Lajmet

Rasti Berishaj, Haxhiu: Po të kishte dyshime, prokuroria sllovene do të niste hetimet

Ajo tha se çështja me ambasadorin Martin Berishaj ka qenë luftë në kuadër të zgjedhjeve në Slloveni.

Publikuar

2 vjet më parë

më

Ministrja e Drejtësisë, Albulena Haxhiu ka thënë në Kuvendin e Kosovës se çështja me ambasadorin Martin Berishaj ka qenë luftë në kuadër të zgjedhjeve në Slloveni. Ajo ka thënë se po të kishte dyshime Prokuroria Speciale në Slloveni do të niste hetimet për të rast.

Haxhiu ka thënë se Prokuroria Speciale e Sllovenisë ka deklaruar që nuk janë duke e hetuar këtë rast.

“Jam e bindur, duke pasur parasysh si funksionon Sllovenia, po të kishin dyshime krimet ekomomike, natyrisht prokuroria atje do të niste hetimet, për aq sa ne jemi në dijeni nuk kanë nisur këto hetime. Madje ka pasur një deklaratë nga Prokuroria Speciale atje që jo ky rast nuk është duke u hetuar nga Prokuroria Speciale. Nuk po bëhet fjalë për një shtet dosido, ne e njohim si funksion Sllovenia dhe rendi dhe ligji atje”, ka thënë Haxhiu.

Ajo ka thënë se Agjencia kundërkorrupsion ka nisur hetimet në raport me deklarimin e pasurisë për ambasadorin Martin Berishaj dhe ka kërkuar nga deputetët të presin qëndrimet e institucioneve të Kosovës në raport me këtë çështje.

“Rasti i Martin Berishajt ka qenë një luftë në kuadër të zgjedhjeve në Slloveni, pra pak para zgjedhjeve një medium kishte thënë se ekziston ky skandal financiar, dhe në një konferencë për media, zotëri Golob, tani kryeministër në ardhje, ka treguar edhe për vërtetimin që vetë institucioni i administrimit financiar apo inteligjenca ekonomike në Slloveni që ka dëshmuar që të gjitha të hyrat e tij janë në rregull. Këtu në këtë Kuvend u përmend ose u deklarua thuajse Martin Berishaj po i ikën drejtësisë, po kërkohet nga drejtësia, nuk po gjendet askund. Martin Berishaj do t’i përgjigjet secilës kërkesë që institucionet e Kosovës apo në Slloveni apo në Kroaci do të ia bëjnë, secilës”, ka thënë ajo.

Etiketa
Vazhdo të lexosh

Lajmet

​Rrëmbehet një 19-vjeçare në Fushë Kosovë

Publikuar

11 orë më parë

më

25 Maj, 2024

nga

Sot rreth orës 09:35 policia rajonale e Ferizajt ka pranuar një informatë me telefon nga një femër e moshës 19-vjeçare, e cila rreth orës 08:00 dyshohej se ishte rrëmbyer në Fushë Kosovë nga GJ.H. (23) dhe se ajo ndodhej në një pikë karburanti në Bibaj të Ferizajt, ku i dyshuari e kishte sjellë me veturë dhe ishin ndaluar aty.

Ekipe të policisë menjëherë janë nisur në drejtim të fshatit Bibaj dhe aty kanë hasur të dyshuarin, i cili ishte jashtë në oborr të pikës së karburantit, duke e pritur viktimën femër të dalë jashtë.

I dyshuari është arrestuar dhe është shoqëruar në stacionin e policisë në Ferizaj, gjithashtu në stacionin e policisë është sjellë edhe viktima femër.

Në bashkëpunim me policët e stacionit në Fushë Kosovës, i dyshuari dhe viktima janë dërguar për procedura të intervistimit dhe hetimit atje, ngaqë rasti i dyshuar për rrëmbim me forcë dyshohet se ka ndodhur në qytetin e Fushë Kosovës.

Vazhdo të lexosh

Lajmet

​Monitorim edhe me helikopterë për protestën e paralajmëruar në Jarinjë nga Serbia

Publikuar

11 orë më parë

më

25 Maj, 2024

nga

Pas paralajmërimit për protestë në Serbi, në Leposaviq vërehet prezencë më e madhe e Policisë së Kosovës dhe KFOR-it.

Megjithatë situata në afërsi të pikës kufitare në Jarinjë është e qetë dhe qarkullimi po vazhdon normalisht.

Përveç KFOR-it dhe Policisë së Kosovës në afërsi të pikës kufitare në Jarinjë po qëndrojnë edhe automjete te misionit të Bashkimit Evropian për zbatim të ligjit, EULEX si dhe karabinierët.

Patrullimi i kufirit po bëhet edhe nga ajri me helikopterë. Qarkullimi i automjeteve në këtë pikë kufitare është i vogël.

Ndryshe, Qendra Kombëtare për Menaxhim Kufitar ka ftuar qytetarët të cilët planifikojnë të udhëtojnë përmes pikë – kalimeve kufitare me Serbinë, që të shtunën (sot) të përdorin pika tjera për qarkullim, pasi atje për sot janë paralajmëruar protesta.

Vazhdo të lexosh

Lajmet

Kurti për regjistrimin e popullsisë: Kemi mbledhur të dhëna të rëndësishme për planifikimin e së ardhmes

Publikuar

11 orë më parë

më

25 Maj, 2024

nga

Kryeministri i Kosovës, Albin Kurti ka thënë se me përfundimin e procesit të regjistrimit të popullsisë kanë nxjerrë të dhëna shumë të rëndësishme që do të ndihmojnë në planifikimin e së ardhmes.

Këto komento, kreu i ekzekutivit i ka bërë në shënim të përfundimit të procesit të Regjistrimit të Popullsisë, Ekonomive Familjare dhe Banesave në Kosovë, i nisur më 5 prill 2024, të organizuar nga Agjencia e Statistikave të Kosovës, në bashkëpunim me UNDP-në.

“Të dhënat e mbledhura do të jenë baza për politika, strategji e vendime më të mira, për një zhvillim edhe më të hovshëm e më të qëndrueshëm të vendit tonë. Në veçanti i falënderoj edhe partnerët tanë ndërkombëtarë për bashkëpunimin. Së bashku mund të arrijmë gjithçka, të jemi edhe të numëruar edhe të lumtur”, tha kryeministri Kurti në fjalën e tij para të pranishmëve.

Vazhdo të lexosh

Lajmet

​Bashkëpunimi Kosovë-SHBA, Gërvalla takon O’Brien

Publikuar

12 orë më parë

më

25 Maj, 2024

nga

Në kuadër të vizitës zyrtare në Shtetet e Bashkuara të Amerikës, shefja e diplomacisë kosovare Donika Gërvalla, është pritur në takim nga ndihmës sekretari i Shtetit për Çështjet Evropiane dhe Euroaziatike, James O’Brien.

Në frymën e marrëdhënieve të posaçme ndërmjet dy shteteve gjatë takimit janë trajtuar aspekte të shumta të thellimit të bashkëpunimit dypalësh, forcimit të sundimit të ligjit e demokracisë dhe jetësimit të aspiratave për anëtarësimin e Kosovës në organizata ndërkombëtare.

Gërvalla dhe O’Brien diskutuan po ashtu rreth zhvillimeve të tjera aktuale në vend, duke vënë theksin në përkushtimin e institucioneve në ruajtjen e paqes dhe stabilitetit në vend dhe rajon si dhe zmbrapsjen e kërcënimeve të sigurisë.

Vazhdo të lexosh

Të kërkuara