Lajmet

Rrahja në Kuvend, Haliti kërkon të ndërpritet seanca

Ai ka përmendur edhe sulmet e kryeministrit Albin Kurti sa ishte në opozitë.

Published

on

Deputeti i Partisë Demokratike të Kosovës, Xhavit Haliti derisa ka kërkuar që seanca të ndërpritet për ditën e sotme (e enjte) pas rrahjeve fizike që ndodhen në Kuvend, ka shtuar se sulme të tilla ka pas edhe më herët nga pozita, porse nuk është dënuar askush.

Deputeti Haliti tha se çdoherë në Kuvend ka pas shkelje Kushtetuese, mirëpo sipas tij, asnjë gjykatë nuk ka pasur të drejtë ta dënojë asnjë deputet.

Derisa ka folur rreth situatës së sotme, ai ka përmendur edhe sulmet e kryeministrit Albin Kurti sa ishte në opozitë, duke thënë se çdo sulm i tij në atë kohë është duruar nga deputetët.

“Sidoqoftë, më duket në legjislaturën e dytë kemi pas një përplasje fizike, jo brenda këtu, por jashtë sallës dhe është mbyll pothuajse me një vendim që ka marrë Kryesia e Kuvendit, ta përjashtojë një javë një deputet. Kam pas përplasje edhe unë, njerëz jem, nxehen gjakrat, por kam ditur të duroj. Dhe ujin e albinit e kam duruar, edhe gazin e Albinit e kam duruar, edhe vezët e Albulenës që ja ka dhënë Albinit të më gjuaj ja kam duruar dhe nuk më ka gjet asgjë. Sot, ke pak më ndryshe situata, ne kemi duruar edhe fyerje e çdo gjë, por në Kuvend fuqia e secilit Grup Parlamentar është fjala, kemi të drejtë përveç të ofendojmë njëri tjetrin, kemi të drejte me kritiku qeverinë, sepse qeveria duhet të udhëhiqet nga opozita, në kuptimin e mirë sepse duhet të kontrollohet. Sot, kryetar dhe juve si pozitë edhe qeverisë dhe të gjithë deputeteve, ju kisha sugjeruar pa pas nevojë me hy në debate që për sot të anulohet seanca, të vijmë një ditë tjetër në seancë. Sot, nuk ka kushte, mund ta përdorim forcën e votave e të gjitha, por pas asaj ngjarje për shëndetin e këtij kuvendi, për ftohjen e gjakrave ka nevojë që të paktën sot me mbyll seancën”, tha Haliti.

Ai tha se shkeljet Kushtetuese janë bërë çdoherë nga deputetët.

“Ne kemi pasur situata gjatë funksionimit të këtij Parlamenti disa herë të cilat janë mbyllur pa tensione të mëdha, janë mbyllur edhe në Gjykata, janë mbyll edhe këtu. Kemi bërë shkelje Kushtetuese sa herë që kemi kërkuar që deputetet të lidhen nga Policia, dhe që polica të ndërhyjë ndonjë deputetëve. Drejtësia mund të reagojë vetëm atëherë kur të miratojë Kuvendi i Kosovës me Kushtetutën e Kosovës, me vendimet e Gjykatës Kushtetuese pa ja bërë me borxh askush, dhe pa ndryshuar Kushtetutën asnjëherë nuk kemi pas të drejtë të veprojmë. Asnjë gjykatë nuk ka pas të drejtë si ka vepruar që ta dënojë asnjë deputet, në qoftë si është marrë mandati në Kuvend”, ka theksuar Haliti.

Lajmet

Zhduket një person në Suharekë, Policia: Doli nga shtëpia me 1 tetor 25

Published

on

By

Zhduket një person në Suharekë. Sipas raportit të policisë, viktima mashkull ka dalë nga shtëpia dhe nuk dihet për vendndodhjen.

Është raportuar se viktima mashkull kosovar ka dalë nga shtëpia dhe nuk dihet për vendndodhjen e saj. Rasti nën hetime”, thuhet në raportin 24 orësh të Policisë së Kosovës./D.B/KP

Continue Reading

Lajmet

​Liga Konferenca, Drita nxjerr një pikë si mysafire

Published

on

Drita e Gjilanit ka nisur mbarë sezonin historik të klubit gjilanas në Ligën Konferenca duke luajtur baras në ndeshjen e parë në udhëtim ndaj skuadrës finlandeze KuPS.

Ndeshja u zhvillua në stadiumin Tammela në Tempere të Finlandës, me kapacitet prej tetë mijë ulësesh.

Polaku Piotr Parzyszek solli KuPS në epërsi në minutën e 74-të, pas asistimit nga Voutilainen.

Skuadra gjilanase u rikthye në lojë me golin e Albert Dabiqajt në minutën e 80-të, pas asistimit të Blerton Shejit.

Njëherësh Dabiqaj shënoi golin historik për Dritën në Ligën Konferenca pasi ky është goli i parë i skuadrës gjilanase në debutimin e saj në këtë ligë, e cila ka 36 ekipe evropiane,/S.K/KP/

Continue Reading

Botë

​SHBA gati të blejë aksione në kompanitë australiane të minierave

Published

on

Qeveria amerikane është gati të blejë aksione në kompanitë australiane të minierave si pjesë e një pakete për të financuar furnizimet me minerale dhe për të zvogëluar varësinë nga Kina, thanë udhëheqësit e biznesit australian pas një vizite në Uashington.

