Lajmet

Robotë me licencë për të vrarë, revolucioni i guximshëm i policisë në SHBA

Propozimi ka ngjallur shumë kritika.

Publikuar

1 vit më parë

më

Policia e San Franciskos në SHBA, mund të ketë së shpejti një ndihmë shtesë në luftën kundër krimit. Nëse pranohet propozimi nga Bordi i Mbikëqyrësve (Gjykata e Mbikëqyrësve), robotët që zakonisht përdoren nga oficerët e policisë për të çaktivizuar bomba apo për të eksploruar zona të rrezikshme, mund të licencohen që të vrasin të dyshuarit e krimeve të rënda.

Edhe pse teksti specifikon se robotët do të mund ta bëjnë këtë vetëm “kur rreziku i humbjes së jetëve të civilëve apo agjentëve është i pashmangshëm, dhe kur nuk ka mundësi të tjera”, propozimi ka ngjallur jo pak kritika. Versioni origjinal i draftit, nuk përmendte “forcën vdekjeprurëse” nga robotët.

Aron Peskin, dekan i Bordit të Mbikëqyrësve të qytetit, kishte specifikuar se robotët nuk do të përdoreshin si një “instrument force” kundër askujt. Megjithatë, Departamenti i Policisë së San Franciskos ndërmori hapa për të bllokuar amendamentin e Peskin, duke e ndryshuar atë në atë.

Peskin e pranoi ndryshimin, duke thënë se mund të ketë situata ku vrasja është alternativa e vetme. Projektligji është përballur me kritika në disa drejtime. “Ne jetojmë në një të ardhme distopike, ku po diskutojmë mbi mundësinë që policët të vrasin qytetarët pa gjyq, një juri apo një gjyqtar”, tha Tifanei Mojer i Komitetit të Avokatëve për të Drejtat Civile në San Francisko.

“Me robotët- vrasës në dispozicion, oficerët e policisë mund ta tërheqin më lehtë këmbëzën” u shpreh eksperti Xhoel Haile, që e quajti projektligjin një “ide të tmerrshme”. “Unë ende nuk mund ta besoj se ky është një propozim serioz” thotë Din Preston i Bordit të Mbikëqyrësve, duke shtuar se çështja do të ishte pothuajse komike, në rast se nuk do të ishte kaq serioze.

Nga ana tjetër, kushdo që e ka shkruar nënvizon natyrën e tij të jashtëzakonshme, duke shpjeguar se nuk është një licencë e stilit “Robocop” për të vrarë, por një mbrojtje shtesë për agjentët: ”Ne nuk duam ta përvetësojmë atë si një praktikë të zakonshme” thotë Peskin, i cili kujton gjithashtu se po të mos ishte ky projektligj, policia mund të bënte çfarë të donte, pasi deri më tani kjo çështje nuk ishte e rregulluar me ligj.

“Ideja që ne nuk mund ta përdorim dot këtë lloj teknologjie në situata të jashtëzakonshme, ku mund të shmangim humbjen e jetëve njerëzore, vetëm sepse njerëzit nuk i pëlqejnë robotët, është absurde dhe e gabuar”  thotë Rafael Mandelman, nga Bordi i Mbikëqyrësit.

Megjithatë, në rast se San Francisko vendos të miratojë ligjin, nuk do të jetë hera e parë që robotët përdoren për të vrarë kriminelët e dyshuar. Në vitin 2016, Departamenti i Policisë së Dallasit përdori një robot–bombë për të eliminuar një person të armatosur që kishte vrarë tashmë 5 oficerë dhe plagosur disa të tjerë.

Siç e thekson Peskin, deri më tani askush nuk e ka ndaluar përdorimin e robotëve vrasës në aksionet e policisë. Propozimi i San Franciskos nuk do të bënte gjë tjetër veçse do të kufizonte përdorimin e tyre në situata të nevojës ekstreme, duke nxjerrë jashtë ligjit të gjitha rastet e tjera./bota.al

Etiketa
Vazhdo të lexosh

Lajmet

Shfaqet një lloj i ri i virusit mpox në Kongo

Publikuar

1 orë më parë

më

26 Qershor, 2024

nga

Një lloj i ri i virusit mpox që përhapet me shpejtësi përgjatë kufirit lindor të Republikës Demokratike të Kongos është “tepër shqetësues”, thonë zyrtarët shëndetësorë që monitorojnë përhapjen e tij.

Virusi mund të shkaktojë plagë në të gjithë trupin dhe në shumë raste mund të jetë edhe vdekjeprurës.

Përhapja aktuale është nxitur nga transmetimi seksual, por ka prova që ky lloj mund të transmetohet edhe përmes kontaktit të ngushtë lëkurë me lëkurë.

Ekspertët globalë të shëndetit thonë se varianti i ri rrezikon përhapjen ndërkufitare dhe ndërkombëtare të virusit. Madje konsiderohet si “lloji më i rrezikshëm” i përhapur ndonjëherë./UBTNews/

Vazhdo të lexosh

Lajmet

Sulmi terrorist në Banjskë, tre të dyshuarve iu vazhdohet paraburgimi edhe nga dy muaj

Publikuar

1 orë më parë

më

26 Qershor, 2024

nga

Gjykata Themelore në Prishtinë ka marrë vendim, me të cilin aprovuar kërkesën e Prokurorisë Speciale të Republikës së Kosovës (PSRK), ashtu që ua ka vazhduar masën e paraburgimit edhe nga dy muaj (secilit veç e veç) tre të dyshuarve Vladimir Toliq, Blagoje Spasojeviq dhe Dushan Maksimoviq, për sulmim terrorist ndaj Policisë së Kosovës në Banjskë.

