Lajmet

Reka: BE ka filluar me publikimin e ‘Non Paper’ që në vitet e 90-ta

Published

on

Ish-ministri i Qeverisë së Kosovës, Blerim Reka përmes një postimi në Facebook ka komentuar “Non Paper” që u publikua gjatë ditës së djeshme në lidhje me propozimet për marrëveshjen finale mes Kosovës dhe Serbisë.

Reka ka shkruar se Bashkimi Evropian kishte filluar në vitet e 90 të nxjerrë ide në publik përmes “Non Paper”.

“Në vitet e 90-ta të shekullit të kaluar, në BE filloi praktikimi i matjes së pulsit për çështje të caktuara përmes “non paper”-ve. Pa autorë e pa vulë, shfaqej idea, pa rrezikuar përgjegjësinë për dështimin eventual. Nëse idea mbijetonte, dokumenti autorizohej dhe po e njëjta përmbajtje e tij zyrtarizohej. Fundja edhe “metodologjia e re” për zgjerim, në vitin 2019 qe paraqitur si “non paper”, por në vitin 2020 u bë dokument zyrtar i BE-së.”, ka shkruar Reka në Facebook

Sipas tij, ky është Non-Paper i dytë brenda javës.

“Për Ballkanin, ndërkaq brenda javës  dolën 2 non-papera “evropian”. I  pari “slloven”, (për ndryshim kufijsh dhe shtete mono-etnike); dhe i dyti “gjermano-francez”, (i shteteve multi-etnike, për ruajtje kufijsh të jashtëm, por me federalizim të brendshëm të Kosovës)”, ka shkruar ish ministri i Qeverisë Kurti I.

“Sllovenia dhe Gjermania demantuan autorësinë e tyre. “Jo-letrat” ngelën pa emër, ndonëse idetë e tyre morën dhenë. Pikërisht, si para  25 vitesh, kur në Bruksel, liferoheshin: si teste idesh. Sot, për të testuar 2 skenarët e finales se dialogut: Kosovë-Serbi”, ka shkruar në fund Reka.

Kjo letër e cila raportohet se është e shkruar nga Franca dhe Gjermania, është mohuar nga ambasadori i Gjermanisë në Kosovë, Jorn Rode.

.

Lajmet

United po shqyrton transferimin e Donnarumma-s

Published

on

Manchester United ka mundësinë të nënshkruajë me Gianluigi Donnarumma këtë verë, por sado tërheqëse të duket marrëveshja, realizimi i saj duket i ndërlikuar.

Portieri italian, tani në vitin e fundit të kontratës së tij me PSG-në, është diskutuar në lidhje me një transferim te United, ndërsa klubi francez ecën përpara me planet për ta zëvendësuar atë. Bisedimet për një marrëveshje të re kanë ngecur në Paris, dhe me Lucas Chevalier që është renditur si pasardhës, mundësia është reale.

Megjithatë, United është pak i bllokuar. Dështimi i tyre për të larguar Andre Onanën do të thotë se nuk ka një rrugë të qartë për të sjellë një tjetër portier të nivelit të lartë. Ideja e transferimit të dy portierëve të përhershëm me paga të larta u hodh poshtë nga brenda ekipit në fillim të kësaj vere dhe ndryshimi i këtij qëndrimi tani do të thoshte prishje e planit të tyre të transferimeve.

Kishte gjithashtu shpresë se Altay Bayindir do të largohej për të liruar një vend në skuadër, por interesi për lojtarin turk ka qenë i kufizuar.

United aktualisht është i plotë në departamentin e portierëve dhe po punon në mënyrë aktive se si t’i riformësojë gjërat përpara se të mund të angazhohet për ndonjë gjë.

Brenda ekipit, ende ekziston dëshira për të sjellë konkurrencë për Onanën, nëse ai nuk mund të zëvendësohet menjëherë, në një përpjekje për të rritur standardet. Shpresa është që çdo nënshkrim i ri ose ta shtyjë numrin aktual 1 të rigjejë formën e tij, ose të jetë mjaftueshëm i mirë për të zënë vendin e tij.

Ideja e Donnarummës me fanellën e United padyshim që tërheq vëmendjen, por për momentin nuk duket më shumë se një ide.

Continue Reading

Lajmet

​Xhaka zbarkon në Angli për t’u bashkuar me klubin e ri

Published

on

Granit Xhaka është parë duke zbritur në Wearside (Sunderland) për të kryer kontrollin mjekësor, pas nënshkrimit të një marrëveshjeje për një transfertë prej 20 milionë euro nga Bayer Leverkusen.

Xhaka ishte shumë i rëndësishëm për Bayer Leverkusen dhe trajneri i ri, Erik ten Hag, më parë kishte deklaruar se klubi nuk kishte ndërmend ta shiste, për shkak të rolit të tij udhëheqës.

Sunderland ka bërë një investim të madh këtë verë, me të paktën 100 milionë euro të shpenzuara për afrim të lojtarëve si Simon Adingra, Habib Diarra, Chemsdine Talbi, Noah Sadiki dhe Enzo Le Fée duke e bërë Xhakën një ndër nënshkrimet më spikature të fushatës për konsolidimin në Premier League.

 

Continue Reading

Lajmet

Maqedonci: Në bashkërendim me KFOR-in, ekipet e FSK-së kanë filluar operacionin e kërkimit në Ujman

Published

on

By

“Në bashkëpunim me Agjencinë e Menaxhimit të Emergjencave, Policinë e Kosovës dhe bashkërendim me KFOR, ekipet e specializuara të FSK kanë filluar operacionin e kërkimit në liqenin e Ujmanit me synimin që sa më shpejtë të nxirret trupi i mërgimtarit dhe t’i lehtësohet dhimbja familjes, tha ministri i Mbrojtjes, Ejup Maqedonci, përmes një statusi në Facebook.

Maqedonci reagoi pasi trupat e FSK-së zbarkuan në Liqenin e Ujmanit, në veri të vendit, duke iu bashkuar ekipeve për të kërkuar personin e zhdukur që nga e diela.

Ai theksoi se Forca e Sigurisë së Kosovës në kuadër të detyrave të saj thelbësore ka edhe mbështetjen e autoriteteve civile.

Njësitet e specializuar të zhytjes dhe kërkim shpëtimit të Forcës së Sigurisë së Kosovës sot në mëngjes janë angazhuar në mbështetje të autoriteteve civile për kërkimin e trupit të mërgimtarit në liqenin e Ujmanit në Komunën e Zubin Potokut”, shkroi Maqedonci.

Zbarkimi i trupave të FSK-së në veriun e banuar me shumicë serbe mund të bëhet vetëm me pëlqim paraprak të KFOR-it, në bazë të një zotimi që është bërë në vitin 2013 nga Qeveria e Kosovës dhe NATO.

Continue Reading

Lajmet

Policia shqipton mbi 2 mijë e 300 gjoba trafiku për 24 orët e fundit

Published

on

By

Policia e Kosovës ka shqiptuar 2397 gjoba për kundërvajtësit e trafikut brenda 24 orëve të fundit.

Sipas raportit të publikuar nga Policia, gjatë kësaj periudhe janë regjistruar 107 aksidente trafiku me dëme materiale, ndërsa 23 të tjera kanë përfunduar me të lënduar. Fatmirësisht, nuk raportohet për ndonjë aksident me pasoja fatale.

Përveç kësaj, në kuadër të operacioneve të rregullta, autoritetet kanë arrestuar 11 persona, ndërsa 8 prej tyre janë dërguar në mbajtje.

Policia e Kosovës vazhdon t’u bëjë thirrje qytetarëve për kujdes të shtuar në trafik dhe respektim të rregullave rrugore, me qëllim të parandalimit të aksidenteve dhe ruajtjes së jetës së pjesëmarrësve në komunikacion.

Continue Reading

Të kërkuara