Një zyrtar i lartë i Hamasit i kërkoi të hënën Shteteve të Bashkuara të Amerikës t’i bëjnë presion Izraelit për t’i dhënë fund luftës në Gaza, para vizitës së planifikuar të Sekretarit amerikan të Shtetit, Antony Blinken. 

Blinken do të vizitojë Egjiptin dhe Izraelin të hënën. Ai gjithashtu do të kërkojë që lufta të mos zgjerohet në Liban.

“Ne i bëjmë thirrje administratës amerikane të ushtrojë presion mbi pushtuesin për të ndaluar luftën në Gaza dhe lëvizja Hamas është e gatshme të merret pozitivisht me çdo iniciativë që siguron fundin e luftës”, tha zyrtari i lartë i Hamasit, Sami Abu Zuhri./UBTNews/

Presidentja e Kosovës, Vjosa Osmani, e ka quajtur ish-kryeministrin britanik, Tony Blair – “kampion të popullit të Kosovës”.

Përmes disa fotografive të postuara në rrjete sociale, Osmani i uroi mirëseardhje Blairit, në prag të 25-vjetorit të Çlirimit të Kosovës.

“Mirë se vjen në Kosovën e lirisë, shpresës, demokracisë, Kryeministër Tony Blair! 25 vjet më vonë, trashëgimia juaj vazhdon. Do të mbeteni gjithmonë kampion i popullit të Kosovës”, ka shkruar e para e vendit.

Në regjionin e Pejës, policia ka regjistruar tre raste të dhunës në familje gjatë 24 orëve të fundit. Në rastin e parë, sipas raportit policor, një burrë ka njoftuar policinë se është sulmuar fizikisht nga një person.

Në rastin e dytë një grua ka lajmëruar policinë për dhunë në familje, kurse në rastin e tretë një grua ka njoftuar policinë se është sulmuar dhe se ka pësuar lëndime,e njëjta ka marrë tretman mjekësor kurse i dyshuari është arrestuar.

Njoftimi i policisë:

Pejë/09.06.2024-04:50 . Viktima mashkull kosovar ka njoftuar se i dyshuari mashkull kosovar e ka sulmuar fizikisht dhe i ka shkaktuar lëndime trupore. Viktima ka pranuar tretman mjekësor. I dyshuari është arrestuar dhe me vendim të prokurorit është dërguar në mbajtje.

Pejë/09.06.2024-11:00. Viktima femër kosovare ka njoftuar se i dyshuari mashkull kosovar kishte thyer disa gjësende në shtëpi duke i shkaktuar edhe vetës lëndime dhe më pas ishte larguar nga shtëpia. Lidhur me rastin i dyshuari është arrestuar dhe me vendim të prokurorit është dërguar në mbajtje.

Pejë,09.06.2024-16:25. Është arrestuar i dyshuari mashkull kosovar pasi që i njëjti kishte ushtruar dhunë fizike ndaj viktimës kosovare. Si pasojë e lëndimeve të pësuara, viktima është dërguar për tretman mjekësor. Në konsultim me prokurorin kujdestar, i dyshuari është dërguar në qendrën e mbajtjes.

Kryeministri i Kosovës, Albin Kurti, ka thënë në 25-vjetorin e çlirimit të vendit se nevojiten botime akademike për gjithçka që ka ndodhur në luftën e fundit.

Në konferencën shkencore për 25-vjetorin e ndërhyrjes së NATO-s dhe Çlirimit të Kosovës me temën: “Një çerek shekulli shtetndërtim, sfida dhe arritje-qasje multidisiplinare”, Kurti ka uruar që Kosova të jetë gjithmonë e lirë.

“25 vjet më parë në mes te muajit qershor të vitit 1999, populli i Kosovës po i përjetonte ditët e fundit të luftës dhe ditët para të lirisë. Akademitë përkujtimore deri tani më shumë kanë qenë  faktografike se shkencore. Është koha që studimet e shkrimet tona të shkojnë të bëhet me akademikë. Gjatë javës që po e shënojmë 25-vjetorin e çlirimit po e nisim me një konferencë. Ne si shoqëri dhe shtet kemi nevojë për narracione të vërteta botime akademike për gjithçka ka ndodhur në luftë. Duke iu uruar mbarësi në këtë konferencë urime 25-vjetori i çlirimit, e paçim Kosovën gjithmonë të lirë”, u shpreh Kurti.