Shëndeti

Qumësht me xhenxhefil, mburojë e fuqishme për organizmin

Publikuar

Qumështi me xhenxhefil është nga ato kura të cilat e mbrojnë organizmin nga shumë sëmundje që mund t’i kanosen atij në të njëjtën kohë. Xhenxhefili është përdorur si mburojë e organizmit prej mijëra vitesh.

Në bashkëpunim me qumështin, xhenxhefili përçon një pije që i ka gjithë të mirat.

Përfitimet e Qumështit Me Xhenxhefil
Qumështi me xhenxhefil ofron një sërë përfitimesh për organizmin. Ai e mban ngrohtë atë, sidomos gjatë dimrit dhe stinës së ftohtë. Për më tepër, kjo pije ndihmon njerëzit që kanë fytyrë të yndyrshme duke e mbajtur atë nën kontroll.

Mbron kundër të përzierave dhe të vjellave
Të përzierat në mëngjes shkaktohen shpesh kur prishen ekuilibrat e trupit dhe trurit. Qumështi me xhenxhefil e ndihmojnë trupin të jetë më i qetë dhe në ekuilibër. Qumështi me xhenxhefil është i dobishëm kundër të vjellave që vijnë në fazat e hershme të shtatzanisë.

Fyti i thatë
Fyti i thatë shkaktohet nga disa baktere që pushtojnë rrugët e frymëmarrjes. Në disa raste, fyti i thatë është një rezultat i të ftohurës, gripit e të tjerë. Duke konsumuar qumësht me xhenxhefil, fyti do të qetësohet shumë shpejt.

Mbrojtja e zemrës
Pirja e qumështit me xhenxhefil e mban zemrën të sigurt. Kjo pije ul kolesterolin e keq dhe shmang shfaqjen e sëmundjeve të zemrës ose goditjes së ishemisë.

Imuniteti
Qumështi me xhenxhefil rrit aftësitë mbrojtëse të sistemit imunitar që rrezikohet çdo ditë nga radikalet e lira. Këto të fundit e sulmojnë organizmin së jashtmi dhe së brendshmi duke shkaktuar një sërë sëmundjesh vdekjeprurëse siç është kanceri, ataku në zemër, apo veshkat. Çdo ushqim ose pije që përmban xhenxhefil, fuqizon sistemin imunitar dhe na mbron nga radikalet e lira.

Osteoporoza
Qumështi me xhenxhefil ngadalëson procesin e osteoporozës që nis në moshën 30-40 vjeçare.

Sistemi tretës
Qumështi me xhenxhefil është i dobishëm përshpejton tretjen dhe mbron njeriun nga konstipacioni. Kjo pije mund të konsumohet edhe për të përmirësuar përpjekjet tuaja për të humbur në peshë.

Rrugët e frymëmarrjes
Xhenxhefili është një nga ushqimet me efekt më pastrues për rrugët e frymëmarrjes. Nëse jeni prekur nga gripi apo e ftohura, duhet të konsumoni qumësht me xhenxhefil rregullisht. Kjo pije jo vetëm do të përcjellë ngrohtësi në organizëm por edhe do t’ju pajisë me ushqyesit e duhur për të mposhtur këto simptoma.

Si Të Përgatisni Qumështin Me Xhenxhefil
Për një filxhan çaji qumësht ju duhen dy feta xhenxhefil. Nëse dëshironi grijeni xhenxhefilin hollë dhe shtypeni fort deri sa të bëhet pluhur. Ziejeni qumështin dhe shtoni pak sheqer kaf. Pasi të ketë marrë valë, shtoni xhenxhefilin dhe ziejeni sërish për pak minuta. Kullojeni sipas dëshirës dhe konsumojeni të ngrohtë./AgroWeb

Vazhdo të lexosh

Lajmet

Frutat dhe perimet e pasura me hekur

Publikuar

nga

Sa herë që flasim për ushqime të pasura me hekur, produkti i parë që na vjen ndër mend është spinaqi. Por në këtë artikull do të mësoni frutat dhe perimet tjera si burime natyrale alternative të hekurit.

