Sport

Raiola flet për të ardhmen e Haaland

Raiola i cili përfaqëson sulmuesin 21-vjeçar, beson që vetëm ai dhe Haaland do të vendosin për të ardhmen e yllit të Dortmundit.

Published

3 years ago

December 9, 2021

Betim Gashi

Erling Haaland dhe Mino Raiola kanë qenë në bisedime të vazhdueshme për dy vite mbi të ardhmen e sulmuesit norvegjez, dhe tani kanë një ide të qartë për lëvizjen e tij të radhës.

Haaland iu bashkua Borussia Dortmundit nga Salzburgu në dhjetor të vitit 2019, pasi që skuadra gjermane pranoi të paguajë klauzolën e lirimit prej 20 milionë eurosh.

Që nga ajo kohë, Haaland ka shënuar plot 51 gola në Bundesligën gjermane, ku ka një mesatare prej një goli në çdo ndeshje.

Në fakt, që nga transferimi në Dortmund, Haaland është golashënuesi i dytë më i mirë në Top 5 ligat evropiane duke regjistruar 74 gola, 26 sosh më pak se Robert Lewandowski që ka plot 100 sosh.

Me shumë klube të interesuara në shërbimet e tij, Raiola i cili përfaqëson sulmuesin 21-vjeçar, beson që vetëm ai dhe Haaland do të vendosin për të ardhmen e yllit të Dortmundit në afatet e radhës së transferimeve.

“Ne kemi qenë duke e menduar të ardhmen e tij për dy vite me radhë. Kemi një ide të qartë se ku duhet të transferohet ai, dhe sigurisht që e shikojmë se çfarë ofrojnë të interesuarit. Me një lojtar si ky, ne jemi influencues në market, nuk do të influencohemi”, tha Raiola.

“Unë e kam ndryshuar afatin kalimtar të transferimeve, dhe sot ne agjentët kemi krijuar një lojë anash futbollit, afatin e transferimeve. Ditëve të sotme, çdo dy ditë ne flasim për futbollin, pesë ditët e tjera flasim për transferime”, shtoi agjenti i Haaland.

Që nga rikthimi prej lëndimit, Haaland ka shënuar katër gola në tre paraqitjet e tij të fundit me Borussia Dortmundin, përfshirë këtu edhe në derbin kundër Bayern Munichut.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.