Lajmet nga UBT

Qindra vende të reja të punës do të gjenerohen në fushën e AI-së përmes bashkëpunimit të UBT-së me XponentL Data

Rektori i UBT-së, Prof. Dr. Edmond Hajrizi është shprehur se ky është një hap i rëndësishëm për të krijuar mundësi të reja për studentët dhe të rinjtë e Kosovës, të cilët të ardhmen e shohin nga kjo fushë.

Publikuar

Studentët e UBT-së dhe ata që kanë njohuri në fushën e inteligjencës artificiale dhe machine learning, do të kenë mundësi të reja për t’u zhvilluar profesionalisht dhe për t’u ngritur në karrierën e tyre, përmes bashkëpunimit në mes UBT-së dhe kompanisë amerikane XponentL Data.

Mbi 500 vende të reja të punës priten të gjenerohen nga ky bashkëpunim, të cilin e kanë mirëpritur përfaqësuesit e të dyja institucioneve, UBT-së dhe XponentL Data.

Rektori i UBT-së, Prof. Dr. Edmond Hajrizi është shprehur se ky është një hap i rëndësishëm për të krijuar mundësi të reja për studentët dhe të rinjtë e Kosovës, të cilët të ardhmen e shohin nga kjo fushë.

“Ata të rinj të cilët duan të studiojnë rreth inteligjencës artificiale dhe në përgjithësi rreth teknologjisë informative, do të kenë mundësi të bëhen pjesë e një tregu global. Kjo arrihet falë bashkëpunimit tonë me kompaninë amerikane XponentL Data, të cilët janë të gatshëm të ndihmojnë dhe të angazhohen fuqishëm në këtë aspekt”, ka thënë Rektori Hajrizi.

Përveç këtij bashkëpunimi, UBT është duke ndërtuar partneritete të reja me industri të ndryshme vendore dhe ndërkombëtare, duke hapur vende të reja të punës dhe duke iu mundësuar të rinjve të punojnë dhe të angazhohen në Kosovë.

Lajmet nga UBT

Studio në UBT dhe siguro bursë nga Fondacioni UBT – Jim Xhema

Publikuar

nga

Fondacioni UBT Jim Xhema siguron mbështetje financiare për të rinjtë që aplikojnë për të studiuar në nivelin Bachelor dhe Master në UBT, duke ofruar përkrahje për të rinjtë nga mbarë trojet shqiptare në zhvillimin e talentit të tyre dhe për një edukim sa më cilësor.

Fondacioni synon të ofrojë mbështetje të plotë për rininë, duke tejkaluar kufijtë gjeografikë dhe përfshirë rajone të ndryshme me komunitete shqiptare.

Përkushtimi i Jim Xhemës dhe UBT-së tregon objektivin kryesor të fondacionit për të ndihmuar në zhvillimin e talenteve të reja, duke u mundësuar atyre të shfrytëzojnë potencialin e tyre dhe të kontribuojnë në mënyrë domethënëse në komunitetet e tyre dhe më gjerë.

APLIKO PËR BURSË

Vazhdo të lexosh

Lajmet nga UBT

Poliklinika Stomatologjike në UBT ka realizuar me sukses dy operacionet e radhës

Publikuar

nga

Poliklinika Stomatologjike në UBT, në kuadër të Fakultetit të Stomatologjisë, dhe në veçanti Katedra e Parodontologji me Mjekësi Orale, ka realizuar me sukses operacionet e radhës “Op. me llambo – kiretazh e xhepave parodontal”, si dhe “frenectomia labi inferior me laser të indëve të buta”.

Operacionet u kryen me udhëheqjen e profesorëve dhe asistentëve specialistë në Parodontologji me Mjekësi Orale, duke përfshirë asistencën e studentëve të vitit të gjashtë të degës së Stomatologjisë.

Tani, të gjitha shërbimet operative, të cilat kryhen në një sallë të pajisur me pajisje të sofistikuara, janë në dispozicion të pacientëve nën monitorimin dhe mbikëqyrjen e profesorëve dhe asistentëve nga Katedra e Parodontoligjisë me Mjekësi Orale.

Vazhdo të lexosh

Lajmet nga UBT

UBT vazhdon rritjen e partneriteteve akademike e shkencore: Nënshkruan marrëveshje bashkëpunimi me Universitetin “KirikKale” nga Turqia

Publikuar

nga

Rektori i UBT-së, Prof. Dr. Edmond Hajrizi, ka nënshkruar një marrëveshje bashkëpunimi me Universitetin “KirikKale” nga Turqia. Kjo marrëveshje është nënshkruar si rezultat i gatishmërisë së dy palëve për projekte të përbashkëta kërkimore e akademike, si dhe gatishmërisë së të dy institucioneve për shkëmbimin e përvojave të tyre më të mira shkencore dhe teknologjike.

Kjo marrëveshje u ka hapur rrugë stafit dhe studentëve të të dyja universiteteve të jenë pjesë e programeve të shkëmbimeve, duke krijuar kështu mundësi të reja për zhvillimin e tyre akademik, profesional dhe kulturor.

Rektori Hajrizi ka theksuar rëndësinë e shkëmbimeve ndërkombëtare për pasurimin e përvojës së studentëve dhe për përmirësimin e cilësisë së arsimit në të dy institucionet. Ai nënvizoi se marrëveshja do të sjellë përfitime të ndërsjella, duke hapur rrugë për projekte të përbashkëta kërkimore, forume dhe konferenca.

Universiteti “KirikKale” është i njohur për infrastrukturën e avancuar kërkimore, sidomos në shkencat sociale dhe ato mjekësore. Ky bashkëpunim pritet të forcojë lidhjet akademike midis Kosovës dhe Turqisë, duke kontribuar në zhvillimin e arsimit të lartë në të dy vendet.

Vazhdo të lexosh

Lajmet nga UBT

Maturantë të shumtë nga e gjithë Kosova vizituan Qytetin e Mençur të UBT-së

Publikuar

nga

Maturantë të shumtë nga e gjithë Kosova u bënë bashkë sot në Qytetin e Mençur të UBT-së në Lipjan, në kuadër të ditëve të Programit Përgatitor të Maturës 2024.

Mbi 10 mijë maturantë po trajnohen nga ekspertë të fushave të ndryshme në UBT, me qëllim që të përgatiten sa më mirë dhe të arrijnë rezultate të larta në testin e maturës.

Vazhdo të lexosh

Të kërkuara