Magazinë

Reese Witherspoon bën thirrje që gratë ta përdorin AI-në

Published

1 month ago

on

Reese Witherspoon, aktore dhe producente e njohur në Hollywood, ka bërë thirrje që gratë në industrinë e filmit të përqafojnë inteligjencën artificiale (AI), pasi sipas saj ajo “është e ardhmja”.

Aktorja e “Legally Blonde”, e cila është themeluese e kompanisë “Hello Sunshine”, tha se AI-ja është pjesë e pandashme e jetës dhe grave u duhet ta mësojnë dhe ta përdorin në dobi të tyre.

“Jam punëtore e palodhshme dhe më pëlqen të përshtatem me struktura të reja dhe mjedise të reja. Gjithmonë mendoj përpara, për mënyrën se si po zhvillohet media dhe si mund të ndihmoj që gratë të ecin bashkë me këto industri të reja. Dhe tani po e bëjmë këtë me AI. Është kaq, kaq e rëndësishme që gratë të përfshihen në AI… sepse kjo do të jetë e ardhmja e kinemasë. Mund të jesh i mërzitur e të ankohesh sa të duash, por ndryshimi ka ardhur”, ka thënë Witherspoon.

Sipas saj, përdorimi i saj nuk do ta zëvendësojë kreativitetin dhe punën manuale, por ndikon në mënyrën si realizohet arti.

“Nuk do të ketë kurrë mungesë të kreativitetit, imagjinatës dhe ndërtimit manual të gjërave. Mund të zvogëlohet, por gjithmonë do të mbetet me rëndësi të lartë në art dhe në shprehjen personale”, ka shtuar ajo.

“Unë e përdor AI-në çdo ditë. Përdor mjete kërkimi si ‘Perplexity’, përdor ‘Vetted AI’, p.sh. nëse po blen një mikser, të tregon gjashtë modele të ndryshme dhe rekomandon produktin më të mirë. Përdor ‘AI Assistant’. ‘Simple AI’ është një asistent që mund të jetë shumë i dobishëm për këdo që nuk dëshiron të bëjë termine mjekësore, sepse nuk do të presë në telefon apo të përballet me sistemet e ndërlikuara të spitaleve. Është një mjet i jashtëzakonshëm për të kursyer kohë”, ka shpjeguar ajo.

Aktorja zbuloi se shpesh diskuton për këto ndryshime me koleget e saj të njohura në Hollywood.

“Këto janë gra me të cilat flas gjithë kohës për mënyrën se si po e përballojmë dinamikën e re në industrinë tonë: Kerry Washington, Tracee Ellis Ross, Eva Longoria, America Ferrera, Natalie Portman, Lena Waithe”, ka thënë ndër të tjera Witherspoon.

Related Topics:
Continue Reading

Magazinë

Hailey Bieber flet për Selena Gomez: Nuk ka rivalitet aty ku nuk ka frymëzim

Published

14 minutes ago

on

October 17, 2025

By

Hailey Bieber ka folur për krahasimet e vazhdueshme mes saj dhe Selena Gomez, duke theksuar se nuk ekziston rivalitet mes tyre dhe se nuk ndjen konkurrencë me njerëzit që nuk e frymëzojnë.

Modelja dhe biznesmenja dha një intervistë për revistën “WSJ Magazine”, ku komentoi për mënyrën se si fansat shpesh e krahasojnë me ish-partneren e bashkëshortit të saj, Justin Bieber.

Ajo tha se e shqetëson veçanërisht kur njerëzit përpiqen ta vendosin në një “përballje” me gra të tjera.

“Është gjithmonë bezdisëse të të detyrojnë të konkurrosh me të tjerët. Nuk e kam kërkuar kurrë këtë. Kur njerëzit duan të të shohin në një mënyrë të caktuar dhe kanë krijuar tashmë një histori për ty në mendjet e tyre, nuk mund ta ndryshosh atë,” tha Hailey.

Ajo shtoi: “Unë besoj se ka vend për të gjithë. Nuk ndihem konkurruese me njerëzit që nuk më frymëzojnë.”

Për disa fansa të Gomez, kjo frazë u pa si një referencë indirekte për të.

Kujtojmë se Justin Bieber dhe Selena Gomez ishin në një lidhje afatgjatë përpara martesës së tij me Hailey, dhe gjatë një ndarje të shkurtër mes çiftit, kishte qarkulluar edhe thashethemet se ish-lidhja e tyre mund të rikthehej. /A.Z/UBT News/

Continue Reading

Magazinë

Sofia Richie shtatzënë, pret fëmijën e dytë me Elliot Grange

Published

1 hour ago

on

October 17, 2025

By

Sofia Richie ka njoftuar se është shtatzënë me fëmijën e saj të dytë, duke pritur frytin e dashurisë së saj me bashkëshortin e saj, Elliott Grange.

Modelja 27-vjeçare e ndau lajmin e lumtur të enjten, më 16 tetor, nëpërmjet një postimi në Instagram, duke pozuar para një pasqyre me barkun e saj të fryrë.

Në mbishkrimin me të cilin shoqëroi postimin e saj, ajo shkroi: “Gati për të lançuar këto fëmijë”, duke kombinuar kështu njoftimin e shtatzënisë së saj me promovimin e koleksionit të saj të ri të modës.

