Lajmet

Rivarroset 17-vjeçari i zhdukur me forcë më 1999, familjarët rrëfejnë tmerrin e para dy dekadave

“Serbia vazhdon ta trajtojë si çështje politike dhe të luajë me fatin e personave të zhdukur”, tha Andin Hoti.

Published

4 years ago

on

Pas njëzet e tre vjetësh nga rrëmbimi dhe zhdukja e dhunshme nga forcat serbe, të premten është rivarrosur Nuredin Dvorani, eshtrat e të cilit janë gjetur dhe zhvarrosur nga lokacioni i varrezës masive në Qirez.

Vëllai i të ndjerit, Hisni Dvorani, tha se Nuredini ka qenë në moshën 17-vjeçare kur është zhdukur. Gjetjen e trupit të tij e konsideron ditë të madhe dhe lehtësim për familjen.

“Dhimbje e madhe është boll, por edhe ditë e madhe dhe lajm i mirë. Në aspektin se pas 22 viteve me ditë unë ku e ka varrin dhe prej sot e di. 22 vite kemi qenë në ankth, e kemi ditë që është vrarë, mirëpo ku është nuk e kemi ditë. Është një lehtësim për familjen, pasi tash e dimë ku të drejtohemi edhe të vijmë”, tha ai.

Kushëriri i Nuredinit, Iliri rrëfeu në detaje ditën tragjike të vrasjes dhe rrëmbimit të të ndjerit.

“Ngjarja ka ndodhur më 30 prill 1999, ka qenë një rrethim i hekurt. Në pamundësi të depërtojmë rrethimin kemi lëvizë prej një pjese në pjesën tjetër, maleve kuptohet. Ashtu na ka kaluar dita, rreth orës 18:00 në mbrëmje nuk kemi mundur të depërtojmë dhe është ngushtuar rrethi dhe erdhën na nxunë dhe gjuajtën me breshëri plumbash. Aty ka pasur shumë të vrarë dhe të plagosur edhe Nuredini i ndjeri. Ashtu të plagosur na kanë torturuar në mënyra të ndryshme deri tek xhamia në Qirez. Të nesërmen kanë filluar me krime të llojeve të tyre, duke djegur njerëz dhe therë me thika. Kanë mbajtur me kamionë persona, unë kam qenë në turrën e dytë, Nuredinin e kam lënë aty dhe unë e kam pas fatin të shkoj në Drenas, kam qenë i plagosur dhe rrahur. Pastaj Nuredini me pjesën tjetër të kushërinjve tanë kanë ardhur deri tek shavarinat dhe shumica prej tyre janë gjetur të vrarë, përveç Nuredinit i cili ka qenë i zhdukur deri më sot”, shton ai.

Ndërsa, kryesuesi i Komisionit qeveritar për persona të zhdukur, Andin Hoti, tha se Serbia duhet të kushtëzohet për dhënien e informacioneve për personat e zhdukur.

“Kur forcat serbe e kanë vrarë e kanë bërë krimin e parë ndaj tij. Ndërsa kur e kanë zhdukur e kanë bërë krimin e dytë ndaj tij. Kur e kanë fshehur informacionin për të e kanë bërë krimin e tretë ndaj tij, e kanë bërë krimin e shumëfishtë që 23 vite. Prandaj ne kemi kërkuar vazhdimësi që kjo çështje të trajtohet si çështje njerëzore, humane. Serbia vazhdon ta trajtojë si çështje politike dhe të luajë me fatin e personave të zhdukur. Edhe përmes BE-së dhe ShBA-së kemi kërkuar dhe vazhdojmë të kërkojmë dhe të themi që presioni nuk është i mjaftueshëm, por duhet të kushtëzohet Serbia për të dhënë informacionet për personat e zhdukur”, deklaroi ai.

Nuredin Dvorani ishte vetëm 17 vjeç kur ishte zhdukur dhunshëm nga forcat serbe më 30 prill 1999. Eshtrat e Nuredin Dvoranit ishin identifikuar përmes analizës së ADN-së.

Related Topics:
Continue Reading

Lajmet

​Calhanoglu: Jam i Interit dhe dua të fitoj trofe këtu

Published

8 hours ago

on

July 23, 2025

By

Hakan Calhanoglu ka konfirmuar besnikërinë ndaj Interit, duke hedhur poshtë zërat për një largim të mundshëm drejt Turqisë. Mesfushori turk është rikthyer në stërvitje në Appiano Gentile pas dëmtimit të pësuar në Shtetet e Bashkuara dhe deklaroi se ndjehet në formë të mirë dhe i motivuar për sezonin e ri.

