Lajmet nga UBT

Rektori Hajrizi priti në takim kryetarin e Komunës së Prishtinës, Përparim Rama

Në këtë takim, rektori Hajrizi e ka njoftuar kryetarin Rama me punën dhe zhvillimin e UBT-së ndër vite.

Published

3 years ago

on

Rektori i UBT-së, prof.dr. Edmond Hajrizi, ka mirëpritur në Parkun Shkencor Inovativ të UBT-së, në Lipjan, kryetarin e Komunës së Prishtinës, Përparim Rama.

Në këtë takim, rektori Hajrizi e ka njoftuar kryetarin Rama me punën dhe zhvillimin e UBT-së ndër vite, si dhe arritjet e institucionit në arenën ndërkombëtare, faktorë këta që kanë ndikuar shumë në ndërkombëtarizimin e Kosovës në fushën e arsimit.

Ndër të tjera, rektori Hajrizi i ka prezantuar kryetarit të Komunës së Prishtinës, Përparim Rama, inovacionet dhe teknologjitë më të reja që ka sjell në Kosovë UBT, në mënyrë që studentët të zhvillojnë studimet akademike në hap me trendet e reja botërore.

Kryetari i Komunës së Prishtinës, Përparim Rama është shprehur i lumtur që UBT ka zhvilluar një energji kreative brenda institucionit me një vullnet të mirë për t’iu ofruar studentëve studime akademike të mirëfillta.

“Po kënaqem që në Kosovë ekziston një universitet i tillë që e ndërlidh akademinë me punë praktike, pra nuk është i bazuar vetëm në teori, por teoria ndërlidhet me praktikë, dhe po shoh instanca të ndryshme që i pamë tani, të ekonomisë së re, të ekonomisë cerkulare, të investimeve të cilat kanë në pah aspektin ambiental të zhvillimit të një institucioni të mirëfilltë që ofron kushte shumë të mira për studentët tanë, pra për studentët e Kosovës”, ka thënë fillimisht kryetari i Komunës së Prishtinës, Përparim Rama.

Ai ka theksuar se hapësirat e zhvilluara në Parkun Shkencor Inovativ të UBT-së, po ofrojnë një gërshetim të fushave të ndryshme për stimulimin e gjërave kreative dhe inovative.

“Po i shoh hapësirat që me të vërtetë mundësojnë stimulimin e mendjes të të rinjve tanë, e mundësojnë edhe një bashkëdyzim dhe bashkëveprim të fushave të ndryshme, pra një bashkëpunim të mirëfilltë i cili stimulon edhe mendimin jashtë kornizave standarde, pra stimulimin e gjërave kreative dhe inovative”, ka thënë kryetari Rama.

Ai ka thënë se Komunës së Prishtinës i duhen studentë me pasion që duan të ndihmojnë në zhvillimin e kryeqytetit, duke theksuar se do të organizojnë edhe një workshop për të prezantuar edhe vizionin e kryeqytetit, në mënyrë që studentët të shprehin kreativitetin e tyre, përderisa rektori Hajrizi ka shprehur gatishmërinë e plotë që të ndihmojnë të gjithë në këtë aspekt.

“Ne konfirmojmë gatishmërinë tonë që edhe me studentë dhe me staf, dhe me gjitha resurset tona të jemi në dispozicion për të analizuar, studiuar dhe përdorur kreativitetin që kemi, në mënyrë që vendimmarrja të jetë sa më e lehtë dhe më e shpejtë”, ka thënë rektori Hajrizi.

Nga ky takim, palët u pajtuan që të bashkëpunojnë në të ardhmen për zhvillimin e kryeqytetit dhe të vazhdojnë ndihmën për studentët në lehtësimin e studimeve të tyre në aspekte të ndryshme.

