Lajmet nga UBT

Rektori Hajrizi: Shkenca dhe inovacioni, prioritet i UBT-së për zhvillimin e Kosovës në arenën ndërkombëtare

Published

6 months ago

on

UBT ka shënuar një progres të jashtëzakonshëm duke u renditur në mesin e 100 universiteteve më të mira në botë dhe duke u veçuar në fusha specifike si inteligjenca artificiale dhe ndërmarrësia në nivel evropian. Ky institucion është pozicionuar si universiteti i dytë në Evropë për qasje në ndërmarrësi dhe i 26-ti në botë për inteligjencën artificiale, duke përforcuar rolin e tij si një qendër arsimore dhe shkencore kryesore në Kosovë dhe më gjerë.

Rektori i UBT-së, Prof. Dr. Edmond Hajrizi, ka theksuar se puna shkencore është prioritet kryesor i institucionit. Gjatë vitit akademik 2024/2025, mbi 3 mijë studentë u regjistruan në UBT, me 75% të tyre të përqendruar në fushat STEM (shkencë, teknologji, inxhinieri dhe menaxhim) dhe 25% në fusha të tjera. Sipas Hajrizit, UBT ka përfituar ndjeshëm nga projektet evropiane dhe ndërkombëtare, duke rritur numrin e diplomave të dyfishta dhe projekteve hulumtuese shkencore në bashkëpunim me institucione prestigjioze nga SHBA dhe Evropa.

“Kemi pasur ngritje të ndjeshme në rankimet ndërkombëtare, si për ndërmarrësinë, ashtu edhe për inovacionin dhe inteligjencën artificiale. Gjithashtu, kemi krijuar mbi një mijë vende pune, duke kontribuar ndjeshëm në zhvillimin ekonomik të vendit”, theksoi ai.

UBT ka punuar për ta futur Kosovën në hartën ndërkombëtare të kërkimit shkencor, përmes digjitalizimit dhe zhvillimit të aplikacioneve teknologjike që ndihmojnë sektorë si arsimi publik dhe shëndetësia.

“Kemi krijuar mundësi për trajtime mjekësore falas dhe kemi ndihmuar shkollat publike dhe institucionet me zgjidhje inovative”, shtoi Rektori Hajrizi, duke nënvizuar se arsimi i lartë në Kosovë ka ende nevojë për avancim, sidomos në pjesën e rankimeve shkencore.

Gjatë vitit 2024, UBT ka aplikuar për disa programe të reja studimore, duke përfshirë doktoratat në fushën e mjekësisë ndërkombëtare dhe zgjerimin e akreditimeve globale. Institucioni është gjithashtu i angazhuar në zhvillimin e komponentëve të qytetit të mençur 2025, një nismë që synon të vendosë Kosovën në qendër të teknologjisë dhe inovacionit.

UBT ka zgjeruar rrjetin e bashkëpunimeve me universitete dhe institucione ndërkombëtare si ato në Vjenë, Itali, Gjermani, Varshavë, Spanjë, Britani, dhe SHBA, duke forcuar programet e diplomave të dyfishta dhe duke ndarë njohuri të avancuara në teknologji dhe shkencë.

Synimet për të ardhmen
duke reflektuar mbi këto arritje, UBT synon ta rrisë më tej ndikimin e tij në skenën globale përmes avancimit të punës shkencore dhe integrimit të Kosovës në rrjetet ndërkombëtare të arsimit dhe kërkimit.

“Prioriteti ynë për vitin 2025 do të jetë zhvillimi i punës shkencore, që Kosova të duket më mirë në statistikat globale dhe të përfaqësohet në nivele të larta”, përfundoi Rektori Hajrizi.

Me këto arritje dhe përkushtim, UBT po pozicionohet si lider në arsimin e lartë dhe një shtyllë e rëndësishme në zhvillimin e Kosovës në arenën ndërkombëtare./UBTNews/

Related Topics:
Continue Reading

Kërkime

Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA

Published

42 minutes ago

on

July 11, 2025

By

Profesori i UBT-së, Musa Sabedini, ka realizuar një tjetër sukses akademik me publikimin e punimit shkencor në revistën ndërkombëtare Journal of Global Perspectives on Society, Culture, and Development (JGPSCD), e cila botohet në Shtetet e Bashkuara të Amerikës nga MK Science Set Publishers, me ISSN 3067‑8358 dhe me sistem vlerësimi shkencor “double-blind peer review”.

Punimi me titull “A janë lajmet e rreme (dezinformimi) armiku më i madh i Etikës, në gazetarinë profesionale në Kosovë?” trajton një tematikë aktuale dhe me rëndësi të veçantë për zhvillimin e gazetarisë etike dhe profesionale në Kosovë, në një kohë të mbushur me sfida të dezinformimit dhe lajmeve të rreme.

Ky punim, i cili është i pajisur me DOI zyrtar, përbën një kontribut domethënës në fushën e studimeve të gazetarisë dhe etikës mediale, duke pasuruar kështu literaturën akademike dhe duke rritur profilin ndërkombëtar të UBT-së në kërkim shkencor.

