Lajmet
Rama pas Samitit të BE-së: Progresi i Shqipërisë mori nota tepër pozitive
Published
1 year agoon
By
UBT newsAi tha se në takim u diskutua perspektiva e vendeve të Ballkanit Perëndimor në BE, ku theksoi se progresi i bërë nga Shqipëria u vlerësua me nota tepër pozitive.
“Në samit u diskutua perspektiva e vendeve tona në BE, u vu në pah progresi i bërë, u fol për procesin e normalizimit të marrëdhënieve mes Serbisë dhe Kosovës, për nevojën e linjëzimit të plotë të vendeve të Ballkanit Perëndimor me BE-në në aspektin e politikës së jashtme. Më vjen mirë të ndaj me ju faktin se vendet anëtare kanë një vlerësim shumë pozitiv për progresin e Shqipërisë”, tha Rama.
Ai nënvizoi gjithashtu se Komisioni Evropian foli me nota tepër pozitive dhe për punën e bërë nga ekipi shqiptar që po punon për hapjen e negociatave.
“Këto ditë do të organizojë dhe një takim falënderimi dhe motivimi për më tej të anëtarëve të kësaj skuadre. Në totalin e vetë, po të marrim negociatorët dhe kontribuuesit është rreth 1 mijë vetë, ku përfshihen jo vetëm institucionet e ekzekutivit por edhe shoqatat e pavarura. Një skuadër që ka bërë 777 prezantime në Bruksel dhe përfitoj nga rasti t’u përcjellë mirënjohjen për organizimin, përkushtimin, profesionalizmin duke lënë një mbresë të shkëlqyer. Këtë gjë e kam dëgjuar disa herë, por e dëgjova në mënyrë të veçantë dje në Bashkimin Evropian”, tha Rama.
Gjithashtu shefi i qeverisë shqiptare tha se prezantoi në samit revolucionin që Shqipëria do të bëjë në njehësimin e legjislacionit vendas me atë të BE përmes inteligjencës artificiale. Sipas tij kjo metodë do t’i shkurtojë Shqipërisë pesë vjet kohë në procesin e përgatitjes së dokumentacionit.
“Kemi fituar një respekt që se kemi pasur kurrë. Nuk e kam bërë kalkulimin aritmetik, por ndoshta të dy presidentët, Michel dhe Von Der Leyen e kanë vizituar rajonin më shumë se të gjithë paraardhësit e tyre të marrë së bashku. Kam informuar samitin për modelin tonë të ri inovativ, revolucionar me të cilin ne do të bëjmë ndërvendosjen e 3484 masave të organizmit ligjor të BE-së në legjislacionin tonë, të paktën duke qenë gati. Por kjo do të jetë dhe pjesë e strategjisë tonë për procesin. Duke bërë që të kemi gati malin e dokumentacionit, pesë vjet më shpejt se Kroacia, e cila mbahet mend për një performancë shumë serioze. Kroacisë për këtë proces teknik i mori 7 vjet, siç do të na merrte ne më shumë se 7 vjet”, tha Rama./EuronewsAlbania
Lajmet
Kurti viziton kompaninë e ujësjellësit “Prishtina”
Published
8 hours agoon
December 19, 2024By
UBTnewsKryeministri i vendit Albin Kurti dhe ministrja e Ekonomisë, Artane Rizvanolli kanë vizituar Kompaninë Rajonale të Ujësjellësit “Prishtina”. Pas takimit me kryeshefin ekzekutiv, Arsim Fetahu, është deklaruar vetëm ministrja Rizvanolli dhe Fetahu.
Ministrja e Ekonomisë, Artane Rizvanolli deklaroi se ndërmarrja ” KRU Prishtina” gjatë tri viteve të fundit ka pasur përmirësime.
“Nga humbja për tre nga katër vitet e fundit, në vitin 2022 ka pasur një fitim prej 300 mijë euro, ndërsa sivjet pritet që fitimi të tejkalojë 600 mijë euro“, tha Rizvanolli.
Pas vizitës këtu, kryeministri Kurti do të vizitojë edhe Ndërmarrjen Hidroekonomike “Ibër Lepenci”.
Lajmet
Bislimi: Synojmë ndërtimin e një administrate të përgjegjshme dhe transparente
Published
8 hours agoon
December 19, 2024By
UBTnewsZëvendëskryeministri i Kosovës, Besnik Bislimi ka paralajmëruar digjitalizimin e 100 shërbimeve të reja gjatë vitit 2025.
