Lajmet

Regjimi më i mirë ushqimor për njerëzit që vuajnë nga Osteoporoza

Osteoporoza njihet si sëmundje e heshtur.

Published

on

Osteoporoza është një sëmundje, simptomat e së cilës shfaqen atëherë kur është shumë vonë.

Kjo është një nga arsyet më të rëndësishme përse duhet të rrisni dozat e kalciumit për të shmangur komplikimet në fazat e tjera të jetës.

Osteoporoza njihet si sëmundje e heshtur.

Sipas të dhënave të AgroWeb.org, dalëngadalë ajo gërryen kockat duke shkaktuar një dëm të pariparueshëm.

Ushqyesit e nevojshëm për njerëzit që vuajnë nga Osteoporoza

Sipas ekspertëve të AgroWeb.org, njerëzit që vuajnë nga kjo sëmundje duhet të fokusohen tek këto ushqyes që të mos kenë mungesa:

  • Kalciumi
  • Vitamina D
  • Proteina
  • Vitamina C
  • Magnezi
  • Vitamina K
  • Zink

Ekspertët e AgroWeb.org kanë përpiluar planin ushqimor për shtatë ditë të javës që ju ndihmon të mirëmbani shëndetin e kockave.

Dita e parë 

Për mëngjes këshillohet lëng portokalli, një filxhan çaji drithëra të plota dhe 120 ml qumësht.

Për drekë, këshillohet 70 gramë mish viçi pa dhjamë, sallatë jeshile, një vezë e zier fort dhe 240 ml qumësht.

Pas zemër mund të hani një portokall ndërsa në darkë 70 gramë mish pule, gjysëm filxhan çaji brokoli, treçerek filxhan çaji oriz, 2 feta bukë e një filxhan çaji luleshtrydhe.

Dita e dytë 

Për mëngjes mund të konsumoni një fetë buke drithi të plotë e të thekur me reçel ose salcë avokado, një gotë lëng portokalli ose gjysëm gote qumësht të skremuar.

Për drekë mund të hani perime të pjekura, sallatë jeshile, një vezë të zier fort dhe fruta pylli.

Për zemër mund të hani një filxhan kos me fruta pylli, ndërsa për darkë mund të hani makarona me drith të plotë, mish pule në skarë, kungull, karrota dhe domate të pjekura me vaj ulliri.

Dita e tretë 

Për mëngjes mund të hani një tas me tërshërë të shoqëruar me mollë ose rrush të thatë dhe një gotë lëng portokalli.

Për drekë mund të hani një panine me perime, sallatë jeshile, djathë, kastravec ose domate dhe një fetë shalqi në fund.

Për zemër mund të hani një frut: banana, portokall ose një racion luleshtrydhe.

Për darkë mund të hani mish pule të pjekur me speca jeshilë, qepë, kinoa dhe pure patate.

Dita e katërt

Për mëngjes mund të hani vezë të rrahura e të skuqura me perime si spinaqi dhe specat si dhe një patate të pjekur në furrë të shoqëruar me pak djathë.

Për drekë mund të hani perime të pjekura ose të skarës të marinuar me vaj ulliri dhe më pas një mollë ose një banana.

Për zemër mund të hani kos me fruta ndërsa për darkë, mish pule të skarës me shparg, kërpudha dhe kungulleshka.

Dita e pestë

Për mëngjes mund të hani drithëra të plota me luleshtrydhe, një gotë qumësht dhe një banana të vogël.

Për drekë mund të hani supë me perime dhe një sallatë jeshile të shoqëruar me domate dhe borzilok.

Për darkë mund të hani makarona me drith të plotë të shoqëruar me perime dhe një racion të vogël fruta.

Dita e gjashtë

Për mëngjes mund të hani krepa të shoqëruar me reçe lose mjaltë dhe një gotë qumësht ose lëng portokalli.

Për drekë mund të hani një supë me perime ose gjellë me fasule, të shoqëruar me sallatë jeshile me speca dhe fasule të zeza.

