Lajmet

Raporti 24 orësh nga Policia e Kosovës

Published

1 month ago

on

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2587 tiketa trafiku, janë shkaktuar 48 aksidente me dëme materiale dhe 23 aksidente me të lënduar. Zyra e Informimit nga PK ka njoftuar se 23 persona janë arrestuar, kurse 16 janë dërguar në mbajtje.

INCIDENTET KRIMINALE-PRISHTINË

PËRDORIM I ARMËS

Obiliq/ 27.08.2025 – 15:00. Ankuesi mashkull kosovar ka raportuar se në drejtim të veturës së tij një person I dyshuar ka shtënë me armë tri herë. Në vendin e ngjarjes njësia policore ka gjetur dhe sekuestruar një predhë dhe një gëzhojë. Në konsultim me prokurorin është inicuar rasti, ndërsa i dyshuari në kërkim policor.

 SHKAKTIM I RREZIKUT TË PËRGJITHSHËM

Hajvali / 27.08.2025 – 11:43. Është përfshirë nga zjarri një deponi e veturave të vjetra si dhe një plantacion i mbjellur me pemë. Në vendin e ngjarjes kanë dalë njësitë përkatëse policore dhe zjarrfikësit të cilët kanë lokalizuar zjarrin. Lidhur me rastin është njoftuar prokurori, ndërsa i dyshuari në kërkim policor.

KANOSJE

Gllogoc / 27.08.2025 – 16:15. Është arrestuar i dyshuari mashkull kosovar për shkak se i njëjti dyshohet se e ka kanosur viktimën femër kosovare. I dyshuari pas inicimit të rastit me vendim të prokurorit është dërguar në mbajtje.

Prishtinë / 27.08.2025 – 13:14. Është shoqëruar në Stacion Policor e dyshuara femër kosovare pasi që e njëjta ka telefonuar në linjën emergjente 192 dhe ka kanosur zyrtarët përmes telefonit. Lidhur me rastin është njoftuar prokurori ndërsa e dyshuara është dërguar në trajtim mjekësor Psikiatrik. Rasti procedohet në procedurë të rregullt.

LËNDIM I RËNDË TRUPORË

Prishtinë/27.08.2025-23:00 Është arrestuar i dyshuari mashkull kosovar pasi i njëjti në bashkëveprim edhe me 3 të dyshuar tjerë, të cilët gjenden në arrati, kishin sulmuar fizikisht viktimën mashkull kosovar. Si pasojë e sulmit viktima ka pësuar lëndime trupore. I dyshuari me vendim të prokurorit është dërguar në mbajtje.

VRASJE NË TENTATIVË

Lipjan / 27.08.2025 – 21:40. Janë arrestuar 4 të dyshuar meshkuj kosovarë pasi të njëjtit dyshohet se kishin sulmuar fizikisht 4 viktimat meshkuj kosovarë. Gjatë përleshjes është përdorur edhe një mjet i mbrehtë (thikë). Si pasojë e përleshjes fizike viktimat kanë pësuar lëndime trupore për çka dhe janë dërguar në tretman mjekësor. Tre nga viktimat pas pranimit të tretmanit mjekësor janë liruar, kurse njëri ka ta vazhduar për trajtim mjekësor në QKUK. Me vendim të prokurorit të dyshuarit janë dërguar në mbajtje.

DHUNË NË FAMILJE

Prishtinë / 27.08.2025 – 03:00. Ankuesja femër kosovare ka raportuar se i dyshuari mashkull shtetas i huaj, kishte ushtruar dhunë ndaj saj dhe dy viktimave tjera femra kosovare. Lidhur me rastin është njoftuar prokurori, dhe po hetohet nga ekipet relevante policore.

Prishtinë / 27.08.2025 – 16:00-17:00. Është arrestuar i dyshuari mashkull kosovar për shkak se i njëjti dyshohet se ka ushtruar dhunë ndaj viktimave femra kosovare. Viktimat nuk kanë dashur të marrin trajtim mjekësor. I dyshuari me vendim të prokurorit pas inicimit të rastit është liruar, rasti vazhdon të trajtohet në procedurë të rregullt.

Prishtinë / 27.08.2025 – 20:30. Është arrestuar i dyshuari mashkull kosovar për shkak se i njëjti dyshohet se ka ushtruar dhunë ndaj viktimës femër kosovare.Viktima ka pranuar trajtim mjekësor, ndërsa i dyshuari me vendim të prokurorit pas inicimit të rastit është liruar. Rasti vazhdon në procedurë të rregullt.

AKSIDENT TRAFIKU ME LËNDIME

Prishtinë / 27.05.2025 – 15:55. Raportohet se ka ndodhur aksident trafiku në mes të dy veturave. Si pasojë tre persona kanë pësuar lëndime trupore dhe të njëjtit kanë pranuar tretman mjekësor.

AKSIDENT TRAFIKU ME FATALITET

Gllogoc / 27.08.2025 – 02:08. Raportohet se viktima mashkull kosovar derisa ka qenë duke drejtuar veturën, humb kontrollin mbi veturë dhe është rrokullisur. Si pasojë, i njëjti pëson lëndime trupore dhe transportohet në Emergjencën e Drenasit ku mjeku kujdestar konstaton vdekjen e tij. Me vendim të prokurorit, trupi i pajetë është dërguar në IML për obduksion.

INCIDENTE KRIMINALE-GJILAN

MBAJTJE NË PRONËSI, KONTROLL APO POSEDIM I PAAUTORIZUAR I ARMËVE

Viti / 27.08.2025 – 14:00. Është arrestuar i dyshuari mashkull kosovar pasi që gjatë kontrollit në shtëpinë e tij është gjetur dhe konfiskuar arma e zjarrit pushkë e gjatë pa fishekë. Pas intervistimit, me vendim të prokurorit i dyshuari është liruar në procedurë të rregullt.

INCIDENTE KRIMINALE-FERIZAJ

LËNDIM I RËNDË TRUPOR

Kaçanik / 25.08.2025 – NN. Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën femër kosovare. Viktima ka pësuar lëndime trupore ndërsa i dyshuari me vendim të prokurorit është dërguar në mbajtje.

HETIM MBI VDEKJEN

Ferizaj / 27.08.2025 – 09:10. Raportohet se viktima mashkull kosovar dyshohet se ka rënë nga ashensori. Në vendin e ngjarjes kanë dalë njësitë përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion.

INCIDENTE KRIMINALE-PRIZREN

SULM NDAJ PERSONIT ZYRTAR

Prizren / 27.08.2025 – 18:30. Është arrestuar se i dyshuari mashkull kosovar për shkak se i njëjti në shenjë revolte pas shqiptimit të një gjobe në trafik ka sulmuar zyrtarët policor. I dyshuari me vendim të prokurorit është dërguar në mbajtje.

INCIDENTET KRIMINALE-GJAKOVË

VJEDHJE E RËNDË

Gjakovë / 24.08.2025 – 13:15. Pas hetimeve të zhvilluara lidhur me rastin, më 27.08.2025 është arrestuar i dyshuari shtetas I huaj për shkak se i njëjti dyshohet se më 24.08.2025 kishte vjedhur një trotinet elektrik nga viktima mashkull kosovar. I dyshuari me vendim të prokurorit është dërguar në mbajtje.

INCIDENTET KRIMINALE-MITROVICË JUG

LËNDIM I RËNDË TRUPOR

Vushtrri / 27.08.2025 – 08:45. Janë arrestuar tre të dyshuar meshkuj kosovar pasi që pas një mosmarrëveshje janë përleshur fizikisht në mes vete. Të njëjtit kanë pësuar lëndime trupore dhe janë dërguar për tretman mjekësor. Pas intervistimit, me vendim të prokurorit një i dyshuar është dërguar në mbajtje, ndërsa dy të dyshuarit e tjerë janë liruar në procedurë të rregullt.

LËNDIM I LEHTË TRUPOR

Skenderaj / 27.08.2025 – 09:15. Viktima femër kosovare ka njoftuar policinë se është sulmuar fizikisht nga I dyshuari mashkull kosovar. Viktima është dërguar për trajtim mjekësor, ndërsa i dyshuari është arrestuar dhe pas intervistimit me urdhër të prokurorit është dërguar në mbajtje.

MBAJTJE NË PRONËSI, KONTROLL APO POSEDIM I PAAUTORIZUAR I ARMËVE

Vushtrri / 27.08.2025 – 14:45. Është arrestuar i dyshuari mashkull kosovar pasi që i njëjti dyshohet se ka shtënë me armë zjarri. Nga i dyshuari është konfiskuar një pistoletë me karikator dhe dy fishekë. Pas intervistimit, me vendim të prokurorit i dyshuari është liruar në procedurë të rregullt.

INCIDENTET KRIMINALE-MITROVICË VERI

VJEDHJE E RËNDË

Mitrovicë Veri / 13.06.2025 – 03:00. Më 27.08.2025 pas hetimeve të zhvilluara është arrestuar i dyshuari mashkull kosovar për shkak se i njëjti dyshohet se më 13.06.2025 kishte kryer vjedhje në lokalin e ankuesit mashkull kosovar. I dyshuari me vendim të prokurorit është dërguar në mbajtje.

ARMËMBAJTJE PA LEJE

Mitrovicë Veri / 27.08.2025 – 20:50. Njësitë e hetuesisë gjatë kontrollit në banesën e të dyshuarës femër kosovare kanë gjetur dhe sekuestruar dy fishekë, dhe një sprej. Në konsultim me prokurorin është inicuar rasti, ndërsa e dyshuara gjendet në arrati.

INCIDENTET KRIMINALE-DEPARTAMENTI I POLICISË KUFITARE

KALIMI I PAAUTORIZUAR I VENDKALIMEVE KUFITARE APO I VIJËS KUFITARE

Leposaviq / 27.08.2025 – 15:30. Janë arrestuar dy të dyshuar, njëri kosovar e tjetri shtetas i serbisë, pasi që të njëjtit kanë kaluar ilegalisht kufirin nga Serbia në Kosovë. Me vendim të prokurorit, një i dyshuar është dërguar në mbajtje ndërsa tjetri është liruar në procedurë të rregullt.

 

 

 

Related Topics:
Continue Reading

Lajmet

Ndërhyrja e Serbisë në zgjedhjet në Kosovë, Dugolli: Policia dhe AKI në nivel të detyrës

Published

5 minutes ago

on

October 9, 2025

By

Ish-deputeti i Lëvizjes Vetëvendosje, Enver Dugolli, ka deklaruar se Serbia po ndërhyn në mënyrë të drejtpërdrejtë dhe hibride në zgjedhjet në veri të vendit, duke ushtruar frikë dhe shantazh ndaj qytetarëve serbë për t’i detyruar të votojnë për Listën Serbe.

Dugolli ka thënë se kjo parti vazhdon të funksionojë si satelit i Beogradit dhe i Vuçiqit, duke minuar demokracinë dhe duke dëmtuar procesin zgjedhor në Kosovë.

“Fatkeqësisht jemi dëshmitarë që Lista Serbe është një satelit i Beogradit dhe Vuçiqit, dhe sa herë që organizohen zgjedhje qoftë të nivelit lokal e ato qendrore, Serbia ndërhyn. Janë raportimet që kanë bërë organizata të ndryshme vëzhguese edhe gjatë viteve të kaluara, por tani shihet një vërull dhe intensitet edhe më i madh i Serbisë që ndërhyn në zgjedhje, pengon qytetarët, frikëson qytetarët që të votojnë për një parti, për një satelit të tyre, gjë që minon demokracinë dhe e bën këtë proces të zgjedhjeve lokale të lëndueshëm, sidomos në ato pjesë tek komuniteti serb, për shkak se demokracia ka kuptim kur marrin pjesë të gjithë në proces zgjedhor pa frikë, pa intimidime, shantazhe dhe pa presione,” tha Dugolli.

Ai ka theksuar se çështja e sigurisë është prioritet për institucionet e vendit, ndërsa ndërhyrjet e Serbisë i ka cilësuar si forma hibride që kërkojnë vëmendje të veçantë.

“Natyisht që çështja e sigurisë është top prioritet për institucionet tona dhe Republikën tonë, dhe ne jemi aty ku duhet — pra Policia e Kosovës, Agjencia Kosovare e Inteligjencës dhe institucionet tjera të sigurisë janë në nivel të detyrës. Mirëpo këto forma të ndërhyrjes janë hibride dhe është më problem për shkak se ne shohim situatën në tërësi të sigurisë dhe mundohemi e garantojmë që siguria do të jetë në nivel. Por këto presione që janë të ndryshme, që zhvillohen me metoda hibride nga Serbia, janë paksa më problematike në kuptimin e ndërhyrjes së shtetit, sepse ne nuk mundemi të shkojmë shtëpi për shtëpi, të ndalim çdo qytetar dhe ta pyesim a ka ndonjë presion nga ndonjë subjekt apo politikan. Është më e komplikuar, prandaj tani për tani jemi të fokusuar që situata e sigurisë të jetë në nivel dhe të krijojmë një ambient të qetë dhe të sigurt për të gjithë qytetarët. Inkurajojmë të gjithë qytetarët që i nënshtrohen presioneve të tilla të raportojnë dhe të jenë bashkëpunues me organet tona të sigurisë të shtetit tonë, për shkak se Republika e Kosovës është republikë edhe e shqiptarëve, edhe e serbëve, edhe e të gjithë qytetarëve që jetojnë në këtë hapësirë,” tha ai.

