Lajmet nga UBT

Rektori Hajrizi për të diplomuarit e UBT-së: Ju jeni ambasadorë të vlerave dhe standardeve tona

Published

on

Në një atmosferë festive dhe plot emocion, Rektori i UBT-së, Prof. Dr. Edmond Hajrizi, mbajti një fjalim frymëzues gjatë ceremonisë së diplomimit të gjeneratës së 21-të të studentëve të këtij institucioni lider në arsimin e lartë në Kosovë dhe rajon. Duke iu drejtuar studentëve, prindërve, familjarëve dhe miqve të pranishëm, ai përgëzoi të gjithë për këtë arritje të madhe.

“Sot, ndërsa qëndroj përpara jush, më lejoni të filloj duke ju përgëzuar nga thellësia e zemrës për këtë arritje të madhe. Dita e sotme shënon një moment kthese në jetën tuaj, një moment që përmbledh vite të tëra përkushtimi, punë të palodhshme dhe përballje me sfida të shumta. Çdo hap që keni ndërmarrë deri në këtë pikë ka qenë një gur themel në ndërtimin e një të ardhme që ju pret”, u shpreh Rektori Hajrizi.

Rektori vuri theksin te rëndësia e dijes dhe vlerave që studentët kanë përvetësuar gjatë viteve të studimit në UBT. “Sot nuk festojmë vetëm për përfundimin e një kapitulli, por edhe për fillimin e një rrugëtimi të ri. Me njohuritë dhe aftësitë që keni fituar, ju jeni të përgatitur për të përballuar çdo sfidë që e ardhmja mund t’ju sjellë”.

Duke iu drejtuar studentëve si ambasadorë të UBT-së, Rektori Hajrizi theksoi përgjegjësinë e tyre për të përfaqësuar vlerat dhe standardet e institucionit, kudo që të shkojnë. “Ju keni fuqinë për të bërë një ndikim pozitiv në botë. Një mendje e arsimuar dhe një zemër plot pasion janë dy armët më të fuqishme që do t’ju udhëheqin në këtë rrugëtim të ri”.

Fjalimi i tij kulmoi me një mesazh të veçantë për komunitetin e studentëve: “Mos harroni të qëndroni të lidhur me njëri-tjetrin dhe me UBT-në. Ky komunitet është një burim me vlerë të jashtëzakonshme, dhe dera jonë do të jetë gjithmonë e hapur për ju”.

Në përfundim, Rektori Hajrizi shprehu krenarinë dhe besimin e tij në potencialin e studentëve: “Ne besojmë në aftësitë tuaja dhe në zemrën tuaj. Ju jeni ata që do të formësoni të ardhmen e shoqërisë sonë. Urime dhe suksese të mëdha në këtë kapitull të ri të jetës tuaj!”

Ceremonia përmbyllëse, e mbushur me entuziazëm dhe emocione, u përjetësua me hedhjen tradicionale të kapelave, duke shënuar kështu fillimin e një faze të re në jetën profesionale të të diplomuarve.

Lajmet

UBT hap konkursin për pranimin e studentëve të rinj për vitin akademik 2026/27

Published

on

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

lajme

Edmond Hajrizi: Liria e Kosovës, testament i sakrificës dhe unitetit

Published

on

By

Në 27-vjetorin e Ditës së Çlirimit të Kosovës, Presidenti i UBT-së, Prof. Dr. Edmond Hajrizi, ka vlerësuar rëndësinë historike të 12 Qershorit, duke e cilësuar këtë datë si një moment kyç në rrugëtimin e Kosovës drejt lirisë, paqes dhe ndërtimit të shtetit demokratik.
Sipas tij, kjo ditë përfaqëson kujtesën kolektive të sakrificës së popullit shqiptar për liri dhe njëkohësisht shërben si frymëzim për brezat e rinj që të kontribuojnë në zhvillimin dhe avancimin e vendit.
“12 Qershori mbetet një nga datat më të rëndësishme në historinë e Kosovës. Është dita kur kujtojmë me nderim të gjithë ata që sakrifikuan për lirinë tonë dhe reflektojmë mbi përgjegjësinë që kemi për ta ndërtuar një të ardhme më të mirë për vendin”, theksoi Hajrizi.
Ai shprehu mirënjohje për kontributin dhe mbështetjen e aleatëve ndërkombëtarë, veçanërisht të Shteteve të Bashkuara të Amerikës, NATO-s dhe vendeve evropiane, të cilat luajtën rol të rëndësishëm në ditët më vendimtare për Kosovën.
Në këtë përvjetor, UBT rikujton rëndësinë e ruajtjes së vlerave të lirisë, demokracisë dhe arsimit, duke theksuar se investimi në dije, inovacion dhe zhvillim profesional mbetet rruga më e sigurt për përparimin e vendit.
Dita e Çlirimit të Kosovës shënohet çdo vit më 12 qershor, në kujtim të hyrjes së forcave të NATO-s në Kosovë në vitin 1999, një ngjarje që shënoi fundin e luftës dhe fillimin e një kapitulli të ri për qytetarët e vendit.