Lajmin për “Betimi për Drejtësi” e ka konfirmuar bashkëpunëtorja profesionale nga zyra e kryetares së kësaj gjykate, Medina Gashi.

“Referuar kërkesës tuaj për informata, ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve V.T, B.S dhe D.M, Gjykata themelore në Prishtinë – Departamenti Special me datë 21.06.2024 ka marrë Aktvendim dhe ka aprovuar kërkesën e Prokurorisë Speciale të Republikës së Kosovës, ashtu që masa e paraburgimit tre të pandehurve iu është vazhduar në kohëzgjatje prej 2 (dy) muaj”, thuhet në përgjigjen e gjykatës.

Toliq, Spasojeviq dhe Maksimoviq gjenden nën masën e paraburgimit nga data 26 shtator 2023.

Ata dyshohen për veprat penale “Veprat e rënda kundër rendit kushtetues dhe sigurisë së Republikës së Kosovës”, “Sulm kundër rendit kushtetues të Republikës së Kosovës”, “Përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës” dhe “Mbajtja në pronësi, kontroll ose posedim të paautorizuar të armëve”.

Në Bajsnkë të Zveçanit, në orët e hershme të 24 shtatorit 2023, ishte vrarë rreshteri Afrim Bunjaku si dhe ishin plagosur dy të tjerë. Pastaj, të vrarë kishin mbetur edhe tre sulmues, kurse të tjerët ishin larguar pasi ishin strehuar për disa orë në Manastirin e Bajnskës.

Ministri  i Punëve të Brendshme, Xhelal Sveçla kishte publikuar pamje të Milan Radoiçiq, ku kishte theksuar se Radoiçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. E vetë Radoiçiq e kishte marrë përsipër përgjegjësinë për sulmin terrorist.

Vazhdo të lexosh

Lajmet

Pas vendimit të Kushtetueses, veteranët paralajmërojnë protesta

Publikuar

2 orë më parë

më

26 Qershor, 2024

nga

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtarë të Kosovës (OVL-UÇK), Faton Klinaku ka reaguar pas vendimit të Gjykatës Kushtetuese për mospërfshirjen e veteranëve në ligjin për pagën minimale.

Përmes një postimi në llogarinë e tij në Facebook, Klinaku ka paralajmëruar protesta kundër pushtetit të Kurtit, i cili sipas tij po punon kundër veteranëve të UÇK-së.

“Qëndrimet tona se do t’i vazhdojmë protestat kundër këtij pushteti i cili vazhdimisht ka punuar kundër veteranëve të luftës së UÇK-së dhe shtresave tjera të shoqërisë, mbeten të pandryshueshme”, ka shkruar ai.

Kujtojmë se sot gjatë ditës, Gjykata Kushtetuese i dha të drejtë qeverisë për Ligjin për Pagën Minimale i cili nuk i përfshin pensionet e veteranëve të luftës së UÇK-së.

Sipas njoftimit, Kushtetuesja e ka vlerësuar kërkesën e kryetarit të grupit parlamentar të AAK-së, Besnik Tahirit dhe nëntë deputetëve të tjerë, ku konstatoi se neni 2 i Ligjt për Veteranët e Luftës së UÇK-së nuk është në kundërshtim më Ligjin për Ndryshimin dhe Plotësimin e Ligjeve që Përcaktojnë Shumën e Beneficionit në Lartëri të Pagës Minimale.

Vazhdo të lexosh

Lajmet

Stoltenberg me lëvdata për Rutten: Po e lë NATO-n në duar të sigurta

Publikuar

3 orë më parë

më

26 Qershor, 2024

nga

Shefi aktual i NATO-s, Jens Stoltenberg e ka lavdëruar pasardhësin e tij në krye të Aleancës, Mark Rutte.

“Marku është një transatlanticist i vërtetë, një lider i fortë dhe një ndërtues i konsensusit. I uroj atij çdo sukses ndërsa ne vazhdojmë ta forcojmë NATO-n. E di që po e lë NATO-n në duar të sigurta”, tha ai.

Mark Rutte, kryeministri holandez në largim, është zgjedhur zyrtarisht si sekretari i ardhshëm i përgjithshëm i NATO-s.

Aleanca ushtarake tha në një deklaratë se “Këshilli i Atlantikut të Veriut vendosi ta emërojë kryeministrin holandez Mark Rutte si Sekretarin e Përgjithshëm të ardhshëm të NATO-s, duke pasuar Jens Stoltenberg”.

“Rutte do të marrë funksionet e tij si Sekretar i Përgjithshëm nga 1 tetori 2024, kur mandati i Stoltenberg përfundon pas dhjetë vjetësh në krye të Aleancës”, u tha në njoftim.

Vazhdo të lexosh

Të kërkuara