Lajmet

Raporti 24 orësh nga Policia e Kosovës

Published

7 months ago

August 26, 2025

UBT News

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2376 tiketa trafiku, janë shkaktuar 40 aksidente me dëme materiale dhe 21 aksidente me të lënduar. Zyra e Informimit nga PK ka njoftuar se 18 persona janë arrestuar, kurse 12 janë dërguar në mbajtje.

INCIDENTET KRIMINALE-PRISHTINË

FALSIFIKIM I PARASË

Prishtinë / 25.08.2025-11:30. Ankuesja femer kosovare ka raportuar se klientë të ndryshëm në bankomat kanë deponuar një shumë të hollash në forma të ndryshme (kartëmonedha dhe metalike), të cilat dyshohet se janë falsifikuara. Monedhat e dyshuara janë sekuestruar për ekzaminime të mëtutjeshme. Lidhur me rastin është informuar edhe prokurori, ndërsa njësitet policore janë duke hetuar rastin.

POSEDIM I NARKOTIKËVE

Podujevë 25.08.2025, 22:50. Është shoqëruar në stacionin policor i dyshuari mashkull kosovar pasi që gjatë kontrollës tek i njëjti është gjetur dhe sekuestruar substancë e dyshuar narkotike e llojit kokainë me peshë rreth 3.90 gram. Me vendim të prokurorit pas intervistimit rasti procedohet në procedurë të rregullt.

VJEDHJE E RËNDË

Prishtinë / 25.08.2025 – 03:30. Viktima mashkull kosovar ka raportuar se persona të panjohur kanë depërtuar në shtëpinë e tij dhe kishin vjedhur: stoli ari dhe bizhuteri te ndryshme, po ashtu gjesende të tjera personale në Vlerë të konsiderueshme. Njësitë relevante policore kanë dalë në vendin e ngjarjes dhe janë duke e hetuar rastin për të cilin është njoftuar edhe prokurori.

POSEDIM & PËRDORIM I PAAUTORIZUAR I ARMËS & SULM

Fushë Kosovë / 25.08.2025 – 01:20. Njësitet policore pas pranimit të informatës lidhur me rastin kanë dalë në vendin e ngjarjes dhe kanë takuar dy të dyshuarit meshkuj kosovarë të cilët kishin pasur konflikt në mes veti. Njësitet policore, tek të dyshuarit kanë gjetur dhe konfiskuar; te njëri një pistoletë të tipi Glock-19, (me leje), me të cilën dyshohet se kishte shtënë në ajër, 12-fishekë dhe 1-gëzhoj, ndërsa tek tjetri kanë gjetur një mjet të mprehtë-thikë dhe një boks metali.Nuk raportohet për të lënduar, ndërsa në konsultim me prokurorin, të dyshuarit pas intervistimit janë liruar në procedurë të rregullt.

SHKAKTIM I RREZIKUT TË PËRGJITHSHËM

Obiliq / 25.08.2025-14:00. Viktima mashkull kosovar derisa ishte duke punuar në automjetin e tij ka pësuar lëndime trupore. Viktima është dërguar për tretman në QKUK, dhe sipas mjekut kujdestar I njëjti ishte pa shenja jete. Me vendim të prokurorit trupi i pa jetë i viktimës është dërguar në IML për obduksion.

HETIM MBI VDEKJEN

Podujevë 25.08.2025, 16:40. Është raportuar se viktima mashkull kosovar është gjetur pa shenja jete. Në vendin e ngjarjes kanë dal njësitet policore si dhe emergjenca ku nga mjeku kujdestar është konstatuar vdekja e viktimës. Me vendim të prokurorit trupi i pa jetë është dërguar në IML për obduksion.

DHUNË NË FAMILJE

Fushë Kosovë 25.08.2025, 12:00. Ankuesja femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Pas intervistimit të palëve me vendim të prokurorit rasti procedohet në procedurë të rregullt.

Podujevë 25.08.2025 20:47 Ankuesja femër kosovare ka raportuar se i dyshuari mashkull kosovar, kishte tentuar ta sulmonte fizikisht. I dyshuari është dërguar për tretman mjekësor, ndërsa me vendim të prokurorit rasti procedohet në procedurë të rregullt.

Prishtinë 25.08.2025 18:00 Ankuesja femër kosovare ka raportuar se pas një mosmarrëveshje është sulmuar nga i dyshuari mashkull kosovar. I dyshuari është dërguar për tretman mjekësor, ndërsa me vendim të prokurorit rasti procedohet në procedurë të rregullt.