“Pushimet nuk ishin të lehta për shkak të spekulimeve, por jam i lumtur që jam kthyer dhe dua të punoj fort për Interin,” tha Calhanoglu. “Unë jam një lojtar i Interit dhe gjithmonë kam thënë se dua të vazhdoj këtu. Qëllimi im është të fitoj trofe.”, tha ai.

Duke folur edhe për marrëdhënien me kapitenin Lautaro Martinez, Calhanoglu theksoi se “gjithçka është sqaruar” pas deklaratave të mëparshme dhe se janë “profesionistë dhe të pjekur”.

Agjenti i tij kishte mohuar më parë zërat për një kalim te Galatasaray apo Fenerbahce, ndërsa vetë lojtari shprehu dëshirën për të rinovuar dhe vazhduar projektin me zikaltrit.

 

Continue Reading

Lajmet

​UEFA delegon sërish një gjyqtar kosovar në një ndeshje evropiane

Published

8 hours ago

on

July 23, 2025

By

Gjyqtari nga Kosova, Visar Kastratit i është besuar detyra për të ndarë drejtësinë në ndeshjen Hibernians – Spartak Trnava, në kuadër të raundit të dytë të garës UEFA Conference League.

Ndeshja do të zhvillohet në stadiumin Tony Bezzina në Paola të Maltës, ku Kastratin do ta asistojnë Besnik Morina dhe Granit Hyseni. Gjyqtar i katërt do të jetë Alban Shala.

Kjo ndeshje do të luhet të enjten, më 24 korrik, me fillim në orën 18:00.

 

Continue Reading

Bota

Protestë në Ukrainë, Zelensky nënshkruan projektligjin që dobëson agjencitë anti-korrupsion

Published

10 hours ago

on

July 23, 2025

By

Agjencia e sigurisë së brendshme e Ukrainës arrestoi dy zyrtarë të NABU-së me dyshimin për lidhje me Rusinë dhe kontrolloi punonjës të tjerë të agjencisë për akuza të palidhura.

Mijëra ukrainas u mblodhën në Kiev dhe qytete të tjera të martën, duke i kërkuar Presidentit ukrainas Volodymyr Zelenskyy të vërteton ndaj legjislacionit që kritikët thonë se minon infrastrukturën antikorrupsion të vendit.

Protesta shënoi tubimin e parë të madh kundër qeverisë në më shumë se tre vjet të pushtimit të plotë të Rusisë.

Parlamenti i Ukrainës kishte miratuar një projektligj që shtrëngonte mbikëqyrjen e dy organeve kryesore antikorrupsion, Byrosë Kombëtare Antikorrupsion të Ukrainës (NABU) dhe Zyrës së Prokurorit të Specializuar Antikorrupsion (SAPO).

Kundërshtarët paralajmërojnë se masa mund të dobësojë pavarësinë e agjencive dhe të rrisë ndikimin politik mbi hetimet.

Pavarësisht protestave publike, Zelenskyy thuhet se e nënshkroi projektligjin të martën.

Continue Reading

Lajmet

​Formacionet e mundshme të miqësores Arsenal – Milan

Published

10 hours ago

on

July 23, 2025

By

Pas ndeshjes së tyre të parë në shtëpi në Milanello kundër Milan Futuro, Rossonerët do të përballen me Arsenalin e Mikel Artetas në miqësoren e parë të Turneut të tyre Para-Sezoni 2025 në rajonin Azi-Paqësor.

Ndeshja kundër “Gunners” është pjesë e “Festivalit të Futbollit në Singapor”, i cili, përveç AC Milan dhe Arsenal, do të përfshijë edhe Newcastle.

Kjo ndeshje zhvillohet nga ora 13:30 dhe këto janë formacionet e mundshme:

ARSENAL (4-3-3) : Raya; Lëndë drusore, Saliba, Gabriel, Calafiori; Odegaard, Zubimendi, Rajs; Saka, Havertz, Trossard.

MILAN (4-3-3) : Maignan; Saelemaekers, Tomori, Gabbia, Jimenez; Fofana, Ricci, Loftus-Cheek; Pulisic, Okafor, Leao.

 

Continue Reading

Të kërkuara