Botë

Raportuesi i PE-së për Serbinë fajëson Vuçiqin për mosrealizimin e takimeve

Published

10 months ago

on

Raportuesi i përhershëm i Parlamentit Evropian për Serbinë, Tonino Picula, pas vizitës së tij në Beograd, gjatë së cilës nuk u takua me zyrtarët më të lartë shtetërore, tha se presidenti i Serbisë, Aleksandar Vuçiq, kishte planifikuar një gjë të tillë.

“Vendimin që kontaktet e drejtpërdrejta me mua, në emër të pushtetit, të reduktohen ekskluzivisht në bisedime në Kuvendin Popullor dhe në Ministrinë për Integrime Evropiane e mori, natyrisht, presidenti Vuçiç, pasi vetëm ai vendos për lëvizje të tilla,” konfirmoi Picula për Radio Evropa e Lirë.

Picula shkoi në Beograd pasi që më 20 shkurt, në Komisionin për Politikë të Jashtme të Parlamentit Evropian, u prezantua draft-raporti, i cili u përball me kritika nga autoritetet serbe.

Takimin me raportuesin për Serbinë e refuzoi Vuçiqi, i cili e quajti Piculën “gënjeshtar”. Përveç Vuçiqit, takimin e refuzoi edhe kreu i grupit parlamentar “Aleksandar Vuçiq – Serbia nuk duhet të ndalet” në Kuvendin e Serbisë, Milenko Jovanov.

Picula pretendon se qëndrimi negativ i qeverisë ndaj draft-raportit për situatën në vend ishte promovuar që para mbërritjes së tij.

“Nga ana tjetër, nuk do të ishte e drejtë të reduktohej kuptimi dhe rezultatet e qëndrimit tim në Serbi vetëm në takimet që nuk pata me presidentin e shtetit, kryeministren në detyrë dhe ministrin e Punëve të Jashtme”, tha Tonino Picula.

Gjatë qëndrimit të tij në Serbi, ndodhi gjithashtu një aksion policor në ambientet e disa organizatave joqeveritare në Beograd.

Picula konfirmon se edhe ky element, së bashku me të gjitha përshtypjet nga vizita, do të përfshihen në vijimin e punës për raportin mbi gjendjen në Serbi.

Ai vlerësoi se misioni katërditor në kapacitetin e raportuesit të përhershëm të Parlamentit Evropian për Serbinë ka treguar se nuk do të jetë e mundur të kapërcehen lehtësisht dallimet në vlerësimet për situatën në vend mes tij dhe përfaqësuesve të pushtetit me të cilët nuk pati mundësinë të bisedojë.

“Ngjarjet më të rëndësishme në Serbi prej muajsh janë protestat masive të udhëhequra nga studentët, të cilët po bllokojnë institucionet arsimore. Protestat janë përhapur pothuajse në të gjithë vendin. Sipas mendimit tim, bëhet fjalë për një presion të përgjithshëm shoqëror mbi politikën, me qëllim çlirimin e institucioneve të shtetit nga gjithçka që i ka bllokuar për vite me radhë”, thekson Picula.

Sipas tij, zhvillimet e ardhshme do të varen nga marrëdhëniet mes katër faktorëve që ai i konsideron më me ndikim: pushtetit, i cili nuk po arrin t’i shpërndajë protestat; opozitës institucionale, e cila nuk i drejton zhvillimet; komunitetit ndërkombëtar, që kryesisht po mban distancë; dhe studentëve, të cilët kanë një bazë të gjerë legjitimiteti, por ende nuk kanë zgjeruar listën e kërkesave përtej atyre fillestare.

Studentët, të cilët nga fundi i nëntorit kanë bllokuar më shumë se 60 fakultete në të gjithë vendin, kërkojnë përgjegjësi penale dhe politike për tragjedinë në Novi Sad, ku më 1 nëntor 2024 u rrëzua çatia e Stacionit Hekurudhor, duke shkaktuar vdekjen e 15 personave.

Studentët kërkojnë gjithashtu ndjekjen penale të përgjegjësve për sulmet ndaj tyre dhe qytetarëve të tjerë gjatë protestave.

Pushteti, i udhëhequr nga presidenti Vuçiq, pretendon se në Serbi po tentohet një “revolucion me ngjyra” dhe këmbëngul se kërkesat e studentëve janë plotësuar. Studentët dhe opinioni akademik i hedhin poshtë këto pretendime./REL/

Related Topics:
Continue Reading

Botë

25 shtetet me më së shumti viktima nga COVID-19

Published

54 minutes ago

on

January 12, 2026

By

Pandemia COVID-19, më e madhja e kohëve moderne, mori miliona jetë.

Por, cilat shtete e pësuan më së shumti. Ja të dhënat për 25 shtetet me më se shumti viktima:

1. SHBA – 1.219.487

2. Brazili – 711.380

3. India – 533.570

4. Rusia – 402.756

5. Meksika – 334.958

6. Mbretëria e Bashkuara – 232.112

7. Peruja – 222.561

8. Italia – 196.487

9. Gjermania – 183.029

10. Franca – 167.642

11. Indonezia – 162.063

12. Irani – 146.811

13. Kolumbia – 143.200

14. Argjentina – 130.841

15. Spanja – 121.760

16. Polonia – 120.598

17. Ukraina – 112.418

18. Afrika e Jugut – 102.595

19. Turqia – 102.174

20. Japonia – 74.694

21. Rumania – 68.929

22. Filipinet – 66.864

23. Kili – 64.497

24. Kanadaja – 59.034

25. Hungaria – 49.048

Continue Reading

Botë

Vendet me armiqësitë më të gjata në botë

Published

55 minutes ago

on

January 12, 2026

By

Luftëra e konflikte ka pasur gjithnjë në histori. Dhe do të ketë në vazhdimësi. Për interesa nga më të ndryshmet.