Kjo e fundit është një element i qelizave të kuqe të gjakut që i japin këtij të fundit ngjyrën e kuqe. Ajo është e nevojshme për të transportuar oksigjen dhe ujë nëpërmjet organeve tek i gjithë organizmi.

Pamjaftueshmëria e hemoglobinës do të thotë që gjaku nuk ka ndihmë për shpërndarjen e oksigjenit gjë që shkakton ndjesinë e lodhjes dhe rraskapitje tek njeriu.

Shenjat e mungesës së hekurit

1. Lodhje gjatë gjithë kohës
2. Zhvillim të pakët fizik dhe mendor tek fëmijët dhe ecuri jo e mirë në shkollë
3. Inflamacion në gjuhë
4. Probleme në temperaturën e trupit
5. Sistem të dobët imunitar

Frutat e pasura me hekur

1. Domatet e thara

A e dinit se 100 gramë domate të thara në diell përmbajnë deri në 9.1 mg hekur? Doza e rekomanduar ditore e hekurit për të rriturit është 18 miligram, ndërsa për fëmijët është 10 miligram.

Kjo do të thotë që domatet e thara në diell ofrojnë më shumë se 50% të dozës ditore të hekurit. Për fat të mirë vetë domatja në përgjithësi- e freskët apo edhe e gatuar- është një burim i pasur hekuri.

Megjithëse të gjithë i njohim si perime, domatet klasifikohen si frut botanikisht.

2. Kajsi të thara

Kajsitë e thara janë të shijshme dhe një burim i pasur hekuri dhe antioksidantësh që promovojnë bukuri, shëndet dhe vitalitet tek të rinjtë dhe të moshuarit.

Në 100 gramë kajsi të thara do të gjeni më shumë se 50 përqind të dozës ditore të hekurit.

Kajsitë e freskëta shuajnë etjen, por ato të thata janë mënyra më e mirë dhe më e lirë për t’i ofruar organizmit hekurin e nevojshëm gjatë gjithë vitit. Ato mund të ruhen për muaj të tërë.

Kajsitë janë të pasura me fibër, që do të thotë se sheqeri që ato përmbajnë çlirohet gradualisht në gjak dhe ndihmon në mbajtjen e një niveli të ekuilibruar të sheqerit në gjak.

3. Rrushi i thatë

Këto fruta të thata mund të duken të zakonshme, por në të vërtetë kanë më shumë hekur se shumica e frutave të tjerë. Në një gjysëm filxhani me rrush të thatë do të gjeni 1.6 miligramë hekur.

4. Hurmat e freskëta

Hurmat janë një frut i shkëlqyer për t’u shijuar. Kanë ngjyrë portokalli dhe shpesh ngjajnë me domatet sa i përket vlerave të tyre.

Hurmat janë shumë popullore në Shqipëri ku konsiderohen një frut i mirë falë antioksidantëve, vitaminës C, hekurit dhe ushqyesve të tjerë që përmbajnë.

5. Manat

Manat i gjejmë në tre ngjyra: të kuqe, të bardha dhe të zeza. Ato konsiderohen si super fruta të dobishme për diabetikët dhe jo vetëm.

Ato janë të pasura me hekur që i bën një zgjedhje të shkëlqyer për njerëzit që vuajnë nga anemia dhe ata që duan të rrisin nivelet e hemoglobinës. Në çdo 100 gramë mana do të gjeni 1.8 miligramë hekur.

6. Hurmat e Arabisë

Ato janë të ëmbla, plot energji dhe vlera ushqimore. Hurmat e Arabisë nuk kanë kolesterol dhe kanë pak yndyrna.

Janë tepër të rekomandueshme për femrat shtatzënë dhe për ato që janë në prag të lindjes sepse i japin asaj shumë forcë dhe qëndresë.

Hurmat e Arabisë janë një burim i çmuar hekuri që rrit nivelet e hemoglobinës në gjak. Në 250 gramë hurma arabie do të gjeni 3 miligramë hekur.

Mjekët sugjerojnë që njerëzit që vuajnë nga diabeti duhet të shmangin këto fruta të veçanta.

7. Boronicat

Në botë do të gjeni disa lloje boronicash, por më të zakonshmet janë ato që përdoren për përgatitjen e reçelit dhe marmelatës.

