Lajmet

Rekrutët e rinj të FSK-së, Sheholli: Ushtri shembull, e ardhme e mirë na pret në NATO

Shtimin e pjesëtarëve të FSK-së, drejtuesi i Institutit për Afirmimin e Marrëdhënieve Ndëretnike po e sheh shumë pozitive.

Published

4 years ago

on

Vendit i janë shtuar edhe 180 ushtarë të Forcës së Sigurisë së Kosovës, ndërsa në mesin e tyre janë 12 femra.

E shtimin e këtyre pjesëtarëve të FSK-së, drejtuesi i Institutit për Afirmimin e Marrëdhënieve Ndëretnike, Fatmir Sheholli, po e sheh si shumë pozitive.

Ai në një deklaratë tha se ky është një hap i jashtëzakonshëm për Kosovën dhe se kjo tregon që së pari vendi ka buxhet të mirë dhe veçse po fuqizohet FSK.

“Çështja e rekrutëve në forcat e Sigurisë së Kosovës ky është një hap i jashtëzakonshëm sepse e para kjo po tregon që Kosova ka buxhet të mirë për forcimin dhe angazhimin e ushtrisë së vendit dhe fuqizimin e saj edhe në aspekt të asaj edhe për të cilën Kurti ka pohuar se në një periudhë të ardhshme të ndërtojnë që ushtarët ta kryejnë obligimin ushtarak ashtu siç ka qenë premtim i tij në të kaluarën dhe besoj që kjo e fuqizon atë teori të tij”.

Sheholli e sheh si një lidhje të rëndësishme raportet e Kosovës me ndërkombëtarët e sidomos me shtetet e NATO-s, duke krijuar një ushtri profesionale dhe me përmasa të mëdha.

“A do të bëhet apo nuk do të bëhet kjo e fuqizon atë teori të tij dhe do të shohim premtimin të cilin e ka dhënë. Një gjë duhet ta dimë se në Forcat e Sigurisë së Kosovës, në asnjë aspekt askush nuk bën hap pa ndërtimin e Aleancës me Amerikën dhe shtetet e NATO-s dhe kjo na bën të lumtur që ta kemi ushtrinë profesionale, dhe e cila në të ardhmen do t’u ndihmojë vendeve në rajon. Vendi jonë po merr përmasa të jashtëzakonshme të një profesionalizmi”.

Tutje, ai thotë se vizitat e ministrit të Mbrojtjes, Armend Mehaj, sjellin konotacione pozitive që e bën vendin kredibil dhe e fuqizon partneritetin me ndërkombëtarët.

“Nëse i referohemi vizitave që ministri i Mbrojtjes i ka pasur në shumë shtete aleate, i kam përcjell këto vizita dhe shoh një gatishmëri për bashkëpunim me shtetet aleate dhe kjo na bën shtet shumë kredibil me aleatët tonë dhe veçanërisht NATO-n”.

“Kosova nuk ka probleme si disa shtete tjera, dhe fuqizimi i të rinjve shqiptarë në Forcat e Sigurisë së Kosovës e ka një leverdi të jashtëzakonshme për të ardhmen tonë dhe që besoj se e ardhme e mirë na pret në NATO dhe bashkë me Amerikën duke krijuar një ushtri shembull për të gjithë”.

Related Topics:
Continue Reading

Lajmet

Ky është rezultati nga rinumërimi i 120 vendvotimeve

Published

2 hours ago

on

January 15, 2026

By

Komisioni Qendror i Zgjedhjeve (KQZ) ka rinumëruar 120 vendvotime nga 914 gjithsej.

Bazuar në përditësimin e fundit, VV ka fituar 46.19% të votave.

PDK renditet e dyta me 21.42%, LDK e treta me 14.40% dhe AAK ka marrë plot 7.21% të votave, deri më tani gjatë procesit të rinumërimi.

Continue Reading

Lajmet

Hykmete Bajrami jep dorëheqje nga pozita e nënkryetares së LDK-së, kërkon edhe dorëheqjen e Abdixhikut

Published

17 hours ago

on

January 14, 2026

By

Hykmete Bajrami ka dhënë dorëheqje të parevokueshme nga pozita e nënkryetares së Lidhjes Demokratike (LDK), dhe në të njëjtën kohë ka kërkuar dorëheqjen e kryetarit të partisë, Lumir Abdixhiku, kanë thënë dy burime të ndryshme brenda kryesisë së kësaj partie.

Sipas këtyre burimeve, Bajrami e ka prezantuar vendimin e saj në takimin joformal të strukturave drejtuese të LDK-së, që është mbajtur të martën pasdite.

“Znj. Bajrami ka dorëzuar dorëheqjen e parevokushme nga pozita e nënkryetares dhe ka kërkuar që njëjtë të veprojnë edhe kryetari Abdixhiku dhe kryesia e ngushtë. Ajo ka këmbëngulur se struktura drejtuese ka humbur legjitimitetin, pas rezultatit të LDK-së në zgjedhjet e parakohshme të 28 dhjetorit si dhe ka kërkuar të veprohet konform standardit të krijuar në LDK”, ka thënë një nga pjesëmarrësit në takim.

Bajrami arsyet i ka listuar në një letër që e ka deponuar në parti.

Para takimit të së martës, ajo refuzoi të deklarohet për media dhe tha se qëndrimin do ta japë pas takimit. Por, deri tash nuk e ka bërë këtë.

Në zgjedhjet e fundit, LDK-ja ka siguruar vetëm 13.23 për qind të votave, 5 pikë të përqindjes më pak se në zgjedhjet e shkurtit të 2025-s.

Në legjislaturën e dhjetë, LDK-ja do të përfaqësohet me 15 deputetë, 5 më pak se në parapraken. Nga kandidatët e LDK-së, Bajrami u rëndit e dyta me 57 mijë vota.

Continue Reading

Lajmet

Workshop Online për validimin e profileve profesionale në sistemin e drejtësisë së të miturve

Published

18 hours ago

on

January 14, 2026

By

Në kuadër të projektit CORE-ED ACADEMY, UBT, në bashkëpunim me universitete të tjera partnere, organizoi një workshop online për diskutimin dhe validimin e profileve profesionale në sistemin e drejtësisë së të miturve.

Workshopi u moderua nga Prodekanja Prof. Asoc. Egzone Osmanaj dhe pati pjesëmarrjen e përfaqësuesve nga:

  • Shërbimi Korrektues i Kosovës
  • Shërbimi Sprovues i Kosovës
  • Profesorë nga Fakulteti Juridik në UBT, etj.

Ky aktivitet synon të përmirësojë praktikën profesionale në trajtimin e çështjeve të të miturve dhe të fuqizojë bashkëpunimin ndërinstitucional në këtë fushë.

Continue Reading

Lajmet

PDK në ora 17:00 mban konferencë për media

Published

19 hours ago

on

January 14, 2026

By

Partia Demokratike e Kosovës do të mbajë sot konferencë për media sot në ora 17:00.

Nëpërmjet një komunikate për media, nuk janë bërë të ditura arsyet.

Continue Reading

Të kërkuara