Më pas mund të hani një mollë, portokall ose banana dhe për zemër një biskotë me drithë të plotë dhe pak djathë.

Në darkë mund të hani lasanja me spinaq dhe djathë me pak yndyrë të shoqëruar me sallatë jeshile ose perimesh.

Dita e shtatë

Për mëngjes mund të hani një omletë me domate, spinaq e perime të tjera të shoqëruar me një gotë lëng portokalli ose qumësht.

Për drekë mund të hani salmon të pjekur të shoqëruar me një simit me drith të plotë dhe pure patate.

Pas dreke mund të hani një grusht me bajame pa kripë.

Për darkë mund të hani fasule, avokado dhe djathë bashkë me një sallatë fshati me djathë të freskët.

Regjimi i mësipërm është i rekomanduar nga Shoqata Amerikane Për Dieta të Shëndetshme./AgroWeb.org

Lajmet

​Kosova ndalon importin e shpezëve dhe produkteve të tyre nga Gjermania

Published

on

By

Agjencia e Ushqimit dhe Veterinarisë së Republikës së Kosovës (AUV), ka ndaluar importin e shpezëve të gjalla dhe produkteve të tyre si, mish, vezë dhe nënproduktet e tjera me origjinë nga Gjermania, pas përhapjes së gripit të shpezëve të në këtë vend.

Ndalesa hyn në fuqi menjëherë dhe do të mbetet në zbatim deri në vlerësimin e mëtejshëm të situatës nga autoritetet përkatëse ndërkombëtare dhe nga AUV.

Agjencia e Ushqimit dhe Veterinarisë thotë se do të vazhdojë të monitorojë me kujdes situatën epidemiologjike dhe operatorët ekonomikë do të informohen me kohë për çdo ndryshim eventual.

Gjermania ka therur më shumë se 400 mijë shpezë ndërsa rastet e gripit të shpendëve vazhdojnë të rriten në të gjithë vendin.

Instituti Friedrich Loeffler (FLI) tha se shpërthimet aktuale i ngjajnë valës së rëndë të regjistruar në vitin 2021, një nga vitet më të këqija për gripin e shpendëve në Gjermani.

Sipas institutit, gripi i shpezëve është zbuluar në 30 ferma deri më tani, duke çuar në therjen dhe shkatërrimin e pulave, rosave, patave dhe gjelave të detit për të përmbajtur përhapjen.

Është e pamundur të parashikohet se si do të zhvillohet situata,” paralajmëroi instituti.

Humbjet më të rënda janë raportuar në shtetet verilindore të Mecklenburg-Pomerania Perëndimore dhe Brandenburg.

Autoritetet në distriktin Markisch-Oderland të Brandenburgut njoftuan plane për të therur 130 mijë shpezë të tjera, pasi kishin shkatërruar rreth 150 mijë shpezë në fillim të këtij viti.

Gjatë sezonit të dimrit 2020-2021, Gjermania u detyrua të therte më shumë se dy milionë shpezë për shkak të shpërthimeve të gripit të shpezëve./KP

Continue Reading

Lajmet

​Rikthehet në punë njësia B2

Published

on

By

Njësia B2 e Termocentralit “Kosova B”, e cila është ndalur më 26 tetor për shkak të rrjedhjeve në kaldajë, është rikthyer në operim më 29 tetor.

Në njoftim KEK-ut ka bërët të ditur se ekipet teknike të mirëmbajtjes dhe operimit kanë punuar pa ndërprerje për sanimin e defekteve të paraqitura, me qëllim të rikthimit sa më të shpejtë të njësisë në funksionim normal.

Njësia B2 është rikthyer në operim dje, rreth orës 12:00 dhe aktualisht njësia është duke operuar me një kapacitet prej rreth 290 MWh, thuhet në njoftim.

KEK sqaron se ndaljet e njësive gjeneruese në termocentrale të këtij tipi janë procese të zakonshme teknike që ndodhin si pasojë e rrjedhjeve të ujit në kaldaja.

