Lajmet

Rrëfimi i njeriut i cili përkujdeset për varrosjen e migrantëve të cilët zbarkojnë në brigjet e Marokut

Published

6 years ago

on

Për muaj të tërë, Boubacar Wann Diallo nuk mund të flinte natën pa e pasur dritën ndezur.

Makthket më të këqija i përjetonte kur zbarkonin trupat e paidentifikuar në plazhet e Nodorit, një qytet në bregdetin e Mesdheut në Marokun verior. Trupat nuk u deklaruan asnjëherë në morg, kështu ai sigurohej që kufomat të varroseshin në mënyrën e duhur.

“Është nder për mua t’i varrosë ata”, tha Wann Diallo.

“Më dhemb shumë kur e shoh se njerëzit varrosen pa të afërmit e tyre”, u shpreh ai.

Diallo 32 vjeçar ishte transferuar nga Guinea në Nador në vitin 2013, ndërsa në vitet pasuese u bë një ndër figurat më të njohura të qytetit.

Ai ka kultivuar lidhje të ngushta me zyrtarët lokalë të cilët e mirëpritën ndihmën e tij në identifikimin e qindra trupave, raporton New York Times, përcjell Telegrafi.

Nador i cili gjendet vetëm nëntë milje larg territorit spanjoll të Melillas, ka qenë prej kohësh një ‘magnet’ për migrantët Sub-Saharaianë të padokumentar, të cilët u përpoqën të hynin në Evropë.

Në vitet e fundit, Bashkimi Evropian i ka dhënë Marokut mjete dhe mbështetje financiare për të ulur migracionin klandestinë; ngritjen e rrethojave dhe rritjen e patrullimeve në det.

Pas uljes së numrit të migrantëve edhe fatkeqësistë janë zvogëluar, kjo nuk e ka ndaluar aspak vendosmërinë e Wann Diallos për identifikimin e të vdekurve.

“Për familjet ekziston gjithmonë dyshimi se i afërmi i tyre nuk do të ketë ndërruar jetë”, u shpreh ai.

Fotografitë që dërgohen nga familjarët e migrantëve për t’i identifikuar kufomat në morg

“E kanë vështirë të përballen me realitetin”, tha Diallo.

Wann Dialloi lindi në qytetin e Gueckedou të Guinesë Jugore dhe u rrit në Conakry. Babai i tij, tashmë i vdekur, ishte martuar me katër gra dhe kishte 25 fëmijë. Ai fitoi një diplomë juridike në Universitetin Kofi Annan të Guineasë.

Fotografitë që dërgohen nga familjarët e migrantëve për t’i identifikuar kufomat në morg

Me disa kursime dhe pa ndonjë plan të përcaktuar, ai u nis për në Marok, ku kishte dëgjuar se mund të gjente punë. Duke filluar nga Casablanca, ai më vonë iu bashkua një miku Subë-Saharian, të cilin e takoi në kryeqytetin maroken, Rabat, dhe udhëtoi në të gjithë vendin, kur më në fund zbriti në Nador, megjithëse ai thotë se kurrë nuk e kishte ndërmend të arrinte në Evropë prej andej.

Ai i shpenzoi disa muaj duke bërë kamping në pyjet përreth qytetit, ku shumë migrantë Subë-Saharianë, mblidhen së bashku përpara se të vazhdojnë tutje. I alarmuar nga varfëria, sëmundja dhe shpesh nga kushtet t ndyra të jetesës, ai filloi t’ju ndihmonte atyre.

“Ndonjëherë i them vetës se mbase Zoti më dërgoi këtu për t’i ndihmuar këta njerëz”, u shpreh ai, shkruan New York Times, transmeton Telegrafi.

Diallo i cili u bë një banor zyrtar, punon me orar të plotë si agjent në terren për një organizatë lokale, Asticude, që ndihmon migrantët në tranzit.

Kur ai nuk i shoqëron migrantët te mjeku, në farmaci ose gjykatë, ai është i zënë me identifikimin e trupave që ndonjëherë nuk njihen edhe nga familjarët e tyre.

Hapi i parë përkon me identifikimin e kufomave përmes fotografive të dërguara nga familjarët e migrantëve. Kështu, Diallo kërkon ndihmë nga konsullatat dhe ambasadat, dhe nga migrantët që ishin në të njëjtën barkë me personin që mund të jetë mbytur.

Nëse kjo nuk do të funksiononte, ai do t’ju drejtohet edhe grupeve në Facebook, ku do të publikonte dhjetëra fotografi të migrantëve të humbur, raporton New York Times, përcjell Telegrafi.

Posa të bëjë identifikimin e trupave, Diallo u kërkon familjarve të tyre autorizimin për varrosjen e kufomave.

“Sapo i varrosë ata, puna ime mbaron”, thotë ai.

“Familjarët shpesh më thonë se nuk kemi me çka të të paguajmë, kështu i luten Zotit për mua”, u shpreh ai.

Ndërkohë, Mohamed Jalleta, i cili drejton një mort, shpesh ndihmon me këto varrosje duke ofruar edhe tarifa modeste. Ai u takua me Diallon tre vjet më parë, dhe që atëherë kanë kryesuar dhjetëra varrime së bashku.

“Të gjithë këta njerëz, të cilët u mbytën ishin thjesht në kërkim të jetës sa më të mirë”, tha Jalleta. /Telegrafi/

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

3 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

3 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

4 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

5 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara