Lajmet

Raporti 24-Orësh i Policisë së Kosovës: Dhunë, armëmbajtje dhe raste të rënda në fokus

Published

9 months ago

on

Incidentet kriminale të raportuara nga Policia e Kosovës për datën 22 korrik përfshijnë një numër të konsiderueshëm të rasteve të dhunës, armëmbajtjes pa leje dhe veprave të rënda penale në disa rajone të vendit.

Një rast i rëndë i vrasjes në tentativë është raportuar në Fushë Kosovë, ku një mashkull kosovar është plagosur rëndë me thikë dhe po trajtohet në QKUK nën sigurimin e policisë. Autori i dyshuar është në arrati dhe po kërkohet nga autoritetet.

“Një mashkull kosovar, ka pësuar lëndime të rënda pasi është goditur me thikë nga i dyshuari mashkull kosovar. Viktima është transportuar në QKUK dhe vazhdon trajtimin mjekësor në sigurim nga policia ndërsa i dyshuari pas kryerjes së veprës është larguar nga vendi i ngjarjes dhe i njëjti është në kërkim të policisë. Me vendim të prokurorit është iniciuar rasti dhe mbetet në hetime.” thuhet në njoftim.

Në Prishtinë, dy raste të dhunës në familje janë evidentuar. Në njërin rast, një person është arrestuar për dhunë ndaj prindërve të tij, ndërsa në rastin tjetër, një grua është sulmuar dhe kërcënuar nga bashkëshorti. Në të dy rastet, policia dhe prokuroria kanë marrë masa për mbrojtjen e viktimave dhe procedimin e të dyshuarve.

“Është arrestuar i dyshuari mashkull kosovar për arsye se i njëjti kishte ushtruar dhunë psikike, fizike dhe kishte kanosur prindërit e tij. Me vendim të prokurorit i dyshuari pas intervistimit është dërguar në mbajtje.” njofton Policia.

“Është njoftuar policia se një femër është sulmuar dhe kërcënuar nga bashkëshorti i saj. Pas intervistimit të palëve viktimës i është ofruar urdhër mbrojtës dhe në konsultim me prokurorin rasti procedohet në procedurë të rregullt.” thuhet në njoftim.

Rastet e armëmbajtjes pa leje vazhdojnë të jenë problematike në mbarë vendin. Gjatë kontrolleve në Prishtinë, Obiliq, Lipjan, Podujevë dhe Pejë, janë konfiskuar armë të llojeve të ndryshme, fishekë dhe municion. Në disa raste armët janë përdorur gjatë ahengjeve, duke rrezikuar jetën e qytetarëve. Po ashtu, janë raportuar raste ku personat kanë pasur leje për armë për qëllime sportive por jo për bartje, duke rezultuar në konfiskim të tyre dhe procedura ligjore përkatëse.

Në Gjakovë, është raportuar një rast dhunimi të ndodhur muaj më parë, ndërsa viktima ka vendosur ta raportojë më 22 korrik. Rasti ka kaluar për hetim të mëtejshëm nga prokuroria.

“Më 22.07.2025 viktima femër, ka raportuar se muaj me parë është dhunuar nga një person i panjohur. Lidhur me rastin është njoftuar prokurori. Rasti nën hetime.” thuhet në njoftim.

Raste të dhunës ndaj zyrtarëve policorë janë raportuar në Viti, ku një person është arrestuar pasi ka sulmuar fizikisht zyrtarët e rendit.

“Është arrestuar i dyshuari mashkull kosovar, pasi që i njëjti ka sulmuar fizikisht zyrtarët policorë. Një zyrtar ka pranuar tretman mjekësor, ndërsa me vendim të prokurorit i dyshuari është dërguar në mbajtje.” thuhet në njoftim.

Ndërsa në Mitrovicën e Jugut, një person ka shtënë me armë pas një konflikti pronësor me familjarët e tij

“Është arrestuar i dyshuari mashkull kosovar, pasi që i njëjti pas një mosmarrëveshje pronësore me vëllezërit e tij, ka dëmtuar dyert e hyrjes dhe ka shtënë me armë zjarri në drejtim të panjohur. Njësiti policor ka konfiskuar armën me një karikator të zbrazët. Pas intervistimit, me vendim të prokurorit i dyshuari është dërguar në mbajtje.” thuhet në njoftim

Në Gjilan, një person është lënduar lehtë gjatë një konflikti fizik mes tre meshkujve.