Oferta e qeverisë amerikane është pjesë e një plani për të krijuar zinxhirë furnizimi alternativë pas kufizimeve të eksportit të Kinës, raportojnë mediat amerikane.

Mineralet kryesore të teknologjisë përfshijnë litiumin, kobaltin dhe metalet e rralla të tokës, të nevojshme nga një gamë e gjerë industrish, duke përfshirë energjinë e pastër, gjysmëpërçuesit dhe armët.

Zyrtarët e qeverisë amerikane u kanë thënë kompanive të paraqesin oferta, duke vënë në dukje se kanë ndërmend të financojnë blerjen përmes kanaleve dhe programeve të ndryshme, tha Andrew Worland, drejtor ekzekutiv i International Graphite, e cila po ndërton një minierë dhe një fabrikë përpunimi në Australi.

Në shtator, përfaqësuesit e 15 kompanive australiane në sektorin kryesor të mineraleve, përfshirë Worland, vizituan Uashingtonin dhe Nju Jorkun për t’u takuar me zyrtarë amerikanë.

Ata u takuan gjithashtu me ish-drejtorin ekzekutiv të kompanisë minerare Newmont, David Copley, dhe Joshua Kroon, zëvendësndihmës sekretar për mineralet dhe metalet kryesore në Agjencinë e Tregtisë Ndërkombëtare të Departamentit të Tregtisë të SHBA-së.

Departamenti i Energjisë i SHBA-së bleu dje një aksion prej 5 për qind në Lithium Americas të Kanadasë dhe gjithashtu u bë pronar i një aksioni prej 5% në një minierë litiumi që kompania kanadeze po zhvillon në Nevada.

Australia është e gatshme t’u shesë aksione aleatëve, përfshirë Britaninë, aksione në rezervat e reja strategjike të mineraleve kryesore, për t’u lejuar atyre të zvogëlojnë varësinë e tyre nga Kina.

Qeveria australiane njoftoi krijimin e rezervave në fund të prillit, duke vënë në dukje se do të investojë 1.2 miliardë dollarë australianë (670 milionë euro) në këtë projekt me qëllim krijimin e një zinxhiri të ri furnizimi që mund të konkurrojë me Kinën dominuese.

Kina është prodhuesi kryesor në botë i 30 nga 50 mineralet e konsideruara si kryesore nga Shërbimi Gjeologjik i SHBA-së. Australia, nga ana tjetër, ka depozita që janë ndër më të mëdhatë në botë.

Pritet që këto rezerva të jenë temë kryesore e negociatave midis kryeministrit australian Anthony Albanese dhe presidentit amerikan Donald Trump më 20 tetor në Uashington./S.K/KP/

Continue Reading

Botë

​Kulla Eiffel mbyllet mes grevave mbarëkombëtare në Francë

Published

on

Kulla Eiffel u mbyll të enjten për shkak të një greve mbarëkombëtare në Francë nga sindikatat kryesore të vendit.

Protestuesit dolën në rrugët e më shumë se 200 qyteteve dhe qytezave në të gjithë Francën për të denoncuar shkurtimet e shpenzimeve dhe për të kërkuar taksa më të larta për të pasurit.

Në Paris, mijëra punëtorë, pensionistë dhe studentë filluan të marshonin të enjten pasdite nga Place d’Italie dhe një tabelë në Kullën Eiffel i informoi vizitorët se ishte mbyllur për shkak të grevës dhe kërkuan falje.

Sindikatat po i kërkojnë kryeministrit Sébastien Lecornu të braktisë masat e projektbuxhetit të propozuara nga paraardhësi i tij, të cilat përfshijnë ngrirje të mirëqenies sociale dhe masa shtrënguese që shumë thonë se do ta gërryejnë më tej fuqinë blerëse të punëtorëve me paga të ulëta dhe të klasës së mesme. Ato gjithashtu kërkojnë taksa më të larta për të pasurit.

Lecornu, i emëruar muajin e kaluar, ende nuk ka zbuluar detajet e planeve të tij buxhetore dhe ende nuk ka emëruar ministrat e qeverisë së tij, gjë që pritet në ditët në vijim.

SNCF, kompania kombëtare hekurudhore, tha se shërbimet e trenave me shpejtësi të lartë po funksiononin normalisht të enjten, ndërsa disa linja rajonale u prekën nga ndërprerje të pjesshme.

Në Paris, trafiku i metrosë ishte afër normales, por shumë trena udhëtimi po funksiononin me kapacitet të reduktuar.

Disa mësues dhe punonjës të kujdesit shëndetësor gjithashtu iu bashkuan grevës, e cila vjen pas protestave të muajit të kaluar.

Kujtojmë, më 18 shtator, mbi 500 mijë demonstrues marshuan në qytetet e vogla dhe të mëdha të Francës, përfshirë Parisin. Një javë më parë, një ditë aksionesh antiqeveritare në të gjithë Francën pa rrugët e mbuluara nga tymi, barrikadat në flakë dhe breshëri gazi lotsjellës mes fushatës “Blloko gjithçka”./S.K/KP/CBSNews/

Continue Reading

Të kërkuara