Këto fruta të vogla nuk duhen nënvlerësuar sepse janë të pasur me hekur. Në 100 gramë boronica ndodhen 1 miligram hekur.

8. Kumbullat e thata

Kumbullat e thara në mënyrë natyrale në diell ose ndryshe të “dehidratuara” kanë një ngjyrë të errët dhe lëkurë të rrudhosur. E megjitatë në 100 gramë kumbulla të thata gjenden 9% të dozës së rekomanduar ditore të hekurit.

9. Shega

Në shumë vende të botës, shega është fruti më i rekomanduar për të gjitha sëmundjet që kanë lidhje me gjakun, përfshirë aneminë ose pamjaftueshmërinë e hekurit.

Shega është një nga ushqimet më të lashta në botë. Ajo është e këshillueshme për të rritur pjellorinë tek njerëzit.

Disa prej përbërësve të shegës janë të dobishëm për zemrën dhe enët e gjakut.

Shega lufton depresionin dhe është një frut i rëndësishëm edhe nëse nuk vuani nga mungesa e hekurit.

10. Perimet e gjelbra

Perimet e gjelbra, lakërishtet dhe barishtet mbeten një zgjidhje e pazëvendësueshme për shtimin e niveleve të hekurit në organizëm. Mos i neglizhoni por përdorini sa më shpesh.

Vazhdo të lexosh

Shëndeti

Çfarë ndodh me trupin tuaj nëse flini 8 orë çdo ditë?

Publikuar

nga

Një studim tregon se nëse flini për tetë orë rregullisht nuk është me të vërtetë një luks, por më shumë një pjesë thelbësore e një rutine të shëndetshme.

Mungesa e orarit të gjumit mund të ndikojë seriozisht në shëndetin tuaj mendor, emocional dhe fizik. Le të shohim se çfarë ndodh nëse filloni t’i jepni përparësi gjumit.

Ne besojmë se është shumë e rëndësishme t’u kushtojmë vëmendje gjetjeve të ndryshme në lidhje me mirëqenien tonë dhe prandaj duam ta ndajmë me ju këtë informacion.

Do të mësoni gjëra të reja më shpejt

Fakti nëse bëni apo nuk bëni gjumë mjaftueshëm, ka një efekt në atë se sa mirë mund të përqendroheni në aftësi të reja dhe të mbani mend gjëra të reja.

Shkencëtarët zbuluan se ne përpunojmë informacione të reja ndërsa flemë. Me fjalë të tjera, mendja dhe trupi juaj janë më në formë në mëngjes pasi të keni bërë pushimin e duhur.

Dhe kjo vlen për çdo aftësi të re, nga studimi universitar deri tek luajtja e një sporti të ri.

Do të jeni më të vëmendshëm

Kur pushoni rregullisht aq sa duhet, përqendrimi dhe aftësitë tuaja për zgjidhjen e problemeve funksionojnë në nivelet e tyre optimale. Mund të mendoni më qartë dhe të merrni vendime më shpejt.

Ju do ta kontrolloni më lehtë peshën tuaj

Ky studim ka treguar se ndërsa jemi duke fjetur, ne gjenerojmë një hormon të quajtur leptinë, që i thotë trupit tonë se jemi të ngopur dhe se nuk kemi nevojë për më shumë ushqim. Kur nuk pushojmë sa duhet, ky hormon del jashtë ekuilibrit dhe fillojmë të kemi dëshira për ushqim.

Shëndeti juaj do të përmirësohet

Shkencëtarët zbuluan se një gjumë i mjaftueshëm jo vetëm që do të zvogëlojë nivelin tonë të stresit, por gjithashtu do të parandalojë rrezikun e presionit të lartë të gjakut dhe kolesterolit të lartë. Gjumi i pakët gjithashtu mund të çojë në të gjitha llojet e problemeve që lidhen me zemrën.

Ju mund të parandaloni zhvillimin e diabetit

Hulumtimet kanë zbuluar se gjumi bën një ndryshim të madh në rregullimin e sheqerit në gjak dhe ndjeshmërinë ndaj insulinës dhe si rezultat, parandalimin e diabetit të tipit 2.

Duket se faza “e thellë” e gjumit është veçanërisht e rëndësishme për këtë dhe nëse e shkurtoni kohën e gjumit, ka shumë të ngjarë që ta kaloni atë pjesë të rëndësishme.

Do të shëroheni nga ftohja më shpejt

A ndiheni të përgjumur kur jeni të sëmurë? Epo, me sa duket ka një arsye për këtë. Studimet kanë vërtetuar që trupi ynë shkon në gjendje gjumi për t’u rikuperuar. Kjo mënyrë e gjumit ndodh kur sistemi ynë imunitar është më i efektshëm për të luftuar bakteret.

Lëkura juaj do të duket më mirë

Lëkura jonë është një tregues shumë i mirë i shëndetit dhe mirëqenies sonë të përgjithshme. Ju mund të jeni në gjendje ta maskoni, por nuk mund ta mashtroni me të vërtetë.

Lëkura jonë është organi ynë më i madh dhe merr ekspozim të vazhdueshëm ndaj motit, dritës UV, pluhurit dhe diellit, dhe kur flemë, lëkura jonë riparohet vetë.

Do të jeni një shofer më i sigurt

Të gjithë e kemi ngarë makinën ndërsa kemi qenë shumë të lodhur, të paktën një herë. Dhe, ndërsa shpesh duket se nuk kemi zgjidhje, duhet të fillojmë ta bëjmë këtë zgjedhje një përparësi.

Ky studim tregoi se drejtuesit të cilëve u mungonte gjumi i mjaftueshëm, performonin më shumë si shoferë të prekur nga alkooli.

Ekuilibri juaj do të përmirësohet

Kur flini mjaftueshëm, koordinimi dhe ekuilibri juaj bëhet përmirësohen, duke parandaluar të gjitha llojet e dëmtimeve fizike dhe aksidenteve.

Vazhdo të lexosh

Shëndeti

Si ndikojnë temperaturat e nxehta tek tensioni i gjakut

Çfarë Ndodh Me Tensionin e Gjakut Në Stinën e Verës.

Publikuar

nga

Shkaktarët e tensionit të lartë të gjakut janë të lidhur fort me shumë faktorë të stilit të jetesës ku përfshihet ushqyerja dhe aktiviteti fizik. Megjithatë, ekspertët thonë se temperaturat mund të ndikojnë gjithashtu tek tensioni i gjakut.

Sipas tyre, moti i nxehtë dhe ekspozimi në diell për një kohë të gjatë mund të ulë tensionin e lartë të gjakut. Ata shpjegojnë se përgjithësisht, tensioni i gjakut është më i lartë në dimër dhe më i ulët në verë.

Çfarë Ndodh Me Tensionin e Gjakut Në Stinën e Verës

Temperaturat e larta në stinën e verës shkaktojnë zgjerimin e enëve të gjakut ndërkohë që vetë trupi përpiqet të ulë temperaturën e brendshme. Një gjë e tillë shkakton një rënie të nivelit të tensionit të gjakut. Në mot të ftohtë nga ana tjetër, enët e gjakut ngushtohen dhe tensioni është më i lartë. Përpos të tjerave, shtimi në peshë dhe mungesa e aktivitetit fizik në dimër rrit tensionin e gjakut, thonë ekspertët.

Si Ndikon Vapa Tek Shëndeti i Zemrës

Temperaturat e larta nxisin trupin të djersijë më shumë për të ruajtur temperaturën e brendshme. Kjo do të thotë që organizmi humbet më shumë lëngje se zakonisht dhe një gjë e tillë mund të shkaktojë një rënie të tensionit të gjakut. Një gjë e tillë shkakton vështirësi tek njerëzit që vuajnë nga zemra. Vapa e madhe mund të shkaktojë një barrë të rëndë tek zemra dhe qarkullimi i gjakut.

Zemra rreh më shpejt dhe punon më fort të pompojë gjak i cili duhet të qarkullojë sa më pranë sipërfaqes së lëkurës për të përshpejtuar djersitjen. Gjaku trashet më shumë verë dhe bashkë me ndryshimet në nivelin e kolesterolit, kthehen në faktorë të rrezikshëm për shëndetin e zemrës. Shoqata Amerikane e Zemrës thonë se ekspozimi i vazhdueshëm për dy ditë me rradhë në temperaturat përvëluese të verës mund të rrisë rrezikun e vdekjes së parakohshme si pasojë e një problemi me zemër./AgroWeb

6 sinjalet e trupit të cilat nuk duhet t’i injoroni kurrë

Angazhimet e përditshme dhe shqetësimet e shpeshta janë të tilla që të humbasin mendjen edhe në rastet kur bëhet fjalë për shëndetin. Dhimbjet e përsëritura të kokës anashkalohen duke pirë nga një paracetamol dhe dhimbjet e mesit i atribuohen ndryshimit të temperaturës. Ndoshta të paktë janë njerëzit që e kuptojnë nevojën urgjente për të shkuar tek mjeku në rast se keni dhimbje në kraharor, dobësi, marramendje apo humbje të shikimit.

Kur vjen puna tek simptomat, nuk është aq e lehtë të dallosh nëse bëhet fjalë për progresin normal të plakjes apo një sëmundjeje që mund të jetë serioze. Duke nënvizuar rëndësinë e të dëgjuarit të trupit, ju sjellim më poshtë 6 simptoma që nuk duhen injoruar në mënyrë absolute.

Rënia E Papritur Në Peshë

Nëse vëreni që po humbisni peshë krejt papritur edhe nëse nuk jeni duke u përpjekur për këtë gjë, atëherë natyrshëm duhet t’iu lindë dyshimi. Me kalimin e viteve, njeriu shton në peshë. Për pasojë, rënia e pashpjegueshme në peshë mund të tregojë një problem serioz. Kanceri për shembull, është një sëmundje që manifestohet me rënien në peshë. E njëjta gjë vlen edhe për tiroiden, SIDËN apo hepatitin C.

Nishanet Që Ndryshojnë Ngjyrë

Një nishan që ndryshon ngjyrë, formë apo madhësi nuk duhet injoruar kurrë. Asnjëherë! Secili prej nesh duhet të kontrollojë gjendjen e lëkurës nga koka tek këmbët një herë në vit. Kanceri i lëkurës është shumë i përhapur dhe njerëzit shpesh ‘flenë mbi dafina’ pavarësisht nishaneve.

Gjumi I Tepërt

Nëse flini më shumë se 9 orë në ditë, atëherë mund të jeni të prekur nga depresioni, inflamacioni kronik apo skleroza e shumëfishtë. Nëse ndiheni gjithmonë të lodhur, flini gjatë ditës dhe mbipeshë, atëherë gjumi i tepërt tregon praninë e narkolepsisë. Narkolepsia është një çrregullim i sistemit nervor qendror që shoqërohet edhe me haluçinacione.

Kolla E Vazhdueshme

Nëse kolla zgjat më shumë se dy muaj, atëherë duhet të kuptoni se ka diçka që nuk shkon në organizëm. Mund të jeni prekur nga azma apo nga një sëmundje e refluksit acidik.

Dhimbjet Abdominale Në Pjesën E Poshtme Të Anës Së Djathtë

Nëse këto dhimbje zgjasin për ditë të tëra apo janë shumë të forta atëherë duhet të shkoni tek mjeku. Këto dhimbje mund të tregojnë probleme me apendisitin që sigurisht nuk duhet injoruar në asnjë moment.

Dhimbjet Kronike

Dhimbjet që zgjasin mbi 12 javë konsiderohen kronike dhe vetëm mjeku mund të përcaktojë shkakun e saj. Nuk është normale që të të dhëmbë trupi çdo ditë, prandaj duhet të shkoni tek mjeku. Trupi di të flasë, mirë, qartë dhe shkoqur. Të takon ty ta dëgjosh dhe të jesh i vëmendshëm./AgroWeb

Vazhdo të lexosh

Shëndeti

Hojet e bletëve me vlerat më të mira për shëndetin

Mjalti më i mirë dhe më i shëndetshëm është ai që merret direkt nga hojet e bletës.