“Janë arrestuar dy të dyshuar meshkuj kosovarë, për shkak se pas një mosmarrëveshje e kanë sulmuar fizikisht viktimën mashkull kosovar. Viktima ka pranuar trajtim mjekësor ndërsa të dyshuarit pas intervistimit me vendim të prokurorit janë dërguar në mbajtje.” thuhet në njoftim.

Në Viti është raportuar një rast grabitjeje me forcë në rrugën “Habib Sejdiu”, ku viktimës i është marrë një çantë me para dhe një telefon. I dyshuari është ende në kërkim.

“Ankuesi mashkull kosovar, ka raportuar se i dyshuari mashkull kosovar, me forcë i ka grabitur çantën në të cilën kishte një telefon dhe disa para. I dyshuari është në kërkim. Rasti nën hetime.” thuhet në njoftim.

Një rast tragjik i vdekjes në vendin e punës është regjistruar në Skenderaj, ku një punëtor humbi jetën pasi humbi ndjenjat gjatë punës.

“Një mashkull kosovar, ka humbur ndjenjat derisa ishte duke punuar në një objekt dhe për një moment është shtrirë në dysheme. Është njoftuar ekipi mjekësor që kanë dalë në vendin e ngjarjes dhe kanë konstatuar se viktima ishte pa shenja jete. Me vendim të prokurorit trupi i pajetë është dërguar në IML për obduksion.” thuhet në njoftim.

Ndërkohë, në Malishevë, është raportuar për vdekjen e një personi në QKUK si pasojë e një aksidenti trafiku të ndodhur më 15 korrik.

“Raportohet se më 22.07.2025 në QKUK, ka ndërruar jetë viktima mashkull kosovar, i cili ishte duke u trajtuar pasi ishte goditur nga një veturë më 15.07.2025. Me vendim të prokurorit, trupi i pajetë është dërguar në IML për obduksion.” thuhet në njoftim.

Në Mitrovicë Veriore, dhuna në familje dhe sulmet fizike në gjendje të dehur vazhdojnë të mbeten shqetësuese.

“Është arrestuar i dyshuari mashkull kosovar, për shkak se në gjendje të dehur ka sulmuar fizikisht viktimën mashkull kosovar. Viktima ka pranuar trajtim mjekësor, ndërsa i dyshuari pas inicimit të rastit në konsultim me prokurorin është liruar në procedurë të rregullt.” thuhet në njoftim

Ndërkohë që në rajonin e Prizrenit është raportuar rasti i zhdukjes së një të reje, për të cilën hetimet janë në vazhdim.

“Ankuesi mashkull kosovar, ka raportuar se mbesa e tij ka dalë nga shtëpia dhe nuk dihet asgjë për vendndodhjen e saj. Rasti nën hetime.” thuhet në njoftim.

Policia Kufitare raportoi gjithashtu një rast armëmbajtjeje pa leje në Bjeshkët e Milishevcit dhe një rast të kalimit ilegal të kufirit në Zubin Potok, ku dy persona u ndaluan duke hyrë nga Serbia në mënyrë të paligjshme.

“Është ndaluar i dyshuari mashkull kosovar, pasi që gjatë kontrollit në veturën e tij është gjetur dhe konfiskuar një armë zjarri pistoletë me dy karikatorë me 25 fishekë. Me vendim të prokurori, pas intervistimit, i dyshuari është liruar në procedurë të rregullt.” njofton Policia e Kosovës.

“Janë ndaluar dy të dyshuar meshkuj kosovarë, pasi që të njëjtit me veturë përmes rrugëve ilegale kanë kaluar kufirin nga Serbia në Republikën e Kosovës. Pas intervistimit, me vendim të prokurorit të dyshuarit janë liruar në procedurë të rregullt.” thuhet në njoftim./UBTNews

Related Topics:
Continue Reading

Vendi

Gjeneral Jashari pret krerët e komiteteve të NATO-s dhe BE-së

Published

56 minutes ago

on

April 28, 2026

By

Komandanti i Forcës së Sigurisë së Kosovës, Gjenerallejtënant Bashkim Jashari, ka pritur sot në një takim të rëndësishëm zyrtar Kryetarin e Komitetit Ushtarak të NATO-s, Admiralin Giuseppe Cavo Dragone, dhe Kryetarin e Komitetit Ushtarak të Bashkimit Evropian, Gjeneralin Seán Clancy.