Bislimi, në prezantimin e Programin për parandalimin dhe zvogëlimin e barrës administrative 2025-2028, tha se reforma e administratës publike në Kosovë është hap thelbësor drejt modernizimit dhe përmirësimit të qëndrueshëm ekonomik.
Sipas tij, deri tani janë thjeshtësuar mbi 80 shërbime dhe kjo ka bërë që gjatë këtij viti të kursehen rreth 3.5 milionë euro.
“Synojmë që të digjitalizojmë mbi 100 shërbime të reja sipas metodologjisë së barrës administrative dhe të njëjtën kohë të punojnë edhe në thjeshtësimin e procedurave administrative të nivelit qendror dhe lokal. Është në finalizim edhe digjitalizimi i shërbimeve që kanë të bëjnë me auto shkollat, arkitektët, inxhinierët, nostrifikimin e diplomave, grante dhe subvencione në kulturë, në bujqësi si dhe për shërbimet që ofrojnë odat e shëndetësisë. Në të njëjtën kohë sistemi i rezidencës tatimore në Administratën Tatimore të Kosovës do të lansohet shumë shpejtë. Analizat dhe kalkulimet vjetore na tregojnë se thjeshtësimi dhe eliminimi i këtyre kërkesave dhe dokumenteve e procedurave në nivelin qendror dhe lokal ka arritur të kursej si qytetarëve ashtu edhe bizneseve diku 3.5 milionë euro”, tha ai.
Ai theksoi se ekzekutivi synon ndërtimin e një administrate të përgjegjshme, transparente dhe që ka aftësi të krijojë mjedis të favorshëm për qytetarët dhe bizneset.
“Reforma e Administratës Publike përbën hap thelbësor drejt modernizimit dhe përmirësimit të qëndrueshëm ekonomik. Ajo çka ne synojmë është ndërtimi i një administrate të përgjegjshme, transparente dhe që ka aftësi të krijojë mjedis të favorshëm si për qytetarët ashtu edhe për bizneset”, shtoi Bislimi.
Miratimin e këtij programi e mirëpriti edhe Johannes Madsen nga Zyra e Bashkimit Evropian në Kosovë.
“Janë disa hapa të reformave konkrete për të cilat është zotuar qeveria që t’i përfshijë në digjitalizim dhe me ulë barrën administrative. Është shumë mirë me pa përparimin që është bërë në reformën e administratës publike. Mirëpo ka edhe disa reforma që duhet ndërmarrë dhe këtu ne do përqendrohemi në ditët dhe muajve në vijim”, tha ai.
Ndërkaq, ambasadori gjerman në Kosovë, Jorn Rohde tha se ulja e barrës administrative do të ofrojë shërbime efikase për qytetarët dhe bizneset.
“Dua të nënvizoj që një pjesë e programit është barra administrative që ulet në komuna. Kjo është tash edhe pjesë e grantit të performacës së komunave. Komunat do të maten në këtë indikator duke filluar nga vitin tjetër. Kjo ka qenë e mundshme falë udhëheqjes së suaj zëvendëskryeministër dhe ekipit tuaj që kanë qenë kyç për arritjen e këtij përparimi”, theksoi Rohde.
Kurse, ambasadori i Zvicrës në Kosovë, Jurg Sprecher, tha se bashkëpunimi ndër vite me qeverinë e Kosovës ka sjell rezultate në uljen e barrës administrative në vend.
“Bashkë kemi punuar tash e tetë vjet për të reduktuar barrën administrative dhe reformuar inspektimet e bizneset. Kjo ndikohet drejtpërdrejtë në uljen e barrës administrative dhe procedurat administrative të lehtësuara”, deklaroi ambasadori zviceran.
Mes tjerash në këtë takim u tha se zvogëlimi i barrës administrative është shumë i rëndësishëm edhe për agjendën e reformës në kuadër të integrimit në Bashkimin Evropian.
Lajmet
Ndalohen tre persona të dyshuar për përpunimin dhe përgatitjen e substancave narkotike
Published
10 hours agoon
December 19, 2024By
UBTNewsProkuroria Themelore në Ferizaj, ka njoftuar se janë ndalur në kohëzgjatje prej 48 orësh tre persona të dyshuar, për veprën penale “Prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike”.