Related Topics:
Continue Reading

Lajmet nga UBT

UBT International Smart Schools tani edhe në Prizren: Promovohen drejtimet për mjekësi në ditën e Testit të Arritshmërisë

Published

2 days ago

on

June 27, 2025

By

Në një nga ditët më të rëndësishme për semimaturantët në mbarë vendin, ditën e  Testit të Arritshmërisë, stafi i UBT International Smart Schools ka qenë i pranishëm në qytetin e Prizrenit së bashku me nxënësit për të promovuar ofertën arsimore.
UBT ka ndarë materiale informuese, duke ofruar detaje mbi mundësitë që ofron kjo shkollë për të gjithë të rinjtë që dëshirojnë të ndjekin një karrierë në fushën e mjekësisë.
Me një infrastrukturë moderne dhe metodologji të avancuar të mësimdhënies, UBT International Smart Schools ofron dy drejtime në Shkollën e Mesme të Mjekësisë:
Bashkëpunëtor Profesional i Infermierisë
Teknik i Laboratorit Mjekësor
Këto drejtime janë të dizajnuara për të përgatitur të rinjtë për një karrierë të sigurtë në shëndetësi, me fokus për praktikë të drejtpërdrejtë në institucionet shëndetësore dhe zhvillimin profesional  të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.
Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

Continue Reading

Lajmet nga UBT

UBT International Smart Schools tani edhe në Gjilan me dy programe në mjekësi

Published

3 days ago

on

June 26, 2025

By

UBT International Smart Schools sjellë në Gjilan dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor. Kjo është mundësia ideale për nxënësit që duan të ndjekin një profesion të sigurt në fushën e shëndetësisë.

Me pajisje moderne dhe mësim me metoda bashkëkohore, shkolla ofron përgatitje të plotë praktike dhe teorike për profesionistët e ardhshëm të mjekësisë.

Programe të ofruara:
Bashkëpunëtor Profesional i Infermierisë
Teknik i Laboratorit Mjekësor

Nxënësit do të kenë mundësi të praktikojnë në institucione shëndetësore dhe të mësojnë nga profesionistë me përvojë, duke u përgatitur për sfidat e tregut të punës në sektorin e shëndetësisë.

Mos e humb shansin të bëhesh pjesë e kësaj rrugë të sigurt profesionale. Regjistrohu tani — vendet janë të kufizuara!

REGJISTROHU ONLINE

Continue Reading

Lajmet nga UBT

Tani edhe në Prizren: UBT International Smart Schools me dy drejtime të mjekësisë

Published

3 days ago

on

June 26, 2025

By

UBT International Smart Schools zgjeron ofertën arsimore dhe edukative me dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor, duke i ofruar nxënësve të Prizrenit mundësinë për të ndjekur një karrierë të sigurtë në fushën e mjekësisë.

Me një infrastrukturë moderne dhe metodologji të avancuar të mësimdhënies, shkolla sjell mundësi të shumta për të rinjtë që duan të specializohen në profesionet mjekësore.

Nxënësit tani mund të zgjedhin mes dy programeve kryesore:Bashkëpunëtor Profesional i Infermierisë
Teknik i Laboratorit Mjekësor

Këto drejtime janë të fokusuar në inovacion, praktikë të drejtpërdrejtë në institucione shëndetësore dhe zhvillimin profesional të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.

Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

REGJISTROHU ONLINE

Continue Reading

Lajmet nga UBT

UBT forcon bashkëpunimin ndërkombëtar me një nga universitetet më prestigjioze në Greqi – University of Thessaly

Published

4 days ago

on

June 25, 2025

By

Në kuadër të angazhimeve të vazhdueshme për të ndërtuar ura bashkëpunimi me institucione të rëndësishme akademike në Evropë, UBT ka nënshkruar një marrëveshje me University of Thessaly në Greqi, një universitet me reputacion të lartë ndërkombëtar në fushën e kërkimit dhe inovacionit.

Kjo marrëveshje vendos bazat për një partneritet të thellë akademik dhe shkencor, duke përfshirë: shkëmbimin e studentëve, mobilitetin e stafit akademik, zhvillimin e përbashkët të projekteve kërkimore, mentorimin e përbashkët të disertacioneve doktorale, si dhe organizimin e praktikave profesionale dhe trajnimeve për studentët afër përfundimit të studimeve.

Një nga pikat më të rëndësishme të këtij bashkëpunimi është mundësia për zhvillimin e programeve të përbashkëta ndërkombëtare të studimit, duke i ofruar studentëve një avantazh të qartë në skenën globale të arsimit dhe punësimit.

Me këtë marrëveshje, UBT thellon angazhimin e tij për ndërkombëtarizimin e arsimit të lartë dhe afirmon pozicionin e tij si një aktor aktiv në rrjetet evropiane të bashkëpunimit akademik dhe shkencor.

Continue Reading

Të kërkuara