Lajmet

Rinisin bisedimet bërthamore të Iranit, fokusi i Teheranit qëndron në lehtësimin e sanksioneve

I dërguari i BE-së foli pas takimit të palëve të mbetura në marrëveshje.

Published

on

Bisedimet indirekte midis Iranit dhe Shteteve të Bashkuara për shpëtimin e marrëveshjes bërthamore të Iranit të vitit 2015 kanë rifilluar të hënën.

Raundi i shtatë i bisedimeve, i pari nën presidentin e ri, Ebrahim Raisi, përfundoi 10 ditë më parë me shtimin e disa kërkesave të reja. Fuqitë perëndimore thanë se përparimi ishte shumë i ngadalshëm dhe negociatorëve u kishin mbetur “javë, jo muaj” përpara se marrëveshja e 2015 të bëhej e pakuptimtë.

“Nëse punojmë shumë në ditët dhe javët në vijim, duhet të kemi një rezultat pozitiv… Do të jetë shumë e vështirë, do të jetë shumë e vështirë. Vendime të vështira politike duhet të merren si në Teheran ashtu edhe në Uashington”, tha në një konferencë shtypi koordinatori i bisedimeve, i dërguari i BE-së, Enrique Mora.

Ai foli menjëherë pas një takimi të palëve të mbetura në marrëveshje – Irani, Rusia, Kina, Franca, Britania, Gjermania dhe Bashkimi Evropian – takim ky që filloi zyrtarisht raundin e bisedimeve të hënën në mbrëmje.

“Ka një ndjenjë urgjence në të gjitha delegacionet që ky negocim duhet të përfundojë në një periudhë relativisht të arsyeshme kohore. Përsëri, nuk do të vendosja kufij, por ne po flasim për javë, jo për muaj”, tha Mora.

Irani refuzon të takohet drejtpërdrejt me zyrtarët amerikanë, që do të thotë se palët e tjera duhet të përcjellin të rejat mes dy palëve. Shtetet e Bashkuara kanë shprehur vazhdimisht zhgënjimin për këtë format, duke thënë se ai ngadalëson procesin dhe zyrtarët perëndimorë ende dyshojnë se Irani thjesht po luan për kohën./UBTNews/

Lajmet

Moti sot

Published

on

By

Sot (e martë) pritet të mbajë mot i vranët me reshje lokale shiu.

Era do të jetë me shpejtësi nga 20 deri 55km/h.

Temperaturat minimale pritet të lëvizin nga 5 deri në 7 gradë Celcius kurse ato maksimale nga 10 deri 13 gradë Celcius./D.B.KP

Continue Reading

Lajmet nga UBT

UBT përfaqësohet me sukses në Konferencën Ndërkombëtare të Pedodontisë në Turqi

Published

on

Prof. Dr. Aida Rexhepi dhe Ligj. Aferdita Gashi nga Katedra e Pedodoncisë dhe Stomatologjisë Preventive të Fakultetit të Stomatologjisë përfaqësuan UBT-në në Konferencën Ndërkombëtare të Pedodontisë në Antalia të Turqisë.

Me një prezantim të studimit të tyre shkencor mbi prevalencën e hipomineralizimit të molarit dhe incizivit te fëmijët e moshës 8-11 vjeç, përfaqësueset e UBT-së treguan ekspertizën e institucionit në hulumtime të avancuara në shëndetin oral dhe stomatologjinë pediatrike.

Konferenca u zhvillua në Antalia të Turqisë, më 4-7 tetor 2025, nën ombrellën e Shoqatës së Pedodonteve të Turqisë. Ky aktivitet ofroi një platformë ndërkombëtare për shkëmbimin e njohurive, diskutimin e metodave më të fundit në stomatologji pediatrike dhe prezantimin e rezultateve të studimeve shkencore nga specialistë të fushës.

Continue Reading

Lajmet

Ngrihet aktakuzë për shitblerje të narkotikëve dhe armëmbajtje pa leje në Gjakovë

Published

on

By

Prokuroria Themelore në Gjakovë, ka ngritur aktakuzë, kundër të pandehurit E.M nën dyshimin për shitje dhe shpërndarje të narkotikëve.

Sipas aktakuzës, ndër të tjera ceket se më datë 11.08.2025 rreth orës 21:25 në Gjakovë Rr. “Gasper Karaqi”, i pandehuri me qëllim të shitjes ose shpërndarjes pa autorizim posedon, substanca apo preparate të cilat me ligj janë shpallur si narkotikë, substanca psikotrope ose analoge, në atë mënyrë që derisa i pandehuri ka qenë duke lëvizur përgjatë rrugës së lartcekur me automjetin e tij Audi A6 me targa të regjistrimit …., në një pik kontrolli është ndalur nga zyrtarët policor të NJRSH-së, ku gjatë kontrollit në çantën e të pandehurit gjenden dhe sekuestrohen gjashtë (6) qese të mbushura me substancë narkotike.

Ashtu që nga ana e hetuesve në mënyrë urgjente është kryer kontrolli dhe bastisja në banesën e të pandehurit me ç’rast janë gjetur dhe sekuestruar substanca narkotike, një peshore digjitale, dy palë gërshërë, një lugë metalike, shirit ngjitës, shkrepës dhe qese të vogla të zbrazëta, të cilat kanë shërbyer për përgatitjen dhe më pas shitjen apo shpërndarjen e substancës narkotike, të cilat janë sekuestruara nga hetuesit policor, me ç’rast pas ekzaminimit nga AKF sipas raportit është konstatuar substancë narkotike e llojit kokainë me peshë të përgjithshme 342.06 gram”, thuhet në komunikatë.

Më tej thuhet se gjithashtu i pandehuri nga data e pa vërtetuar e deri më datë 11.08.2025, rreth orës 21:25 në Gjakovë, ka mbajtur në pronësi armë në kundërshtim me Ligjin për Armë Nr.05/L-022, dhe atë një pistoletë me gaz të llojit Zoraki dhe një karikartor, e sekuestruar nga ana e policisë.

Me këto veprime i pandehuri E.M., ka kryer veprat penale “Blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge” nga neni 267 par.1 të KPRK-së dhe “Mbajtja në pronësi, kontroll ose posedim të paautorizuar të armëve” nga neni 366 par.1 të KPRK-së”, thuhet në njoftim.

Në fund thuhet se prokurori i çështjes me rastin e ngritjes së aktakuzës, i ka propozuar gjykatës që të pandehurin ta shpallë fajtor dhe të dënohet sipas ligjit për veprat penale të cilat i vihen në barrë./D.B/KP

Continue Reading

Lajmet

​Zbulohet sasi e konsiderueshme mallrash të padeklaruara në pikën kufitare Vërmicë

Published

on

By

Zyrtarët doganorë në pikën kufitare në Vërmicë kanë parandaluar tentativën për të futur në territorin e Republikës së Kosovës mallra të padeklaruara, gjatë një kontrolli rutinë të zhvilluar sot.

Sipas njoftimit të Doganës, gjatë kontrollit të një automjeti të udhëtarëve, janë gjetur 18 thasë me 144 palë mbathje sportive të markës “Nike”, të cilat ishin fshehur në bagazhin e automjetit dhe nuk ishin deklaruar në momentin e hyrjes në territor.

Pala në fjalë nuk posedonte faturë për mallin, dhe sipas procedurave ligjore, malli është ndaluar përkohësisht në pikën kufitare deri në përfundimin e procedurave”, njofton Dogana e Kosovës. /D.B/KP

Continue Reading

Të kërkuara