INCIDENTE KRIMINALE-GJILAN

VDEKJE E DYSHIMTË

Gjilan / 25.08.2025-09:50. Njësitet policore pas pranimit të informatës lidhur me rastin, kanë dalë në vendin e ngjarjes dhe kanë gjetur pa shenja jete viktimën femër kosovare. Vdekjen e viktimës e ka konstatuar ekipi mjekësor në vendin e ngjarjes, ndërsa me vendim të prokurorit, trupi i pa jetë i viktimës është dërguar në IML për obduksion.

INCIDENTE KRIMINALE-FERIZAJ

MARRJA NË POSEDIM E PASURISË SË LUAJTSHME

Ferizaj / 24.08.2025-10:10. Me 25.08.2025 është arrestuar i dyshuari mashkull kosovar, pasi i njëjti kishte kryer veprën e lartcekur ndaj viktimës mashkull kosovar. Me vendim të prokurorit, i dyshuari pas intervistimit është dërguar në mbajtje.

DHUNË NË FAMILJE&ARMËMBAJTJE PA LEJE

Ferizaj 24.08.2025, 15:00. Ankuesja femër kosovare ka raportuar se i dyshuari mashkull kosovar ka kryer vepren e lartcekur ndaj saj. Nën dyshimin se personi posedon armë është bërë bastisja në vendin e tij të punës ku gjatë kontrollit janë gjetur dhe sekuestruar dy armë zjarri pistoletë me karikator, 28 fishekë, një fishek tjeter si dhe një leje për armë shenjtërie. I dyshuari është shoqëruar në stacionin policor dhe pas intervistimit me vendim të prokurorit rasti procedohet në procedurë të rregullt.

INCIDENTET KRIMINALE-PEJË

HETIM I VDEKJES

Klinë NN. Ankuesja femër kosovare ka raportuar se viktima mashkull kosovar dyshohet se është pa shenja jete. Në vendin e ngjarjes kanë dal njësit përkatëse ku mjeku kujdestar ka konstatuar vdekjen e viktimës. Me vendim të prokurorit trupi i pa jetë është dërguar në IML për obduksion.

INCIDENTET KRIMINALE-PRIZREN

KANOSJE&ARMËMBAJTJE PA LEJE

Suharekë 25.08.2025, 19:50. Ankuesi mashkull kosovar ka raportuar se pas një mosmarrëveshje i dyshuari mashkull kosovar ka shtënë me armë zjarri në drejtim të dyshemesë. Në vendin e ngjarjes është gjetur dhe sekuestruar një gëzhojë si dhe një fishek. Po ashtu është sekuestruar arma pistoletë me gas e cila është përdorur në rast si dhe një armë AK-47. I dyshuari është arrestuar dhe pas intervistimit me vendim të prokurorit është dërguar në mbajtje.

HETIM MBI VDKJEN

Prizren / 25.08.2025 – NN. Është raportuar se viktima mashkull kosovar është gjetur pa shenja jete. Njësitë relevante policore kanë dalë në vendin e ngjarjes dhe ekipi mjekësor ka konstatuar vdekjen e viktimës. Me urdhër të prokurorit trupi i pajetë i viktimës është dërguar në IML për obduksion.

VRASJE NË TENTATIVË & LËNDIM I LEHTË TRUPOR

Prizren / 25.08.2025-02:30. Janë arrestuar dy të dyshuar meshkuj kosovarë pasi të njëjtit pas një mosmarrëveshje, kanë sulmuar dy viktima meshkuj kosovarë. Si pasojë viktimat kanë pësuar lëndime trupore. Me vendim të prokurorit, dy të dyshuarit pas intervistimit janë dërguar në mbajtje.

GRABITJE

Prizren/24.08.2025, 15:20. Pas hetimeve të zhvilluara lidhur me rastin janë identifikuar dhe arrestuar dy të dyshuar meshkuj dhe të njëjtit pas intervistimit me vendim të prokurorit janë dërguar në mbajtje.

INCIDENTET KRIMINALE-MITROVICË JUG

VJEDHJE E RËNDË

Skenderaj / 25.08.2025. Ankuesi mashkull kosovar ka raportuar se persona të panjohur pasi kanë thyer derën e hyrjes së objektit, kanë vjedhur para të gatshme. Lidhur me rastin është informuar edhe prokurori, ndërsa njësitet policore janë duke hetuar rastin.

INCIDENTET KRIMINALE-MITROVICË VERI

NXITJE E PËRQARJES DHE MOS DURIMIT

Leposaviq 25.08.2025, 21:30. Është shoqëruar në stacionin policor e dyshuara femër pasi që e njëjta në muret e një shtëpie të pa banuar kishte shkruar mbishkrime me përmbajtje provokuese. Me vendim të prokurorit rasti procedohet në procedurë të rregullt.

