Sport

Rashford: Solskjaer nuk do ta humbë kurrë respektin tim

United e largoi Solskjaer nga detyra e trajnerit pas humbjes në javën e kaluar me rezultat 4:1 kundër Watford.

Published

on

Ylli i Manchester United Marcus Rashford ka insistuar që ish-trajneri Ole Gunnar Solskjaer meriton respekt maksimal, pavarësisht shkarkimit të tij nga “Old Trafford”.

United e largoi Solskjaer nga detyra e trajnerit pas humbjes në javën e kaluar me rezultat 4:1 kundër Watford në Premier Ligën angleze, ku kjo ishte humbja e pestë në shtatë ndeshjet e fundit në ligë, përcjell KosovaPress.

Po ashtu, gjatë kohës së tij te “Djajtë e Kuq”, Solskjaer ka dështuar që t’i sjellë trofe klubit, duke arritur në vetëm një finale, në të cilën pësoi humbje sezonin e kaluar nga Villarreali në Ligën e Evropës.

Pas shkarkimit të tij, ylli anglez Marcus Rashford ka thënë që Solskjaer meriton respekt maksimal, pasi që skuadra e Manchester United është gjithmonë në zemrën e trajnerit norvegjez.

“Ole ka Manchester United në zemër, askush nuk mund ta thotë të kundërtën. Për mua, respekti që ai meriton është gjigand, jo vetëm nga ne, por po ashtu nga tifozët. Ndjehem sikur tifozët në raste e fajësojnë trajnerin. Trajneri nuk mund të luajë për ne, ai mund të na mësojë në mënyrën më të mirë që mundet”, tha Rashford.

“Detyra jonë është t’i përcjellim instruksionet, të bëjmë atë që dimë dhe të mundohemi të fitojmë ndeshje. Kjo gjë nuk ndodhi në ndeshjen e fundit, por nuk është e drejtë për ta fajësuar trajnerin. Respekti është një gjë e madhe, dhe Ole nuk do ta humb kurrë respektin tim”, shtoi ylli anglez.

Gjatë aventurës me Solskjaer në këtë sezon, pas 12 ndeshjeve të zhvilluara, Manchester United zë vendin e tetë në tabelë me vetëm 17 pikë, 12 sosh larg liderit të tabelës dhe kundërshtarit në këtë vikend Chelseat.

Sport

Gjermania shënon fitoren e parë

Published

on

Përfaqësuesja e Gjermanisë në futboll, ka shënuar fitoren e parë në kualifikimet për Kupën e Botës 2026. Gjermanët pas disfatës së pësuar nga Sllovakia, të dielën mposhtën Irlandën e Veriut me rezultat 3:1.

Kjo ndeshje e grupit A, u zhvillua në Koln të Gjermanisë. Gjermania e nisi mirë ndeshjen.

Realizoi gol në minutën e shtatë nëpërmjet Serge Gnabryt. Por Irlanda e Veriut nëpërmjet Isaac Price barazoi shifrat. Me rezultatin 1:1 përfundoi pjesa e parë.

Por gjermanët nuk lejuan befasi. Shënuan dy gola në pjesën e dytë për fitoren 3:1. Fillimisht Nadiem Amiri shënoi për 2:1 në minutën e 69-të, kurse tre minuta më vonë gjermanët shënuan edhe golin për 3:1. Golin e tretë për Gjermaninë e shënoi Florian Wirtz.

Sllovakia është në vendin e parë me gjashtë pikë, kurse nga tri pikë kanë Irlanda e Veriut dhe Gjermania.  Luksemburgu mbetet pa pikë.

Continue Reading

Lajmet

Sonte Kosova përballet me Suedinë

Published

on

Kombëtarja e Kosovës në futboll rikthehet sonte në aksion, ku dardanët do të përballen me Suedinë në ‘Fadil Vokrri’, në kuadër të kualifikimeve për Kupën e Botës 2026.

Pavarësisht disfatës nga Zvicra, atmosfera në taborin e kombëtares sonë mbetet e mirë dhe premtuese për një paraqitje dinjitoze ndaj Suedisë.

