Kronikë e zezë

Rasti i dhunimit të 11-vjeçares, anulohet vendimi për hedhjen e aktakuzës ndaj pesë të akuzuarve

Më 18 janar, Prokuroria Themelore ka ushtruar ankesë kundër Aktvendimit të Gjykatës Themelore, për shkak të shkeljes së të drejtës procedurale.

Published

3 years ago

on

Gjykata e Apelit e Kosovës, sot ka informuar se ka aprovuar ankesat e Prokurorisë Themelore në Prishtinë dhe ka anuluar aktvendimet e Gjykatës Themelore në Prishtinë për hedhjen e aktakuzës ndaj pesë personave të akuzuar për përfshirje në rastin e dhunimit të 11-vjeçares.

Gjykata e Apelit, siç është potencuar në komunikatë, ka vlerësuar se aktvendimet e gjykatës së shkallës së parë për hedhjen e aktakuzave, respektivisht propozimit është si rezultat i shkeljeve esenciale të dispozitave të procedurës penale, të cilat shkelje kanë kushtëzuar që aktvendimet ankimor të anulohet dhe çështjet të kthehen në rivendosje.

Ndryshe, mbrëmë është raportuar se Gjykata Themelore në Prishtinë, Departamenti për të Mitur e ka hedhur poshtë aktakuzën e ushtruar ndaj pesë të dyshuarve: E.R. dhe Sh.K, (madhor), si dhe ndaj tre të miturve, të përfshirë në rastin e dhunimit të 11-vjeçares, i cili ka ndodhur në muajin gusht të vitit 2022.

Ndërkohë, më 18 janar 2023, Prokuroria Themelore në Prishtinë, Departamenti për të Mitur ka ushtruar ankesë kundër Aktvendimit të Gjykatës Themelore, për shkak të shkeljes së të drejtës procedurale.

Komunikata e plotë:

Gjykata e Apelit e Kosovës me aktvendimet PN.nr.71/2023 dhe PN.nr.85/2023, ka aprovuar si të bazuara ankesat e Prokurorisë Themelore në Prishtinë – Departamenti për të Mitur.

Prishtinë, 26.01.2023 – Gjykata e Apelit e Kosovës – Departamenti për të Mitur, me aktvendimet PN.nr.71/2023 dhe PN.nr.85/2023, ka aprovuar si të bazuara ankesat e Prokurorisë Themelore në Prishtinë – Departamenti për të Mitur dhe ka anuluar aktvendimet e Gjykatës Themelore në Prishtinë – Departamenti për të Mitur, më të cilat janë hedhur si jo të plota aktakuza PP/I.nr.685/22 e datës 21.12.2022, pika IV dhe VIII, si dhe aktakuza PP.I.nr.663/2022, përkatësisht propozimi PPM.nr. 444/2022 i datës 08.12.2022.

Gjykata e Apelit ka vlerësuar se aktvendimet e gjykatës së shkallës së parë për hedhjen e aktakuzave, respektivisht propozimit është si rezultat i shkeljeve esenciale të dispozitave të procedurës penale, të cilat shkelje kanë kushtëzuar që aktvendimet ankimor të anulohet dhe çështjet të kthehen në rivendosje.

Gjykata e Apelit, pas shqyrtimit të shkresave të lëndëve, aktvendimeve ankimore dhe ankesave të Prokurorisë, por edhe sipas detyrës zyrtare, ka gjetur se aktvendimet e ankimuara duhet anuluar dhe kthyer çështjet në rivendosje, për shkak se aktvendimet janë të përfshira në shkelje esenciale të dispozitave të procedurës penale nga neni 384 par. 1 pika 1.12 lidhur me nenin 370 të Kodit të Procedurës Penale sepse gjykata e shkallës së parë nuk ka dhënë arsyeje të mjaftueshme ligjore kur ka hedh aktakuzat e lartcekura, respektivisht arsyet të cilat janë dhënë nga gjykata e shkallës së parë për hedhjen e aktakuzave janë të paqarta dhe kundërthënëse në vetvete dhe në kundërshtim me bazën ligjore për hedhjen e aktakuzës.

Related Topics:
Continue Reading

Lajmet

Punëtori humb jetën në vendin e punës në Gjakovë

Published

1 hour ago

on

April 23, 2026

By

Një punëtor ka humbur jetën gjatë orarit të punës sot në Gjakovë.

Sipas njoftimit të Policisë, viktima dyshohet se ka rënë nga një objekt i lartë teksa ishte duke punuar në rrugën “Pjetër Bogdani” në këtë komunë.

