Sport

Robert Lewandowski thotë se koha në Bayern Munich ka mbaruar

Lewandowski ka shënuar 312 gola në 384 ndeshje të Bundesligës

Published

on

Robert Lewandowski thotë se koha e tij te Bayern Munich ka mbaruar. Sulmuesi polak, i cili ka qenë i lidhur me një kalim te Barcelona, tha në kampin stërvitor të ekipit të tij kombëtar të hënën se një transferim veror do të ishte rezultati më i mirë për të gjitha skuadrat.

Për momentin, është e sigurt që historia ime me Bayern Munich ka përfunduar dhe nuk mund të imagjinoj bashkëpunim të mëtejshëm me klubin pas asaj që ndodhi në muajt e fundit. Mendoj se transferimi do të jetë më i miri për të dyja palët“, tha Lewandowski, kontrata e të cilit me fuqinë bavareze do të zgjasë edhe një sezon.

Unë besoj se Bayern nuk do të më ndalojë (me forcë) vetëm sepse e ka mundësinë”, theksoi ai.

Lewandowski po fliste në Varshavë përpara ndeshjes së Polonisë në Ligën e Kombeve kundër Uellsit.

Sulmuesi 33-vjeçar më parë i tha transmetuesit polak Eleven Sports, “Është e vështirë të di nëse do të luaj ende për Bayernin sezonin e ardhshëm“.

Agjenti i Lewandowskit, Pini Zahavi, dhe Barcelona raportohet se kanë rënë dakord verbalisht për një marrëveshje trevjeçare, por Bayern ka qenë i vendosur në qëndrimin e tij që lojtari të mos jetë në shitje.

Komentet e fundit të Lewandowski, më të fortat e tij deri më tani, nuk ka gjasa të priten mirë në Mynih. Drejtori sportiv i Bayern-it, Hasan Salihamidžić, dhe shefi ekzekutiv, Oliver Kahn, kanë thënë që të dy se ai do të përmbushë kontratën e tij.

Lewandowski ka shënuar 312 gola në 384 ndeshje të Bundesligës për Bayern dhe ish-klubin Borussia Dortmund.

Ai shënoi 35 gola në 34 paraqitje sezonin e kaluar për t’u bërë golashënuesi më i mirë i Bundesligës për sezonin e pestë radhazi, për të shtatën herë gjithsej.

Lewandowski theu rekordin e vjetër të golave të Bundesligës në një sezon me 41 golat e vitit të kaluar. /UBTNews/

Sport

Kosova me Donjeta Sadikun dhe vëllezërit Bajoku në Kupën Botërore

Published

on

Federata e Boksit e Kosovës po vazhdon të marrë pjesë në garat ndërkombëtare me boksierët e saj.

Rrugëtimi i radhës është Kupa e Botës “Feliks Stamm”, që prej 10-17 maj 2025 do të mbahet në Varshavë të Polonisë.

Ekipi kosovar do të përfaqësohet në këtë garë prestigjioze me Donjeta Sadikun (60 kg), e cila do të udhëhiqet nga u.d. selektorja Marjola Sallauka.

Në konkurrencën e djemve do të marrin pjesë vëllezërit Bashkim Bajoku (55 kg) dhe Shpetim Bajoku (70 kg), të cilët udhëhiqen nga selektori, Faton Xhakli.

Krahas medaljeve, turneu është i vlefshëm edhe për të fituar pikë për ranglistën ndërkombëtare.

I ftuar nga Federata Botërore (World Boxing) për ta ndarë drejtësinë është edhe gjyqtari ndërkombëtar, Latif Demolli.

 

Continue Reading

Sport

UEFA vendos për lojtarin më të mirë të ndeshjes

Published

on

Gianluigi Donnarumma bëri pritje vendimtare në ndeshjen ndaj Arsenalit, por italiani megjithatë nuk ishte më i dalluari i ndeshjes.

Ekspertët e UEFA-s e kanë shpallur më të mirin lojtarin e krahut të djathtë të Parisit, Achraf Hakimin.

Hakimi e shënoi një gol, kishte tri ndërhyrje dhe katër topa të rikuperuar.

