Lajmet

Reagojnë “Dardanët”: S’qëndrojmë të heshtur kur ofendohemi

Published

1 year ago

November 19, 2024

UBTnews

Tifogrupi “Dardanët” që mbështesin Kosovën në të gjitha ndeshjet ka reaguar edhe njëherë në lidhje me atë çfarë ndodhi në Bukuresht, aty ku në ndeshjen kundër Rumanisë, tifozët brohorisnin “Kosova është Serbi”, veprim ky i cili u pasua me ndërperjen e ndeshjes në minutat shtesë të saj.

Tutje, në sfidën e së hënë me Lituaniën, të cilën Kosova e fitoi me rezultat 1-0, tifozët dardanë shfaqen banerin “Së bashku kundër racizmit”, derisa një ditë më pas, përmes një postimi në rrjetet sociale kanë thënë se nuk do të qëndrojnë të heshtur përballë përball fyerjeve duke shtuar se lojtarët do ta kenë gjithmonë mbështetjen e tyre.

“Këto ishin mesazhet tona mbrëmë kundër abuzimit me kore ofenduese që bënë rumunët në Bukuresht. Nuk do të qëndrojmë të heshtur. Sa herë që na fyejnë, bashkohemi edhe më shumë. Sepse ashtu siç thamë edhe dje përmes mesazhit tonë – çfarë mbet kur humb edhe nderi? Djemtë tanë kanë përkrahje të plotë për gjithë çfarë bënë atje dhe do të vazhdojnë ta kenë nga ne dhe gjithë populli”, thuhet në reagimin e dardanëve të shoqëruar me foto nga ndeshja me Lituanë.

Ndryshe, UEFA tashmë ka nisur procedurat disiplinore për ndeshje Rumani-Kosovë dhe së shpejti pritet një vendim për fatin e kësaj sfide.

Related Topics:KOSOVA Bukuresht “Dardanët”

Up Next

LDK dorëzon kallëzim penal ndaj Pecit dhe Pacollit

Don't Miss

Gërvalla thotë se është e pafajshme për mosdeklarim pasurie

Lajmet

Nuk ka ndryshim: Çmimi i naftës mbetet i njëjtë.

Published

4 hours ago

April 30, 2026

UBTNews

Çmimet e derivateve në Kosovë nuk kanë pësuar lëvizje gjatë 24 orëve të fundit. Sipas tavanit të përcaktuar nga Ministria e Industrisë, Ndërmarrësisë dhe Tregtisë (MINT), vlerat maksimale të shitjes për sot janë: Nafta: 1.68 euro për litër; Benzina: 1.47 euro për litër; Gazi: 0.85 euro për litër

Shtrenjtimi i theksuar i naftës erdhi si pasojë e tensioneve gjeopolitike që nisën më 28 shkurt, pas shpërthimit të konfliktit mes SHBA-së, Izraelit dhe Iranit.

Situata u rëndua veçanërisht me mbylljen e Ngushticës së Hormuzit nga ana e Iranit, një pikë strategjike përmes së cilës qarkullon rreth 20% e furnizimit botëror me naftë.

Lajmet

Raste të dhunës dhe lëndimeve në disa qytete

Published

4 hours ago

April 30, 2026

UBT News

Sipas raportit të fundit të policisë, gjatë 29 prillit janë regjistruar disa raste të dhunës fizike dhe lëndimeve trupore në disa qytete të Kosovës, ku disa persona janë arrestuar dhe janë marrë masa nga prokuroria.

Në Prishtinë, në rrugën “Garibaldi”, janë arrestuar tre të dyshuar meshkuj kosovarë, të cilët pas një mosmarrëveshjeje dyshohet se janë përleshur fizikisht mes vete. Si pasojë, dy prej tyre kanë pësuar lëndime trupore dhe kanë pranuar tretman mjekësor. Me vendim të prokurorit, pas intervistimit, njëri i dyshuar është dërguar në mbajtje, ndërsa dy të tjerët janë liruar në procedurë të rregullt.

Në një rast tjetër në Prishtinë, në rrugën “Agim Hajrizi”, një femër kosovare është sulmuar fizikisht nga një mashkull kosovar pas një mosmarrëveshjeje. I dyshuari, pas intervistimit, me vendim të prokurorit është dërguar në mbajtje.

Ndërkohë, në Prizren, në rrugën “Edit Durham” , janë arrestuar dy meshkuj kosovarë të dyshuar se kanë sulmuar dhe therur me thikë një viktimë mashkull kosovar. Viktima është dërguar për trajtim mjekësor, ndërsa të dyshuarit, pas intervistimit, me vendim të prokurorit janë dërguar në mbajtje.

Lajmet

Sulm me thikë në Mitrovicë, e dyshuara dërgohet në spitalin psikiatrik

Published

4 hours ago

April 30, 2026

UBTNews

Një grua është arrestuar pasditen e së mërkurës në jug të Mitrovicës, pasi dyshohet se ka therë me thikë një burrë.

Viktima është dërguar menjëherë për mjekim, ndërsa e dyshuara, me vendim të prokurorit, është dërguar për trajtim në Klinikën e Psikiatrisë.

Policia po e heton rastin si “lëndim i rëndë trupor”.

Lajmet

Filharmonia e Kosovës sjell në Prishtinë Kuartetin Harkor të Filharmonisë së Krakovës

Published

4 hours ago

April 30, 2026

UBT News

Një mbrëmje e veçantë që vjen në bashkëpunim me Konsullatën e Kosovës në Varshavë, Filharmonia e Kosovës sjell në Prishtinë Kuartetin Harkor të Filharmonisë së Krakovës – një ansambël që mishëron traditën e shkëlqyer polake të muzikës së dhomës dhe finesën e interpretimit evropian.

Më 5 maj 2026, në Hollin e Bibliotekës Kombëtare “Pjetër Bogdani”, katër muzikantë të shquar të Filharmonisë së Krakovës – Joanna Konarzewska, Zuzanna Frankiewicz, Jan Czyżewski dhe Martyna Sołtys do të interpretojnë dy kryevepra të muzikës polake për kuartet harkor: Kuartetin Harkor Nr. 3 të Grażyna Bacewicz dhe Kuartetin Harkor Nr. 2, Op. 42 të Władysław Żeleński.

Në këtë program takohen energjia moderne dhe forca ekspresive e Bacewicz me lirizmin romantik dhe finesën kompozicionale të Żeleński-t, duke krijuar një udhëtim artistik përmes identitetit muzikor polak. Për publikun e Prishtinës, kjo mbrëmje është një mundësi e rrallë për të përjetuar nga afër interpretimin e një ansambli që përfaqëson një prej institucioneve më të rëndësishme muzikore të Evropës Qendrore.

Ky koncert është më shumë se një paraqitje artistike është një takim kulturash, një dialog përmes tingullit dhe një dëshmi e fuqisë së muzikës për të ndërtuar ura ndërmjet vendeve.