

Aktualitet
QIKA për motivin e vrasjes së 18-vjeçares: Po arsyetohet burri, nuk ka justifikim për vrasjen e grave
Published
4 years agoon
By
UBT newsQendra për Informim, Kritikë dhe Aksion (QIKA) ka reaguar edhe njëherë për vrasjen makabre të 18-vjeçares në Ferizaj, e cila të dielën u dërgua dhe u la e vdekur në emergjencën e këtij qyteti, raporton Gazeta Express.
Nga kjo organizatë kanë ritheksuar se s’ka asgjë që e arsyeton vrasjen e grave. Aty theksohet kritika ndaj atyre që kanë tendencë për ta relativizuar krimin, duke kërkuar motivin që çoi deri te kjo
“Sa herë një burrë vranë një grua, ekziston tendenca për të kërkuar motivin që çoi të vrasja. Thua se nuk mjafton fakti që dikush i morri jetën tjetrit në mënyrë mizore. Kërkohet të gjendet një arsye – e tillë që ta arsyetojë burrin. Shpesh përdoret xhelozia si justifikim e legjitimim për vrasjen e gruas”, thuhet në reagimin e QIKA-s.
Komunikata e lëshuar dje nga Gjykata Themelore në Ferizaj lidhur me vrasjen e Marigonës ku thuhet se ekziston dyshimi i bazuar mirë se i pandehuri Dardan Krivaqa ka vrarë në mënyrë mizore me motive të ulëta xhelozie Marigonën, për shkak të dyshimit të “tradhëtisë me djalin e dajës të të pandehurit”, nga QIKA cilësohet si jashtëzakonisht problematike.
“Komunikata ka ardhur menjëherë pas mbajtjes së seancës për shqyrtimin e kërkesës për caktimin e paraburgimit, gjatë së cilës nuk është i domosdoshëm konstatimi i dyshimit të bazuar për motivin e kryerjes së veprës penale. Konsiderojmë që ndonëse konstatimi i gjykatës në këtë rast mund mos paraqesë shkelje ligjore, një deklaratë e tillë nga gjykata përcjellë mesazh të gabuar dhe përmbanë informata krejtësisht të parëndësishme për publikun në këtë fazë të gjykimit. Është obligim i secilit institucion publik, në këtë rast i gjykatës, që të jetë e vetëdijshme për rolin dhe ndikimin e saj në kontekstin ku vepron, posaçërisht duke pasë parasysh vëmendjen publike për këtë rast dhe fenomenin e gjithpranishëm të dhunës me baza gjinore në Kosovë”, thuhet në reagim.
Reagimi i plotë:
Nuk ka justifikim për vrasjen e grave!
Sa herë një burrë vranë një grua, ekziston tendenca për të kërkuar motivin që çoi të vrasja. Thua se nuk mjafton fakti që dikush i morri jetën tjetrit në mënyrë mizore. Kërkohet të gjendet një arsye – e tillë që ta arsyetojë burrin. Shpesh përdoret xhelozia si justifikim e legjitimim për vrasjen e gruas.
Komunikata e lëshuar dje nga Gjykata Themelore në Ferizaj lidhur me vrasjen e Marigonës ku thuhet se ekziston dyshimi i bazuar mirë se i pandehuri Dardan Krivaqa ka vrarë në mënyrë mizore me motive të ulëta xhelozie Marigonën, për shkak të dyshimit të “tradhëtisë me djalin e dajës të të pandehurit” është jashtëzakonisht problematike si qasje. Komunikata ka ardhur menjëherë pas mbajtjes së seancës për shqyrtimin e kërkesës për caktimin e paraburgimit, gjatë së cilës nuk është i domosdoshëm konstatimi i dyshimit të bazuar për motivin e kryerjes së veprës penale. Konsiderojmë që ndonëse konstatimi i gjykatës në këtë rast mund mos paraqesë shkelje ligjore, një deklaratë e tillë nga gjykata përcjellë mesazh të gabuar dhe përmbanë informata krejtësisht të parëndësishme për publikun në këtë fazë të gjykimit. Është obligim i secilit institucion publik, në këtë rast i gjykatës, që të jetë e vetëdijshme për rolin dhe ndikimin e saj në kontekstin ku vepron, posaçërisht duke pasë parasysh vëmendjen publike për këtë rast dhe fenomenin e gjithpranishëm të dhunës me baza gjinore në Kosovë.
Në një shoqëri ku burri konsiderohet personi që ruan dhe mirëmban moralin e familjes, deklaratat e tilla të një institucioni veç sa e thellojnë mendimin se xhelozia qenka justifikim për dhunën dhe vrasjen.
Përdorimi i xhelozisë si justifikim për dhunën e paraqet abuzuesin si viktimë të “dashurisë pasionante me emocione të pakontrollueshme” andaj edhe ka tendencë të arsyetohet/mirëkuptohet, ndërkohë dhuna e ushtruar ndaj grave që në fakt janë viktima ka rrezik të shihet si diçka e merituar. Kjo normalizon më tej dhunën si pjesë përbërëse e raporteve familjare e shoqërore dhe përforcon normën që burri ka në pronësi dhe kontroll trupin dhe jetën e gruas.
Ftojmë institucionet përgjegjëse që të merren seriozisht me rastin. Nuk guxojmë të lejojmë një qasje e tillë e gabuar me ose pa dashje të ndikojë në legjitimimin e vrasjeve të grave. Në anën tjetër, ju bëjmë thirrje mediave që të raportojnë drejt për rastin në fjalë, është shqetësuese që “dyshimet për tradhëti” ishin titujt qendror gjatë ditës së djeshme.
Vrasjet nuk justifikohen!
Vendi
Digjet një autobus në Duhël të Suharekës, nuk ka të lënduar
Published
2 hours agoon
October 6, 2025By
UBT News
Një autobus nën rrethana të pasqaruara ka marrë flakë ditën e djeshme gjatë lëvizjes në Duhël të Suharekës.
Shaqir Bytyqi, zëdhënës i policisë në Prizren, ka konfirmuar, se rasti ka ndodhur rreth orës 16:16 dhe se njësitet e policisë dhe zjarrfikësit kanë dalë menjëherë në vendngjarje.
“Zjarri është lokalizuar dhe shuar me sukses. Sipas të dhënave fillestare, si pasojë e zjarrit janë shkaktuar dëme materiale, ndërsa persona të lënduar nuk ka”, tha ai.
Rasti është duke u hetuar nga njësitë përkatëse policore për të përcaktuar shkaqet./S.K/KP/
Aktualitet
Mot me shi e borë, ja parashikimi për ditën e hënë
Published
3 hours agoon
October 6, 2025By
UBT News
Gjatë kësaj jave, vendi ynë do të ndikohet nga masa ajrore të paqëndrueshme me origjinë perëndimore dhe veriperëndimore, të cilat do të kushtëzojnë mot të ndryshueshëm dhe me reshje.
Siç njofton, Instituti Hidrometeorologjik i Kosovës, në zonat e ulëta pritet shi me intensitet mesatar deri në të lartë, ndërsa në viset e larta malore reshjet do të jenë të përziera – shi dhe borë, veçanërisht në lartësitë mbi 1 mijë e 500 metra mbi nivelin e detit.
Sot moti do të jetë kryesisht i vranët dhe me riga shiu, temperaturat minimale sillen nga 5-7°C.
Kurse, ato maksimalet pritet të jenë nga 8 deri në 11°C. /A.Z/UBT News/
Aktualitet
Rënie të temperaturave, ja parashikimi i motit
Published
1 day agoon
October 5, 2025By
UBT News
Fillimi i tetorit ka shënuar një rënie të ndjeshme të temperaturave, ndërsa në disa vende të Kosovës kanë pasur edhe reshje bore.
Sot mbi vendin tonë do të mbajë mot pjesërisht i vranët e me mundësi të reshjeve.
Temperaturat e ditës do të luhaten nga 1°C deri në 5°C, ndërsa ato të natës mund të zbresin deri në -1°C.
Moti me shi dhe reshje bore do të vazhdojë deri javën e ardhshme, ndërsa më pas pritet një rritje e temperaturave. /A.Z/UBT News/
Rajoni
Rektori Hajrizi: Studentët e UBT-së, të gatshëm për tregun global të punës
Published
2 days agoon
October 4, 2025By
Driton Iseni