Hakimi ka vrapuar 11,2 kilometra, ndërsa sipas ekspertëve të UEFA-s e kishte paraqitjen më të mirë në fitoren 2:1 të Parisit ndaj Arsenalit.

Continue Reading

Sport

Ra në tokë dhe humbi ndjenjat, Oltion Bilalli po vazhdon nën kujdes intensiv në QKUK

Published

on

Futbolli kosovar ka pësuar një tronditje ditën e djeshme në ndeshjen Gjilani – Malisheva.

Sulmuesi i talentuar gjilanas, Oltion Bilalli ka pësuar tronditje pas një dueli me portierin e skuadrës mysafire Ilir Avdyli.

Bilalli ra në tokë dhe ka humbur ndjenjat, derisa me ambulancë është dërguar fillimisht në spitalin e Gjilanit e pastaj edhe në QKUK.

23-vjeçari ka pasur gjakderdhje të brendshme, derisa gjendja e tij sot është stabile, jashtë rrezikut për jetë.

Telegrafi mëson se Olti po vazhdon kujdesin intensiv në Qendrën Klinike Universitare të Kosovës (QKUK), ku të gjithë nga klubi i Gjilanit po i qëndrojnë afër.

Continue Reading

Sport

Milani fiton me përmbysje ndaj Genoas

Published

on

Një tjetër përmbysje në pjesën e dytë i dha Milanit tre pikë të vlefshme në transfertë ndaj Genoas të hënën mbrëma në Serie A, pas golave të zëvendësuesve Vitinha, Rafael Leao dhe një autogoli nga kapiteni i Genoas, Morten Frendrup.

Në një vendim befasues nga trajneri Sergio Conceicao, Leao nuk u përfshi në formacionin titullar në “Marassi”, duke u zëvendësuar nga Ruben Loftus-Cheek. Në anën tjetër, Patrick Vieira riktheu në formacion Stefano Sabellin, Junior Messiasin dhe Andrea Pinamontin.

Milani e nisi ndeshjen me disa goditje nga këndet, por pa arritur të rrezikonte portierin Nicola Leali. Tentativa e parë erdhi nga Brooke Norton-Cuffy, i cili provoi goditje nga e djathta, por Mike Maignan u tregua i gatshëm me një pritje të mirë.

Theo Hernandez u përpoq të surprizonte me goditje spektakolare nga mbi 70 metra largësi, por topi nuk mori drejtimin e duhur dhe përfundoi jashtë.

Momenti më i veçantë i pjesës së parë erdhi nga Maignan, i cili realizoi pritje të jashtëzakonshme të dyfishtë pas një goditjeje këndi, fillimisht duke ndalur topin në vijën fatale, pastaj duke pritur goditjen pasuese me thembër. Para pushimit, Leali ndali edhe një goditje të Christian Pulisic, pas një pasimi të shkëlqyer nga Leao, i cili hyri në lojë në minutën e 28-të pas dëmtimit të Youssouf Fofanas.

Pjesa e dytë nisi e fragmentuar për shkak të trajtimeve për Patrizio Masinin dhe Tijjani Reijnders. Gjithsesi, Vitinha, i sapofutur në fushë në minutën e 60-të, zhbllokoi rezultatin me një goditje të saktë me thembër nga një asist i Aaron Martinit. Ky ishte goli i tij i parë në këtë sezon.

Por Milani reagoi me dy gola brenda pak minutash. Santiago Gimenez asistoi nga e djathta për Leao, goditja e të cilit u devijua nga Norton-Cuffy dhe përfundoi në rrjetë – goli i tretë i Leao-s si zëvendësues këtë sezon në Serie A.

Dy minuta më pas, Reijnders shërbeu një top të ulët nga e majta që po shkonte për Joao Felix, por Frendrup ndërhyri keq dhe realizoi autogol për 1-2.

Kjo fitore nuk solli ndryshime në renditjen e Serie A – Milani qëndron në vendin e nëntë, ndërsa Genoa mbetet e 13-ta.

Continue Reading

Të kërkuara