Kosova, edhe në këtë duel, nuk do të mund të llogarisë në shërbimet e Edon Zhegrovës, Milot Rashicës dhe Amir Rrahmanit, ky i fundit u lëndua në ballafaqimin me Zvicrën.

Përzgjedhësi i Kosovës, Franco Foda, në konferencën e fundit për shtyp para sfidës me Suedinë, është shprehur i bindur se skuadra do të luajë më mirë se ndaj Zvicrës.

Tekniku gjerman është i vetëdijshëm se kombëtarja skandinave është favorite, por ka theksuar se e rëndësishme është që Kosova të paraqitet ndryshe nga ajo ndeshje.

“Ne kemi analizuar të gjitha gabimet në ndeshjen me Zvicrën. Jemi të vetëdijshëm që Zvicra është një kombëtare e fortë. Nuk kemi mundur ta zbatojmë lojën tonë në atë ndeshje, por në pjesën e dytë kemi luajtur më mirë. Jam i bindur që kundër Suedisë do të luajmë shumë më mirë. Jemi në shtëpi dhe do të përpiqemi t’i kënaqim shikuesit, sikurse në ndeshjet e kaluara që i kemi fituar. Ne e kemi analizuar edhe ndeshjen e Suedisë, është një skuadër shumë e mirë, me lojtarë cilësorë. Është e qartë që Suedia është favorite, por për mua është e rëndësishme që ne të bëjmë një tjetër ndeshje”, ka thënë Foda.

Ndeshja mes Kosovës dhe Suedisë fillon në orën 20:45./S.K/EO/FFK/

Continue Reading

Sport

Real Madridi po përgatit largimin e njërit prej yjeve të tij më të mëdhenj

Published

on

Një nga yjet e tyre më të mëdhenj mund të largohet nga Real Madridi në ditët në vijim, në vendet ku ende nuk është mbyllur afati kalimtar.

Qendërmbrojtësi i Real Madridit, David Alaba ka a tërhequr interes në Turqi në ditët e fundit të tregut të transferimeve. Më 12 shtator, ai mund të jetë pranë një largimi surprizë nga Real Madridi.

Besiktasi, një nga klubet më të mëdha, po e ndjek me vëmendje situatën e mbrojtësit austriak e ka nisur hapat për ta afruar në radhët e veta.

Alaba, figurë kyçe në mbrojtjen e Realit në vitet e fundit, ka ruajtur formë të lartë pavarësisht konkurrencës dhe prurjeve të reja në skuadër.

Përvoja, lidershipi e shkathtësia në pozita mbrojtëse e bëjnë atë një objektiv tërheqës për Besiktasin, që kërkon të forcojë repartin mbrojtës për të qenë konkurrues në arenën vendase dhe ndërkombëtare. Propozimi i klubit turk përfshin një kontratë të rëndësishme financiarisht dhe një projekt sportiv ambicioz, me garanci për më shumë minuta loje dhe rol lideri në skuadër.

Kjo e bën ofertën joshëse për Alabën, që mund të konsiderojë një sfidë të re në ligë dinamike dhe me tifozë të zjarrtë si ajo turke.

Real Madridi është i vetëdijshëm për interesimin, por nuk ka vendosur ende për një largim të mundshëm.

Klubi nuk ka urgjencë për të ndarë rrugët me një nga lojtarët më me përvojë, por është i gatshëm të negociojë nëse oferta është në interes të palëve. Ditët në vijim priten të jenë vendimtare për të mësuar nëse David Alaba do të transferohet në Superligën turke apo do të vazhdojë të mbetet pjesë e Real Madridit edhe për sezonin aktual.

Continue Reading

Lajmet

Irlanda e Veriut triumfon ndaj Maltës në kualifikuese të Botërorit 2026

Published

on

Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.

Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.

Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.

Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.

Irlanda e Veriut u përmirësua në pjesën e dytë me dy gola në tre minuta.

Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.

Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.

Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.

Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.

Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.

Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/

Continue Reading

Të kërkuara