UBT ka dëshmuar se është institucioni lider në arsim, shkencë dhe inovacion në Kosovë e rajon, duke nxjerrë kuadro profesionale që sot kontribuojnë në kompani e industri të nivelit botëror. Në një intervistë në FIVE të Dukagjinit, Rektori i UBT-së, Prof. Dr. Edmond Hajrizi, thekson se përmes programeve moderne dhe industrive të krijuara brenda institucionit, studentët përgatiten jo vetëm për tregun e punës vendor, por edhe për atë global.
“Ne prodhojmë 400 arkitektë në vit, dhe nuk është se ka aq kompani vendore për t’i absorbuar. Ata punojnë për kompani globale. Po ashtu, ne përgatisim 1.000 programerë çdo vit, dhe kërkesa nuk është vetëm në Kosovë. Janë të mjaftueshme për tregun vendor, por ka kërkesa edhe në nivel botëror”, tha Rektori Hajrizi.
Ai nënvizoi se UBT ka arritur të harmonizojë kërkesat e tregut të punës me programet akademike, duke krijuar kushte që studentët të kenë qasje në teknologjitë më të reja, sikurse universitetet dhe industritë më të zhvilluara të botës.
“Studenti ynë ka mundësi të mësojë e të punojë me teknologjitë më të fundit, njësoj sikur studentët e universiteteve elitare në botë. Ne kemi krijuar edhe industri të brendshme, kompani ku studentët përjetojnë të gjithë ciklin organizativ të teknologjive dhe të kompanive moderne, në mënyrë që kur të dalin në treg të jenë të gatshëm menjëherë”, u shpreh Rektori.
Ai veçoi si shembull programet e arkitekturës dhe urbanizmit, ku studentët përgatiten me koncepte moderne të projektimit, por edhe fushën e “smart cities”, ku UBT është shembull ndërkombëtar për ndërtimin e qyteteve të mençura.
“Smart cities janë e ardhmja e qyteteve dhe e organizimit modern. Ne kemi treguar se edhe nga Kosova mund të ndërtohen modele të tilla të suksesshme. Nuk ka teknologji që e gjen në Amerikë, Gjermani apo Japoni, e që nuk mund ta hasësh edhe në UBT”, theksoi Hajrizi.
Duke folur për rolin e UBT-së në rajon, Rektori nënvizoi se institucioni ka qenë gjithmonë pararojë me programe unike dhe inovative, duke filluar që nga viti 2001 me menaxhimin inxhinierik, mekatronikën dhe më pas me teknologjitë e reja.
“Besoj se për Ballkanin gjithmonë kemi qenë një lloj lidershipi. Ne kemi qenë të parët që kemi hapur programe moderne, kemi krijuar qendra kërkimore dhe jemi pozicionuar ndërkombëtarisht, nga Londra, Vjena, deri në Finlandë. Ky është tregues se UBT është institucion proaktiv dhe inovativ në nivel global”, theksoi ai.
Në fund, Rektori Hajrizi potencoi se studentët e UBT-së nuk duhet të kenë kompleks inferioriteti, sepse tashmë kanë dëshmuar se janë të barabartë, madje shpesh më të mirë se bashkëmoshatarët e tyre në universitete ndërkombëtare.
“Shumë prej tyre sot punojnë në Zvicër, Gjermani, Amerikë, e më gjerë, duke kontribuar në zhvillime globale. Ky është konfirmim se UBT po udhëheq në Ballkan, duke prodhuar dije e kuadro të nivelit botëror”, përfundoi Rektori Hajrizi.

Vdes një person në një aksident në Kamenicë, arrestohet shoferi

Trump u dërgon mesazh palëve para bisedimeve Hamas-Izrael: Lëvizni shpejt

Erblina Luma promobon librin “Vajza e Diellit”, një udhëtim mes lindjes, vdekjes dhe ringjalljes

Plagoset një person në Prishtinë, i dyshuari në arrati

Një lugë sheqer më pak! Studimi që tregon se çaji mund të jetë po aq i shijshëm pa të

Rreth 30 aksidente trafiku për 24 orë në Kosovë

Koncerti i Robbie Williams në Stamboll anulohet “anë interes të sigurisë publike”

Përballja me Slloveninë, përzgjedhësi i Kosovës flet sot në konferencë për media

Llojet e mjaltit që forcojnë imunitetin dhe përmirësojnë shëndetin
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën