Lajmet

Rishi Sunak: Epoka e artë e marrëdhënieve Britani-Kinë ka përfunduar

Kjo pasi ai u zotua të “evoluojë” qëndrimin e Mbretërisë së Bashkuar ndaj Kinës.

Publikuar

1 vit më parë

më

Rishi Sunak ka thënë se e ashtuquajtura “epokë e artë” e marrëdhënieve me Kinën ka përfunduar, pasi ai u zotua të “evoluojë” qëndrimin e Mbretërisë së Bashkuar ndaj Kinës.

Në fjalimin e tij të parë për politikën e jashtme, Sunak tha se lidhjet më të ngushta ekonomike të dekadës së mëparshme kishin qenë “naive”.

Kryeministri tha se Mbretëria e Bashkuar duhej të zëvendësonte mendimet e dëshiruara me “pragmatizëm të fortë” ndaj konkurrentëve.

Por ai paralajmëroi kundër “retorikës së Luftës së Ftohtë”, duke shtuar se rëndësia globale e Kinës nuk mund të injorohet.

Sunak është përballur me presion nga mbështetësit konservatorë për të ashpërsuar qëndrimin ndaj Kinës që kur ai mori detyrën si kryeministër muajin e kaluar.

Fjalimi i tij vjen pas protestave në Kinë gjatë fundjavës kundër ligjeve të rrepta të vendit për Covid-19.

Policia ka bërë disa arrestime dhe një gazetar i BBC-së u arrestua teksa mbulonte një protestë në Shangai të dielën. Ai u rrah dhe shkelma nga policia gjatë arrestimit dhe u mbajt për disa orë para se të lirohej.

Ai shtoi se “epoka e artë” e marrëdhënieve MB-Kinë kishte “mbaruar”, së bashku me “idenë naive” se më shumë tregti me Perëndimin do të çonte në reformën politike kineze.

Fraza “epokë e artë” lidhet me lidhje më të ngushta ekonomike nën ish-kryeministrin David Cameron – por marrëdhëniet midis Londrës dhe Pekinit që atëherë janë përkeqësuar.

Megjithatë, Sunak theksoi se “ne nuk mund thjesht të injorojmë rëndësinë e Kinës në çështjet botërore – për stabilitetin ekonomik global ose çështje si ndryshimi i klimës”.

Ai shtoi se Mbretëria e Bashkuar do të punojë me aleatët, përfshirë SHBA-në, Kanadanë, Australinë dhe Japoninë për të “menaxhuar këtë konkurrencë të mprehtë, duke përfshirë diplomacinë dhe angazhimin”.

Sunak dhe presidenti kinez Xi Jinping ishin caktuar të takoheshin për herë të parë në samitin e G20 në Indonezi në fillim të këtij muaji, por takimi u anulua pas një shpërthimi rakete në Poloni./UBTNews/

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

7 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

9 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

11 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

13 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara