Mesazhet mes Blake Lively dhe Taylor Swift mund t’i dorëzohen Justin Baldoni-t si pjesë e betejës së tij ligjore në vazhdim me aktoren, ka vendosur një gjyqtar.

Sipas Variety, gjyqtari i Gjykatës Federale të SHBA, Lewis Liman, vendosi të mërkurën se komunikimet mes Lively dhe mikes së saj, Taylor Swift, lidhur me atmosferën në setin e filmit It Ends With Us janë të rëndësishme për rastin në fjalë, shkruan BBC.

Ekipi ligjor i Lively kishte kërkuar që Baldoni të mos lejohej t’i merrte këto mesazhe, duke argumentuar se ato nuk kishin lidhje me çështjen.

Lively e paditi Baldoni-n dhe studion e tij në dhjetor, duke e akuzuar për ngacmim seksual në set dhe për udhëheqjen e një fushate për të “shkatërruar” reputacionin e saj. Baldoni ngriti një padi kundër saj për shpifje, por kjo padi u rrëzua nga një gjyqtar javën e kaluar.

Në maj, avokatët e Baldoni-t tentuan të siguronin mesazhet nga Taylor Swift, duke i dërguar asaj dhe ekipit ligjor thirrje zyrtare. Ato u tërhoqën pasi avokatët e Swift kundërshtuan duke i cilësuar si një “gjueti e pajustifikuar për prova”.

Pas kësaj, Lively tentoi të ndalonte marrjen e mesazheve edhe nëpërmjet rrugës normale të procesit të zbulimit në gjyq.

Por gjyqtari Liman vendosi të mërkurën:

“Duke qenë se Lively ka pohuar që Swift kishte dijeni për ankesa apo diskutime në lidhje me ambientin e punës në set, ndër të tjera, kërkesa për komunikime me Swift lidhur me filmin dhe këtë çështje është e arsyeshme dhe e përshtatur për të zbuluar informacione që mund të provojnë ose hedhin poshtë pretendimet e Lively për ngacmim dhe hakmarrje”.

Në një deklaratë për Billboard, një zëdhënës i Lively u shpreh se aktorja ka “dorëzuar shumë dokumente në këtë rast” se sa Baldoni.

Ata shtuan se Baldoni dhe ekipi i marrëdhënieve me publikun kanë tentuar që “të përfshijnë Taylor Swift në këtë histori që nga vera e kaluar”.

“Do vazhdojmë të denoncojmë përpjekjet e pandalshme të Baldoni-t për të shfrytëzuar famën e zonjës Swift, që nga dita e parë ka qenë vetëm mënyrë për të devijuar vëmendjen nga akuzat serioze për ngacmim seksual e hakmarrje, për të cilat kompania Wayfarer Studios po përballen,” – thuhet në deklaratë.

Gjyqtari Liman theksoi se pretendimi i Lively se Baldoni po përfshin Swift-in për qëllime publiciteti “nuk është arsye e mjaftueshme për të mohuar palës tjetër të drejtën për të kërkuar prova të rëndësishme për çështjen”.

Një përfaqësues i Baldoni-t nuk pranoi të komentojë vendimin, ndërsa përfaqësuesit e Taylor Swift nuk janë përgjigjur ende ndaj kërkesave për koment.

Albumi i suksesshëm “Starboy” i The Weeknd, i publikuar në vitin 2016, ka kaluar zyrtarisht 17 miliardë dëgjime në Spotify, duke u futur në një klub shumë të ngushtë të projekteve që kanë arritur këtë rekord të jashtëzakonshëm në platformë.

Me këtë arritje, “Starboy” bëhet albumi më i dëgjuar në historinë e Spotify në gjuhën angleze, duke lënë pas shumë emra të mëdhenj të industrisë. Aktualisht, ai mban vendin e dytë në nivel global, menjëherë pas “Un Verano Sin Ti” të Bad Bunny, që është në gjuhën spanjolle.

Kjo nuk është hera e parë që The Weeknd thyen rekorde. Artisti me origjinë kanadeze ka arritur më parë të mbajë këngën më të dëgjuar të të gjitha kohërave në platformë me “Blinding Lights”, ndërsa profili është mes më të ndjekurve në botë.

Johnny Depp vendosi të bënte një mirësi duke u bërë një vizitë të befasishme spitalit të fëmijëve në Spanjë, derisa u vesh si personazhi i famshëm Jack Sparrow nga “Piratët e Karaibeve”.

Derisa punonte në projektin e tij të fundit “Day Drinker” në Spanjë, aktori vendosi të vishte kostumin e njohur të Jack Sparrow dhe të vizitonte fëmijët në një spital të Madridit.

Me humorin e tij të mirë dhe energjinë pozitive, Depp u solli buzëqeshje shumë fëmijëve në spital. Gjithashtu, kjo nuk ishte hera e parë që Depp vizitonte një spital për fëmijë.

Ai vizitoi fëmijët në Spitalin Donostia në San Sebastian në shtator 2024. Në atë spital, ai vizitoi fëmijët e shtruar në departamentin e pediatrisë dhe onkologjisë dhe vendosi t’i gëzonte ata me vizitën e tij.

Depp vizitoi gjithashtu repartet e fëmijëve të spitaleve në Vancouver, Paris, Londër, Brisbane dhe disa qytete në SHBA, i veshur si Jack Sparrow.

Princesha e Uellsit, Kate është tërhequr nga pjesëmarrja e saj e planifikuar në garat prestigjioze të Royal Ascot, ndërsa vazhdon rikthimin e kujdesshëm në jetën publike pas diagnozës së kancerit vitin e kaluar.

Sipas burimeve mbretërore, ajo po përpiqet të gjejë ekuilibrin e duhur në rikthimin e saj të plotë në detyrat zyrtare.

Thuhet se princesha ishte e zhgënjyer që nuk mundi të ishte e pranishme në këtë ngjarje të rëndësishme në Berkshire, ku do të kishte marrë pjesë në procesionin tradicional me karrocë.

Ajo pritej të merrte pjesë të mërkurën, së bashku me bashkëshortin e saj, Princin William, si dhe Mbretin Charles dhe Mbretëreshën Camilla.

Megjithatë, Pallati Kensington ka konfirmuar zyrtarisht se ajo nuk do të jetë e pranishme këtë vit.

Në vend të saj, procesioni mbretëror u hap me Mbretin Charles, Mbretëreshën Camilla dhe Princin William në karrocën e parë, të shoqëruar nga Princi Saud bin Khalid Al Saud, një anëtar i familjes mbretërore saudite.

Princi dhe Princesha e Uellsit kishin qenë planifikuar të udhëtonin në karrocën e dytë, së bashku me golfistin Justin Rose dhe bashkëshorten e tij, Kate Phillips.

Princi William do të jetë përgjegjës për ndarjen e çmimeve gjatë ditës së dytë të garave.

Në mungesë të Kate, mori pjesë nëna Carole Middleton, e cila mbërriti në shoqërinë e nuses së djalit, Alizée Thevenet – bashkëshortja e James Middleton.