

Aktualitet
Rriten kërkesat e qeverive për largimin e përmbajtjeve të gazetarëve në Twitter
Published
4 years agoon
By
UBT newsKompania Twitter pa një rritje të kërkesave gjatë vitit të kaluar nga qeveritë në të gjithë botën për të hequr përmbajtje të postuara nga gazetarët dhe mediat, të dhënat që do të lëshohen për herë të parë nga platforma do të tregojnë.
Në raportin e tij të transparencës që do të botohet të mërkurën dhe një kopje që u pa nga Reuters, Twitter tha se llogaritë e verifikuara të 199 gazetarëve dhe mediave në platformën e saj globalisht ishin subjekt i 361 kërkesave ligjore nga qeveritë për të hequr përmbajtjen në gjysmën e dytë të vitit 2020 , një rritje prej 26% nga gjysma e parë e vitit.
Kompania nuk pranoi të sqaronte se cilat vende paraqisnin kërkesat, ose sa prej kërkesave ligjore që u përkisnin gazetarëve ose medias, janë përmbushur.
Detajet e reja në raportin dyvjeçar të Twitter mbi zbatimin e rregullave të politikave, informacionit dhe kërkesat për largim të disa përmbajtjeve që po merr Twitter dhe platforma tjera duke përfshirë Facebook dhe YouTube, janë në vëzhgim nga qeveritë përreth botës.
Të hënën, Kuba filloi të kufizonte hyrjen në Facebook dhe aplikacionet e mesazheve si Telegram pas protestave të përhapura anti-qeveritare. Muajin e kaluar, Nigeria ndaloi shërbimin e Twitter nga vendi dhe urdhëroi stacionet televizive dhe radio të mos përdorin platformën për të mbledhur informacion.
Twitter tha në raport India ishte tani burimi i vetëm më i madh i informacionit nga qeveritë gjatë gjysmës së dytë të vitit 2020, duke kaluar Shtetet e Bashkuara, e cila ishte e dyta në vëllimin e kërkesave.
Kompania tha në nivel global se ka marrë mbi 14,500 kërkesa për informacion midis 1 korrikut dhe 31 dhjetorit dhe i’u është përgjigjur rreth 30% të kërkesave.
Kërkesa të tilla për informacion mund të përfshijnë qeveri ose subjekte të tjera që kërkojnë identitetin e njerëzve që postojnë në Twitter nën pseudonime.
Twitter gjithashtu mori më shumë se 38,500 kërkesa ligjore për të marrë përmbajtje të ndryshme, e cila ishte poshtë 9% nga gjysma e parë e vitit 2020.
Twitter është përfshirë në disa konflikte me vendet rreth botës, më së shumti me Indinë rreth rregullave të reja të qeverisë që synojnë rregullimin e përmbajtjes në mediat sociale. Javën e kaluar, kompania tha se kishte punësuar një zyrtar të përkohshëm të pajtueshmërisë në Indi dhe do të emëronte drejtues të tjerë në mënyrë që të pajtoheshin me rregullat.
Kompanitë e mëdha të mediave sociale ishin së fundmi nën kritika këtë javë për abuzimin racist në platformat e tyre drejtuar lojtarëve me ngjyrë të ekipit të kombëtares së Anglisë.
(Përktheu dhe përshtati UBTNews)
Aktualitet
PZAP: Mbi 20 mijë euro gjoba për kandidatët e parti politike
Published
10 hours agoon
September 26, 2025By
UBT News
Mbi 20 mijë euro është shuma e gjobave që Paneli Zgjedhor për Ankesa dhe Parashtresa (PZAP) ka shqiptuar për disa kandidatë e subjekte politike gjatë fushatës për zgjedhjet lokale 2025.
PZAP në gjashtë vendime ka shqiptuar gjoba për shkak të shkeljeve të rregullave të fushatës zgjedhore, në mesin e tyre edhe për gjuhë nxitëse dhe të urrejtjes.