Publikuar

nga

Mjalti më i mirë dhe më i shëndetshëm është ai që merret direkt nga hojet e bletës A keni dëgjuar për ‘Nektarin e Perëndive’ ? Kështu quhej mjalti në lashtësi, jo vetëm për vlerat shëndetsore por edhe për shijen e ëmbël. Vet mjalti më i mirë dhe më i shëndetshëm është ai që merret direkt nga hojet e bletës.

Sipas ekspertëve bletët i krijojnë hojet vetë. Struktura e tyre gjashtëkëndore që për hir të së vërtetës është mahnitëse, krijohet me mjeshtëri nga dylli i bletës. Ky i fundit përmban acide yndyrore dhe substanca të tjera organike të rëndësishme. Mjalti që depozitohet në hoje është më i pastri dhe më i miri, ndërkohë që dylli përbërës i hojeve ka shumë vlera ushqimore dhe shëndetsore.

Kundër alergjive

Përtypja e qelizave prej dylli të hojeve gjatë stinës së alergjisë ndihmon kundër tështimave, rrjedhjes së hundëve dhe përlotjes së syve. Përtypja e copave të hojeve duhet bërë sa më gjatë që të jetë e mundur. 30 minuta më pas, simptomat e alergjive zhduken. Copëzat e hojeve mund të nisni t’i përtypni një ose dy javë përpara nisjes së stinës së alergjive që të parandaloni simptomat.

Kujdesi ndaj lëkurës

Hojet e mjaltit përmbajnë kalium, dhe është pikërisht falë tij që bakteret nuk mbijetojnë dot tek mjalti. Nëse mjalti merret direkt nga hojet dhe nuk blihet i përpunuar, atëherë bën një punë shumë të mirë kundër njollave të lëkurës. Ky produkt përdoret edhe për zbutjen e lëkurës, si maskë dhe për pastrimin e saj. Mjalti i marrë direkt nga hojet është efikas kundër disa infeksioneve të lëkurës.

Kundër kolesterolit

Acidet yndyrore dhe përbërësit organikë të hojeve të bletës kanë shumë përfitime për zemrën. Ato munden të ulin në mënyrë të ndjeshme kolesterolin e keq dhe të rrisin nivelin e kolesterolit të mirë. Të dhënat shkencore kanë treguar se acidet yndyrore tek hojet dhe substancat e tjera ulin nivelin e proteinave që transportojnë yndyrnat në gjak me 21 ose 29 përqind.

Në mbrojtje të mëlçisë

Substancat organike tek hojet kanë të njëjtin ndikim si antioksidantët dhe mbrojnë mëlçinë. Shkencëtarët kryen një studim mbi rolin e substancave në fjalë kundër dhjamosjes së mëlçisë. Pjesëmarrësit në studim konsumuan preparate me bazë alkoli nga hojet për 24 javë. Në fund të studimit, shkencëtarët zbuluan se solucioni i përdorur kishte ndihmuar në normalizimin e funksioneve të mëlçisë dhe përmirësimin e simptomave të dhjamosjes së saj.

Enzimat dhe vitaminat

Mjalti që vjen direkt nga hojet përmban të gjitha amino acidet kryesore dhe vitaminat B, C, D dhe E. Ky mjaltë përmban edhe një sërë enzimash thelbësore dhe shumë të rëndësishme.

Kundër yndyrnave

Ka një perceptim të gabuar për mjaltin dhe hojet, të cilat besohet se të shëndoshin. Në të vërtetë, mjalti ashtu si edhe hojet ndihmon njerëzit të bien në peshë duke qenë se përmirëson metabolizmin dhe lufton yndyrnat.

Më shumë energji

Mjalti i papërpunuar dhe direkt nga hojet ka një rol të rëndësishëm në organizëm sepse është antibiotik natyral. Ai pastron enët e gjakut dhe përmirëson tretjen. Mjalti mund t’i japë njeriut energji të menjëhershme. Të njëjtat vlera mund të merren shumëfish nëse përtypni dy lugë me hoje bletësh.

Në kushtet e shtëpisë

Mjalti është përdorur prej shumë kohësh kundër infeksioneve të këmbës, dhimbjeve të artritit, mykut, fytit të lënduar, pagjumësisë, djegieve, çarjeve të lëkurës dhe përdorimit të tepërt të alkolit./AgroWeb

Vazhdo të lexosh

Të kërkuara