Bota

Rënia e gruas së mbretit të drogës El Chapo

Published

on

Emma Coronel Aispuro kishte një jetë magjepëse në New York, duke shijuar përfitimet e martesës së saj me mbretin e drogës Joaquin Guzman Loera, i njohur si El Chapo. Pastaj ajo u arrestua dhe u hodh në një burg në Virxhinia. Çfarë ndodhi me mbretëreshën e botës së karteleve të drogës?

Qendra e Mbrojtjes për të Rriturit William Truesdale në Aleksandri, është vendi ku Emma Coronel Aispuro mbahet në izolim, në një qeli të vogël. Brenda, thotë avokati i saj Mariel Colón Miro, ajo lexon romane, “romantike”, për të kaluar kohën.

Emma Coronel Aispuro

Kushtet e burgut shënojnë një kontrast të mprehtë me jetën që ajo kishte dikur. Disa muaj më parë, ajo kishte në plan të niste një linjë veshjesh, El Chapo Guzman. (Çifti ka statusin e ikonës së stilit në Meksikë dhe vajza e tij gjithashtu ka bërë një hov në modë duke përdorur emrin e tij).

Por në fillim të këtij viti, Coronel, 31 vjeçe, u arrestua në Aeroportin Ndërkombëtar Dulles në Virxhinia dhe u akuzua se ka ndihmuar burrin të saj për të drejtuar kartelin famëkeq Sinaloa. Guzman, 64 vjeç, tani po vuan një dënim të përjetshëm në Kolorado.

Zyrtarët e FBI thanë se Coronel komplotoi për të shpërndarë kokainë dhe ndihmoi në planifikimin e arratisjes së burrit të saj nga një burg meksikan në 2015. Nëse shpallet fajtore, ajo mund të dërgohet në burg për gjithë jetën.

Duke lënë mënjanë çështjen e fajit ose të pafajësisë, analistët që studiojnë botën e trafikut të drogës thonë se Coronel gdhendi një rol të pazakontë për veten e saj. Ajo ishte një figurë publike, një sipërmarrëse dhe një ‘roje’, që ndihmonte për të kontrolluar se kush kishte qasje tek burri i saj teksa ai po drejtonte kartelin.

Tradicionalisht, gratë e trafikantëve të drogës shihen si “shumë atraktive” dhe “pa agjenci” thotë Cecilia Farfán-Méndez, studiuese në San Diego. Sipas saj, Coronel ishte ndryshe: “Ajo tregoi se gratë mund të mbajnë pozicione të pushtetit”.

Rrëmbimet dhe vrasjet

Coronel ishte duke ngrënë kur në Gjykatën Federale të Qarkut në Brooklyn, mbahej gjyqi i burrit të saj. Ajo ishte ulur me miqtë në kafene, bënte shaka për nënat dhe si të merrej me to.

“Ajo ka një personalitet të madh”, thotë Miro, avokati i saj. “Ema që njoh – ajo është plot energji, gjithmonë e qeshur”.

Coronel, një qytetare e Meksikës ashtu edhe e ShBA-së u takua me Guzman kur ajo ishte vetëm 17 vjeç, dhe ata u martuan shumë shpejt. Ata kanë dy fëmijë, Maria Joaquina dhe Emali. Gjatë gjykimit të burrit të saj, Coronel ulej në sallën e gjyqit pothuajse çdo ditë.

“Një diva e Sinaloas”, thotë Romain Le Cour, një analist i sigurisë i cili ka kaluar kohë duke studiuar kartelet. Me buzëkuq të kuq dhe me diamante dhe xhinse të ngushta, ajo mishëronte imazhin popullor të një “buchona”, që do të thotë një grua me pamje të mrekullueshme e cila tenton të jetë e dashura e një mafiozi.

Ajo përcakton termin, buchona: “Ato veshin rroba shumë të shtrenjta, çanta Louis Vuitton. Gjithçka është një ekzagjerim, dhe ajo është një përfaqësim perfekt i këtij imazhi” thekson Le Cour.

Por imazhi i saj joshës ishte në kontrast me punën që bënte duke ndihmuar operacionet e kartelit të El Chapo-s.

El Chapo në ditën e arrestimit.

El Chapo përdori dhunë për të mbajtur kontrollin mbi tregun e paligjshëm të drogës dhe korri shpërblimet e tij, duke i dhuruar pasuri gruas dhe familjes së tij. Më shumë se 300,000 njerëz janë vrarë në Meksikë që nga viti 2006, vit kur qeveria nisi luftën e saj mbi kartelet. Viktimat përfshinin armiqtë e Guzmanit, si dhe individë që ishin afër tij./UBTNews

Bota

Gjermania do t’i mbyllë 3 konsullata iraniane, pas ekzekutimit të shtetasit gjermano-iranian

Published

on

By

Gjermania do t’i mbyllë që të tri konsullatat iraniane në Gjermani, si përgjigje ndaj ekzekutimit të shtetasit gjermano-iranian, Jamshid Sharmahd, nga Irani, tha të enjten vonë ministrja e Jashtme e Gjermanisë, Annalena Baerbock.

Ne e kemi bërë të qartë vazhdimisht se ekzekutimi i një shtetasi gjerman do të ketë pasoja serioze”, tha Baerbock në Nju Jork.

Prandaj, kam vendosur t’i mbyllë që të tri konsullatat iraniane në Frankfurt, Munih dhe Hamburg”, shtoi ajo.

Baerbock theksoi se marrëdhëniet e Gjermanisë me Iranin kanë “rënë më poshtë se në pikën e ulët”, pas ekzekutimit të Sharmahdit në Teheran më 28 tetor.

Baerbock tha se ekzekutimi i Sharmahdit tregon se “regjimi i padrejtësisë” në Iran vazhdon të veprojë me brutalitet.

Që të gjithë 32 punonjësit në tre konsullatat duhet të largohen nga vendi, përveç nëse kanë shtetësi gjermane.

Ambasada iraniane në Berlin nuk preket nga ky urdhër.

Irani thirri në takim të ngarkuarin e Gjermanisë me punë në Teheran për të protestuar ndaj vendimit “të padrejtë” të Gjermanisë, njoftuan media shtetërore më 31 tetor.

Media shtetërore iraniane tha se Sharmahd u ekzekutua pasi ishte dënuar për kryerjen e sulmeve terroriste.

Ministri i Jashtëm iranian, Abbas Araqchi, tha të qenit i pasitur me pasaportë gjermane nuk i jep askujt imunitet.

Kancelari gjerman, Olaf Scholz, iu bashkua Baerbockut për ta dënuar fuqishëm ekzekutimin e Sharmahdit, duke e quajtur atë “skandal” për Qeverinë iraniane.

Zëvendës i dërguarit të posaçëm, Abram Paley, nga Zyra e Dërguarit të Posaçëm të SHBA-së për Iranin, përshëndeti vendimin e Gjermanisë për mbylljen e tri konsullatave iraniane.

Ne qëndrojmë të bashkuar me komunitetin ndërkombëtar për të mbajtur përgjegjës regjimin”, tha ai në X, duke e cilësuar ekzekutimin e Sharmahdit si “të padrejtë”.

Sharmahd, 69 vjeç, akuzohej nga Irani se udhëhiqte një grup promonarkist, për të cilin Teherani beson se ishte përgjegjës për një sulm vdekjeprurës me bombë në vitin 2008, si dhe për planifikimin e sulmeve të tjera në vend.

Katërmbëdhjetë iranianë dhe 210 të tjerë u plagosën në sulmin në xhaminë Sayyid al-Shuhada Husseiniya në Shiraz, gjatë një ceremonie për ta nderuar imamin Hussein, imamin e tretë të myslimanëve shiitë.

Ministria e Inteligjencës e Iranit e akuzoi Sharmahdin për planifikimin e sulmit, një akuzë të cilën familja e tij e hodhi poshtë si “qesharake”./REL/

 

Continue Reading

Bota

Në zgjedhjet presidenciale të SHBA-së të vitit 2024, ndryshimet klimatike duket se kanë humbur vëmendjen që patën katër vite më parë

Published

on

By

Në zgjedhjet presidenciale të SHBA-së të vitit 2024, ndryshimet klimatike duket se kanë humbur vëmendjen që patën katër vite më parë, pavarësisht nga ndikimi gjithnjë e më i dukshëm i tyre në jetën e përditshme dhe ekonominë e vendit.

Fushatat aktuale janë të fokusuara kryesisht te çështjet si ekonomia, imigracioni dhe politika e jashtme – tema që votuesit dhe kandidatët i shohin si më urgjente për momentin. Ka disa arsye pse klima ka rënë nga përparësitë kryesore të debatit zgjedhor:

Përparësitë ekonomike: Me rritjen e inflacionit dhe pasigurinë ekonomike, votuesit po shqetësohen gjithnjë e më shumë për çështjet që lidhen drejtpërdrejt me portofolin e tyre, si çmimet e produkteve ushqimore, kostot e energjisë dhe sigurimi i vendeve të punës. Këto shqetësime ekonomike shpesh përballen me strategji afatshkurtra, të cilat disa kandidatë po i vendosin përpara temave më afatgjata si ndryshimi i klimës.

Ndikimi i stuhive dhe fatkeqësive natyrore: Edhe pse moti ekstrem, si uraganet Helene dhe Milton, ka treguar përmasat e pasojave të ndryshimeve klimatike, politika rreth klimës nuk ka qenë prioritet në debatet kryesore të fushatës. Për shumë votues dhe politikanë, ka ende një distancë midis përvojave lokale të motit ekstrem dhe bisedave mbi politikat komplekse të klimës, të cilat shpesh shihen si sfida ndërkombëtare.

Konteksti ndërkombëtar: Pas zgjedhjeve në SHBA, liderët botërorë do të takohen në Baku për COP29, ku SHBA, si emetuesi i dytë më i madh i gazeve serrë, pritet të luajë një rol kyç. Me gjithë këto pritshmëri, diskutimet mbi klimën në SHBA janë të fragmentuara dhe shpesh të kufizuara nga ndasitë politike të brendshme, duke mos arritur të kenë një efekt domethënës në fushatën presidenciale.

Politikat aktuale për klimën: Pavarësisht shqetësimeve të ngritura nga shkencëtarët dhe OKB-ja për rritjen e temperaturës globale, shumica e kandidatëve kanë zgjedhur të qëndrojnë në tema më të prekshme për votuesit në afat të shkurtër, pa i theksuar politikat klimatike. Ky kontrast me vitin 2020 tregon se ndërkohë që çështjet klimatike mbeten kritike, ato nuk kanë të njëjtin ndikim të drejtpërdrejtë në zgjedhje si temat e tjera me peshë aktuale.

Ndërsa bota pritet të marrë vendime kyçe për klimën, Shtetet e Bashkuara mbeten në një udhëkryq: me ndasi në prioritetet e politikës së brendshme dhe nevojën për një rol të fortë ndërkombëtar në përballjen me krizën klimatike. Rezultati i zgjedhjeve të nëntorit pritet të ketë ndikim të madh në qasjen e SHBA-së ndaj politikave klimatike globale për vitet që do të vijnë.

Continue Reading

Bota

Mbi 200 viktima në Spanjë, priten reshje të reja

Published

on

By

Rajonet e goditura nga përmbytjet në Spanjë po përgatiten për reshje të tjera. Autoritetet lokale kanë njoftuar se disa qindra ushtarë janë angazhuar për të ndihmuar në operacionet e shpëtimit.

Të dhënat e fundit nga shteti iberik tregojnë se përmbytjet kanë shkaktuar mbi 205 viktima, duke e bërë këtë ngjarje një nga katastrofat natyrore më të rënda në dekadat e fundit.

Banorët e provincës së Valencias janë duke vlerësuar dëmet.

Të katërt shpëtuam, por humbëm gjithçka; shtëpinë, makinën dhe dokumentet tona”, deklaron një grua.

Bashkia njoftoi se niveli i ujit po rritej në orën 5 të mëngjesit, por tha se kishte gjithçka nën kontroll. Ne nuk ishim të shqetësuar sepse mendonim se nuk kishte rrezik. Edhe pas pune, shëtita me qenin tim”, deklaroi një tjetër qytetar.

Në qytetin Paiporta, të mbijetuarit nga përmbytjet janë rreshtuar për të marrë ushqim dhe ujë. Ky lokalitet, i vendosur në jug të Valencias, u shkatërrua nga një valë e papritur e baltës, që arriti deri në 2 metra lartësi.

Banorët deklaruan se uji kishte vërshuar ditën e martë, pa asnjë paralajmërim nga autoritetet. Sidoqoftë, ato kishin lëshuar alarmin e kuq për zonat në jug-perëndim të vendit.

Reshje të dendura shiu gjatë orëve të para të së premtes përmbytën një pjesë të qytetit dhe zonat përreth.

Continue Reading

Bota

Koreja e Veriut do ta mbështesë Rusinë derisa të triumfojë në Ukrainë, thotë ministrja e Jashtme

Published

on

By

Koreja e Veriut do ta mbështesë Rusinë derisa ajo të arrijë fitore në luftën në Ukrainë, tha ministrja e Jashtme koreanoveriore, Choe Son Hui, të premten pas një takimi me homologun e vet rus në Moskë, Sergei Lavrov.

Marrëdhëniet tona tradicionale dhe historike, të cilat kanë përshkruar dhe sprovuar rrugët e historisë, sot…po rriten në një shkallë të re marrëdhëniesh së miqësisë së pamposhtur ushtarake”, i tha ajo Lavrovit.

Ajo i lavdëroi liderin e Koresë së Veriut, Kim Jong Un, dhe presidentin rus, Vladimir Putin, për rolin e tyre për thellimin e lidhjeve.

Ajo tha se Pheniani nuk ka asnjë dyshim se ushtria dhe populli rus, nën “udhëheqjen e mençur” të Putinit, do të “arrijnë fitore të madhe në luftën e tyre të shenjtë për t’i mbrojtur të drejtat sovrane dhe interesat e sigurisë së shtetit të tyre”.

Dhe, ne gjithashtu garantojmë se deri në ditën e fitores, në do të qëndrojmë fuqishëm përkrah partnerëve tanë rusë”, tha ajo.

Lavrovi foli për “marrëdhënie shumë të ngushta” mes ushtrive të të dy vendeve dhe tha se kjo ua mundëson atyre të zgjidhin çështje të rëndësishme të sigurisë së bashku.

Asnjëri prej tyre nuk foli për deklaratat e Shteteve të Bashkuara, NATO-s, Koresë së Jugut dhe Ukrainës gjatë kësaj jave, se Koreja e Veriut i ka dërguar rreth 10.000 trupa në Rusi.

Sekretari amerikan i Shtetit, Antony Blinken, tha të enjten se 8.000 trupa koreanoveriore janë në rajonin Kursk të Rusisë, ku trupat ukrainase kryen një inkursion në gusht dhe prej atëherë mbajnë nën kontroll qindra kilometra katror territor. Ai tha se pret këta trupa të dërgohen në vijën e frontit në ditët në vijim.

Ne u jemi thellësisht mirënjohës miqve tanë koreanë për qëndrimin e tyre parimor në lidhje me ngjarjet që po zhvillohen në Ukrainë si pasojë e synimeve të Perëndimit për ta zgjeruar NATO-n në lindje dhe për ta nxitur haptazi regjimin racist për shfarosjen e çdo gjëje që është ruse”, tha Lavrov.

Choe tha se Veriu dhe Rusia duhet të vazhdojnë thellimin e marrëdhënieve në përputhje me traktatin e nënshkruar muaj më parë nga liderët e dyja vendeve, i cili përmban një klauzolë për mbrojtje të përbashkët.

Moska, e cila e nisi pushtimin e plotë të Ukrainës në shkurt 2022, nuk e ka mohuar e as pranuar troç se Koreja e Veriut i ka dërguar ushtarë. Por, Putini tha se i takon Rusisë se si ta zbatojë traktatin me Kimin./REL/

 

Continue Reading

Të kërkuara