Lajmet

Qytetarëve iu bëhet thirrje t’i përgjigjen procesit të regjistrimit të popullsisë

Shuma e ndarë për këtë projekt nga Qeveria është 12 milionë euro.

Published

3 years ago

on

Zëvendëskryeministri i Kosovës, Besnik Bislimi ka deklaruar se Qeveria e Kosovës është e gatshme t’i ofrojë të gjitha mjetet e nevojshme që vendi të ketë një regjistrim të saktë të popullsisë. Ai tha se shuma e ndarë për këtë projekt nga Qeveria është 12 milionë euro.

Në ditën e dytë të Javës së Regjistrimit të Popullsisë, Bislimi bëri thirrje të gjithë qytetarëve të Kosovës të regjistrohen. Sipas tij, sistemi statistikor do të ndihmojë në rritjen e saktësisë së shumë indikatorëve të rëndësishëm.

Zëvendëskryeministri i Kosovës tha po ashtu se të dhënat e popullsisë kanë nevojë të rifreskohen, derisa u shpreh i bindur se kjo do të ndikojë edhe për një politikbërje më të mirë.

Emilja Rexhepi, zëvendëskryeministre e Kosovës për çështje të Pakicave dhe të Drejtave të Njeriut, tha se organet qeveritare duhet të punojnë në edukimin e qytetarëve në mënyrë që regjistrimi të jetë i suksesshëm, derisa shtoi se të gjitha të dhënat do të përdoren vetëm për qëllimet e statistikës.

Sipas saj, duhet ndryshohet mentaliteti që qëllimi i regjistrimit shërben vetëm për politikë. Ajo tha se qëllimi është të ketë informata të sakta.

“Në shtetet e Ballkanit akoma në rend të parë ekziston mentaliteti se regjistrimi shërben vetëm për qëllime politike që të ndikohet përmes disa të dhënave të grupeve të caktuara, si qeveri dëshirojmë ta ndryshojmë këtë sepse dëshirojmë të marrim informata të sakta, regjistrimi duhet të jetë i suksesshëm për gjithë ne”, tha ajo.

Related Topics:
Continue Reading

Lajmet

Ambasada amerikane fton shtetasit e saj në Kosovë për një takim me Prattipatin

Published

2 hours ago

on

December 2, 2025

By

Ambasada amerikane në Prishtinë ka ftuar të gjithë shtetasit amerikanë që banojnë në Kosovë të marrin pjesë në një takim publik (Town Hall) të organizuar nga e ngarkuara me punë, Anu Prattipati.

Takimi do të mbahet të premten, më 12 dhjetor 2025, nga ora 14:00 deri në 15:00 në ambientet e Ambasadës,.

Për më shumë detaje dhe për t’u regjistruar, qytetarët mund të vizitojnë faqen zyrtare të ambasadës dhe të konfirmojnë pjesëmarrjen deri më 5 dhjetor 2025.

“Mesazh për qytetarët amerikanë që banojnë në Kosovë, të premten, më 12 dhjetor 2025, nga ora 14:00 deri në orën 15:00, qytetarët amerikanë ftohen të marrin pjesë në një takim publik në Ambasadën e SHBA-së, të organizuar nga e Ngarkuara me Punë Anu Prattipati”, shkruhet në njoftimin e ambasadës në Facebook.

Continue Reading

Lajmet

Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës

Published

3 hours ago

on

December 2, 2025

By

Ndonëse Asambleja Komunale e Prishtinës miratoi më 27 nëntor bartjen e buxhetit 2024 në 2025-tën, megjithatë kryetari i Komunës së Prishtinës, Përparim Rama thotë se këto mjete nuk janë bartur në buxhetin e Komunës.

“Më 27 nëntor, Asambleja Komunale e Prishtinës miratoi bartjen e mjeteve buxhetore nga viti 2024. ❗Sot, 2 dhjetor, mjetet ende nuk janë bartur nga Ministria e Financave në buxhetin e Komuna e Prishtinës!!!”, ka shkruar Rama.

Ndërkohë që edhe sot përfaqësuesit e “Trafikut Urban” dhe operatorëve privatë do të protestojnë për të kërkuar pagën e tyre.

KOMUNA E PRISHTINËS: MJETET FINANCIARE ENDE NUK JANË BARTUR NGA MINISTRIA E FINANCAVE

Komuna e Prishtinës thotë se ende nuk janë bartur mjetet financiare nga Ministria e Financave, ndonëse Asambleja Komunale e Prishtinës e kishte miratuar vendimin për bartjen e mjeteve buxhetore nga viti 2024 në 2025.

“Të nderuar qytetarë, ju njoftojmë se më 27 nëntor 2025, Asambleja Komunale e Prishtinës ka miratuar vendimin për bartjen e mjeteve buxhetore nga viti 2024. Megjithatë, deri sot, më 02 dhjetor 2025, mjetet financiare ende nuk janë bartur nga Ministria e Financave në buxhetin e Komunës së Prishtinës. Në momentin që mjetet alokohen në buxhetin e Komunës së Prishtinës, qytetarët do të informohen menjëherë përmes kanaleve zyrtare të komunikimit”, thuhet në njoftimin e Komunës./EO

Continue Reading

Lajmet

Dy persona goditen nga rryma në Gjilan, po ndërronin njehsorët

Published

3 hours ago

on

December 2, 2025

By

Dy persona janë goditur nga rryma të hënën në rrugën “Skënderbeu” në Gjilan, pasi ishin duke punuar në ndërrimin e njehsorëve.

Sipas raportit 24 orësh të Policisë thuhet se te dy viktimat kanë pësuar lëndime trupore me ç’rast edhe kanë pranuar tretman mjekësor.

Në vendin e ngjarjes kanë dalë njësitë përkatëse policore dhe inspektori i punës, ndërsa lidhur me rastin është njoftuar prokurori.

“Dy viktimat meshkuj kosovarë derisa kanë qenë duke punuar në ndërrimin e njehsorëve, janë goditur nga rryma. Si pasojë të njëjtit kanë pësuar lëndime trupore dhe kanë pranuar tretman mjekësor. Në vendin e ngjarjes kanë dalë njësitë përkatëse policore dhe inspektori i punës. Lidhur me rastin është njoftuar prokurori”, thuhet në raport.

Continue Reading

Lajmet

​Rrahmani në mesin e më të mirëve të vitit në Serie-A

Published

3 hours ago

on

December 2, 2025

By

Gran Galà del Calcio 2025 që u mbajt në Milano dhe solli listën e fituesve të sezonit 2024-25 në Serie A. Çmimi kryesor, ai i Lojtarit të Vitit, shkoi për mesfushorin e Napolit, Scott McTominay, i cili u vlerësua për sezonin e jashtëzakonshëm dhe rolin e tij në sukseset e klubit.

Formacioni ideal i vitit u dominua nga Interi dhe Napoli, që luftuan deri në fund për titull. Në listë u përfshinë emra si Denzel Dumfries, Amir Rrahmani, Alessandro Bastoni, Federico Dimarco, Nicolò Barella dhe Lautaro Martinez. Në këtë Top XI janë edhe dy lojtarë që tashmë kanë lënë Serie A: Tijjani Reijnders, që kaloi te Manchester City, dhe Mateo Retegui, i transferuar te Al-Qadsiah.

Antonio Conte u shpall Trajneri i Vitit, ndërsa Napoli mori çmimin e Klubit të Vitit, duke konfirmuar dominimin gjatë sezonit. Sulmuesi i Interit, Francesco Pio Esposito, fitoi çmimin Italian Golden Boy si talenti më i mirë i ri, ndërsa Nicolò Bertola nga Udinese u vlerësua për paraqitjet e tij në Serie B.

Çmimi “Goli i Vitit” shkoi për Alessandro Deiolën e Cagliarit për një supergol në fitoren 3-0 ndaj Venezias, një realizim që ishte nominuar edhe për çmimin FIFA Puskas.

Formacioni ideal i Serie A për vitin 2025 u përmbyll me: Svilar; Dumfries, Rrahmani, Bastoni, Dimarco; McTominay, Barella, Reijnders; Lautaro Martinez, Kean, Retegui./S.K/KP/

Continue Reading

Të kërkuara