Teknologji

Raport: Miliona njerëz mund të punojnë vetëm katër ditë në javë – kjo falë AI-së

Afërsisht gjysma e punëtorëve evropianë presin që AI-ja të ketë impakt të madh në jetën e tyre brenda vitit të ardhshëm.

Published

2 years ago

on

Gati një e treta e fuqisë punëtore në Britani të Madhe mund të punojë katër ditë në javë deri në vitin 2033 falë avancimit të teknologjisë së Inteligjencës Artificiale, thuhet në një raport të publikuar së fundmi.

Një nga shqetësimet më të mëdha rreth rritjes së fuqisë dhe popullaritetit të teknologjisë së AI gjatë dy viteve të fundit është nëse ajo do ta zëvendësojë fuqinë punëtore, pasi është dëshmuar se mund të kryejë shumë nga detyrat që njerëzit kryejnë aktualisht.

Sipas një sondazhi të fundit nga LinkedIn, afërsisht gjysma e punëtorëve evropianë presin që AI-ja të ketë impakt të madh në jetën e tyre brenda vitit të ardhshëm.

Mjetet e AI-së, sikurse ChatGPT dhe Google’s Bard mund t’i shkruajnë artikujt e plotë ose planet e bizneseve brenda sekondave Mjetet gjeneruese të fotografive mund të krijojnë fotografi realiste pothuajse menjëherë, duke ngritur dilema në lidhje me sigurinë e punës për artistët dhe ilustruesit.

Por Autonomy, një think tank që studion të ardhmen e punësimit dhe ekonomisë, sheh një vizion premtues për impaktin e AI-së në jetën tonë. Në raportin e tyre, autorët thonë se 8.8 milionë punëtorë në Britani të Madhe – 28% e fuqisë punëtore – mund të punojnë 32 orë, katër ditë në javë falë Inteligjencës Artificiale.

Gjithashtu 27.9 milionëve apo 88% të fuqisë punëtore të vendit – mund t’ju reduktohen orët e punës në së paku 10%./UBTNews/

Related Topics:
Continue Reading

Teknologji

Nga boom në rënie, blerja e automjeteve elektrike nuk është më prioritet

Published

4 hours ago

on

December 10, 2025

By

Interesi për automjetet elektrike në Holandë ka pësuar rënie të ndjeshme.

Sipas një studimi të ANWB-së, për herë të parë pas disa vitesh rritjeje, vetëm 23% e qytetarëve holandezë planifikojnë të kalojnë në automjete elektrike brenda pesë viteve të ardhshme — nga 28% sa ishte më herët.

Kjo rënie prej pesë pikësh përqindjeje tregon një kthesë të madhe në trendet e mëparshme.

Ndërkohë, numri i personave që nuk synojnë të blejnë vetura elektrike është bërë më i madh se i atyre që shprehin interes.

ANWB këtë ndryshim e lidh me politikat e reja të qeverisë holandeze, e cila ka reduktuar stimujt për veturat elektrike.

Nga viti 2024, pronarët e këtyre automjeteve do të paguajnë taksën mbi automjetet motorike (MRB), gjë që e rrit kostën e mbajtjes së tyre.

Përveç heqjes së përfitimeve, mbeten të pranishme edhe shqetësimet e zakonshme: çmimet e larta të automjeteve elektrike, frika për degradimin e baterive dhe vështirësitë e ngarkimit në shtëpi. /A.Z/UBT News/

Continue Reading

Teknologji

Syzet e mençura të Google pritet të dalin në treg në vitin 2026

Published

23 hours ago

on

December 9, 2025

By

Google planifikon të lansojë më 2026 syzet e saj të para të mundësuara nga inteligjenca artificiale, në përpjekje për të konkurruar me Meta në tregun në rritje të pajisjeve AI.

Kompania po bashkëpunon me Samsung, Gentle Monster dhe Warby Parker, me një marrëveshje prej 150 milionë dollarësh. Google ofron dy lloje syzesh: modele vetëm audio që lejojnë komunikim me asistentin Gemini dhe syze me ekran të integruar për navigim dhe përkthime.

Pajisjet funksionojnë mbi Android XR. Warby Parker ka konfirmuar se modelet e para dalin në 2026.

Ky rikthim vjen pas përpjekjes së dështuar të Google Glass, ndërsa Sergey Brin tha se teknologjia e avancuar e sotme mundëson përdorime shumë më efikase.

Tregu i syzeve inteligjente po rritet, me Meta që kryeson falë syzeve Ray-Ban Meta dhe modeleve me ekran të integruar. Edhe Snap e Alibaba janë futur në këtë garë.

Google prezantoi gjithashtu përditësime të reja për kufjet Galaxy XR, si lidhja me PC dhe një modalitet udhëtimi për përdorim në avionë e makina. /A.Z/UBT News/

 

Continue Reading

Teknologji

Google dhe Apple po lehtësojnë ndërrimin midis Android dhe iOS

Published

24 hours ago

on

December 9, 2025

By

Sipas një raporti të ri, Google dhe Apple po punojnë së bashku për ta bërë ndërrimin midis sistemeve të tyre operative mobile më të lehtë se kurrë.

Rezultati i parë i kësaj bashkëpunimi shfaqet në versionin më të fundit të Android Canary, i cili është aktualisht i dedikuar vetëm për zhvillues dhe do të duhet kohë derisa të vijë në versionin Beta dhe më pas në një version të qëndrueshëm të Android.

Nga ana e saj, Apple planifikon të përfshijë këtë veçori në një version të ardhshëm të iOS 26.

Kjo do të mundësojë që më shumë lloje të dhënash të jenë të transferueshme nga Android në iOS dhe anasjelltas, si dhe do të shtohen funksionalitete të reja.

Për të kaluar nga iOS në Android përdoret aplikacioni Android Switch, ndërsa për të kaluar nga Android në iOS përdoret Move to iOS.

Funksionaliteti, i integruar në të dy sistemet operative, do ta bëjë procesin e thjeshtë dhe shpresohet të mos zgjasë shumë për t’u lansuar. /A.Z/UBT News/

Continue Reading

Teknologji

Stefan Weckbach, nga Porsche Taycan në krye të Mercedes-AMG

Published

1 day ago

on

December 9, 2025

By

Mercedes-AMG ka njoftuar emërimin e Stefan Weckbach si CEO të ri, i cili do të marrë detyrën më 1 korrik 2026.

Ai gjithashtu do të drejtojë divizionin Top End Vehicle, i cili përfshin modelet e njohura G-Class dhe Maybach.

Weckbach ka një eksperiencë të pasur në industrinë e automobilave, duke udhëhequr më parë programin Porsche Taycan dhe duke shërbyer si drejtues i strategjisë në VW Group që nga viti 2023.

Emërimi i tij vjen pas një periudhe sfiduese për AMG, e karakterizuar nga kritikat për modelin C63 me motor katërcilindërsh dhe tërheqja e 219 automjeteve AMG One. AMG po përgatit lansimin e një motori të ri V8 dhe modeleve elektrike “emocionale”, përfshirë një super sedan të bazuar në konceptin GT XX.

CEO aktual, Michael Schiebe, do të kalojë në një rol tjetër brenda Mercedes më 1 dhjetor 2025, pasuesi i përkohshëm nuk është bërë publik.

Me rikthimin e motorëve të fuqishëm me tetë cilindra, AMG synon të forcojë pozitat kundër konkurrentëve, BMW M dhe Audi Sport. /A.Z/UBT News/

Continue Reading

Të kërkuara