INCIDENTET KRIMINALE-DEPARTAMENTI I POLICISË KUFITARE

KALIM I PAAUTORIZUAR I KUFIRIT

Hani i Elezit / 25.08.2025: 11:10. Njësitet gjatë patrullimit kanë ndaluar të dyshuarin mashkull shtetas I huaj, nën dyshimin se i njëjti ka kaluar kufirin kundërligjshëm. Në konsultim me prokurorin, i dyshuari pas intervistimit është liruar në procedurë të rregullt.

Rajoni

Kurti takon Macron në Paris: Franca mbështet integrimin evropian të Kosovës

Published

6 hours ago

March 27, 2026

UBTNews

Kryeministri i Kosovës, Albin Kurti, ka zhvilluar një takim me Presidentin e Francës, Emmanuel Macron, në Pallatin Elize në Paris.

Presidenti Macron e uroi Kurtin për rizgjedhjen dhe mandatin e ri, ndërsa Kurti shprehu falënderim për mbështetjen e vazhdueshme të Francës ndaj Kosovës.

Në takim u diskutua për integrimet evropiane, sigurinë dhe bashkëpunimin bilateral, ku u theksua edhe roli i NATO-s në Kosovë përmes KFOR-it dhe misioneve të Bashkimit Evropian.

Kurti, sipas komunikatës, theksoi se “Kosova mbetet e harmonizuar plotësisht me politikën e jashtme dhe të sigurisë së BE-së”, duke përmendur edhe progresin në reformat e brendshme.

Ai shtoi se vendi ka shënuar “progres në 35 nga 38 fusha”, sipas Raportit të fundit të BE-së, dhe kërkoi mbështetjen e Francës për integrimin evropian dhe anëtarësimin në organizata ndërkombëtare.

Në takim u diskutua edhe për dialogun Kosovë–Serbi në Bruksel, sigurinë rajonale, si dhe forcimin e bashkëpunimit me aleatët euroatlantikë.

Po ashtu, palët folën për investimet në arsim dhe organizimin e forumeve të reja të biznesit Kosovë–Francë, pas forumit të mbajtur në shkurt në Prishtinë, si dhe për përgatitjet për Lojërat Mesdhetare 2030 në Kosovë.

Në takim morën pjesë edhe zyrtarë të lartë francezë dhe diplomatë të Kosovës, ndërsa u konfirmua përkushtimi për thellimin e partneritetit mes dy vendeve.

Aktualitet

SHBA dhe Kosova diskutojnë zgjerimin e bashkëpunimit në energji dhe miniera

Published

8 hours ago

March 27, 2026

UBTNews

E ngarkuara me punë në Ambasadën e SHBA-së në Prishtinë, Anu Prattipati, ka zhvilluar një takim zyrtar me Ministren e Ekonomisë, Artane Rizvanolli, për të diskutuar mundësitë e zgjerimit të bashkëpunimit në sektorët e energjisë dhe minierave.

Gjatë këtij takimi, Prattipati rikonfirmoi përkushtimin e Ambasadës amerikane për krijimin e mundësive të reja për bizneset nga Shtetet e Bashkuara, me fokus të veçantë tek ato që operojnë në sektorin e gazit natyror të lëngshëm (LNG) dhe në industrinë minerare.

Duke vlerësuar ecurinë e bisedimeve, diplomatja amerikane u shpreh se “ne mirëpresim bashkëpunimin e vazhdueshëm në fusha që promovojnë prosperitetin e ndërsjellë” mes dy vendeve.

Të dyja palët konfirmuan vullnetin për të forcuar lidhjet ekonomike, duke synuar projekte që sjellin stabilitet energjetik dhe zhvillim të qëndrueshëm për Kosovën përmes investimeve strategjike amerikane.

Vendi

Osmani pret në takim ambasadorin turk: Vlerësohet lart mbështetja për FSK-në dhe diplomacinë

Published

8 hours ago

March 27, 2026

UBTNews

Presidentja e Republikës së Kosovës, Vjosa Osmani, ka pritur sot në një takim zyrtar ambasadorin e Turqisë në Kosovë, Sabri Tunç Angılı, me të cilin ka diskutuar për marrëdhëniet mes dy shteteve dhe zhvillimet aktuale politike.

Gjatë kësaj bisede, Presidentja Osmani shprehu mirënjohje të thellë për mbështetjen e vazhdueshme të Turqisë ndaj Kosovës, si në planin historik, ashtu edhe gjatë mandatit të saj, duke vënë theks të veçantë në fushat jetike si mbrojtja dhe diplomacia.

Në këtë kuadër, Presidentja Osmani vlerësoi lart rolin e Turqisë në forcimin e kapaciteteve të Forcës së Sigurisë së Kosovës (FSK) dhe përkrahjen e palëkundur që ky shtet ka ofruar në procesin e njohjeve ndërkombëtare. Ajo drejtoi një falënderim të veçantë për Presidentin Recep Tayyip Erdoğan për përkushtimin e tij ndaj Kosovës, si dhe vlerësoi angazhimin e vazhdueshëm të ambasadorit Angılı dhe të gjithë stafit të Ambasadës Turke në Prishtinë.

