Presidenti rus Vladimir Putin ka sinjalizuar se është i hapur për bisedime dypalëshe me udhëheqësin ukrainas Volodymyr Zelensky për herë të parë që nga fazat e hershme të luftës.

Duke folur për televizionin shtetëror rus të hënën, Putin tha se Rusia “gjithmonë e ka parë pozitivisht çdo nismë paqeje. Shpresojmë që përfaqësuesit e regjimit të Kievit të ndihen në të njëjtën mënyrë”.

Zëdhënësi i Kremlinit Dmitry Peskov tha se komentet e Putinit tregonin një gatishmëri për t’u angazhuar në bisedime të drejtpërdrejta me Ukrainën për të mos goditur objektivat civilë.

Zelensky nuk iu përgjigj drejtpërdrejt komenteve të Putinit, por tha se Ukraina ishte “e gatshme për çdo bisedë” që do të garantonte sigurinë e civilëve.

Nuk ka pasur bisedime të drejtpërdrejta midis dy palëve që nga shkurti i vitit 2022, kur Rusia nisi pushtimin e saj në shkallë të plotë të Ukrainës.

Në komentet për agjencinë e lajmeve Interfax, Peskov tha: “Kur presidenti tha se ishte e mundur të diskutohej çështja e mosgoditjes së objektivave civile, duke përfshirë edhe dypalëshin, presidenti kishte parasysh negociatat dhe diskutimet me palën ukrainase”.

Në fjalimin e tij të natës me video, Zelensky tha se Ukraina ka nevojë për një “përgjigje të qartë nga Moska” nëse do të pranojë të ndalojë sulmet ndaj infrastrukturës civile.

Ndërkohë, luftimet vazhduan gjatë natës me raportime për sulme me dron në qytetin port të Odessa.

Autoritetet lokale thanë se tre persona u plagosën në bastisje, me zjarre që shpërthyen dhe dëmtime në ndërtesa banimi.

Ukraina është planifikuar të marrë pjesë në bisedimet me Shtetet e Bashkuara dhe vendet evropiane këtë javë në Londër, pas një takimi në Paris javën e kaluar ku udhëheqësit diskutuan rrugët për t’i dhënë fund luftës.

Propozimi i Putinit për bisedime të drejtpërdrejta vjen pasi të dyja palët kanë akuzuar njëra-tjetrën për shkeljen e një “armëpushimi të Pashkëve” 30 orësh të shpallur nga Putin të shtunën, i cili tani ka skaduar.

Mijëra trupa amerikane dhe filipinase kanë nisur stërvitjet e përbashkëta ushtarake që simulojnë mbrojtjen e arkipelagut aziatik, duke përfshirë një pushtim të imituar të ishullit, në një stërvitje në shkallë të gjerë që ka tërhequr kritika të ashpra nga Kina.

Stërvitjet vjetore Balikatan (“sup më sup”), të cilat do të zgjasin deri më 9 maj, përfshijnë rreth 9,000 personel ushtarak amerikan dhe 5,000 filipinas.

Forcat australiane janë bashkuar gjithashtu dhe Japonia dhe vendet e tjera kanë dërguar vëzhgues.

Udhëheqësit ushtarakë të SHBA-së dhe Filipineve e përshkruan stërvitjen e këtij viti si një “skenar beteje në shkallë të plotë”, duke shfaqur anije luftarake, avionë luftarakë dhe armatime me fuqi të lartë, duke përfshirë një sistem raketash kundër anijeve të marinës amerikane.

“Forca jonë e kombinuar…posedon një shkallë vdekjeprurëse për një forcë që zotëron një moral dhe shpirt të paepur luftëtari,” tha gjeneral-lejtnant i Trupave Detare të SHBA James Glynn në ceremoninë e hapjes në Manila.

Vladyslav Rudenko ishte 16-vjeçar kur u kap nga forcat ruse dhe u mbajt për nëntë muaj në kampet për fëmijë në Krimenë dhe Hersonin e pushtuar nga Rusia.

Për dallim nga 20.000 të rinj të tjerë ukrainas, Rudenko u shpëtua nga organizata joqeveritare “Save Ukraine” dhe u kthye në territorin e kontrolluar nga Ukraina pas nëntë muajsh në robëri.

Presidenti i Ukrainës, Volodymyr Zelensky, dhe zyrtarë të tjerë ukrainas, thonë në qendër të vëmendjes së tyre tani është fati i atyre mijëra fëmijëve, shumë prej të cilëve mbesin në zonat e pushtuara nga Rusia, në ato që Moska i quan “qendra rehabilitimi”.

“Ky krim duhet të hetohet plotësisht dhe përgjegjësit duhet të japin llogari”, tha ministri i Jashtëm i Ukrainës, Andriy Sybiha gjatë fundjavës, si pjesë e nisjes së fushatës #ChildrenAreNonNegotiable.

“Paqja e drejtë dhe e qëndrueshme kërkon kthimin në shtëpi të të gjithë këtyre fëmijëve ukrainas”, shtoi ai.

Presidenti i Shteteve të Bashkuara, Donald Trump, e ka bërë përfundimin e konfliktit më të gjatë në Evropë që nga Lufta e Dytë Botërore ndër synimet kryesore të politikës së tij të jashtme prej se e mori detyrën tre muaj më parë.

Derisa bisedimet zhvilluar në lidhje me çështje të ndryshme dhe ndjeshme, çështja e riatdhesimit të të gjithë atyre që janë marrë nga Ukraina ka qenë ndër temat kryesore të negocimit nga zyrtarë ukrainas.

Zyrtarët ukrainas e kanë akuzuar Moskën për orkestrimin e atij që disa grupe e kanë quajtur “dëbim sistematik” të fëmijëve nga Ukraina drejt pjesëve të vendit të kontrolluara nga Rusia, apo edhe përtej, në Rusi dhe aleaten e saj, Bjellorusi.

Prova të mbledhura vitin e kaluar nga Shërbimi bjellorus dhe ai ukrainas i Radios Evropa e Lirë sugjeruan se kampet po përdoren për t’i mësuar të rinjtë ukrainas ta identifikojnë veten me koncepte që promovohen nga Moska dhe Minsku.

Kjo erdhi pas një studimi të nëntorit 2023 nga Laboratori i Kërkimeve Humanitare i Shkollës së Shëndetit Publik të Yale, i cili gjeti se udhëtimet e shoqëruara të nxënësve ukrainas në Bjellorusi po koordinoheshin nga Bjellorusia dhe Rusia si pjesë e të ashtuquajturit Shtet i Bashkuar mes dy vendeve.

Presidenti i SHBA-së, Donald Trump ka konfirmuar shkuarjen e tij në Romë për funeralin e Papa Françeskut.

“Melania dhe unë do të shkojmë në funeralin e Papa Françeskut, në Romë. Mezi presim të jemi atje!” ka shkruar ai në rrjetin e tij social “Truth”.

New York Post shkroi më herët, duke cituar burime të njohura me orarin e presidentit amerikan, se Trump pritet të udhëtojë në Vatikan për të marrë pjesë në funeralin e Papës. Megjithatë, udhëheqësi amerikan nuk u tha gazetarëve nëse do të shkonte në Romë apo jo.

Papa Françesku vdiq më 21 prill në moshën 88-vjeçare. Ai mori drejtimin e Kishës Katolike si Papa i 266-të në vitin 2013, pas dorëheqjes së paraardhësit të tij Benediktit XVI (1927-2022).