose të regjimit të orës diellore. Impakti në ekonomi apo edhe në mjedis, pasi sjell reduktim të CO2, ka ndikuar në mosvijimin e diskutimeve për ta hequr orën ligjore, se duhet të jetë një vendim unanim për të gjitha vendet e Bllokut.
Më 2018, me 84% të votave, Parlamenti Europian u shpreh në favor të shfuqizimit të orës ligjore. Vendimi përfundimtar u la në dorë të secilit vend anëtar të Unionit. Në Europë, ndryshimi i orës nuk ka qenë i njëtrajtshëm. Ai filloi të përgjithësohej nga 1974, pas krizës së parë të naftës e kur disa vende vendosën të çojnë para orën, që të shfrytëzonin më shumë dritën e diellit e të konsumonin pak energji elektrike.
Si ligj europian u vendos nga 1981, është rinovuar çdo katër vjet. Në mënyrë të qëndrueshme, norma europiane përcakton datat e fillimit të periudhës së orës së verës (kur akrepat shkojnë 60 minuta para) dhe përfundimin e saj (kur shkon një orë pas). /A.Z/UBT News/
146 vjet nga suksesi i parë i llambës elektrike të Thomas Edisonit
Al Pacino rikthehet në botën e mafias me trillerin e ri aksion “Father Joe”
Tetë vende të reja në listën britanike për rrezikun nga pijet e falsifikuara me metanol
Radoniqi për rezultatet e zgjedhjeve: Duhet t’i presim edhe ankesat nga PZAP
The Sims Mobile po i vjen fundi, EA konfirmon mbylljen e lojës
UBT dhe Universiteti i Minho-s nënshkruajnë marrëveshje bashkëpunimi akademik në Braga
46 të vdekur në një aksident rrugor në Uganda
Kërkohet paraburgim ndaj të miturit për kontrabandimin e 5 shtetasve kinezë
Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoProfesori i UBT-së fiton grant prestigjioz kërkimor në Universitetin Çarls të Pragës
