Ndërtoni një karrierë të suksesshme dhe me ndikim të drejtpërdrejtë në drejtësi përmes programit të studimeve Master në programin –E Drejta Civile dhe e Pronës në UBT. Nëse ende jeni në dyshim për hapin e radhës profesional apo po kërkoni një dritare të re për t’u dalluar në tregun e punës, ky program është zgjedhja më e mirë për t’u shndërruar në një ekspert bashkëkohor ligjor.

E Drejta civile dhe ajo e pronës përbëjnë vetë shtyllën kurrizore të sistemit tonë juridik dhe të gjithë ekonomisë së tregut, ndaj kërkesa për juristë të profilizuar në këtë fushë po rritet çdo ditë e më shumë, si në sektorin publik ashtu edhe në atë privat. Programi është hartuar posaçërisht për t’iu përgjigjur nevojave reale të juristëve të rinj, duke u ofruar njohuri të thella teorike dhe praktike në çështje që përcaktojnë cilësinë e jetës ekonomike dhe juridike në vend e më gjerë.

Për t’ju mbështetur fuqishëm në këtë udhëtim profesional, UBT u ofron të gjithë studentëve të regjistruar bursën e veçantë Engaged Scholarship prej 20% zbritje për gjatë gjithë periudhës së studimeve master. Kjo mbështetje financiare e garantuar është një mundësi e shkëlqyer për të lehtësuar investimin tuaj në arsimim dhe për t’ju mundësuar përqendrim të plotë në ngritjen tuaj akademike.

Përmes këtij programi, ju do të fitoni një pasqyrë të konsoliduar mbi fusha me rëndësi kritik si e drejta e pronës, detyrimet dhe kontratat, proceset gjyqësore tregtare, ligji i konkurrencës, prona intelektuale si dhe marrëveshjet ndërkombëtare për tregti të lirë.

Në kushtet kur legjislacioni i Kosovës po kalon në një proces të vazhdueshëm të përafrimit me të drejtën e Bashkimit Evropian, juristët e rinj përballen me nevojën për të zotëruar konceptet e së drejtës private ndërkombëtare dhe ligjet e reja të falimentimit e pronësisë.

Përveç anës teorike, UBT vendos një theks të veçantë te zhvillimi i aftësive hulumtuese, të menduarit kritik, analiza doktrinore dhe interpretimet e zgjeruara ligjore. Studentët trajnohen për zgjidhjen praktike të kontesteve reale dhe aplikimin e saktë të dispozitave ligjore. Një përparësi e jashtëzakonshme është edhe praktika e obligueshme gjatë semestrit të dytë, e cila shërben si ura më e mirë lidhëse me tregun e punës.

Kjo periudhë praktike ju mundëson të vendosni kontakte të drejtpërdrejtë me pjestarë të shquar të komunitetit ligjor, gjyqtarë, avokatë dhe përfaqësues të tjerë të sistemit të drejtësisë. Zgjidhni të investoni në dijen tuaj me një program akademik që integron në mënyrë perfekte standardet evropiane, përvojën praktike dhe kushtet më të favorshme financiare.

Me synimin për të lidhur arsimin e lartë me kërkesat e tregut të punës, UBT organizon ngjarjen kryesore të vitit për zhvillimin profesional — UBT Business & Career Fair 2026. Panairi do të zhvillohet më 23 dhe 24 tetor 2026, në hapësirat e UBT Smart City.

Kjo ngjarje dyditore përben një platformë strategjike për studentët, të diplomuarit dhe të gjithë të interesuarit që synojnë të hedhin hapa konkretë drejt ndërtimit të karrierës. Pjesëmarrësit do të kenë mundësinë të takojnë drejtpërdrejt përfaqësues nga më shumë se 100 biznese dhe kompani lider nga sektorë të ndryshëm të ekonomisë.

Çfarë ofron UBT Business & Career Fair 2026?

• Mundësi punësimi dhe praktike: Qasje direkte te pozicionet e hapura të punës dhe programet e praktikës profesionale.
• Prezantim i drejtpërdrejtë: Mundësi për të dorëzuar CV-në dhe për të zhvilluar intervista të shkurtra me rekrutuesit.
• Zgjerim i rrjetit profesional: Krijim i kontakteve me udhëheqës biznesesh dhe profesionistë të fushës.
• Orientim në karrierë: Informim rreth trendeve më të fundit të tregut dhe aftësive më të kërkuara nga punëdhënësit.

Gjatë panairit, të pranishmit do të mund të shpalosin potencialin e tyre para kompanive pjesëmarrëse, duke krijuar ura lidhëse që lehtësojnë kalimin nga bankat akademike në tregun e punës.

Regjistrimi për pjesëmarrje është hapur dhe të gjithë të interesuarit mund të aplikojnë online përmes formularit zyrtar.

Prof. Alban Kuriqi, nga UBT, renditet i pari në Kosovë për ndikimin shkencor gjatë karrierës dhe i pari ndër studiuesit e identifikuar të universiteteve private shqipfolëse në Kosovë, Shqipëri dhe Maqedoninë e Veriut për ndikimin shkencor gjatë vitit 2025, sipas një analize krahasuese të të dhënave ndërkombëtare Stanford/Elsevier.

Prof. Kuriqi rezulton gjithashtu i vetmi studiues i identifikuar nga universitetet private të Kosovës në të dyja kategoritë e analizuara, që përfshijnë ndikimin shkencor gjatë vitit 2025 dhe ndikiminshkencor përgjatë karrierës. Në krahasimin me studiuesit e identifikuar nga të gjitha universitetet e Kosovës, ai renditet i dyti për ndikimin shkencor gjatë vitit 2025.

Këto rezultate bazohen në përditësimin e vitit 2026 të databazës Updated Science-Wide Author Databases of Standardized Citation Indicators, e cila mbështetet në të dhënat bibliometrike të Scopus dhe vlerëson ndikimin shkencor përmes treguesve të standardizuar të citimeve.

Kontributi shkencor dhe rëndësia për UBT-në 

Veprimtaria kërkimore e Prof. Kuriqit përqendrohet në inxhinierinë hidraulike, menaxhimin e burimeve ujore, hidroenergjetikën, ndryshimet klimatike, ekohidrologjinë dhe restaurimin e lumenjve. Përmes publikimeve dhe bashkëpunimeve ndërkombëtare, ai kontribuon në kërkimin shkencor për sigurinë ujore, qëndrueshmërinë mjedisore dhe përshtatjen ndaj ndryshimeve klimatike.

Ky pozicionim përfaqëson një arritje individuale të rëndësishme dhe kontribuon në forcimin e profilit kërkimor dhe dukshmërisë ndërkombëtare të UBT-së.

Rreth databazës Stanford/Elsevier 

Databaza paraqet dy kategori të ndikimit shkencor: ndikimin gjatë një viti kalendarik (single-year) dhe ndikimin gjatë karrierës (career-long). Vlerësimi mbështetet në treguesin e përbërë të citimeve (c-score), i cili merr parasysh citimet, bashkautorësinë dhe pozicionin e autorit në publikime.

Burimi: Ioannidis, J. P. A. (2026). August 2026 data-update for Updated Science-Wide Author Databases of Standardized Citation Indicators. Elsevier Data Repository, Version 9.

Zgjedhja e studimeve Master në drejtësi shënon kalimin nga përvetësimi i koncepteve bazë ligjore te specializimi i thelluar profesional. Programi Master në Të Drejtën Penale në UBT është strukturuar për t’u ofruar juristëve të rinj platformën e nevojshme për të marrë rolin e liderit, kërkuesit shkencor dhe ekspertit në fushën e drejtësisë penale. Misioni i këtij programi mbështetet në edukimin e profesionistëve me integritet të lartë etik, të pajisur me njohuri të avancuara praktike në përputhje me Kornizën Evropiane, me synim forcimin e sundimit të ligjit dhe zhvillimin e qëndrueshëm të shoqërisë.

Për t’i mbështetur kandidatët në këtë rrugëtim akademik, UBT ofron bursën Engaged Scholarship prej 20% për të gjithë kohëzgjatjen e studimeve. Kjo mbështetje financiare u dedikohet posaçërisht punonjësve në institucionet e drejtësisë, avokaturës, noterëve, zyrtarëve ligjorë në institucione, zyrtarëve të burimeve njerëzore, si dhe të gjithë punonjësve në institucione të tjera publike dhe private.

Kurrikula përmban metodologjinë më të avancuar të zbatimit praktik, duke përgatitur studentët për zbërthimin kritik të normave të së drejtës penale të Kosovës, procedurës penale dhe të drejtës krahasuese.

Studentët thellohen në analiza të specializuara multidisiplinare që përfshijnë kriminologjinë, viktimologjinë, penologjinë, mjekësinë ligjore dhe strukturat e luftimit të krimit të organizuar. Përmes simulimit institucional të proceseve gjyqësore, hartimit preciz të aktakuzave e aktgjykimeve dhe zhvillimit të kërkimeve shkencore me ndikim në reformën ligjore, programi garanton aftësimin e menjëhershëm të kandidatëve për përballjen me çështje me kompleksitet të lartë juridiko-penal.

Për më tepër, fokusi i këtij programi shtrihet në zhvillimin e aftësive strategjike për menaxhimin e hetimeve parapenale dhe penale, si dhe në interpretimin analitik të jurisprudencës kombëtare e ndërkombëtare.

Përmes integrimit të standardeve të Sistemit Evropian të Drejtësisë, studentët trajnohen për të vlerësuar me saktësi burimet parësore e dytësore të së drejtës, si dhe për të udhëhequr ekipe profesionistësh në zgjidhjen e rasteve më sfiduese në sallën e gjyqit.

Ky format i integruar i studimit konsolidon profilin e absolventit si një ekspert i kompletuar, i gatshëm për të dhënë kontribut të menjëhershëm në avancimin e sistemit të drejtësisë dhe në mbrojtjen e të drejtave themelore.