Vajza e këngëtarit të famshëm, Lionel Richie, dhe producentit të suksesshëm muzikor, Elliott Grainge, kanë tashmë një vajzë, Eloise, e cila lindi në maj të vitit 2024. Në atë kohë, Sofia Richie njoftoi lindjen e fëmijës me një postim të ndjeshëm në Instagram, duke shkruar: “5•20•24 Dita më e mirë e jetës sime”, duke e shoqëruar frazën me një foto të këmbëve të foshnjës së porsalindur.

Në një intervistë me Vogue në janar 2024, Sofia Richie zbuloi se fillimisht e mbajti shtatzëninë e saj sekret për qetësi shpirtërore.

“E mbajtëm sekret për të mbrojtur shëndetin mendor dhe hapësirën tonë“, tha ajo, duke shpjeguar se “shtatzënia është vërtet e frikshme”.

“Nuk e dija që kishte kaq shumë faza që duhej të kaloje dhe kaq shumë teste që duhej të bëje. Për mua, ishte shumë e rëndësishme të mbroja shëndetin tonë mendor dhe hapësirën tonë si çift”, shtoi ajo në atë kohë.

Sofia Richie dhe Elliott Grange u martuan në Francë në prill të vitit 2023. Producenti i muzikës i kishte propozuar të dashurës së tij një vit më parë, duke i dhuruar një unazë mahnitëse, pothuajse dy vjet pasi lidhja e tyre u bë publike. /A.Z/UBT News/

Continue Reading

Magazinë

Eminem nis një histori me stilisten me origjinë shqiptare

Published

4 hours ago

on

October 17, 2025

By

Reperi i njohur Eminem raportohet se është në një lidhje me Katrina Malotën, një stiliste dhe grimere me origjinë shqiptare që jeton dhe punon në Michigan, SHBA.

Sipas burimeve të TMZ, Katrina ka qenë pjesë e ekipit të ngushtë të Eminemit për vite me radhë, duke u kujdesur për pamjen e tij në videoklipe dhe sete fotografike. Tani, marrëdhënia e tyre profesionale duket se ka kaluar në një nivel personal më të afërt.

Përveç punës me Eminem, Katrina është stiliste flokësh në një sallon bukurie në Birmingham, Michigan, dhe ka bashkëpunuar me artistë të njohur si Snoop Dogg, Robin Thicke dhe 50 Cent.

Në faqen e saj në Facebook, tregon se është nga Detroit, gjë që e lidh edhe më shumë me reperin e “8 Mile”, i cili vjen nga ky qytet.

Ende nuk dihet se sa kohë kanë qenë bashkë, dhe asnjëri prej tyre nuk ka komentuar publikisht mbi raportimet. Megjithatë, lajmi për lidhjen me stilisten shqiptare ka tërhequr vëmendjen e mediave dhe fansave në mbarë botën. /A.Z/UBT News/

Continue Reading

Magazinë

Një vit pa Liam Payne! Motra e tij Ruth rrëfen pikëllimin që nuk zbehet

Published

5 hours ago

on

October 17, 2025

By

Në përvjetorin e parë të ndarjes nga jeta të Liam Payne, motra e tij Ruth ndau një mesazh thellësisht emocional në Instagram, duke e përshkruar humbjen e vëllait si “mizore dhe pa kuptim”.

Këngëtari i njohur i grupit One Direction ndërroi jetë në tetor të vitit 2024, në moshën 31-vjeçare, pasi ra nga ballkoni i një hoteli në Argjentinë. Sipas raportit toksikologjik, në sistemin e tij u gjetën gjurmë alkooli, kokainë dhe një antidepresivi, shkruan DailyMail.

Ruth publikoi disa fotografi familjare, duke shprehur dhimbjen që e shoqëron çdo ditë: “Një vit, 12 muaj, 365 ditë… sido që ta them, mbetet e njëjta e vërtetë e dhimbshme — ti nuk je më këtu.”

Ajo tregoi se ka makthe që lidhen me momentet e fundit të Liamit dhe pranoi se ende nuk mund ta përballojë plotësisht humbjen e tij.

“E nënvlerësova pikëllimin,” shkroi ajo. “Je humbja më e madhe e jetës sime, personi që do të më mungojë çdo ditë të ardhshme.”

Motra e këngëtarit rrëfeu se djali i Liam, Bear, ka ndryshuar shumë gjatë këtij viti dhe ndien thellë mungesën e babait të tij. Ajo shtoi se përpiqet ta ndiej praninë e vëllait në detajet e vogla të përditshmërisë: “I them ‘natën e mirë’ yjeve, në rast se diku atje mund të të gjej.”

Në përfundim të homazhit, Ruth u bëri thirrje njerëzve të kujtojnë se, përtej famës dhe muzikës, Liam ishte një bir, një baba e vëlla i dashur. “Gjithmonë me dashuri, Liam — në çdo jetë,” përfundoi ajo.

Ndërkohë, fansat e këngëtarit mbajtën një ceremoni përkujtimore në Argjentinë, pranë hotelit ku ndodhi tragjedia.

Nga donacionet e mbledhura në kujtim të tij janë siguruar rreth 250 mijë funte (afërsisht 287 mijë euro) për Spitalin e Fëmijëve Great Ormond Street, duke e kthyer kujtimin e Liam Payne në një trashëgimi dashurie dhe bujarie. /A.Z/UBT News/

Continue Reading

Të kërkuara