Lajmet

Rrëfimi i afganes që la punën pas presionit nga militantët talibanë

Published

4 years ago

on

Një grua e re afgane e ka lënë punën në një qendër për gjuhë të huaja në Kabul, pasi ajo thotë se u përball me kërcënime dhe ngacmime nga luftëtarët talibanë, të cilët gjendeshin jashtë ndërtesës ku ajo kishte zyrën.

Mësuesja e gjuhës angleze, që është 24-vjeçare – identiteti i të cilës nuk është bërë publik për shkaqe sigurie – ishte rikthyer në punë javën e kaluar, pasi zyrat u rihapën për herë të parë që prej se talibanët morën kontrollin e kryeqytetit afgan më 15 gusht.

“Isha e ngazëllyer që të shkoja në punë pasi qëndrova në shtëpi për tri javë”, tregon ajo.

“Vesha rrobat islamike dhe shkova në punë, por në momentin që arrita atje u përballa me sharje nga luftëtarët talibanë që po qëndronin në hyrje”, tregon 24-vjeçarja.

Mësuesja tha se talibanët ishin të armatosur dhe po ruanin ndërtesën komerciale, ku gjenden dhjetëra kompani dhe zyre, në një nga lagjet e populluara në qendër të Kabulit.

“Kur tentova që të hyjë në zyrën time, një prej tyre më pyeti: ‘Ku po shkon?’ i tregova që unë punoj këtu. Ai më tha ‘kush të tha që të vish? Kthehu më shtëpi, shpejt’”, tregon ajo për Radion Evropa e Lirë.

Mësuesja e gjuhës angleze thotë se ajo u shqetësua veçanërisht kur militantët talibanë e quajtën atë “të pafe”.

“Njëri nga ta tha ‘shiko ajo punon në atë vend ku mësojnë gjuhën e të pafeve, prandaj ajo është e pafe’. Po, ata më quajtën të pafe edhe pse unë isha të veshur hixhabim islamik”, tregon ajo.

E tmerruar nga komentet e burrave të armatosur, ajo vendosi që të largohej menjëherë nga puna.

Ngacmime dhe sharje të tjera ajo përjetoi edhe nga luftëtarë të tjerë talibanë të cilët po qëndronin në rrugët në qendër të Kabulit. Teksa ajo kaloi pranë tyre, ajo u përball me pyetjet nga militantët se pse kishte dalë vetë në rrugë.

Në disa provinca, talibanët raportohet se ua kanë ndaluar grave që të dalin nga shtëpia, përveç nëse janë të shoqëruara nga ndonjë i burrë i familjes.

Kërkesa të tilla nuk janë bërë ende publikisht për gratë që jetojnë në Kabul. Por, mësuesja e anglishtes thotë se militantët talibanë i thanë: “çfarë dreqin je duke bërë, duke ecur vetëm jashtë?”.

Dy ditë pasi morën kontrollin e Kabulit, talibanët thanë se gratë do të lejoheshin që të ktheheshin në punë “në bazë të normave islamike”. Megjithatë, një zëdhënës i talibanëve tha se gratë, tash për tash, duhet të qëndrojnë në shtëpi pasi sipas tij, luftëtarët talibanë nuk ishin “të trajnuar” që t’i respektonin gratë.

Në Qeverinë e përkohshme të talibanëve nuk bën pjesë asnjë grua. Por, zyrtarë të lartë talibanë thanë se punonjëset gra, që kanë punuar në ministri të ndryshme, do të lejohen që të vazhdojnë punën e tyre.

Por, mësuesja e anglishtes, që u detyrua të lë punën, thotë se premtimet e talibanëve janë të rreme. Ajo nuk beson se Qeveria e talibanëve vërtetë do që gratë të kenë karriera.

“Deklaratat e talibanëve se do t’i lejojnë gratë të punojnë janë thjeshtë gënjeshtra për komunitetin ndërkombëtar, në mënyrë që të pranojnë ndihma. Kur talibanët të marrin atë që duan nga bota e jashtme, do të përfundojnë të gjitha këto”, thotë ajo.