Gjatë këtij takimi, Gjeneral Jashari i njoftoi mysafirët e lartë me arritjet e fundit të FSK-së dhe procesin e saj të zhvillimit, duke vënë theksin te gatishmëria dhe kontributi i forcës në operacionet ndërkombëtare. Diskutimi u fokusua në nevojën për të avancuar bashkëpunimin në aktivitete të përbashkëta mes FSK-së dhe organizatave të NATO-s e BE-së.

Përfaqësuesit e lartë ushtarakë vlerësuan lart progresin e FSK-së dhe kontributin e saj profesional, ndërsa u rikonfirmua rëndësia e mbështetjes që ofrojnë KFOR-i dhe Ekipi Këshillues e Ndërlidhës i NATO-s (NALT).

Në mbyllje të vizitës, palët u zotuan për forcimin e marrëdhënieve profesionale dhe rritjen e bashkëpunimit në sferat me interes të përbashkët, me qëllim ruajtjen e stabilitetit dhe sigurisë.

Continue Reading

Lajmet

Gjendet pa shenja jete një person në Prizren

Published

4 hours ago

on

April 28, 2026

By

Një burrë në Prizren është gjetur pa shenja jete. Sipas raportit 24 orësh te Policisë se Kosovës , rasti ka ndodhur më 27 prill 2026, në rrethana që ende pritet të sqarohen.

Menjëherë pas marrjes së informatës, në vendin e ngjarjes kanë dalë njësitë policore dhe ekipi mjekësor, i cili ka konstatuar vdekjen e viktimës. Deri më tani, shkaqet e vdekjes mbeten të panjohura, duke bërë që autoritetet të nisin hetimet nën cilësimin “hetim i vdekjes”.

Me vendim të prokurorit kompetent, trupi i pajetë i viktimës është dërguar në Institutin e Mjekësisë Ligjore (IML) për obduksion.

 

Continue Reading

Vendi

Prishtinë: Një i arrestuar për kanosje dhe dy armë të sekuestruara

Published

4 hours ago

on

April 28, 2026

By

Brenda 24 orëve të fundit, Policia e Kosovës ka ndërhyrë në dy raste të ndara të kanosjes në rajonin e Prishtinës, të cilat kanë rezultuar me arrestimin e një personi dhe konfiskimin e armatimit.

Në rastin e parë të regjistruar në Prishtinë, policia ka arrestuar një person, i cili dyshohet se ka përdorur rrjetet sociale për të kërcënuar një burrë kosovar. Pas denoncimit të viktimës dhe mbledhjes së provave fillestare, prokurori ka lëshuar vendim që i dyshuari të dërgohet në mbajtje për procedime të mëtejshme.

Ndërkohë, një tjetër incident ka ndodhur në fshatin Besi, pas një mosmarrëveshje mes dy personave. Policia ka intervistuar palët e përfshira dhe, me qëllim parandalimin e eskalimit të situatës, ka sekuestruar dy armë (për të cilat i dyshuari posedonte leje) së bashku me 60 fishekë. Pas intervistimit, me urdhër të prokurorit, ky rast ka kaluar në procedurë të rregullt hetimore.

 

Continue Reading

Lajmet

Shtyhet seanca për presidentin në orën 14:00

Published

5 hours ago

on

April 28, 2026

By

Pas një ore vonese, ka nisur seanca në Kuvendin e Kosovës, ku kryetarja Albulena Haxhiu u ka kërkuar deputetëve të pranishëm të zënë vendet e tyre për të filluar procedurat për zgjedhjen e presidentit të vendit.

Haxhiu u ka bërë thirrje publike edhe deputetëve të opozitës që t’i bashkohen procesit dhe të marrin pjesë në seancë, mirëpo vendet e opozites në sallën e Kuvendit vazhdojnë të mbesin bosh.

Megjithatë, procesi ka pësuar një ngecje të menjëhershme. Vetëm pak minuta pas fillimit, seanca për zgjedhjen e presidentit është shtyrë. Kryetarja Albulena Haxhiu njoftoi se punimet e Kuvendit do të ndërpriten përkohësisht për të vazhduar sërish nga ora 14:00.

Zgjedhja e Presidentit: Prapaskenat e një dite me dy seanca dhe dështimi i votimit në rundin e parë

Zhvillimet e fundit në Kuvendin e Kosovës rreth zgjedhjes së Presidentit të ri janë shoqëruar me tensione të larta, akuza për shkelje të Kushtetutës dhe një bllokadë totale nga ana e partive opozitare.

Gjithçka nisi me një seancë të thirrur të hënën në orën 17:00, e cila ishte paraparë si një hapësirë për diskutim lidhur me procesin e zgjedhjes së kreut të shtetit. Gjatë këtij takimi, kandidatët e mëparshëm, Glauk Konjufca dhe Fatmire Mulhaxha-Kollçaku, u tërhoqën zyrtarisht nga gara për t’i hapur rrugë një procesi të ri, por kjo nuk mjaftoi për të bindur opozitën.

Partitë opozitare si PDK, LDK dhe AAK e bojkotuan këtë seancë, duke e cilësuar atë si një performancë të brendshme të partisë në pushtet dhe jo si një përpjekje serioze për konsensus kombëtar.

Në vazhdën e kësaj situate, një tjetër seancë e jashtëzakonshme u thirr në orën 20:30, ku në procedurë votimi u futën dy kandidatet e reja të propozuara nga Lëvizja Vetëvendosje, Feride Rushiti dhe Hatixhe Hoxha.

Megjithëse procesi nisi, ai dështoi që në rundin e parë, pasi në sallë nuk ishin të pranishëm 80 deputetë, siç kërkohet me rregullat kushtetuese. Kandidatja Feride Rushiti mori 63 vota, ndërsa Hatixhe Hoxha nuk mori asnjë, duke bërë që kryetarja e Kuvendit, Albulena Haxhiu, ta ndërpresë seancën për ta shtyrë atë për të martën.

Gjatë kësaj kohe, Haxhiu u bëri thirrje vazhdimisht deputetëve të tjerë që të hyjnë në sallë, duke pretenduar se ata ndodheshin në zyrat e tyre brenda ndërtesës së Kuvendit, por thirrjet e saj ranë në vesh të shurdhër.

Nga ana tjetër, kryeministri Albin Kurti e akuzoi opozitën për mosrespektim të vullnetit të popullit dhe për bllokadë të qëllimshme. Ai u shpreh se qeveria ishte e gatshme për bashkëpunim, madje duke ofruar edhe pozitën e kryeparlamentarit apo propozimin e emrave konsensualë, por sipas tij, opozita ka preferenca për koalicione të padeklaruara që synojnë vetëm dëmtimin e subjektit fitues.

Kjo qasje u kundërshtua ashpër nga krerët e opozitës. Bedri Hamza nga PDK dhe Besnik Tahiri nga AAK e cilësuan nisjen e votimit pa kuorumin e nevojshëm si një “puç kushtetues” dhe një goditje të rëndë ndaj demokracisë. Ata kritikuan edhe joseriozitetin e thirrjes së seancave brenda pak minutave, duke e konsideruar këtë si një përpjekje për të detyruar institucionet në rrugë antikushtetuese.

Edhe Lidhja Demokratike e Kosovës, përmes kryetarit Lumir Abdixhiku, shprehu pakënaqësinë e saj, duke bërë të ditur se kishin mbledhur 15 nënshkrime për të mbështetur një kandidaturë, por akuzuan Lëvizjen Vetëvendosje se e refuzoi dialogun e mirëfilltë.

Ndërkohë, Instituti Demokratik i Kosovës (KDI) paralajmëroi se çdo tentativë për të zgjedhur presidentin pa praninë e dy të tretave të deputetëve në dy rundet e para është një shkelje e hapur e ligjit dhe krijon precedentë të rrezikshëm për stabilitetin e vendit. Me afrimin e datës 28 prill, që është edhe afati i fundit ligjor për zgjedhjen e presidentit, vendi mbetet në një pritje të tensionuar mes nevojës për institucione të qëndrueshme dhe krizës së thellë politike.

 

Continue Reading

Të kërkuara