Continue Reading

Lajmet

Profesorët e UBT-së publikojnë studim mbi përdorimin e antibiotikëve gjatë pandemisë në revistën prestigjioze “Pharmacoepidemiology”

Published

on

By

Profesorët dhe kërkuesit shkencorë nga UBT kanë shënuar një tjetër arritje të rëndësishme në fushën e kërkimit ndërkombëtar me publikimin e punimit të tyre më të ri shkencor në revistën prestigjioze “Pharmacoepidemiology”, e cila është e indeksuar në platformat më të larta akademike botërore, Scopus dhe Web of Science.

Punimi me titull “Determinants and Temporal Trends of Inappropriate Azithromycin Use in Hospitalized Adults with COVID-19: A Retrospective Pharmacoepidemiologic Cohort Study” vjen si rezultat i bashkëpunimit të një ekipi të dalluar profesorësh ku autorë janë Fitim Alidema nga Fakulteti i Farmacisë në UBT, Arieta Hasani Alidema nga Fakulteti i Infermierisë në UBT, Miranda Sejdiu Abazi nga Fakulteti i Stomatologjisë në UBT, si dhe bashkëpunëtorët Saranda Sejdiu Sadiku dhe Arben Abazi.

Ky studim i rëndësishëm trajton në mënyrë të detajuar modelet e përdorimit të azitromicinës tek pacientët e rritur të hospitalizuar gjatë pandemisë COVID-19, duke u fokusuar në identifikimin e faktorëve dhe prirjeve kohore që kanë ndikuar në përshkrimin e këtij antibiotiku. Përmes një analize të hollësishme retrospektive, autorët kanë vlerësuar përputhshmërinë e praktikave klinike me parimet e përdorimit racional të barnave antimikrobike në kushtet e një urgjence shëndetësore globale.

Gjetjet e këtij hulumtimi sjellin një kontribut të çmuar në forcimin e praktikave të “Antimicrobial Stewardship” (menaxhimit të antibiotikëve) dhe në promovimin e përdorimit të arsyeshëm të tyre nëpër spitale. Në një kohë kur rezistenca antimikrobike konsiderohet si një nga sfidat më të mëdha dhe më kërcënuese për shëndetin publik në nivel global, ky studim ofron të dhëna të rëndësishme për komunitetin mjekësor për të shmangur përdorimet e pambështetura nga udhëzuesit klinikë.

Ky publikim, dëshmon edhe një herë përkushtimin e lartë të UBT-së dhe stafit akademik për të prodhuar kërkim shkencor të aplikuar me ndikim të drejtpërdrejtë në shkencat mjekësore, duke e rreshtuar institucionin krahas universiteteve më të njohura ndërkombëtare. /E.A/

Continue Reading

Vendi

Studentët dhe stafi i UBT-së prezantojnë krijimtarinë e tyre në “Medienfrische 2026” në Tirol të Austrisë

Published

on

By

Në kuadër të shënimit të 25-vjetorit të UBT-së dhe aktiviteteve të organizuara gjatë Ditëve të Artit dhe Dizajnit, studentët e programit Art dhe Media Digjitale (AMD), së bashku me stafin akademik të Fakultetit të Artit dhe Dizajnit, kanë mbërritur në Tirol të Austrisë për të marrë pjesë në festivalin ndërkombëtar “Medienfrische 2026”.

Në këtë festival, studentët do të prezantojnë punimet dhe projektet e tyre artistike përmes ekspozitave dhe prezantimeve kreative, duke përfaqësuar UBT-në në një platformë që bashkon artin bashkëkohor, mediat digjitale dhe shkëmbimin kulturor ndërkombëtar.

Pjesë e delegacionit të UBT-së janë edhe profesorët Uran Krasniqi dhe Besfort Salihu, të cilët po i mbështesin dhe mentorojnë studentët gjatë pjesëmarrjes së tyre në këtë ngjarje të rëndësishme artistike dhe kulturore.

“Medienfrische” konsiderohet një nga festivalet e njohura ndërkombëtare që promovon dialogun ndërmjet artit, medias, performancës dhe praktikave kreative bashkëkohore, duke krijuar mundësi për bashkëpunim dhe prezantim të artistëve të rinj nga vende të ndryshme të Evropës.

Pjesëmarrja e studentëve dhe stafit të UBT-së në këtë festival paraqet një mundësi të rëndësishme për promovimin e krijimtarisë artistike, shkëmbimin e përvojave profesionale dhe prezantimin e talenteve të reja në një mjedis ndërkombëtar.

Përmes aktiviteteve të tilla, UBT vazhdon të forcojë angazhimin e saj për ndërkombëtarizimin e arsimit, zhvillimin e praktikës profesionale dhe krijimin e mundësive të reja për studentët në skenën evropiane të artit dhe dizajnit.

Continue Reading

Të kërkuara