Mësuesja tregon se edhe tri gra në shoqërinë e saj kishin përjetuar sharje dhe kërcënime të ngjashme nga talibanët, kur ato kishin tentuar që të shkonin në punë. Sipas saj, që të tri këto gra lanë lënë punën për shkak të kërcënimeve.

Duke folur nga Kabuli, mësuesja thotë për Radion Evropa e Lirë se ajo është “shumë e frikësuar” që të rikthehet në punë.

“Kam qenë punëtore, ndonjëherë kam qëndruar në zyre deri në ora 20:00 ose kam punuar edhe gjatë fundjavave”, tregon ajo. “Të gjitha përpjekjet e mia, e gjithë ajo punë e madhe, edukimi im, në fund, nuk vlejnë asgjë”.

Kjo mësuese e gjuhës angleze thotë se ka frikë se kurrë nuk do të jetë në gjendje që të punojë ose të ecë lirshëm vetëm në rrugë derisa talibanët të jenë në fuqi në Afganistan./REL

Related Topics:
Continue Reading

Aktualitet

Ali Ahmeti nderohet me titullin “Doctor Honoris Causa” nga Universiteti Europian i Tiranës

Published

38 seconds ago

on

October 2, 2025

By

Kryetari i BDI-së, Ali Ahmeti ka pranuar titullin “Doctor Honoris Causa” nga Universiteti Europian i Tiranës.

Përmes rrjeteve sociale, Ahmeti tha se ky vlerësim lidhet ngushtë me rrugëtimin e përbashkët për sigurimin e të drejtave të shqiptarëve, ndërtimin e paqes dhe përparimin drejt integrimit euroatlantik të Maqedonisë së Veriut.

“Sot pata nderin e veçantë të pranoj titullin “Doctor Honoris Causa” nga Universiteti Europian i Tiranës. Ky vlerësim lidhet ngushtë me rrugëtimin tonë të përbashkët për sigurimin e të drejtave të shqiptarëve, ndërtimin e paqes dhe përparimin drejt integrimit euroatlantik të Maqedonisë së Veriut”, ka shkruar Ahmeti.

Ahmeti u shpreh mirënjohës për këtë nderim duke thënë se ky çmim nuk i përket vetëm atij por të gjithë atyre që kanë ndarë të njëjtën rrugë, sakrificë dhe përpjekje.

“Ky çmim nuk është vetëm për mua, por për të gjithë ju, për çdo sakrificë, çdo përpjekje dhe çdo hap që kemi bërë së bashku në këtë rrugë të gjatë.Jam mirënjohës për këtë nderim dhe i vendosur që të vazhdojmë punën për çështjen kombëtare dhe për të ardhmen evropiane të vendit tonë”, shkruan ai.

“Doctor Honoris Causa” është një titull nderi i lartë akademik që një universitet i jep një individi për arritje të jashtëzakonshme në një fushë të caktuar, për të nderuar kontributin ose ndikimin e madh të një personi./S.K/KP/

 

Continue Reading

Aktualitet

​Komercialja dënon me rreth 550 mijë euro kompaninë “Sigal” për dëmin e pa siguruar

Published

5 minutes ago

on

October 2, 2025

By

Gjykata Komerciale e Kosovës ka obliguar kompaninë e sigurimeve “Sigal” që të paguajë 548 mijë euro, pavarësisht se kjo kompani kishte ofruar zero euro për disa dëme materiale që mund të vinin nga procese natyrore sikurse rrëshqitja e dheut.

Gjykata Komerciale ka urdhëruar “Sigal Uniqa Group Austria” të paguajë dëmshpërblim ndaj “Eurokos Holding”, edhe pse në policën e sigurimit ishte shënuar qartë se rrëshqitja e dheut dhe fatkeqësi të ngjashme nuk mbuloheshin financiarisht.

“Pranohet pjesërisht kërkesëpadia e paditësit Eurokos Holding, e datës 20 janar 2022, ndaj të paditurës Shoqëria e Sigurimit SIGAL UNIQA GROUP AUSTRIA, me seli në Prishtinë. Obligohet e paditura që paditësit t’i paguajë shumën prej 548 mijë e 168 euro me kamatë ligjore, prej ditës së padisë, deri në pagesën përfundimtare, si dhe shpenzimet procedurale në shumën prej 3 mijë e 500 euro”, thuhet në vendim.

