Botë

Raportohet për të paktën 26 të vrarë në Gazë

Published

on

Agjencia për mbrojtje civile në Gazë tha më 19 korrik se sulmet izraelite kanë vrarë të paktën 26 persona dhe kanë lënë të plagosur më shumë se 100 të tjerë pranë dy qendrave të ndihmës në jug të territorit palestinez.

Zëdhënësi i agjencisë, Mahmud Basal i tha AFP-së se 22 persona u vranë pranë një qendre të ndihmës në jugperëndim të Han Junisit, ndërkaq katër të tjerë afër një qendre në veriperëndim të Rafahut, duke fajësuar “sulmet izraelite” për të dyja rastet.

Ushtria izraelite tha se po heton këto pretendime.

Për shkak të kufizimeve të vendosura ndaj mediave ndërkombëtare, raportimet për numrin e viktimave dhe detajet për sulmet e raportuara nga agjencia për mbrojtje civile dhe palë të tjera nuk mund të konfirmohen në mënyrë të pavarur.

Lufta në Gazë, që u nxit nga sulmi i Hamasit – grupi palestinez i shpallur organizatë terroriste nga Shtetet e Bashkuara dhe Bashkimi Evropian – ndaj Izraelit më 7 tetor 2023, ka shkaktuar një krizë të rëndë humanitare në enklavën palestineze.

Mbi 2 milionë persona që jetojnë në Gazë po përballen me mungesë të furnizimeve ushqimore dhe furnizimeve të tjera elementare, teksa mjekët kanë raportuar për rritje të madhe të rasteve të kequshqyerjes.

Raportimet për sulmet ndaj personave që kërkojnë ndihma pranë qendrave të shpërndarjes janë ditore, teksa autoritetet palestineze fajësojnë Izraelin për këto raste.

Një ditë më parë, agjencia për mbrojtje civile në Gazë raportoi se nëntë persona u vranë pranë qendrës për shpërndarjen e ndihmës në veriperëndim të Rafahut.

Fondacioni Humanitar për Gazën – që mbështetet nga SHBA-ja dhe Izraeli – mori përsipër shpërndarjen e ndihmës në Gazë në fund të majit. Ky fondacion tha se të mërkurën 20 persona vdiqën në Han Junis. Por, për vdekjen e tyre fondacioni fajësoi “personat e armatosur të lidhur me Hamasin” që pretendoi se shkaktuan “skena katoike dhe të rrezikshme” dhe “qëlluan drejt personave që kërkonin ndihma”.

Më herët gjatë javës, Kombet e Bashkuara thanë se kanë regjistruar 875 të vrarë në Gazë, të cilët po tentonin të merrnin ndihma, përfshirë 674 “në afërsi të qendrave të Fondacionit Humanitar për Gazën” që kur ky fondacion nisi operacionet për shpërndarjen e ndihmës./REL

Botë

Erdogan mirëpret marrëveshjen e armëpushimit në Gaza, falënderon presidentin amerikan, Donald Trump

Published

on

By

Presidenti i Turqisë, Recep Tayyip Erdogan, përshëndeti marrëveshjen e armëpushimit në Gaza midis Izraelit dhe Hamasit.

“Jam thellësisht i kënaqur që bisedimet Hamas-Izrael të mbajtura në (qytetin egjiptian) Sharm el-Sheikh, në të cilat kontribuoi edhe Turqia, kanë përfunduar me një armëpushim në Gaza”, tha Erdogan në platformën turke të mediave sociale NSosyal.

Dua të shpreh mirënjohjen time të sinqertë për Presidentin e SHBA-së (Donald) Trump, i cili demonstroi vullnetin e nevojshëm politik për të inkurajuar qeverinë izraelite të bjerë dakord për një armëpushim, dhe për vendet tona vëllazërore, Katarin dhe Egjiptin, për mbështetjen e tyre të rëndësishme në arritjen e marrëveshjes“, shtoi ai, shkruan Anadolu.

Erdogan tha se Ankaraja do të monitorojë nga afër zbatimin e rreptë të marrëveshjes së armëpushimit dhe do të vazhdojë të kontribuojë në këtë proces.

Turqia do të vazhdojë të shprehë mbështetje derisa “të krijohet një shtet palestinez i pavarur dhe sovran, me integritet të plotë territorial, mbi bazën e kufijve të vitit 1967, me kryeqytet Jerusalemin Lindor”.

Me këtë rast, u shpreh përshëndetjet e mia më të përzemërta vëllezërve dhe motrave të mia palestinezë, të cilët kanë duruar vuajtje të papërshkrueshme për dy vjet, duke luftuar për jetë dhe dinjitet në kushte çnjerëzore, duke humbur fëmijët, nënat, baballarët, të afërmit dhe miqtë e tyre, dhe të cilët, pavarësisht të gjitha tragjedive që kanë përjetuar, nuk kanë kompromentuar qëndrimin e tyre të ndershëm”, tha Erdogan.

Plani me 20 pika, i njoftuar për herë të parë më 29 shtator, përfshin lirimin e të gjithë pengjeve izraelitë në këmbim të të burgosurve palestinezë, një armëpushim, çarmatimin e Hamasit dhe rindërtimin e Gazës.

