Sport

Reflektojnë qipriotët, ndryshon orari i ndeshjes AEL-Vllaznia

Published

5 years ago

July 21, 2021

Betim Gashi

Një lajm i mirë për Vllazninë në prag të transfertës qipriote ndaj AEL-it të Limasolit. Sfida e planifikuar për t’u zhvilluar të enjten në orën 16:30 (ora shqiptare), është shtyrë dhe do të startojë në orën 19:00 (ora 20:00 në Qipro).

Vendimi fillestar i klubit të AEL-it për luajtur ndeshjen në orën 16:30 shkaktoi polemika të shumta, pasi bëhej fjalë për një orar kur temperaturat mund të shkonin deri në 38 gradë, çka mund të kishte pasoja edhe në shëndetin e futbollistëve.

Pas kritikave të trajnerit Brdaric, edhe përfaqësuesi i Shoqatës së Futbollistëve Profesionistë në Qipro, reagoi ndaj drejtuesve të AEL-it, duke i akuzuar se po rrezikojnë shëndetin e futbollistëve, vetëm për të fituar një avantazh ndaj shkodranëve të pamësuar me temperatura të tilla.

Megjithatë klubi i AEL-it bëri me dije se vendimi ishte i imponuar, pasi ndriçimi i stadiumit nuk ishte licencuar nga UEFA dhe për të ndryshuar orarin u desh që qeveria europiane e futbollit të mbyllë një sy e të miratojë startin e ndeshjes në orën 19:00 (ora shqiptare).

Ndërkohë shkodranët vijojnë përgatitjet për sfidën e të enjtes dhe vetëm sonte në mesnatë do të nisen drejt Qipros, teksa trajneri Brdaric do të ketë në dispozicion të gjithë futbollistët, përveç brazilianit Da Silva, i cili vijon të jetë i dëmtuar dhe nuk është stërvitur me skuadrën këtë javë.

Sport

Spektakël në Paris: PSG dhe Bayern Munich ballafaqohen për një vend në finale

Published

2 hours ago

April 28, 2026

UBTNews

Sonte në orën 21:00, stadiumi “Parc des Princes” do të shndërrohet në epiqendrën e futbollit evropian, ku Paris Saint-Germain pret Bayern Munich në ndeshjen e parë gjysmëfinale të Ligës së Kampionëve.

PSG hyn në këtë sfidë me vetëbesim të plotë pas eliminimit të Liverpool-it, duke shfaqur një pjekuri dhe efikasitet që i ka munguar në vitet e kaluara. Parisiensët e shohin këtë vit si mundësinë e artë për të prekur finalen e madhe, duke u mbështetur te ritmi i lartë dhe mbështetja e zjarrtë e tifozëve vendas.

Në krahun tjetër, Bayern Munich vjen si një “makinë” e konfirmuar pas triumfit ndaj Real Madridit. Gjermanët mbështeten te disiplina e tyre e hekurt taktike dhe përvoja e madhe në përballje të këtij niveli, duke synuar një rezultat që do t’u lehtësonte punën në ndeshjen e kthimit në Mynih.

Në një duel ku gabimet kushtojnë shtrenjtë, detajet e vogla pritet të vendosin fatin e këtij takimi gjigantësh, që premton emocione deri në sekondën e fundit.

Sport

Eshref Beqiri delegat në gjysmëfinalen e Kupës Evropiane në hendboll

Published

19 hours ago

April 27, 2026

UBTNews

Anëtari i Federatës të Hendbollit të Kosovës, Eshref Beqiri, ka përfaqësuar sërish Kosovën në arenën ndërkombëtare, duke shërbyer si delegat i Federata Evropiane e Hendbollit në një ndeshje të rëndësishme evropiane të zhvilluar në fundjavë.

Beqiri ishte i angazhuar në mbarëvajtjen e takimit të parë gjysmëfinal të EHF European Cup për hendbollistë, ku u përballën skuadra sllovene RK Celje Pivovarna Laško dhe ekipi nga Maqedonia e Veriut, GRK Ohrid.

Ndeshja u zhvillua në Celje të Sllovenisë dhe përfundoi me fitoren e skuadrës vendase 27:26, duke lënë gjithçka të hapur për takimin e kthimit që do të luhet më 2 maj në Ohër.

Eshref Beqiri vazhdon të jetë i besuar nga Federata Evropiane e Hendbollit, duke u deleguar rregullisht në ndeshje të rëndësishme të garave evropiane gjatë këtij edicioni, çka vlerësohet si një konfirmim i punës së tij profesionale në këtë rol.

Sport

Sonte ndeshje finale në volejboll

Published

19 hours ago

April 27, 2026

UBTNews

Në Pallatin e Sporteve “Bill Clinton” në Ferizaj, sonte zhvillohen ndeshje shumë të rëndësishme finale në kuadër të Raiffeisen Superliga e Kosovës në volejboll.

Në konkurrencën e femrave, nga ora 20:30 luhet finalja e dytë e serisë për titullin e kampionit, ku përballen KVF Ferizaj dhe KV Fer Volley. Ky duel pritet të jetë vendimtar në garën për titull, pas ndeshjes së parë mes këtyre dy skuadrave rivale.

Ndërkohë, në konkurrencën e meshkujve, sonte nis seria e finaleve, ku në aktin e parë përballen dy skuadra nga i njëjti qytet, KV Ferizaj dhe KV Luboteni. Ndeshja fillon nga ora 18:00 dhe pritet të sjellë një rivalitet të fortë lokal.

Të dyja përballjet pritet të ofrojnë spektakël dhe interesim të madh nga tifozët, duke qenë se bëhet fjalë për ndeshje vendimtare në garën për titujt kampionë.

Sport

Kristian Prenga përballet me Anthony Joshua në Riad, para sfidës së madhe me Fury

Published

20 hours ago

April 27, 2026

UBTNews

Boksieri shqiptar Kristian Prenga do të përballet me një nga emrat më të mëdhenj të boksit profesionist, Anthony Joshua, në një duel që pritet të zhvillohet më 25 korrik në Riad të Arabisë Saudite.

Vetë Joshua ka konfirmuar rikthimin në ring për këtë përballje, e cila do të shërbejë si një test i rëndësishëm përpara sfidës së madhe që e pret më vonë gjatë vitit. Për Prengën, kjo është një mundësi e artë për t’u përballur me një kampion të njohur botëror dhe për të bërë hap të madh në karrierë.

Ndërkohë, vëmendja e botës së boksit është e përqendruar edhe te superndeshja e shumëpritur mes Joshua dhe Tyson Fury. Pas vitesh spekulimesh, dy rivalët kanë arritur marrëveshje për t’u përballur, duke e bërë këtë një nga duelet më të mëdha të kohëve të fundit.

Para kësaj përballjeje, Joshua synon të rikthehet në formë optimale pikërisht përmes meçit ndaj Prengës. Në anën tjetër, Fury tashmë është rikthyer në ring, duke fituar me pikë ndaj Arslanbek Makhmudov pas një pauze të gjatë prej 16 muajsh.

Nëse gjithçka shkon sipas planit dhe Joshua kalon me sukses sfidën e korrikut, përballja e madhe me Fury pritet të zhvillohet në nëntor, me shumë gjasa në Wembley Stadium, ndërsa interesimi global për këtë duel pritet të jetë jashtëzakonisht i madh.