Rasti lidhet me dëmet e shkaktuara gjatë ndërtimit të hidrocentralit “Lepenc 3”, ku ndodhi rrëshqitje dheu që solli dëme të konsiderueshme materiale.

“Eurokos Holding” dhe “Hidroenergji” kërkuan kompensim nga kompania e sigurimeve, duke pretenduar se policat e lidhura garantonin mbulim për këto rreziqe.

Dokumenti i policës së sigurimit përfshinte një listë të gjerë rreziqesh si zjarri, përmbytjet, tërmetet, madje edhe rrëshqitjet e dheut. Megjithatë, pranë këtij të fundit dhe disa rreziqeve të tjera ishte vendosur shuma zero euro mbulim, një formulim kontraktual që në praktikën e sigurimeve do të thotë se ato rreziqe nuk mbulohen.

Gjykata Komerciale vendosi të aprovojë pjesërisht kërkesën e “Eurokos Holding”, duke e detyruar siguruesin të paguajë mbi gjysmë milion euro për dëmet materiale të provuara./S.K/KP/

Continue Reading

Aktualitet

Rrënohen ndërtimet pa leje në Valbonë, Rama: Ndaleni këtë sport në hapësirat publike

Published

7 minutes ago

on

October 2, 2025

By

Kryeministri i Shqipërisë, Edi Rama tha se operacioni kundër antiligjit në ndërtim shtrihet edhe në Parkun Kombëtar të Valbonës, teksa edhe ndau pamje nga heqja e ndërtimeve pa leje në luginën e Alpeve.

Inspektoriati Kombëtar i Mbrojtës së Territorit (IKMT) njoftoi se shembi objektin 3 katësh me nënçati, me konstruksion betonarme dhe muraturë tulle, i ndërtuar në kundërshtim me ligjin.

Rama shtoi se duhet të ndalen të gjithë ata që e vazhdojnë këtë sport të ulët, në hapësirat publike të qytetit, në bregdet a në male.

“Është e kotë, vetëm do të humbni lekë e kohë dhe pas vendimeve më të fundit të qeverisë, do të përballeni me pasoja të rënda”, theksoi më tej kreu i qeverisë.

Lirimi i hapësirave publike nga ndërtimet e paligjshme i paraprin zbatimit të programit “Rilindja Urbane 2.0”, i cili synon të kthejë ligjshmërinë në territor duke sjellë zhvillim për komunitetet.

E konceptuar si një ndërhyrje sistematike në terren dhe jo një aksion i përkohshëm, kjo nismë, e cila ka nisur nga zbatimi në muajin korrik, po vijon me prioritet në gjithë territorin e vendit.

Për goditjen e fenomenit të ndërtimeve pa leje, në Kodin e ri Penal parashikohen ndëshkime më të ashpra./S.K/KP/

 

Continue Reading

Botë

​Oktoberfest në Gjermani mbyllet përkohësisht për shkak të kërcënimit me bombë

Published

13 minutes ago

on

October 2, 2025

By

Autoritetet gjermane kanë mbyllur përkohësisht Oktoberfest në Munih për shkak të kërcënimit me bombë në një letër të shkruar nga një i dyshuar i akuzuar për vënien e zjarrit në një shtëpi, njoftoi policia lokale.

I dyshuari akuzohet për vënien e zjarrit në një ndërtesë në një mosmarrëveshje familjare ku mbeti i vdekur njëperson vdiq në atë incident.

Policia e Munihut tha në X se terreni i Oktoberfest, Theresienwiese, është kontrolluar plotësisht dhe nuk është gjetur asnjë rrezik, prandaj edhe Oktoberfest rifilloi pas orës 17:30.

Kryebashkiaku i Munihut, Dieter Reiter, tha se mbyllja e festivalit pasoi një autor që kërcënonte Oktoberfestin.

Oktoberfest, i njohur si “Wiesn”, mbahet nga 20 shtatori deri më 5 tetor dhe është festivali më i madh i birrës dhe muzikës folklorike në botë./S.K/KP/DW/

Continue Reading

Të kërkuara