Fushata për zgjedhjet lokale tashmë është në ditën e trembëdhjetë dhe do të zgjasë 30 ditë.
Janë 206 kandidatë që po garojnë për udhëheqës të komunave, ndërkaq, janë më shumë se 5600 kandidatë që synojnë ulëse në kuvende komunale.
Vullnet Bugaqku nga Instituti Demokratik i Kosovës (KDI) flet për vendimet e deritanishme të PZAP-së dhe gjobat e shqiptuara deri më tani për kandidatë e subjekte politike.
“Deri më tani në këtë moment, me sa vërejta nga platforma e PZAP-së, diku janë rreth gjashtë vendime me gjobë që janë shqiptuar disa kandidatëve dhe subjekteve politike për shkak të shkeljes së rregullave të fushatës zgjedhore. Nga 17 raste që unë evidentova, gjashtë prej tyre janë të vendosura me gjobë. Me shtatë mijë euro gjobë për gjuhë nxitëse dhe urrejtëse më së shumti deri më tani po prin iniciativa qytetare ‘Skenderaj’ e Sokol Halilit, i njëjti është i dënuar në dy raste nga PZAP për shkak të përdorimit të gjuhës nxitëse dhe urrejtëse. Pastaj e dyta është Partia Demokratike e Kosovës, e njëjta për shkak të bërjes së fushatës në institucione publike apo edhe për gjuhë nxitëse. Në këtë radhë vjen Faton Peci, kandidati për Mitrovicë dhe është i dënuar me 2500 euro gjobë për shkak të bërjes së fushatës në hapësira publike dhe së fundmi është edhe LDK – kandidati për kryetar të Prishtinës, Përparim Rama i gjobitur me gjobë prej 2500 euro për shkak të bërjes së fushatës në institucione publike. Këto janë kategoria e gjobave deri më tani, në total prej 20 mijë e 500 euro gjobë ”, deklaron ai.
Në periudhën e njëjtë të fushatës për zgjedhje nacionale, Bugaqku thotë se ishin shqiptuar mbi 100 mijë euro gjobë.
“Për dallim prej zgjedhjeve parlamentare të datës 9 shkurt, vetëm në 10 ditët e para të atyre zgjedhjeve, PZAP pati shqiptuar diku mbi 100 mijë euro gjobë. Dhe numri i ankesave për gjuhë nxitëse dhe urrejtëse edhe më i madh se tani sa i përket aktualisht fazës së deritanishme. Diku në dy apo tri raste kemi dënimin mbi përdorimin e gjuhës nxitëse dhe urrejtëse, kurse në zgjedhjet parlamentare ju e dini që për 10 apo 12 ditë ka qenë numër i madh i vendimeve që i ka dënuar subjektet politike me gjoba tejet të larta sa i përket përdorimit të gjuhës nxitëse dhe urrejtëse”, shton ai.
Zgjedhjet e lokale në Kosovë mbahen me 12 tetor 2025./S.K/KP/
Aktualitet
Shkatërrohen sot armët e vogla dhe të lehta ilegale
Published
12 hours agoon
September 26, 2025By
UBT News
Policia e Kosovës sot organizon ceremoninë e shkatërrimit të armëve të vogla dhe të lehta ilegale.
Kjo ngjarje do të mbahet në ambientet e Metal 05 SH.P.K. në fshatin Prelez, magjistralja Prishtinë- Ferizaj, me fillim nga ora 09:30.
Në njoftimin e Policisë në Facebook, thuhet se në ceremoni do të marrin pjesë, Drejtori i Përgjithshëm i Policisë së Kosovës Kolonel Gazmend HOXHA, zt. Nuno QUEIRÓS, Përfaqësues i Përhershëm i UNDP-së në Kosovë, përfaqësues nga Zyra e BE-së në Kosovë, përfaqësues nga Ambasada gjermane, franceze, suedeze, britaneze, holandeze, norvegjeze si dhe zyrtarë të lartë të institucional.
