Lajmet

Rektori Hajrizi prezantoi 30 inovacionet për 20-vjetorin e UBT-së

Rektori Hajrizi ka thënë se gjatë këtyre viteve është bërë një punë e jashtëzakonshme.

Published

on

Në ditën e 20-të të muajit dhjetor, UBT shpalosi 30 inovacionet për nder të 20-vjetorit të themelimit të institucionit më të madh akademik të dijes – UBT.

Në një ceremoni solemne, mes të ftuarish nga institucione të ndryshme dhe bashkëpunëtorë vendorë dhe ndërkombëtarë, rektori i UBT-së, prof. dr. Edmond Hajrizi, ka prezantuar 20 inovacione duke i shtuar këtu edhe 10 inovacione të tjera që rrumbullaksojnë 30 të tilla, përgjatë 20 viteve të funksionimit të UBT-së.

Me këtë rast, rektori Hajrizi ka thënë se gjatë këtyre viteve është bërë një punë e jashtëzakonshme, me një angazhim të gjithsecilit për të arritur në pikën ku UBT është sot, duke e ndihmuar edhe Kosovën në procese shumë të rëndësishme të saj.

“Për të arritur në pikën e 20 inovacioneve është nevojitur që këtë vit të punojmë në 150 projekte të reja zhvillimore. Këto projekte janë në funksion të edukimit, shkencës, duke përfshirë green houses, pajisje, laboratore të ndryshme, fabrika të ndryshme, teknologji të ndryshme, projekte zhvillimore, studime fizibiliteti, akreditime e riakreditime, pra një sasi shumë e madhe e projekteve me të cilat sivjet kemi punuar shumë, dhe unë jam shumë i lumtur që kemi arritur t’i prezantojmë sot në këtë ceremoni”, ka thënë rektori Hajrizi.

Inovacionet që kanë ndikim në shoqëri e që përfshijnë ekosisteme të mëdha të dijes që sjellin praktikat më të mira dhe më të njohura të botës në Kosovë, e që një shumicë e tyre janë të parat në rajonin e Ballkanit Perëndimor janë:

  • 5G Technology
  • Augmented and Virtual Reality
  • Artificial Intelligence, Internet of Things, Robotics and Industrial Automation
  • UBT Smart City
  • National Cyber Security and Resilience
  • UBT Research Hubs
  • UBT Junior Hub
  • UBT Sport, E-Sport & Art Hub
  • UBT Innovation and Technology Hubs
  • UBT Knowledge Hub
  • Tailored Manufacturing and Services
  • Remote / Contactless Delivery Services
  • Creativity Industry Hub
  • Central Testing Hub
  • Smart Green Campus
  • UBT EdTech
  • UBT Digital Innovation Hub
  • National Public Policy Simulation Lab
  • UBT Integrated Media Center
  • UBT GIS Center
  • UBT High Schools
  • UBT Professional Schools
  • UBT Idea
  • Virtualization based Delivery Services
  • UBT Community Services
  • UBT Health Care Services
  • UBT – University 4.0
  • UBT Go International
  • UBT Science and Technology Park
  • Impact University

Përmes këtyre inovacioneve UBT ka sjell në Kosovë një qasje multidisiplinare të funksionimit të një prej ekosistemeve më të mëdha të dijes, e që përfshin edukimin, shkencën, inovacionin, teknologjinë, qytetin e mençur, zhvillimin e qëndrueshëm, Global Virtual Center, e elemente të tjera të inkorporuara në ekosistemin gjigant të dijes në UBT.

Aktualitet

Lidership, strategji dhe politika publike në një program të vetëm në Master në UBT

Published

on

Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.

Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.

Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

APLIKO TANI ONLINE!

Continue Reading

Bota

​Rutte në Kiev: NATO mbështet Ukrainën

Published

on

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.

Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.

“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.

Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.

Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.

“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.

Continue Reading

Bota

Pekini kundërshton tarifat e SHBA-së për tarifat 50% ndaj Indisë

Published

on

Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.

Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.

“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.

Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.

Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.

India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.

Continue Reading

Aktualitet

​73 raste të dhunës në familje për një javë

Published

on

Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.

Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.

“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Continue Reading

Të kërkuara