Në fund, Dugolli ka theksuar se qytetarët duhet të votojnë të lirë dhe pa presione, ndërsa ka paralajmëruar se kushdo që fiton poste publike duhet t’i respektojë ligjet dhe Kushtetutën e Kosovës./S.K/EO/

 

Continue Reading

Lajmet

Presidentja Osmani përshëndet marrëveshjen mes Izraelit dhe Hamasit

Published

8 minutes ago

on

October 9, 2025

By

Presidentja e Republikës së Kosovës, Vjosa Osmani, ka përshëndetur arritjen e paqes mes Izraelit dhe Hamasit.

Osmani tha se Presidenti Donald Trump dhe administrata e tij kanë treguar lidership dhe angazhim të vërtetë për të sjellë paqe të qëndrueshme për dyja vendet.

“Presidenti Donald Trump dhe administrata e tij kanë treguar lidership dhe angazhim të vërtetë për të sjellë paqe të qëndrueshme për izraelitët dhe palestinezët njësoj, dhe përkushtim të palodhur për t’i dhënë fund vuajtjeve që kanë duruar breza të tërë njerëzish të pafajshëm” u shpreh Osmani.

Postimi i plotë:

“TË BEKUAR JANË PAQËBËRËSIT”

Një moment përcaktues për paqen. Paqe që është urgjente. Paqe që është vonuar shumë. Presidenti Donald Trump dhe Administrata e tij kanë treguar lidership dhe angazhim të vërtetë për të sjellë paqe të qëndrueshme për izraelitët dhe palestinezët njësoj, dhe përkushtim të palodhur për t’i dhënë fund vuajtjeve që kanë duruar breza të tërë njerëzish të pafajshëm. Mirënjohja jonë shkon gjithashtu për ndërmjetësuesit nga Katari, Egjipti dhe Turqia për angazhimin e tyre të vazhdueshëm për paqen dhe për rolin e tyre vendimtar në bërjen e mundur të këtij përparimi./S.K/EO/

Continue Reading

Lajmet

Arrestohet një person në Prizren, dyshohet se sulmoi fizikisht një shtetase gjermane

Published

11 minutes ago

on

October 9, 2025

By

Një person është arrestuar në Prizren nën dyshimin se ka sulmuar fizikisht një shtetase gjermane pas një mosmarrëveshje të momentit.

Ngjarja ka ndodhur dje në rrugën “Rrust Kabashi”, teksa viktima ka pranuar trajtimin mjekësor në Emergjencën e Spitalit të Prizrenit, teksa më pas është transferuar në QKUK.

I dyshuari është arrestuar dhe është dërguar në mbajtje me vendim të prokurorit.

“Rr. Rrust Kabashi Prizren 08.10.2025 – 04:00. I dyshuari mashkull kosovar, pas një mosmarrëveshjeje të çastit ka sulmuar fizikisht viktimën femër shtetase e Gjermanisë. Viktima ka pranuar trajtim mjekësor në Emergjencën e Spitalin e Prizrenit e më pas është transferuar në QKUK për trajtim të mëtejmë. I dyshuari është arrestuar dhe me vendim të prokurorit është dërguar në mbajtje“, thuhet në raportin e Policisë së Kosovës/S.K/KP/PK/.

Continue Reading

Lajmet

​Peshëngritësi iranian debuton sot për Kosovën në Kampionatin Botëror të Peshëngritjes

Published

13 minutes ago

on

October 9, 2025

By

Kampioni Olimpik i Rio 2016, Kianoush Rostami, do të garojë sot për herë të parë nën flamurin e Kosovës.

Peshëngritësi me famë botërore pritet të debutojë në Kampionatin Botëror që po mbahet në Forde të Norvegjisë.

Rostami do të garojë në kategorinë deri në 94 kilogramë, me nisjen e garës së tij të parashikuar për në orën 19:30.

Peshëngritësi iranian, i cili ka zgjedhur të përfaqësojë Kosovën në fillim të këtij viti, ka qenë më parë pjesë e përfaqësueses së Iranit deri në vitin 2022.

Pas mosmarrëveshjeve me Federatën e vendit të tij, ai vendosi të ndryshojë përfaqësim dhe t’i bashkohet ekipit të Kosovës.

Rostami ka një karrierë të jashtëzakonshme ndërkombëtare pasi që është fitues i medaljes së artë në Lojërat Olimpike “Rio 2016” dhe i medaljes së argjendtë në “Londër 2012”.

Po ashtu, numëron tri medalje botërore: dy të arta dhe një të argjendtë.

Bazuar në rezultatet dhe përvojën e tij, Rostami është një nga kandidatët kryesorë për të siguruar një medalje botërore për Kosovën./S.K/KP/

Continue Reading

Të kërkuara