Lajmet

Raketat mbi Tel Aviv, Netanyahu refuzon kërkesat e Hamasit

Published

on

Grupi militant palestinez Hamas tha të dielën se kishte lëshuar një breshëri raketash në Tel Aviv për herë të parë pas disa muajsh, ndërkohë që Izraeli ka mbledhur kabinetin e luftës.

Sirenat e sulmit ajror u dëgjuan në qytetin bregdetar të Mesdheut dhe në të gjithë Izraelin qendror sot pasdite për herë të parë qe nga janari, pasi Forcat e Mbrojtjes të Izraelit (IDF) thanë se ishin lëshuar tetë raketa nga zona e Rafahut.

Aftësia e grupit për të gjuajtur raketa dhe dron drejt territorit izraelit është zvogëluar në mënyrë të vazhdueshme gjatë tetë muajve të luftës.

Shumica e raketave u kapën, megjithëse kishte raportime se dy gra pësuan lëndime të lehta gjatë rrugës. Disa fluturime nga aeroporti Ben Gurion u vonuan ose u anuluan.

Në një deklaratë në kanalin Telegram, krahu ushtarak i Hamasit tha se raketat u lëshuan në përgjigje të “masakrave kundër civilëve”.

Ministri i Sigurisë Kombëtare Itamar Ben-Gvir, iu përgjigj sulmit me një postim në rrjetin X: “Rafah! Me fuqi të plotë!” Ndërsa Benny Gantz, një anëtar i kabinetit të luftës izraelite shtoi se IDF duhet të veprojë kudo që të jetë Hamasi, raporton Guardian.

Kryeministri izraelit Benjamin Netanyahu ka shprehur kundërshtim të fortë ndaj kërkesave të bëra nga Yahya Sinwar, lideri i Hamasit, në negociatat e vazhdueshme për lirimin e pengjeve.

“Ndërsa kryeministri Netanyahu herë pas here i dha ekipit negociator një mandat të gjerë për të liruar pengjet tanë, Sinwar vazhdon të kërkojë fundin e luftës, tërheqjen e IDF nga Rripi i Gazës dhe lënien e Hamasit të paprekur, në mënyrë që të mund të kryejë mizoritë e 7 tetorit pa pushim”, tha zyra e kryeministrit izraelit.

“Kryeministri Netanyahu e kundërshton fuqishëm këtë. Informatat nga ekipi negociator vetëm sa forcojnë pozicionin e Hamasit, dëmtojnë familjet dhe vonojnë lirimin e pengjeve tanë”.

Komentet e Netanyahu erdhën përpara takimit të kabinetit të luftës të së dielës, i cili aktualisht është duke u zhvilluar, sipas CNN.

Aktualitet

Nga inteligjenca artificiale te bujqësia: Hajrizi tregon pse UBT-ja është zgjedhja kryesore e studentëve

Published

on

Rektori i UBT-së, Prof. Dr. Edmond Hajrizi, ka thënë se arsyeja kryesore pse studentët zgjedhin të studiojnë në këtë institucion është qasja moderne dhe programet inovative që ofrohen.

Në një intervistë në FIVE të Dukagjinit, Hajrizi ka theksuar se UBT dallon nga universitetet e tjera për shkak të orientimit drejt së ardhmes dhe temave bashkëkohore, si Inteligjenca Artificiale.

Sipas tij, një element tjetër që i tërheq studentët është mënyra ndërmarrësore e funksionimit të UBT-së, e cila, duke qenë e vetëfinancuar, ka si obligim që çdo student të arrijë sukses.

“Mendoj që qasja e re, ne kemi programe të reja dhe moderne. Dhe janë programe të së ardhmes, nuk e kemi asnjë old fashion në program. Kjo është tema kryesore që asnjëherë nuk ke pas një tematik që ne e trajtojmë për të kaluarën, por flasim Inteligjencës Artificiale. Apo flasim sot për IA, po, cili është universiteti më i mirë në regjion për IA? Dihet. Ose po flet për zhvillim të qëndrueshëm, dihet kush tregon rolin. Po flet për mjekësi, dihet kush. Po flet për energji, bujqësi.

Domethënë thjesht jemi duke garuar për t’i ofruar ato kompetenca të cilat atij i duhen. Jemi shumë aktivë me qenë shumë të kujdesshëm në suksesin e tij. Se ne vetëfinancohemi, ne jemi një qasje ndërmarrësore, e kemi obligim atë me ngrit deri te suksesi. Ai e ndjen atë mbështetje. E ndjenë atë cilësi e infrastrukturë. E ndjenë atë ndërkombëtarizmin dhe vjen”, ka thënë Hajrizi.

Continue Reading

Lajmet

Xhaka në garë me Haalandin dhe yjet e tjerë për t’u zgjedhur lojtari i muajit në Premierligë

Published

on

Ylli kosovar Granit Xhaka po shfaq formë të jashtëzakonshme në edicionin e ri dhe mbetet në garë yjet e tjerë për t’u zgjedhur lojtari i muajit në Premierligë

Xhaka u transferua gjatë verës nga Bayer Leverkuseni në Sunderland dhe menjëherë prezenca e tij ka pasur impakt në ekipin anglez.

Krahas organizimit të lojës, duke kontribuuar si në aspektin defanziv, ashtu edhe në atë ofanziv, veterani i mesfushës ka kontribuuar edhe me asistime, duke qenë lojtari më i rëndësishëm i Sunderlandit deri tash në sezonin 2025/26.

Për këtë, Premierliga e ka përfshirë përfaqësuesin zviceran në mesin e kandidatëve për t’u zgjedhur futbollisti më i mirë i muajit shtator.

Përpos Xhakës, në garë janë edhe lojtarët tjerë që bënë paraqitje pozitive në muajin që shkoi si: Erling Haaland, Danchi Kamada, Yankuba Minteh, Robin Roefs e Martin Zubimendi./S.K/EO/

 

Continue Reading

Lajmet

Europa League sonte vjen me 18 lojë

Published

on

Xhiroja e dytë e Europa League do të luhet këtë të enjte, ku në programin zyrtar do të jenë 18 ndeshje interesante që do të zhvillohen.

Vëmendja kryesore do të jetë fokusuar në lojën AS Roma – Lille, që nis nga ora 18:45 minuta.

Ndeshjet tjera që do të luhen sonte janë si në tabelën vijuese:

/S.K/EO/

Continue Reading

Lajmet

Klubet basketbollistike dhe shifrat që përfituan nga Ligji i Sponsorizimit

Published

on

Ligji i Sponsorizimit konsiderohet se ligji që i ka sjellë shumë benefite klubeve sportive të cilat përmes këtij ligji kanë rritur financat e tyre duke hapur kështu rrugë për investime edhe dhe përforcime të skuadrave.

Drejtori Ekzekutiv ne Agjencinë e Sportit brenda Ministrisë së Sportit, Fidan Shatri ka publikuar shot shifra e klubeve të Superligës së Kosovës në basketboll që kanë përfituar më së shumti gjatë vitit 2025 nga Ligji i Sponsorizimit.

Klubi i basketbollit Ylli ka kaluar milionëshin, më saktësisht skuadra nga Suhareka për përfituar 1,109,500.

Në vendin e dytë është KB Trepça që ka arkëtuar 817,000 euro, e ndjekur nga KB Sigal Prishtina me 410,000 euro dhe KB Bashkimi me 386,000 euro./S.K/KP/

Continue Reading

Të kërkuara