Bota

Raporti i Jack Smith: Trump do të ishte dënuar po të mos ishte zgjedhur president

Published

on

Një raport i sapopublikuar nga Prokurori Special Jack Smith, i paraqitur në Kongresin Amerikan, dëshmon se ish-presidenti Donald Trump do të ishte dënuar për përpjekje të paligjshme për të përmbysur rezultatin e zgjedhjeve presidenciale të vitit 2020, nëse ai nuk do të ishte rizgjedhur president në nëntor të vitit 2024.

Provat e mbledhura ishin të mjaftueshme për të mbështetur një dënim në gjyq”, thuhet në raportin prej 137 faqesh, i cili detajon hetimet ndaj Trump.

Megjithatë, pas rizgjedhjes së tij dhe rikthimit në detyrë, ndjekjet penale janë ndërprerë, në përputhje me rregulloret e Departamentit të Drejtësisë, të cilat ndalojnë ndjekjen penale të një presidenti në detyrë.

Trump u akuzua për një sërë shkeljesh, përfshirë komplotin për të përmbysur rezultatin e zgjedhjeve të vitit 2020, përhapjen e qëllimshme të pretendimeve të rreme për mashtrim zgjedhor dhe përpjekjen për të shfrytëzuar trazirat e 6 janarit 2021 në Kapitol.

Ai ka mohuar vazhdimisht çdo akuzë të ngritur ndaj tij, duke i cilësuar hetimet si të motivuara politikisht.

Pas publikimit të raportit, Trump deklaroi në platformën e tij “Truth Social”: “Provat janë të rreme dhe prokurori Jack Smith është një person i çmendur. VOTUESIT KANË FOLUR!!!”

Jack Smith, i emëruar si këshilltar special në vitin 2022 për të mbikëqyrur hetimet ndaj Trump, mblodhi dëshmi që e akuzonin atë për “përpjekje të paprecedentë për të mbajtur pushtetin në mënyrë të paligjshme.” Në raport përfshihen edhe akuza për mbajtje të paligjshme të dokumenteve të klasifikuara në rezidencën e tij në Mar-a-Lago, në Florida. Në lidhje me këtë çështje, bashkëpunëtorët e Trump, Walt Nauta dhe Carlos De Oliveira, janë ende nën hetim.

Gjykata ka ndaluar përkohësisht publikimin e plotë të raportit të Smith për të shmangur ndikimin e mundshëm në proceset gjyqësore kundër bashkëpunëtorëve të Trump.

Rikthimi i Trump në Shtëpinë e Bardhë ka ndaluar çdo veprim të mëtejshëm penal kundër tij. Raporti sqaron se Departamenti i Drejtësisë ndalon ndjekjen penale të një presidenti në detyrë, ndërsa thekson se në mungesë të rizgjedhjes, provat do të kishin mjaftuar për një dënim.

E ardhmja e çështjeve të tjera ligjore të lidhura me bashkëpunëtorët e tij mbetet ende e paqartë, ndërsa Gjykata do të shqyrtojë më tej publikimin e pjesës tjetër të raportit këtë javë.

Aktualitet

Valë e të nxehtit ekstrem godet Spanjën

Published

on

Continue Reading

Aktualitet

Estonia nis revolucionin digjital në shkolla: Inteligjenca Artificiale, pjesë e çdo klase

Published

on

Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.

Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.

U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.

Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”

Ministrja estoneze e arsimit, Kristina Kallas, gjatë një vizite në Londër  ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”

Continue Reading

Bota

Izraeli bombardon shtëpinë e gazetarit në Gaza – 8 të vdekur

Published

on

By

Të paktën tetë persona janë vrarë dhe disa të tjerë janë plagosur pas një sulmi ajror të ushtrisë izraelite që goditi shtëpinë e gazetarit Osama el-Arbid në zonën As-Saftavi, në veri të Rripit të Gazës, mëngjesin e sotëm. Sipas raportimeve të Al Jazeera, gazetari el-Arbid i ka mbijetuar sulmit dhe është nxjerrë i gjallë nga rrënojat.

Burime shëndetësore të Al Jazeera-s konfirmojnë se që nga orët e para të mëngjesit, të paktën 15 persona janë vrarë nga bombardimet izraelite në pjesë të ndryshme të Gazës.

Në një tjetër incident tragjik, tre palestinezë humbën jetën pasi ushtria izraelite hapi zjarr ndaj një grupi qytetarësh pranë një pike shpërndarjeje të ndihmës humanitare, e ngritur nga një organizatë e mbështetur nga Izraeli dhe SHBA.

Ndërkohë, në qytetin jugor të Rafahut, autoritetet lokale raportuan për 46 persona të plagosur dhe shtatë të zhdukur si pasojë e një sulmi tjetër ajror të martën.

Situata në Gaza vazhdon të përshkallëzohet, ndërsa organizatat ndërkombëtare për të drejtat e njeriut po bëjnë thirrje për ndaljen e menjëhershme të dhunës dhe mbrojtjen e civilëve, përfshirë gazetarët dhe punonjësit humanitarë.

Continue Reading

Bota

Mbreti Charles dhe Princi William shprehin keqardhje për ngjarjen në Liverpool

Published

on

By

Mbreti Charles ka reaguar pas incidentit të rëndë që ndodhi dje gjatë festës së klubit në Liverpool, ku një makinë hyri në turmë, duke lënë rreth 50 persona të lënduar.

Pallati Buckingham përmes një deklarate shprehu tronditjen e thellë të Mbretit Charles dhe Mbretëreshës Camilla për ngjarjet e pakëndshme që ndodhën.

“Është vërtetë shkatërruese që një festë e gëzueshme për shumë njerëz përfundoi në rrethana të tilla shqetësuese,” thuhet në deklaratë.

Edhe Princi William i Uellsit reagoi, duke shprehur keqardhjen e tij për situatën dhe solidaritetin me të plagosurit dhe shërbimet e emergjencës.

“Në këtë moment të vështirë, shpirti i qytetit të Liverpoolit do të jetë mbështetja dhe ngushëllimi për të gjithë,” theksoi ai.

Continue Reading

Të kërkuara