“Dëshirojmë të theksojmë se ndaljet e zakonshme teknike nuk kanë asnjë lidhje me projektin madhor të modernizimit të turbinave në Termocentralin “Kosova B”, një projekt që përfaqëson një nga investimet më të mëdha dhe më të suksesshme të dekadave të fundit në KEK.”/KP

Continue Reading

Lajmet

​Gjykata Supreme refuzon ankesën e Arbër Eminit, kandidat i pavarur për kryetar të Kllokotit

Published

on

By

Gjykata Supreme e ka refuzuar si pabazuar ankesën e kandidatit të pavarur për kryetar të Komunës së Kllokotit, Arbër Emini, e paraqitur kundër vendimit të Panelit Zgjedhor për Ankesa dhe Parashtresa.

Pasi PZAP ka refuzuar si të pabazuar ankesën e Arbër Eminit, ky i fundit ka paraqitur ankesë në Supreme, duke propozuar që “të urdhërohet rivotim për Kllokot, për shkak të shkeljeve të shumta ligjore dhe procedurale gjatë ditës së votimit, moszbatim të vendimit të Gjykatës Supreme Nr.A.A.nr.93/2025 dhe ndërhyrjes së strukturave ilegale serbe në procesin zgjedhor në Kosovë”.

Gjykata Supreme vlerësoi ligjshmërinë e vendimit të kontestuar dhe gjeti se konstatimi i PZAP-së është i drejtë dhe i ligjshëm.

Në anën tjetër, kolegji i Gjykatës Supreme, ka vlerësuar edhe pretendimet ankimore të ankuesit që kanë të bëjnë me elemente të kryerjes se veprave penale që janë kryer ditën e zgjedhjeve në Komunën e Kllokotit, të përshkruara në ankesën e ankuesit dhe që sipas tij cenojnë procesin zgjedhor në Kosovë.

Si rrjedhojë, sipas vlerësimit të kolegjit të kësaj gjykate, pretendimet ankimore të ankuesit nuk kanë pasur bazë të mjaftueshme dhe me peshë në rezultat për të urdhëruar eventualisht përsëritjen e votimit në vendvotimin e pretenduar./KP

Continue Reading

Lajmet

​Murati pas takimit për pagën minimale: Rritja duhet të marrë parasysh kushtet e tregut

Published

on

By

Ministri në detyrë i Financave, Punës dhe Transfereve, Hekuran Murati, ka zhvilluar sot një takim konsultues me dhomat ekonomike, me përfaqësues të sindikatave të punëtorëve të sektorit privat në kuadër të dialogut social për çështjen e rritjes së pagës minimale.

Murati ka shkruar në Facebook tha se nga ky takim ka dëgjuar propozimet dhe sugjerimet e përfaqësuesve të sindikatave të cilët e mbështetën rritjen e pagës minimale, e po ashtu edhe rekomandimet që erdhën nga përfaqësuesit e bizneseve që kishin të bëjnë me nevojën për më shumë konsultime dhe pagë minimale të përshkallëzuar.

Paga minimale është instrument i rëndësishëm që synon të mbrojë punëtorët nga praktikat jo të mira, por njëkohësisht rritja e saj duhet të marrë parasysh kushtet e tregut dhe kapacitetin absorbues të ndërmarrjeve,” ka theksuar Murati.

Ai rikujtoi se Qeveria aktuale e ka rritur pagën minimale për herë të parë pas më shumë se një dekade stagnimi dhe se rishikimi i saj do të bëhet çdo vit, sipas zotimeve të dhëna më herët.

Nga takimi dola më i informuar dhe do t’i kem parasysh të gjitha sugjerimet dhe rekomandimet kur të bëj propozimin e pagës minimale të re për miratim në Qeveri,” tha Murati, duke falënderuar pjesëmarrësit për kontributin e tyre në proces.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro./KP

Continue Reading

Të kërkuara