Por, janë disa shtete që kanë armiqësi shumë të gjata mes tyre. Me fërkime e luftime, që herë ndizen e herë ndalen.

Le të shohim cilat shtete kanë armiqësitë më të gjata:

1. Izraeli – Palestina

2. Rusia – Ukraina

3. India – Pakistani

4. Koreja e Veriut – Koreja e Jugut

5. Kina – Japonia

6. Turqia – Greqia

7. Irani – Arabia Saudite

8. Armenia – Azerbajxhani

9. Etiopia – Eritrea

10. Kosova – Serbia

11. Koreja e Jugut – Japonia

12. Kina – India

13. SHBA – Iran

14. Katari – Arabia Saudite

15. Izraeli – Libani

16. Kina – Tajvani

17. SHBA – Rusia

18. SHBA – Kina

19. Irani – Izraeli

20. Pakistani – Afganistani

Continue Reading

Botë

SHBA-ja tërhiqet nga 66 organizata ndërkombëtare

Published

4 days ago

on

January 8, 2026

By

Presidenti amerikan, Donald Trump, ka nënshkruar vendimin për tërheqjen e Shteteve të Bashkuara nga 66 organizata ndërkombëtare, që administrata i konsideroi si “joefektive dhe të dëmshme”.

Ne mesin e tyre janë Komisioni i Venecias i Këshillit të Evropës, Mekanizmi Ndërkombëtar për Tribunale Penale (pasardhësi i Tribunalit Penal Ndërkombëtar për ish-Jugosllavinë), UN Women, e Këshilli për Bashkëpunim Rajonal (RCC).

Në këtë të fundit, Kosova bën pjesë, së bashku me vendet e tjera të Ballkanit Perëndimor dhe kjo organizatë synon forcimin e bashkëpunimit politik, ekonomik dhe shoqëror në Ballkanin Perëndimor dhe Evropën Juglindore dhe synon afrimin e rajonit me Bashkimin Evropian.

Në Komisionin e Venecias – që është trup këshillues për çështje kushtetuese dhe jep rekomandime për parlamentet dhe qeveritë – SHBA-ja ishte vëzhguese e jo anëtare.

Sekretari amerikan i Shtetit, Marco Rubio, tha se këto organizata janë “antiamerikane ose të padobishme”.

Po ashtu, SHBA-ja është tërhequr nga disa organizata të tjera të Kombeve të Bashkuara përfshirë nga Departamenti për Çështje Ekonomike dhe Sociale, Qendra Botërore e Tregtisë, Komisioni i Ligjit Ndërkombëtar, Zyra e Përfaqësuesit të Posaçëm të Sekretarit të Përgjithshëm për Fëmijë në Konflikte të Armatosura, Zyra e Përfaqësuesit të Posaçëm të Sekretarit të Përgjithshëm për Dhunën Seksuale në Konflikt, Fondi i OKB-së për Demokraci dhe një sërë organizatash dhe traktatesh ndërkombëtare.

“Nuk do të vazhdojmë të shpenzojmë burime, kapital diplomatik dhe peshën legjitimues të pjesëmarrjes sonë në institucione që janë të parëndësishme për interesat tona ose bien ndesh me to. Ne e refuzojmë inercinë dhe ideologjinë në favor të maturisë dhe qëllimit. Ne kërkojmë bashkëpunim aty ku ai u shërben njerëzve tanë dhe do të qëndrojmë të palëkundur aty ku nuk ndodh”, u tha në njoftimin e Shtëpisë së Bardhë.

Sekretari Rubio shtoi se me këtë tërheqje po materializohet premtimi kyç i presidentit Trump se do të “ndalojë subvencionimin e burokratëve globalistë që veprojnë kundër interesave tona. Administrata Trump do ta vendosë gjithmonë Amerikën dhe amerikanët në radhë të parë”.

SHBA-ja tha se po vazhdon rishikimi i organizatave të tjera ndërkombëtare./REL

Continue Reading

Botë

Trump mbështet sanksione ndaj Kinës dhe Indisë për blerjen e naftës ruse

Published

4 days ago

on

January 8, 2026

By

Presidenti amerikan Donald Trump ka mbështetur një projektligj për vendosjen e sanksioneve ndaj vendeve që blejnë naftë ruse, përfshirë Kinën dhe Indinë, ka deklaruar senatori republikan Lindsey Graham.

Projektligji dypartiak do t’i japë presidentit të SHBA-së kompetenca për të vendosur tarifa deri në 500 për qind ndaj importeve nga shtetet që bashkëpunojnë me sektorin energjetik rus. Sipas Graham, nisma synon të rrisë presionin ndaj Rusisë për luftën në Ukrainë.

Kina dhe India mbeten ndër blerësit kryesorë të naftës ruse, pavarësisht sanksioneve perëndimore, ndërsa nisma vjen në kohën e negociatave të ndërmjetësuara nga SHBA për përfundimin e konfliktit në Ukrainë.

Continue Reading

Të kërkuara