Sipas prokurorisë, dy nga ta shtetas të Sllovakisë ndërsa tjetri shtetas i Republikës së Kosovës, me vendbanim në qytetin e Ferizajt.
“Sipas Prokurorisë të njëjtit janë ndaluar për shkak të dyshimit se në një laborator të cilin e kanë ndërtuar në fshatin Sllakoc i Epërm-Komuna e Gjilanit, kanë bërë përpunimin dhe përgatitjen e substancave narkotike, andaj, me këto veprime të njëjtit dyshohen se kanë kryer veprën penale ‘Prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike”, thuhet në njoftimin e prokurorisë.
Prokuroria Themelore në Ferizaj, njofton se ndaj të dyshuarve në këtë rast brenda afatit ligjor, do të paraqesë kërkesë për caktimin e masës së paraburgimit në Gjykatën kompetente.
Lajmet
Edhe Kosova ndalon mandarinat nga Shqipëria, po bëhen teste laboratorike
Published
10 hours agoon
December 19, 2024By
UBTNewsAgjencia e Ushqimit dhe Veterinarisë tha se është duke e monitoruar situatën pasi Sistemi evropian i sigurisë ushqimore ka ngritur alarmin për mandarinat që vinë nga Shqipëria.
Agjencia e Ushqimit dhe Veterinarisë është duke e monitoruar situatën e njoftimeve të dërguara nga RASFF për vendet e tjera. Për gjetje të prezencës se pesticideve mbi nivelet e lejuara në produktin mandarina ( mandarina/ clemantina te fërkata), me orgjinë nga Shqipëria. AUV nga mbrëmë ka ngritur masat e nivelit të kontrollit për ngarkesat me llojin e produktit mandarinë”, njoftoi AUV.
Ky institucion tha se ka shtuar masat e kontrollit dhe do të merren mostra për testim. Në këtë mënyrë, sipas AUV-it, do të përcaktohet nëse kanë prezencë të pesticideve mbi nivelet e lejuara.
Ngarkesat, sipas njoftimit, janë ndaluar në pikë-kontrollet kufitare deri në rezultatet e analizave laboratorike.
“Përderisa Kosova nuk është e përfshirë në lajmërimet e RASFF, masën e vendosur e bëjmë me qellim të eliminimit të dyshimeve të ngritura. Synim kryesor të punës tonë, qe buron edhe nga mandati ligjor kemi mbrojtjen e shëndetit të qytetareve konsumator. Deri me tani nuk ka pasur asnjë element dyshues mbi ketë produkte. Jemi në kontakt me autoritete shqiptare në shkëmbim të informacioneve mbi secilën risi qe ndodh në gjetjet eventuale në produkte”, thuhet në njoftim.
Në javët e fundit, disa shtete si Italia, Kroacia e Republika Çeke i kanë kthyer ngarkesat nga Shqipëria në kufi
UBT dhe Sam Houston State University nënshkruajnë marrëveshje bashkëpunimi, nderohet Major Gjeneral David P. Glaser
Kurti viziton kompaninë e ujësjellësit “Prishtina”
Bislimi: Synojmë ndërtimin e një administrate të përgjegjshme dhe transparente
Dëmtimi i frikshëm i Donnarumma-s, humb ndeshjen me Lensin
Vizioni për qytetet e së ardhmes, Rektori Hajrizi prezanton “UBT Smart City” në Konferencën The Future 2030 të Nexus Albania
Kongresi i Tiranës, pararendësi i kuvendeve kundër copëtimit të Shqipërisë
Personat me këtë grup gjaku nuk duhet të pinë kafe
Putin thotë se Rusia është afër “qëllimit parësor” në Ukrainë
Ndalohen tre persona të dyshuar për përpunimin dhe përgatitjen e substancave narkotike
Të kërkuara
-
Bota2 months ago
Trump premton paqe në Liban nëse rikthehet në Shtëpinë e Bardhë
-
Bota2 months ago
Koreja e Veriut rrit frikën në botë, lëshon raketën e re balistike ndërkontinentale
-
Bota1 month ago
“Ethet” e kthimit të Trump! Takohen Macron e Starmer, zbardhet fokusi i diskutimeve
-
Kulturë3 months ago
Marigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman