Lajmet

Qeveria zotohet për parandalimin dhe zvogëlimin e barrës administrative për qytetarët dhe bizneset

Zëvendëskryeministri Bislimi tha po ashtu se programi do të ndikojë në kursimin financiar.

Published

4 years ago

on

Zëvendëskryeministri i Parë për Integrim Evropian, Zhvillim dhe Dialog, Besnik Bislimi, gjatë prezantimit dhe diskutimit të Programit për parandalimin dhe zvogëlimin e barrës administrative, theksoi se ky dokument strategjik, është gjithëpërfshirës dhe praktik, i cili pritet të sjellë rezultate të mirëpritura dhe të shpejta.

Zëvendëskryeministri Bislimi tha po ashtu se programi do të ndikojë në kursimin financiar ashtu edhe në kohë si për qytetarët ashtu edhe për bizneset.

“Programi për parandalimin dhe zvogëlimin e barrës administrative është dokument strategjik, gjithëpërfshirës dhe praktik, që besojmë të sjellë rezultate të mirëpritura dhe të shpejta. Programi definon parimet, prioritetet dhe metodologjinë e punës si dhe mjetet për zbatimin e saj. Po ashtu, bën qartë përgjegjësitë institucionale prej secilit prej nesh. Marrë parasysh ngarkimin jo adekuat administrativ ndaj qytetarëve dhe bizneseve, ngarkim ky i ndërtuar ndër vite përmes një qasje të fragmentuar në politik bërje, zbatimi i veprimeve të planifikuara në këtë program apo strategji do të ndikojnë në kursimin si financiar ashtu edhe në kohë si për qytetarët ashtu edhe bizneset. Do të kontribuojnë drejt një mjedisi më të mirë të të bërit biznes si dhe do të lehtësojë punën edhe të shërbyesve civilë në administratën tonë publike”, tha ai.

Në këtë diskutim të organizuar nga Zyra për Planifikim Strategjik, në kuadër të Zyrës së kryeministrit, Bisilimi tha se janë tri dokumente të rëndësishme për lehtësimin e marrjes së shërbimeve nga administrata.

“Paralel me programin që po diskutojmë sot, në diskutim publik kemi vënë edhe dy dokumente të tjera të rëndësishme, Strategjinë kombëtare për zhvillim 2030 dhe Strategjinë për reforma në administratën publike 2022-2026. Në fakt në kemi vendosur në diskutim publik edhe Strategjinë për energjinë, mirëpo këto tri dokumente janë të ndërlidhura me njëra-tjetrën në një pikë, e ajo ka të bëjë me lehtësimin e marrjes së shërbimeve nga ana e administratës publike. Prandaj, kërkoj të na ofroni sa më shumë komente dhe ide për këto tri dokumente të rëndësishme për qeverisjen tonë”, theksoi Bislimi.

Bislimi më tej tha se nga përgjegjësia e detyrës së tij si zëvendëskryeministër, ka garantuar vendosmërinë dhe angazhimin e Qeverisë për një reformë efektive të administratës publike për një zbatim sa më të mirë dhe në kohë të këtij programi.

Më tej plani i veprimit do të ketë kosto dhe buxhet që mundëson financim të qëndrueshëm nga ana e burimeve qeveritare, por edhe partnerëve zhvillimor.

Qeveria ka përgatitur edhe aplikimin për mbështetje buxhetore nga Bashkimi Evropian në kuadër të IPA 23, dhe pasi të përmbyllet negocimi me BE-në, qeveria synon të përftoj drejtpërdrejt në buxhetin e Kosovës një shumë të caktuar të fondeve financiare. Megjithatë përfitimi i këtyre fondeve kushtëzohet nga zbatimi i suksesshëm I këtij programi përkatësisht nga arritja e objektivave vjetore ët cilat do të përcaktohen gjatë negocimit me partnerët nga BE.

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

15 hours ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Lajmet

Nisin vlerësimet për masat e reja të Pakos 2.0, pagesat për sektorin privat javën e ardhshme

Published

16 hours ago

on

June 12, 2026

By

Ministri në detyrë i Financave, Hekuran Murati, ka bërë të ditur se komisionet vlerësuese kanë nisur shqyrtimin e aplikimeve për dy masat e mbetura të Pakos për Përballje me Inflacion 2.0, përkatësisht mbështetjen për punëtorët e sektorit privat dhe studentët.

Sipas Muratit, puna e komisionit për masën e sektorit privat është drejt përfundimit dhe pagesat pritet të ekzekutohen në fillim të javës së ardhshme, të hënën.

Ndërkaq, komisioni përgjegjës për masën e studentëve do ta përmbyllë procesin pas pranimit të konfirmimeve nga institucionet e arsimit të lartë për aplikuesit. Ai tha se qytetarët do të njoftohen me kohë sapo listat e përfituesve të jenë gati për ekzekutim.

“Qeveria për të gjithë!”, ka shkruar Murati në njoftimin e tij./A.K/

Continue Reading

Lajmet

Vizitë zyrtare e presidentit të Shqipërisë në Kosovë, priten masa të përkohshme në trafik

Published

18 hours ago

on

June 12, 2026

By

Presidenti i Republikës së Shqipërisë, Bajram Begaj, do të qëndrojë për një vizitë zyrtare në Kosovë më 12 qershor 2026, në orët e mbrëmjes.

Policia e Kosovës ka bërë të ditur se gjatë kësaj vizite do të angazhohet për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe aktiviteteve të delegacionit.

Për shkak të itinerarit të lëvizjes së eskortës nga pika kufitare në Vërmicë dhe aktiviteteve zyrtare gjatë ditës, pritet të ketë ndërprerje të përkohshme të qarkullimit në disa segmente rrugore, si dhe riorientim të trafikut në rrugë alternative në intervale të shkurtra kohore.

Policia e Kosovës ka kërkuar mirëkuptim nga qytetarët dhe pjesëmarrësit në trafik gjatë zhvillimit të vizitës./A.K/

Continue Reading

Lajmet

Nis edicioni i 8-të i “Mitrovica Guitar Days”

Published

18 hours ago

on

June 12, 2026

By

Ka nisur edicioni i tetë i festivalit “Mitrovica Guitar Days”, i cili po sjell në Mitrovicë artistë dhe kitaristë të njohur ndërkombëtarë, koncerte dhe aktivitete të ndryshme artistike që po e pasurojnë jetën kulturore të qytetit.

Festivali është hapur me një performancë nga artistja me renome botërore Carlotta Dalia, e cila ka sjellë një mbrëmje të veçantë me interpretime mbresëlënëse për publikun.

“Mitrovica Guitar Days” vazhdon të afirmohet si një prej festivaleve më të rëndësishme të kitarës në vend, duke krijuar hapësirë për shkëmbim artistik, zhvillim profesional dhe promovim të muzikës.

Ngjarja mbështetet nga Ministria e Kulturës përmes një financimi trevjeçar, me synim zhvillimin dhe qëndrueshmërinë afatgjatë të festivalit. Në koncertin hapës ka marrë pjesë edhe zëvendësministrja Nora Arapi-Krasniqi./A.K/

Continue Reading

Të kërkuara