“Ky aktivitet mbështetet nga Programi i Kombeve të Bashkuara për Zhvillim (UNDP) përmes Programit për Siguri dhe Siguri në Kosovë (KSSP), me mbështetje financiare nga Gjermania, Suedia, Mbretëria e Bashkuar, Franca, Holanda dhe Norvegjia, si dhe përmes Vendimit të Këshillit (PESK) 2024/3006 të datës 2 dhjetor 2024, në mbështetje të aktiviteteve të çarmatimit dhe kontrollit të armëve të SEESAC në Evropën Juglindore, me qëllim zvogëlimin e kërcënimit nga armët e vogla dhe armët e lehta (SALW) të paligjshme dhe municionit të tyre”, shkruhet në njoftim./S.K/EO/
Aktualitet
Sot do të dorëzohet padi në Prokurori kundër kryeparlamentarit Dimal Basha
Published
12 hours agoon
September 26, 2025By
UBT News
Sot do të dorëzohet kallëzim penal dhe padi në Prokurorinë Speciale, ndaj kryeparlamentarit të vendit, Dimal Basha.
Këtë do ta bëjë ish-ushtari i UÇK-së, Agim Pllashniku, përmes përfaqësuesit të tij ligjor, avokatit Gent Gjini.
Padia lidhet me pretendimet e Bashës për financimin e Ushtrisë Çlirimtare të Kosovës nga kartelët e drogës dhe për bashkautorësinë e tij për publikimin e këtyre pretendimeve në një revistë shkencore të një universiteti në ShBA.
Avokati Gent Gjini bëri të ditur se kallëzimi penal dhe padia do të dorëzohet në ora 13:20.
“Ditën e premte në Prokurorinë Speciale në ora 13:20 do të dorëzojmë kallëzimin penal dhe padinë ndaj Dimal Bashës për propagandën në përhapjen e fakteve jo të vërteta ndaj Ushtrisë Çlirimtare të Kosovës. UÇK-ja është financuar nga kartelët e drogës, e ku Dimal Basha këto pretendime i ka theksuar në një revistë shkencore në një universitet në SHBA, e po ashtu faktit se Dimal Basha ka bashkëpunuar me një autore dhe kanë përhapur fakte kundër UÇK-së, duke dhënë informata kësaj autore në publikimin e kësaj reviste kundër popullatës shqiptare. Andaj unë si avokat dhe një përfaqësues i UÇK-së të premten do të procedojmë kallëzimin penal, ku do të kërkojmë që gjatë hetimit të kësaj çështje të merret në tërësi revista e publikuar dhe do të kërkojmë nga Prokuroria Speciale që Dimal Bashës t’i ndalohet ushtrimi i pozitës së kryeparlamentarit, përderisa çështja të trajtohet dhe të hetohet nga Prokuroria Speciale. Universiteti amerikan do të na sigurojë revistën shkencore dhe do të shprehet vepra penale që ka kryer Dimal Basha”, tha Gjini./S.K/EO/

Sot në vendin tonë do të mbajë mot i vranët dhe me intervale të shkurta me diell.
Sipas Institutit Hidrometeorologjik të Kosovës, vranësirat parashihen të sjellin reshje shiu dhe shkarkime rrufesh.
Temperaturat minimale do të sillen mes 8 dhe 12 gradë Celsius, ndërsa ato maksimale mes 19 dhe 22 gradë Celsius.
Era do të fryjë e lehtë dhe lokalisht e fortë nga drejtimi i veriperëndimit./S.K/KP/

Gjykata spanjolle liron Dani Alves-in

Caktohet data, Pogba rikthehet në fushë

Aksident me fatalitet në Blagaj të Pejës

Legjenda e Barcelonës njofton pensionimin nga futbolli

Osmani takohet me presidentin e Senegalit

Arrestohet një i dyshuar për sulm seksual ndaj një të miture në Podujevë

Nis Superliga e Kosovës në futsall këtë fundjavë

Sean ‘Diddy’ Combs rikthehet në gjykatë për të kërkuar një gjykim të ri

18 nga librat më të mirë të vitit sipas gazetarëve të BBC
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26