Sport

Ronaldo kërkon të jetë pikë referim

Ja kërkesa që i ka bërë trajnerit.

Published

5 years ago

October 2, 2021

Betim Gashi

Cristiano Ronaldo është një perfeksionist i vërtetë, gjithmonë i vëmendshëm ndaj detajeve më të vogla, ndaj kampioni portugez nuk i ka fituar rastësisht 5 Topa të Artë.

E ka kuptuar diçka të tillë shpejt edhe Ole Gunnar Solskjaer, me të cilin ka patur një diskutim pikërisht për sa i përket lojës së Manchester United. Cristiano Ronaldo i ka shfaqur pakënaqësitë e tij trajnerit në lidhje me lojën, duke i bërë një kërkesë për ta bindur teknikun që të ndryshojë vetëm për të.

Që kur është kthyer në Manchester, Ronaldo ka shënuar 5 gola në pesë ndeshje me fanellën e United, numra rekordesh, sidomos nëse kujton se portugezi ka tanimë 37 vite mbi shpinë. Të gjitha këto megjithatë duket se nuk mjaftojnë, pasi Ronaldo është i bindur se mund të shënojë edhe më shumë.

Sipas tij, shokët e skuadrës duhet ta përmirësohen në ndihmën ndaj tij, duke i furnizuar topat me shpejt. Ronaldo kështu do të arrinte në zonën e golit në kushtet më të mira të mundshme.

Siç bëhet të ditur, është kjo kërkesa që portugezi i ka bërë Solskjaer, dhe trajneri pa hezitim ia ka plotësuar menjëherë duke ua komunikuar diçka të tillë skuadrës. Është e vështirë t’i thuash jo Ronaldos./ Supersport

Sport

Ronaldo i shpreh ngushëllime Messit për humbjen e babait

Published

6 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Sport

Tronditet pozita e Infantinos, shumica e federatave kundër mandatit të katërt

Published

1 day ago

August 11, 2026

UBTNews

Pozita e Gianni Infantinos në krye të FIFA-s është tronditur ndjeshëm, vetëm pak javë pasi ai konsiderohej favorit absolut për të fituar një mandat të katërt në drejtimin e organizatës.

Sipas BBC Sport, aktualisht vetëm 73 nga 210 federatat anëtare të FIFA-s janë në mbështetje të Infantinos, ndërsa 124 janë kundër tij. 13 federata të tjera ende nuk kanë përcaktuar qëndrimin e tyre.

Megjithatë, këto shifra mund të ndryshojnë në muajt e ardhshëm, përpara zgjedhjeve.

Situata për Infantinon është përkeqësuar pas kundërshtimeve të forta ndaj planit të tij, tashmë të braktisur, për t’u shitur investitorëve privatë një pjesë e të drejtave komerciale të Kupës së Botës dhe kompeticioneve të tjera të FIFA-s.

UEFA, CONCACAF dhe Konfederata Aziatike e Futbollit (AFC), të cilat së bashku përfaqësojnë 136 federata, kanë kritikuar ashpër FIFA-n dhe Infantinon, duke i akuzuar për shkelje të besimit dhe “mashtrim” lidhur me mënyrën se si është menaxhuar plani.

Kështu, ajo që deri vonë dukej si një garë e sigurt për Infantinon, tashmë është shndërruar në një betejë të pasigurt për mbijetesën e tij në krye të futbollit botëror.

D.L

Sport

Sigal Prishtina mirëpret David Krizanic: “Mirë se vjen në shtëpinë e kampionëve”

Published

1 day ago

August 11, 2026

UBTNews

Sigal Prishtina ka zyrtarizuar afrimin e David Krizanic.

Klubi prishtinas e ka prezantuar lojtarin e ri përmes një postimi në rrjetet sociale, duke e mirëpritur me mesazhin: “Mirë se vjen në shtëpinë e kampionëve, David Krizanic.”

Me këtë përforcim, Sigal Prishtina vazhdon të ndërtojë skuadrën për sezonin e ri, me synimin për të mbrojtur trofetë dhe për të mbetur në majën e basketbollit kosovar.

D.L

Sport

Drita përforcohet me Eduard Rrocën

Published

1 day ago

August 11, 2026

UBTNews

Eduard Rroca është futbollisti më i ri i Dritës së Gjilanit.

Kampionia në fuqi e Kosovës e ka zyrtarizuar të martën transferimin e sulmuesit 33-vjeçar, i cili rikthehet në futbollin kosovar pas një eksperience të gjatë jashtë vendit.

Rroca së fundmi ishte pjesë e skuadrës turke Ankara, ndërsa gjatë karrierës së tij ka luajtur edhe për disa klube të tjera në Turqi, si dhe në Shqipëri.

Me ardhjen e Rrocës, Drita synon të shtojë alternativat në repartin ofensiv dhe të forcojë skuadrën për sezonin e ri.

Klubi gjilanas po ashtu ka bërë një ndryshim të rëndësishëm në pankinë. Të hënën, Drita riktheu Ardian Nuhiun në postin e trajnerit, me të cilin synon të vazhdojë objektivat e saj për edicionin e ri.

D.L