Profesori Sabedini është autor i tre librave shkencorë në fushën e gazetarisë dhe etikës, përfshirë:

  • Etika, mburojë e gazetarisë profesionale (2025), promovuar në UBT
  • Gazetaria Online në Kosovë dhe në rajon: Etika dhe sfidat e vetërregullimit (2024)
  • Mediet, etika, raportimet për situata të ndjeshme (2023)

Ai ka prezantuar mbi 11 punime shkencore në konferenca ndërkombëtare dhe gëzon mbi 33 vite përvojë në gazetarinë informative dhe hulumtuese. Është themeltar dhe redaktor i portalit RajoniPress, i njohur për raportime profesionale mbi çështje të ndjeshme si korrupsioni dhe krimi i organizuar.

Për angazhimin e tij në gazetari, Sabedini është katër herë fitues i çmimit “Gazetari i Vitit” në Kosovë, ndërsa ka ndjekur trajnime të avancuara në SHBA, përfshirë edhe në University of Missouri – Columbia, në fushën e gazetarisë hulumtuese dhe luftës kundër korrupsionit.

Continue Reading

Lajmet nga UBT

Punëtori praktike në kuadër të Akademisë Verore të Fakultetit Juridik: “Drejtësia për të Mitur në Praktikë”

Published

1 hour ago

on

July 11, 2025

By

Në kuadër të Akademisë Verore të Fakultetit Juridik në UBT, u mbajt një punëtori me temën “Drejtësia për të Mitur në Praktikë”, ku studentët patën mundësinë të zhvillojnë aftësitë e tyre praktike përmes diskutimit të rasteve konkrete dhe simulimeve profesionale.

Punëtoria u pasurua me pjesëmarrjen e dy mysafirëve të veçantë nga institucionet kyçe të sistemit të drejtësisë për të mitur në Kosovë:

  • Ismail Dibrani, Drejtor i Shërbimit Korrektues të Kosovës
  • Arsim Tahiri, Drejtor i Shërbimit Sprovues të Kosovës

Të ftuarit ndanë përvojat e tyre profesionale dhe theksuan rëndësinë e bashkëpunimit ndërinstitucional në trajtimin e të miturve në konflikt me ligjin. Ata vlerësuan lartë këtë iniciativë të Fakultetit Juridik, duke kontribuar me diskutime dhe këshilla konkrete që ndihmuan studentët të thellojnë njohuritë e tyre praktike në këtë fushë të specializuar të së drejtës.

Continue Reading

Lajmet nga UBT

Enesa Hamiti, Menaxhere e Platformave Digjitale në Onima Co., ligjëron për strategjitë e monetizimit në përmbajtjen online

Published

17 hours ago

on

July 10, 2025

By

Në kuadër të Akademisë Verore të Fakultetit të Sistemeve të Informacionit në UBT, Enesa Hamiti, Menaxhere e Platformave Digjitale në Onima Co., mbajti një ligjëratë me titull: “Si të kthejmë klikimet në të ardhura: Sekretet e monetizimit në TikTok, YouTube, Spotify dhe më gjerë.”

Gjatë ligjëratës, ajo ndau me pjesëmarrësit strategjitë kyçe për të gjeneruar të ardhura nga përmbajtja digjitale, duke filluar nga ndërtimi i një marke personale të fortë përmes përmbajtjes autentike dhe ndërvepruese me audiencën.

Enesa theksoi rëndësinë e analizës së të dhënave për të identifikuar përmbajtjen me performancë të lartë, optimizimin e algoritmeve për një reach sa më të madh, si dhe ndërtimin e partneriteteve të duhura që sjellin të ardhura direkte – përmes sponsorizimeve, abonimeve dhe reklamave.

Ajo solli shembuj praktikë nga platforma të ndryshme, duke theksuar dallimin mes përmbajtjes që gjeneron klikime dhe asaj që gjeneron fitim real.

Ligjërata kulmoi me këshilla konkrete për krijuesit e ardhshëm të përmbajtjes: të planifikojnë publikimet në mënyrë të rregullt, të eksperimentojnë me formate të ndryshme (si Shorts, Reels apo formate episodike audio), si dhe të adoptojnë një qasje “ekosistemi” – ku një video mund të transformohet në podcast, playlist në Spotify, artikull blogu e shumë më tepër.

Ky sesion ofroi një pasqyrë të plotë dhe të qëndrueshme për ndërtimin e një karriere të suksesshme në fushën e përmbajtjes digjitale.

Continue Reading

Lajmet nga UBT

Prof. Sokol Loci përfaqëson UBT-në në “International Staff Week” në Bukuresht

Published

20 hours ago

on

July 10, 2025

By

Prof. Sokol Loci, pjesë e Zyrës për Marrëdhënie Ndërkombëtare në UBT, mori pjesë në aktivitetin “International Staff Week”, të organizuar nga Romanian-American University në Bukuresht, Rumani, në kuadër të programit Erasmus+.

Gjatë kësaj vizite, Prof. Loci mbajti një ligjëratë me temën “Preparing Students for an Intercultural Environment”, ku trajtoi çështje të rëndësishme si stereotipet dhe paragjykimet ndërkulturore. Ai zhvilloi gjithashtu takime me përfaqësues të universiteteve nga Evropa, SHBA-ja, Azia dhe Afrika, me të cilët u dakordua për inicimin e bashkëpunimeve të reja akademike.

Kjo pjesëmarrje forcon më tej angazhimin e UBT-së për ndërkombëtarizim dhe krijimin e mundësive të reja për studentët dhe stafin akademik, në një kontekst global dhe bashkëpunues.

Continue Reading

Të kërkuara