Në vendin e ngjarjes kanë intervenuar menjëherë njësitë përkatëse policore si dhe ekipi emergjent mjekësor, të cilët kanë konstatuar vdekjen e punëtorit.

Zëdhënësja e Policisë për rajonin, Vlera Krasniqi, ka bërë të ditur se lidhur me rastin një person është duke u intervistuar në cilësinë e të dyshuarit, ndërsa hetimet po vazhdojnë për të sqaruar rrethanat e ngjarjes.

Në vendin e ngjarjes ka dalë edhe prokurori i shtetit.

Raporton Koha.net.

Continue Reading

Lajmet

Arrestohet një person, i gjendet substancë e dyshuar narkotike në veturë dhe shtëpi

Published

12 hours ago

on

April 23, 2026

By

Mbrëmjen e 22 prillit sipas raportit të Policisë së Kosovës, rreth orës 21:00, në rrugën “Besim Rexhepi” në Ferizaj, Policia ka arrestuar një person të dyshuar mashkull kosovar, pasi gjatë një kontrolli i janë gjetur substanca narkotike.

Fillimisht, gjatë kontrollit në veturën e tij, janë zbuluar tri qese me marihuanë me peshë rreth 15.57 gram. Pas kësaj, policia ka vazhduar me kontroll në shtëpinë e të dyshuarit. Aty është gjetur edhe një sasi tjetër marihuane prej rreth 1.41 gram, një peshore digjitale, para të gatshme rreth 485 euro, si dhe një telefon mobil.

I dyshuari është shoqëruar në polici dhe pas intervistimit, me vendim të prokurorit është dërguar në mbajtje, ndërsa rasti po vazhdon të hetohet.

Continue Reading

Lajmet

Prizren: Arrestohen dy persona për posedim narkotikësh dhe armëmbajtje pa leje

Published

13 hours ago

on

April 23, 2026

By

Janë arrestuar dy persona të dyshuar meshkuj kosovarë, dje rreth orës 18:00 në Prizren, pas një hetimi disa mujor lidhur me veprat penale të posedimit të narkotikëve dhe armëmbajtjes pa leje.

Me vendim të gjyqtarit, janë kontrolluar një shtëpi dhe dy lokale që dyshohet se përdoreshin nga të dyshuarit për paketim, shitje dhe shpërndarje të substancave narkotike të llojit kokainë.

Gjatë kontrollit, policia ka sekuestruar një sasi të konsiderueshme provash, përfshirë: një motoçikletë, dy telefona mobilë, para të gatshme, si dhe 13 qese najloni me substancë të dyshuar narkotike (kokainë) me peshë rreth 336.92 gram. Po ashtu, është gjetur edhe një kavanoz me substancë të njëjtë me peshë rreth 115.15 gram, qese të zbrazëta me mbetje narkotike, peshore digjitale dhe mjete të tjera që dyshohet se përdoreshin për përgatitjen dhe shpërndarjen e narkotikëve. Në mesin e provave të sekuestruara janë edhe dy armë zjarri , një pistoletë me një karikator të zbrazët dhe një tjetër e çmontuar pa karikator si dhe mjete të tjera të dyshimta.

Sipas raportimit të fundit të Policisë , vlera e përgjithshme e substancave narkotike të sekuestruara arrin rreth 30 mijë euro.

Të dyshuarit janë arrestuar dhe, pas intervistimit, me vendim të prokurorit janë dërguar në mbajtje, ndërsa rasti vazhdon të hetohet.

Continue Reading

Lajmet

Grabitje në Prishtinë – viktima sulmohet me sprej, i merren para të gatshme

Published

13 hours ago

on

April 23, 2026

By

Sipas raportit të Policisë, një grabitje ka ndodhur dje, rreth orës 16:55, në afërsi të rrethrrotullimit të Qendrës Tregtare Prishtina Mall.

Ankuesi, një mashkull kosovar i punësuar në një kompani private, ka raportuar se derisa ishte duke drejtuar automjetin e firmës, është goditur nga prapa nga një veturë tjetër. Pas përplasjes, nga vetura kanë dalë dy persona të dyshuar, të cilët kanë përdorur sprej ndaj viktimës. Nën kërcënimin dhe pas neutralizimit të tij, të dyshuarit kanë arritur t’i marrin çantën ku ndodheshin para të gatshme në vlerë të konsiderueshme, dhe më pas janë larguar në drejtim të panjohur.

Rasti është duke u hetuar nga njësitet kompetente policore.

Continue Reading

Të kërkuara