Që nga tetori i vitit 2023, sulmet izraelite kanë vrarë gati 67,200 palestinezë. Bombardimet e kanë lënë Gazën kryesisht të pabanueshme, duke çuar në uri dhe sëmundje të përhapura./D.B/KP

Continue Reading

Botë

Von der Leyen i mbijeton votëbesimit

Published

on

By

Presidentja e Komisionit Evropian, Ursula von der Leyen, i mbijetoi dy mocioneve të votëbesimit në Parlamentin Evropian. Ajo e fitoi votëbesimin e ligjvënësve të bllokut me deputetët që kundërshtuan përpjekjet e ekstremit të djathtë dhe të majtë për ta shkarkuar atë.

E vlerësoj thellësisht mbështetjen e fortë që mora sot”, shkroi von der Leyen në X.

Ajo tha se Komisioni do të vazhdojë të punojë ngushtë me Parlamentin Evropian për t’u përballur me sfidat e Evropës.

Dhe së bashku të ofrojmë rezultate për të gjithë qytetarët evropianë. Të bashkuar për popullin tonë, vlerat tona dhe të ardhmen tone”, tha von der Leyen.

Teksti i paraqitur nga Patriotët për Evropën (PfE) mori 378 vota kundër, 179 vota për dhe 37 abstenime, ndërsa lëvizja përkatëse nga E Majta mori 383 vota kundër, 133 pro dhe 78 abstenime.

Numri i ligjvënësve që mbështetën von der Leyen ishte pak më i madh se në korrik, kur shefja e Komisionit u përball me votën e saj të parë të mosbesimit. Atëherë, numërimi kishte treguar 360 vota kundër shkarkimit të saj, 175 pro dhe 18 abstenime./D.B/KP

Continue Reading

Botë

​Von der Leyen reagon pasi Izraeli dhe Hamasi u pajtuan për armëpushim në Gazë

Published

on

By

Presidentja e Komisionit Evropian, Ursula von der Leyen ka përshëndetur njoftimin për një marrëveshje që siguron armëpushim dhe lirim të pengjeve në Gazë, bazuar në propozimin e presidentit amerikan, Donald Trump.

Përgëzoj përpjekjet diplomatike të Shteteve të Bashkuara, Katarit, Egjiptit dhe Turqisë në arritjen e këtij përparimi. Jam gjithashtu i inkurajuar nga mbështetja e Qeverisë së Izraelit dhe Autoritetit Palestinez”, shkroi ajo në X.

Ajo tha se tani, të gjitha palët duhet t’i përmbahen plotësisht kushteve të marrëveshjes.

Të gjithë pengjet duhet të lirohen në mënyrë të sigurt. Duhet të vendoset një armëpushim i përhershëm. Vuajtjet duhet të marrin fund. BE-ja do të vazhdojë të mbështesë shpërndarjen e shpejtë dhe të sigurt të ndihmës humanitare në Gazë. Dhe kur të vijë koha, ne do të jemi gati të ndihmojmë me rimëkëmbjen dhe rindërtimin”, shtoi ajo.

Shefja e BE-së tha se “mundësia e sotme duhet të shfrytëzohet”.

Izraeli dhe Hamasi arritën marrëveshje – sipas planit të Trumpit për paqe – për armëpushim dhe lirim të pengjeve. Kjo marrëveshje vjen pas dy vjet luftime në Gazë./D.B/KP

Continue Reading

Botë

​Marrëveshja për armëpushim, Kallas: Shans i vërtetë për t’i dhënë fund një lufte shkatërruese

Published

on

By

Shefja e politikës së jashtme të Bashkimit Evorpian, Kaja Kallas tha se marrëveshja për fazën e parë të planit të paqes në Gazë shënon një përparim të rëndësishëm.

Kjo është një arritje e madhe diplomatike dhe një shans i vërtetë për t’i dhënë fund një lufte shkatërruese dhe për të liruar të gjithë pengjet”, shkroi ajo në X.

Kallas tha se Bashkimi Evropian do të bëjë çmos për të mbështetur zbatimin e marrëveshjes.

Izraeli dhe Hamasi arritën marrëveshje – sipas planit të Trumpit për paqe – për armëpushim dhe lirim të pengjeve. Kjo marrëveshje vjen pas dy vjet luftime në Gazë.

Njoftimin për një marrëveshje armëpushim dhe lirim të pengjeve e ka përshëndetur edhe presidentja e Komisionit Evropian, Ursula von der Leyen.

Ajo ka thënë se tani, të gjitha palët duhet t’i përmbahen plotësisht kushteve të marrëveshjes.

Të gjithë pengjet duhet të lirohen në mënyrë të sigurt. Duhet të vendoset një armëpushim i përhershëm. Vuajtjet duhet të marrin fund. BE-ja do të vazhdojë të mbështesë shpërndarjen e shpejtë dhe të sigurt të ndihmës humanitare në Gazë. Dhe kur të vijë koha, ne do të jemi gati të ndihmojmë me rimëkëmbjen dhe rindërtimin”, shtoi ajo./D.B/KP

Continue Reading

Të kërkuara