“Një falënderim i veçantë iu drejtua Presidentit Recep Tayyip Erdoğan për përkushtimin e tij ndaj Kosovës, si dhe ambasadorit Angılı dhe Ambasadës së Turqisë për angazhimin dhe mbështetjen e vazhdueshme, thuhet në njoftimin e presidencës.

Gjatë takimit, të dy palët riafirmuan përkushtimin e tyre për ta fuqizuar edhe më tej partneritetin strategjik, në funksion të paqes, stabilitetit dhe zhvillimit të përbashkët.

Në përmbyllje të bisedës, u diskutua edhe për aspektin sportiv, konkretisht për ndeshjen e ardhshme kualifikuese për FIFA World Cup 2026 ndërmjet Kosovës dhe Turqisë. Me këtë rast, u shpreh dëshira që kjo përballje në fushën e blertë të karakterizohet nga fryma e lartë sportive dhe respekti i ndërsjellë që ekziston mes dy vendeve.

Lajmet

Vetëm 33% e raketave të Iranit janë shkatërruar me siguri nga SHBA

Published

9 hours ago

March 27, 2026

UBTNews

Shtetet e Bashkuara mund të përcaktojnë me siguri se kanë shkatërruar vetëm rreth një të tretën e arsenalit gjigant të raketave të Iranit, ndërsa lufta e SHBA-së dhe Izraelit kundër vendit po i afrohet markës së saj njëmujore, sipas pesë personave të njohur me inteligjencën amerikane, raporton Reuters.

Statusi i rreth një të tretës tjetër është më pak i qartë, por bombardimet ka të ngjarë të kenë dëmtuar, shkatërruar ose varrosur ato raketa në tunele dhe bunkerë nëntokësorë, thanë katër nga burimet. Burimet folën në kushte anonimiteti duke pasur parasysh natyrën e ndjeshme të informacionit.

Një nga burimet tha se inteligjenca ishte e ngjashme edhe për aftësitë e dronëve të Iranit, duke thënë se kishte një shkallë sigurie se rreth një e treta ishte shkatërruar.

Vlerësimi, i cili nuk është raportuar më parë, tregon se ndërkohë që shumica e raketave të Iranit janë ose të shkatërruara ose të paarritshme, Teherani ka ende një inventar të konsiderueshëm raketash dhe mund të jetë në gjendje të rikuperojë disa raketa të varrosura ose të dëmtuara sapo të ndalojnë luftimet.

Inteligjenca bie në kundërshtim me deklaratat publike të Presidentit Donald Trump të enjten se Irani kishte “shumë pak raketa të mbetura”. Ai gjithashtu duket se pranoi kërcënimin nga raketat dhe dronët e mbetur iranianë për çdo operacion të ardhshëm të SHBA-së për të mbrojtur Ngushticën e Hormuzit, e cila është jetike ekonomikisht.

Reuters raportoi i pari se ai po shqyrton nëse do ta përshkallëzojë konfliktin duke vendosur trupa amerikane në brigjet iraniane përgjatë Ngushticës.

“Problemi me ngushticat është ky: le të themi se bëjmë një punë të shkëlqyer. Themi se kemi goditur 99% (të raketave të tyre). 1% është e papranueshme, sepse 1% do të thotë një raketë që godet trupin e një anijeje që kushton një miliard dollarë,” tha Trump në një mbledhje kabineti të transmetuar në televizion të enjten.

I pyetur për koment, një zyrtar i Pentagonit tha se sulmet me raketa dhe dronë iranianë kanë rënë me rreth 90% që nga fillimi i luftës. Komanda Qendrore e ushtrisë amerikane “ka dëmtuar ose shkatërruar gjithashtu mbi 66% të objekteve të prodhimit të raketave, dronëve dhe mjeteve detare, si dhe kantieret detare të Iranit,” shtoi zyrtari.

Shtëpia e Bardhë nuk iu përgjigj menjëherë një kërkese për koment.

Përfaqësuesi demokrat Seth Moulton, një veteran i Korpusit të Marinës që shërbeu katër turne në Irak, refuzoi të komentonte gjetjet e Reuters, por ai kundërshtoi pretendimet e Trump për ndikimin e luftës në arsenalin e Iranit.

“Nëse Irani është i zgjuar, ata kanë ruajtur një pjesë të aftësive të tyre – nuk po përdorin gjithçetka që kanë. Dhe ata po qëndrojnë në pritë,” tha Moulton. /Reuters/